12/07/2023
LEFUFA GA LE BUTSWE 47
Ba sepodise ba seka ba diega go goroga,fa ba tsena ba fitlhela mosimane a tshegeditse Ntlame
‘’dumelang batsadi gatwe ke mang wa ditagi?’’ga botsa rre wa lepodise yo neng a tsentse dinaledi,Ntlame a ikutlwa a tsenwa ke serame mo mogoteng wa letsatsi leo
‘’monna yo ke ene a tsentseng ditagi mo bekeng yame mmotseng gore o ne a emelang fa!ke ene a di tsentseng a mo a ntsenya ditshipi a re ke ditagi tsame!’’
‘’mma re tla a e bua ko pele a re tsweng!’’ba tshwara Ntlame ba pega mo koloing ya mapodise ka fa morago,rre wa lepodise a kgweetsa ya ga Ntlame,wa modisadikago a tsena mo go ya tiro ya bone ga iwa mapodiseng.
Rraadaniel le mogatse ba ne ba phepafatsa ba ntsha leswe le le neng le tlogetswe ke baagi,koloi ya mapodise ya tsena mo lwapeng,Radaniel a gopola nako e neng koloi e tsena mo ga gagwe mapodise ba tsile go bega leso la Daniel,a utlwa e kare mala a gagwe a tla a sega,a tsamaela fa koloing
‘’dumelang bo rra!’’a dumedisa a eme ka letlhabaphefo
‘’dumela monnamogolo,Gontlametse ke eng sa gago?’’monnamogolo wa Modimo a utlwa e kare mangole a gagwe a a reketa,sefatlhego sa gagwe sa sala se phaphaletse
‘’ke ngwanake!’’rre wa lepodise a fologa mo koloing,a bulela ntsa ka fa morago
‘’re tsile kwano rra,re tshwere ngwana wa gago ka ditagi tse di bogale,katse le co***ne re belaela a di rekisa!’’
‘’uhu!’’ gago!’’
‘’nna ga ke rekise dilo tseo mosimane ke wena!’’
‘’ee rra ga ke re o a di rekisa kana ngwana wa gago o tshwerwe ka tsoine jaanong le kwano re a di..’’
‘’heela motho yoo o na le kwa ga gagwe mo lateng koo!’’
‘’a o batla go gana re dira tiro ya rona re le ba sepodise?’’ka a le boi monnamogolo wa Modimo,a ba sutela ba phuruphutsha,ba tswa bas a tshwara sepe
‘’go siame rra re a leboga!’’
‘‘akere nna ke le boleletse kare ga go na sepe mo!’’fa ba sena go tswa Radaniel a ngwaya tlhogo
‘’o a bo a dirile eng Ntlame?’’a seka a senya nako,a kgabaganya a ya kwa Ntlame a nnang teng,fa a tsena a fitlhela mapodise ba setse ba gorogile e bile ba phuruphutsha,ba mo kgannela ko ntle,ba sala le Baoloki mo ntlong,ba nna ba seka ba fitlhela sepe,fa ba fetsa Baboloki a tswa le bone a ya kwa Poloice station.
Ntlame fa a bona Baboloki a se kgapha selelo,Baoloki a mo leba fela le e seng go bua sepe,fa a didimala Baboloki a mo tlhoma matlho
‘’o tlhaela ka eng?ke eng se se dirang gore o rekise ditagi?’’
‘’ga ke rekise ditagi mogatsaka ba a mpateletsa!’’
‘’ke dumela gore o a di rekisa!’’
‘’ao mogatsaka go simolola leng o sa ntshephe?’’
‘’ke ka go tshepha jang o dirisa dilo tse?goriana o ne o ntse o itse gore Poloko o lwala eng?’’
‘’o raya jang?’’Baboloki a mmontsha senepe se Ntlame a neng a se fitlhile ko ntlong a bofile Poloko ka ditlhale le nnale,kgarebe ya shadikanya matlho,kana gore dilo tse di tle di bonwe jaana nako ya mapodise a phuruphutsha
‘’a o a lowa?’’ga botsa Baboloki
‘’nnya mogatsaka ke..’’
‘’o seka wa mpitsa mogatso!’’a mo supa ka monwana
‘’ke bone dilo ka bontsi ka fa tlase ga bolao tse neng ke sa nke ke di bona,ke maswabi mmaetsho!fa e le gore o tla a kgona go tswa o bo o tla o phutlha sengwe le sengwe sa gago o tsamaya a o a nkutlwa?’’
