Edward Edilbi

11/19/2017

Try hard to make the world a better place if someone gave you a chance.
My TEDx talk TEDxRyersonU TED Dubarah
Ahmad Edilbi Glenn Gould Studio CBC

Try hard to make the world a better place if someone gave you a chance. A social entrepreneur, Ashoka Fellow and the founder of Dubarah, a global network tha...

01/19/2017

نصيحة سريعة لمصممي الغرافيك..
اطلعو منيح حوليكم، ركزو ع التفاصيل .. مو كلها تصممت من عالم متلكم؟
طيب .. ليه تاركين العالم تعاملكم على أنكم مفك براغي لف يمين ولف شمال؟ ليه عم ترضخو للمذلة والذوق البشع تبع الزباين ؟ ليه عم تسمحو للشركات تحطكم بقاعدة هرم الرواتب؟
حبيباتي .. العالم مابيقدر يعيش بلاكم، أنتو جزء أساسي بتحويل أي فكرة لواقع بصري مبدع..
لازم تعملو ثورة على هالواقع المر، وتزبطو اتحاد خاص فيكم بيفرض اسعار موحدة بعممها ع كل المصممين والزباين دون استثناء، لازم تاخدو موقف بكفي!!
باختصار "هبوو" ..
بس قبل ما "تهبوو" اتفقو وتوحدو ع كلمة وحدة، وحددو شو بدكم تماماً وحطو قائمة أسعار من هلق، وبخصوص القيادة الثورية، لازم تم هيكلتها ع اساس عادل مو يسيطرو عليها الكرييتف دايركترز بس!! لازم القيادة تضمن الآرت داركترز ومو غلط تدحشو فيها كم فاينالايزر، هلق ممكن يجو جماعة الـ Account Management ويطالبو بمقاعد وأحقية، والمصيبة انهم واصلين وعندهم علاقات وغالباً رح تستفادو منهم بقصص المفاوضات مع الزباين والهدنة فضروري تعملولهم قيمة بهالمجلس، كل هالنصايح يلي عم قولها مهمة لأنو اذا ماعملتو هيك الزباين رح تبلش قصف فيكم ..
للأسف مهنتكم دهب بس عم تبيعوها بقشور البصل، فبكفي قمع و"هبوو" مشان الله ..
بكل الأحوال مادخلنا ..

10/06/2016

عندما تعجب بسيارة معينة مثلاً، تجد نفسك انك تراها كل يوم وفي كل لحظة!
في الحقيقة أنت كنت تراها كل يوم ولم يتغير أي شيء، إلا أنك وبطريقة غير مباشرة جعلت دماغك يهتم بها أكثر من اي تفاصيل اضافية.
الحقيقة أن هناك الكثير من الفرص التي تصادفك يومياً، ولكن دماغك لايهتم لها بكونك لم توجهه لذلك. منذ اليوم ابدأ ببرمجة دماغك لتتناسب مع أهدافك، وانتظر المفاجآت.

10/01/2016

#الحرية 4
كن على يقين أن كل من حولك، يسعو جاهدين ليجعلوك نسخة مطابقة لهم، أو على الأقل بما تففق مع معاييرهم.
فاسعى جاهداً لتخيب ظنهم، فكن المبدع، والأفضل والرائد، فالحياة لاتريد المزيد من النسخ المشوهة، تريد أشخاصاً مبدعين، لهم بصمة مميزة في هذا العالم، يبقى أثرها حتى بعد رحيلهم.

06/27/2016

ألف مبروك لليلاس تفوقها ونجاحها.

#دوبارة #سوريا #مبدعون

تفوقت الطالبة السورية ليلاس مازن الزعيم Lilas Alzaeem بعد تلت سنين ونص من إقامتها في النرويج في مرحلة الثانوية العامة بمعدل عالي جداً...وحصلت على علامات كاملة ضمن 15مادة علمية بالإضافة الى مواد اخرى...ومعدلها التراكمي ل 3 سنين أعلى من معدل قبول الطب البشري بجامعة أوسلو السنة الماضية.

بالإضافة انها حصلت على علامة تامة باللغة النرويجية يلي نادرا جدا ينجح فيها ....ليلاس بأول سنة دراسية كانت بحاجة لمساعدة زملائها أثناء الدراسة، وبعد فترة قصيرة صارت تساعدهم ،ولفتت نظر مدرسينها باجتهادها وتفانيها في الدراسة.
المعدل يلي حصلت عليه ليلاس نادر جدا...لهيك انتشر الخبر بعدة صحف نرويجية احتفالا بنجاحها من بين افضل 100طالب على مستوى النرويج وقدر الخبر يحطم الأرقام.

