17/05/2024
⏺️ Inzego nshasha zigiye gufata mu ntoke ikawa, zibwirizwa kwisunga ibi bintu 5
📃 Prezida Evariste Ndayishimiye aherutse kugena inzego nshasha z'ikigo Odeca, kijejwe ivy'ikawa. Léonard Kayobera yahora arirongoye, yasubiriwe na Jean de Dieu Niyindabira.
👌🏾Iryo genwa risa n'iryakwirikiranye n'ivyo umukuru w'igihugu yari yashikirije, ko hibonekeza ubunyonyezi bukorwa n'abafise mu ntoke ikawa.
Mu ntumbero yo kunagura igisata c'ikawa, ng'izi ingingo zitanu, umushikiranganji mu vyo ajejwe harimwo uburimyi yahaye bashasha bagiye kuramutswa ico kigo, hari ejo hahise hariko haba kubisikanya : 👇🏾
1⃣ Imbere y'itariki 17 Rusama, amatonorero yose asabwa gutanga mu kigo Odeca impapuro zerekana inomero y'itonorero, amategeko ariranga, igitabo ndangamudandaza, n'ibindi bibaranga ;
2⃣ Bazotegerezwa gutanga icemeza ko abarimyi b'ikawa bazohabwa amahera yabo bisunze igiciro cashinzwe na Reta. Abajejwe intwaro bategerezwa kugenzura ko umwimbu w'ikawa utarenga akarere bajejewe karimwo itonorero ;
3⃣ Odeca isabwa kumenyesha abajejwe amatonorero igihe cose hategekanijwe igurishwa, kugira bashireko ibimenyetso biranga aho yakorewe ;
4⃣ Babwirizwa gutanga umwimbu w'ikawa umaze kwegeranywa mu mwaka w'2024 ushira 2025. Basabwa kandi gutanga hatarenze mu ndwi imwe icegeranyo cerekana ikawa itagurishijwe mu muzi 6 aheze, n'uwumaze kugurishwa, berekane umuguzi n'aho yawujanye ;
5⃣ Uwuzofatwa ariko aregeranya umwimbu atari ku rutonde rwemerewe n'umugwi washizweho n'umukuru w'igihugu, azofatwa nk'uwuriko akora "fraude". Kandi birabujijwe ko itonorero ryubatswe vuba canke ririko rirubakwa ryegeranya imwimbu.
🎤 Uwufise ico aterera kuri izo ngingo, kaze
Joël Burundi
