07/06/2026
🇮🇷🇺🇸 Ubushikiranganji bw’imigenderanire nayandi makungu bwa Iran buvuga ko intambamyi ikomeye kuruta izindi mu gushika ku masezerano atari ikibazo c’ivy’ubuhinga bwa nucléaire canke amatungo ya Iran yafatiwe, ahubwo ari uko Amerika ihindagura kenshi ivyiyumviro vyayo.
Umuvugizi w’ubwo bushikiranganji, Esmaeil Baghaei, yavuze ko impande zombi ziguma zihanahana ubutumwa biciye ku bahuza bo muri Pakistan, ariko ko “amajambo avuguruzanya avugwa n’abategetsi batandukanye ba Amerika” ariko atuma ibiganiro bidashoboka gutera imbere neza.
Iran isaba ko amatungo yayo yafatiwe arekurwa kandi ko uburenganzira bwayo bwo gutunganya uranium ku ntumbero z’amahoro bwemerwa.
Bivugwa kandi ko United States iriko irategura gukoresha ayo mahera yafatiwe Iran mu kuriha ibihugu vyo mu Karere ka Golfe ku vyononekaye vyatewe n’ibikorwa vya Iran.
Mu buryo bwemewe, impande zombi ziracariko ziraganira, ariko mu vy’ukuri birasa n’aho ata ntambwe ifatika iriko iraterwa.
Inkomoko: CNN
Umwanditsi: Julie.