لما انسألت ايناس من قبل الصحافة النرويجية عن سبب نجاحها قالت ليلاس "الموضوع مو سهل ابدا خصوصا انو لغة غريبة بس الارادة تصنع المستحيل انا متاكدة اي شخص عادي بيقدر يوصل للتفوق اذا الارادة موجودة"

منا كفريق دوبارة بنبارك لليلاس وبنتمنالها المزيد من التفوق والنجاح المصدر:http://goo.gl/SO4li0

Once more Syrians across the globe are prevailing over the hardships and engrave their names in the list of top achievers

Our hero today is Lelias Al Zaeim, who after only three years in Norway, managed to complete the Secondary school exams with a very high score, including full marks in fifteen scientific subjects
In total her accumulative score is even higher than the grades mark required by Oslo university for Medicine college entrance

Lelias in her first year needed her colleagues help in her study, now she helps other students in return.

She impressed her Teachers and colleagues alike by her dedication and achievements, in addition to that the Norwegian newspapers celebrated her being one of the top 100 students across norway in the secondary school certificate exam results.

When asked about her extraordinary achievement lelias reply was:” it was not easy at all, the country and the language were new to me, but I do believe that when there is a well there is always a way for those dreaming of such achievements

We - Dubarah Team- congratulates Lelisa and wish her further success in her life

مع المحبة
تحيات #دوبرجي
www.dubarah.com

04/17/2016

الأكتئاب شي عادي والحل بيبدأ من عندك

مكتئب ؟ حاسس بملل بحياتك ؟ حاسس الامور يلي عم تساويها مالها قيمة ؟
نازل اشعرة او نازل كتابة ببوستات فش خلق ليل نهار ؟
دوبارتك عنا ..

كتير من #السوريين نتيجة لوضع البلد او وضعهم خارج البلد ووجودهم في حالة من الغربة والامور يلي مو متعودين عليها عم يحسو بكتير من هي الاعراض .. ويمكن اكتر

هاد الشي طبيعي .. هاد الشي بسموه باجنابيا اكتئاب !!
يمكن نحنا كشرقيين ومن وضع مجتمعاتنا الطبيب النفسي هو خيار غير موجود ع القائمة ..
بينما الاجنبي بشكل عام لازم يكون عندو جلسات دورية حتى لو مالو حاسس بهل الشي ..

لانو الصحة النفسية بتأثر بشكل مباشر وغير مباشر ع الصحة العقلية والجسدية ..
وطبيعي من الشي يلي عم نعيشو كشعب سوري نكون معرضين لهي الامور ولو مو حاسين فيها ..

مالي طبيب نفسي ولا مختص, بس يمكن شخص عاش تجربة وقرا كتير عن امور ممكن تساعد .. لهيك حبيت شاركم بعض النقاط يلي ممكن تساعد .. وتذكر الاكتئاب عادي يصيبك وحلو ببلش من عندك انت بس ..

١- الابتعاد عن العادات السيئة:
مسيك ورقة وقلم وسجل كلشي ساويتو او بتساويه بشكل روتيني باخر اسبوعين
عميل قائمة بالامور السيئة أو العادات الغير مفيدة بحياتك يلي لازم تغيرها او تستبدلها وحاول تغير
شي مو سهل اكيد .. كل المطلوب منك باول فترة انك تحاول ..

٢- الرياضة:
الرياضة ولو كانت المشي يوميا لفترة جيدة حتساعدك تتخلص من التوتر والضغط يلي عايشو

٣- عادات جديدة:
حاول تقوم بامور جديدة خارج روتينك اليومي ..
كليوم حط قائمة بالشغلات الجديدة يلي عم تساويها وحسيت براحة خلالها .. ساويها هي جزء من روتين حياتك اليومي
الاكل الصحي حتى لو مالك مقتنع بأثر ع نفسيتك, خفف سكريات ومنبهات واتبع نظام صحي وخليه عادة عندك ..

٤- اجتمع مع الناس وابتعد عن العزلة
كل ما بتقضي وقت لحالك صافن بالحيطان عم تندب حظك كل ما بتزيد حالتك, خالط اصدقائك ولو حسيتون بنفس المود ابتعد عنون شوي لتمشي امورك ورجاع حاول تساعدون, بدل ما تضيع وقت ع الفيسبوك استغلو لتلاقي ايفنتس حوليك ممكن تحضرها وتستفيد

٥- التطوع والعمل المجتمعي:
مافي احساس اقوى من الشعور بالرضى عن النفس لما بتساعد غيرك, مهما كنت بعيد وغير جاهز نفسيا جرب, شوي شوي حتحس بشعور لا يوصف, ما بتعرف كيف تتطوع ؟
قريبا #دوبارة حتعطيك خيارات للتطوع, بس بكل الاحوال مساعدة الناس حتى لو بنشر بوستات مفيدة ممكن تفيد الناس حوليك هية بداية جيدة ..