‘’Baokloki tlhe rra ke santse ke go rata wena!ke kopa gore o intshwarele ke baakanye dilo’’
‘’bua nnete a o rekisa ditagi?’’
‘’a ke bue nnete?’’
‘’ee ke yone ke e batlang,gopngwe ke ka go itshwarela’’
‘’go bua nnete ke ne ke re ke di isa kwa mosading yo nnang le Poloko’’
‘’goreng?’’
‘’gore go tle go twe ba rekisa dikatse’’
‘’a lefufa la gago ke lone le go emeleditseng ko lwapeng o bo o ya go reka tsone dilo tse?Poloko o go dirile eng mo o batlang go mo senyetsa bokamoso ka bokete jo bo kanakana?’’
‘’ga a ntira sepe’’
‘’a o lefufa fela?’’
‘’ke kopa maitshwarelo motho wame’’
‘’ga o nkarabe gape ga ke motho wa gago nxa!’’
‘’eish!’’a itshwara tlhogo
‘’ke ka se tshele le mosadi yo o lefufa,ka moso tsoga o lowa bo nnake,fa o tswa fa o bo o ya go phutlha sengwe le sengwe sa gago ga ke batle go bua sepe se sentsi le wena’’a emelela
‘’o mpatlele mmueledi tlhe rra’’
‘’ga ke dire jaalo nxa!’’a emelela a mo tlogela foo a lela,bo rre ba mapodise ba mmusetsa ko diseleng.
Nako e ne e le ya bosupa maitseboa,Poloko o ne a tswa go tlhapa fa a fitlhela di call back tsa ga Tiapo,a letsa
‘’beep!..beep!’’
‘’hello!’’
‘’Dumela Poloko tshwarela papa jaalo’’ee mma,a fa Radan mogala
‘’hello!..monna go na le mathata kwano,gatwe rakgadiago Ntlame oi tshwerwe ka ditagi’’
‘’uhu kae?’’
‘’gone mo Tonota mo!ke mathata fela monna o mo diseleng jaaka re bua jaana’’
‘’a re o di tsaya kae?’’
‘’nna ga ke itse ngwanaka’’
‘’ke tla a mmatlela mmueledi rra,tla ke fetse sengwe pele fa ke tla a boa ke letsa’’
‘’tanki ngwanaka!’’
LEFUFA GA LE BUTSWE
Nako e ne e le ya bosupa mo mosong,rre wa lepodise o ne a bula lebati la toronko le neng Ntlame a tswaletswe mo go lone
‘’a re tsamae wena mmueledi o ko ntle kwa o go emetse,akere le senya ka boomo le itse gore le na le madi a go reka babueledi nxa!’’a tswa foo a tlhomola pelo,rre wa mmueledi a mo kopela gore a tsene ko lekgotleng la Francistown.
Kgang ya feta ya rolwa,mmueledi a mo kobela bail,ke gone Ntlame a kgona go boela lwapeng.ya re a tsena a fitlhela Baboloki a phutlhile sengwe le sengwe sa gagwe a beile fa gare ga sitting room,a tsena ka bonya a tlhabiwa ke ditlhong
‘’du..du..melang’’
‘’phutlha sengwe le sengwe sa gago o bo o ntswela ka kgoro!’’
‘’ke kopa gore re bue mogatsaka ke a go rata kana ke ne ke tsenwe ke…’’
‘’ke ne ke re tswa o tsamae o ise o ntene!’’kana o ne a itse gore lebogo la ga Baboloki fa a tenegile le gaufi,mme e bile botlhoko ja lone e nna e kare motho o iteilwe ka marago a garawe
‘’ee rra ke a tsamaya,but thanks go mpatlela mmueledi go supa gore you still care’’
‘’ga ke a go batlela mmueledi o mmatetswe ke ene motho yo neng o mo fufegela yole nxa!’’a utlwa a kokonelwa ke ditlhong,a tswa ka dibeke a ya kwa ga bone,mo tseleng a tsamaya a bua a le nosi
‘’Poloko ke ene a ntueletseng?o itse kana!ke ipolaile ka lefufa lame a ko tlhe ke nne rakgadi fela yo o molemo eish!ke ya go tlhabiwa ke ditlhong fa ke mmona’’a tsena kwa ga bone a inamisitse tlhogo a bo a isa dibeke kwa kamoreng ya ga Tiapo,Tiapo o ne a le moo a tlhapa
‘’dumela Tiapo’’
‘’dumela jaanong go rileng ka dibeke?’’
‘’Baboloki o nkobile mma’’
‘’gone mme wena o ne o isa kae ditagi?’’
‘’a re tswe mo go eo ke lapile e bile ke batla go tlhapa’’
‘’jaanong ba reng ko police?gatwe Poloko o go batletse mmueledi kana ne o itse?’’
‘’ee mma gatwe ke mo bail,ke boela tshekong jaana ka Laboraro wa kgwedi e e ka kwa e fela,ke gone ke tla a b**g ke atlholwa’’
‘’ke mathata!’’
‘’le tiro mma ba ne ba nteleditse ba re e fedile’’
‘’a tota mongwe ga a go lowa?’’
‘’nnaka ke nna ke itoileng go bua nnete,ke itoile ka go fufegela ngwana wa ga nkgonne eish!’’Tiapo le ene a utlwa amega mme fela a seka a bolelela Ntlame gore le ene ke mona le seabe mo go sokoleng ga ga Poloko.
‘’a papa le mama ba go bone?’’
‘’ke ya ko go bone’’a tswa mo ntlong,batsadi ba gagwe ba ne ba ntse fa pele ga ntlo
‘’dumelang’’
‘’dumela a ko o nne fa fatshe’’rraagwe a bua a supa setilo
‘’mathata a gago ke eng?o bereka tiro e e duelang,monnamogolo wa gago o a go tlhokomela o ne o batla eng mo ditaging?’’
‘’batsadi ke kopa maitshwarelo’’
‘’kana o re tlhabisitse ditlhong Ntlame tota mathata a lona ke eng le re senya maina mo bathong jaana?’’
‘’nnya ke kopa maitshwarelo batsadi bame’’koloi ya tsena ko kgorong,Linda o ne a tla a kgweetsa,a fologa le Poloko ba ya fa batsading
‘’dumelang!’’
‘’dumela monna Poloko!’’monnamogolo a mo dumedisa ka monyenyo
‘’a le a tsoga?’’
‘’re a tsoga ngwanaka nnya ntlo e wetse rra go setse ba motlakase le metsi fela’’
‘’ee rra ke ntse ke ba setse morago ba tla a wetsa’’
‘’mosadi yo ke…’’
‘’ehee!mosadi yo ke mme yo ke tshelang le ene,moratiwa ke batsadi ba,me Mmadan le Radan,yo ke rakgadi’’
‘’ke itumelela go le itse batsadi’’
‘’nnya mme o na le leitlho ngwanaka,le nna ke lebogela go go itse ngwetsi yame’’
Ntlame a emelela
‘’segolo o re tanki ngwana o go thuiste’’Mmadan a bua a lebile Poloko
‘’ngwana wa ga nkgonne o nthusitse ke a leboga’’
‘’ee rakgadi ga go na mathata!’’Poloko a tlhola kwa ga bo rragawe a ba a ja teng,Tiapo o ne a apeile a tshabetse kgakala a sa batle go ba tsenyetsa dijeso.
Letsatsi e ne e le la Laboraro mo mosong,nako e ne e ka ela kwa go ya lesome.
Kgotlakgolo ya Francistown e bo e tshwere kgang ya ga Ntlame,ga nna tlhatlharuane,mmueledi a lwa ka gotlhe mo a neng a na le gone,a dirisa bokgoni jotlhe ja gagwe a lwela gore Ntlame a fokoletswe dingwaga tse a neng a di lebisitswe,nnya tlhe!go bua ga gagwe ya seka ya nna lefela,ya re ko bokhutlong Moatlhodi a lebagana le Ntlame go ntsha katlholo
‘’lekgotla le go bone molato wa go tshwara ditagi tse di seng ka fa molaong,o atlholelwa dingwaga di le tlhano mo kgolegelong,mme lekgotla le tla a seegela tse pedi fa tlhoko,o tla a tsamaya tse tlharo,fa e le gore ga o a kgotsofalela katlholo yame o tla a ya go ikuela ko court of appeal’’