٦- لا تخجل انك تطلب المساعدة من اي شخص حوليك, اي شخص بتثق فيه حكيلو وحاول تفضفض .. بس لا تروح كتير بهل الاتجاه لانو سلاح ذو حدين احكي وفضفض بس لا تكتر مشان ما يضل عقلك ضمن هي الدوامة وخلي الشخص يلي معك يذكرك بالعادات والامور الجيدة يلي بدك تعملها

٧- ابتسم :) وذكر نفسك عبر ملاحظات ممكن تحطها ع البراد بين كتبك ع موبايلك تذكرك انو انت قوي والحياة حلوة وانك قادر تطلع من هالدوامة

٨- يمكن مالو خيار مطروح للجميع, بس للبعض الراحة النفسية ممكن تكون ضمن صلاتك وعلاقتك بربك ..

بالاخير كل هالحكي بلا ارادة ما بفيد .. خلي ارادتك قوية ولا تستسلم من اول سقوط ..
مافي شي اسمو فشل .. في شي اسمو تجربة غير ناجحة وفي نجاح ..(فيك ترجع لبوستنا حول دائرة الفشل هون https://goo.gl/e8aFRr)

وبنصح تشوفو هالفيديو لئيتلكم ياه مترجم بعنوان الكلب الاسود (The Black dog)


بلش اول خطواتك بمشاركة هالمنشور مع اصدقائك وفيدهم كمان ..

تبقو بخير #دوبرجي
www.dubarah.com

04/08/2016

معلومات مهمة لكل #السوريين الموجودين في #اليونان

#دوبارة #سوريا #معلومات #هجرة

لكل #السوريين الموجوديين في #اليونان ، مجموعة من المنظمات الإنسانية عم تقدم برامج دعم مجانية وقريبة من ساحة فيكتوريافي #اثينا لكل اللاجئين .

يا ريت تشاركوها لتصل لاكبر عدد ممكن الناس ..

رح نوفر كافة التفاصيل عن الخدمات الي عم تقدمها هي المنظمات بالترتيب :

1- كريتاس أثينا / برنامج اللجوء :
من يوم الاثنين لغاية يوم الجمعة من الثامنة صباحاً حتى الساعة الرابعة .
هاتف: 30 210-52 46 637 , +30 210-52 49 564
الخدمات المقدمة : طعام , ثياب , مستلزمات نظافة ,حمامات , دعم نفسي واجتماعي ومأوى

2- كريتاس أثينا / مركز يومي (للعائلات فقط) :
من يوم الاثنين لغاية يوم الجمعة من العاشرة صباحاً حتى الساعة الرابعة عصراً .
هاتف : +30 210- 8220943
الخدمات المقدمة : مستلزمات نظافة ,حمامات ,دعم نفسي واجتماعي ,غرفة ألعاب وانترنت

3- أطباء حول العالم:
من يوم الاثنين لغاية يوم الجمعة: من الساعة التاسعة صباحاً حتى الساعة الخامسة مساء
هاتف : +30 210- 3213150
الخدمات المقدمة : يوجد اطباء, مأوى ودعم نفسي واجتماعي

4- براكسيس:
من يوم الاثنين لغاية يوم الجمعة ابتداء من التاسعة صباحاً حتى التاسعة
مساء هاتف: +30 210-5244574, +30 210-5244576
الخدمات المقدمة : مأوى , ثياب , حمامات , غسالات , يوجد محامين , دعم نفسي واجتماعي
و منطقة استرخاء

5- براكسيس (مستوصف):
من يوم الاثنين لغاية يوم الجمعة: من التاسعة صباحاً حتى التاسعة مساء هاتف:
00302108213704

الخدمات المقدمة : يوجد اطباء

6- المجلس اليوناني لشؤون اللاجئين:
من الاثنين لغاية الجمعة: من الثامنة والنصف صباحاً حتى الساعة الثالثة والنصف عصراً.
هاتف : 00302103800990

الخدمات المقدمة : محامي , دعم نفسي و اجتماعي

7- الارساليات الخيرية:
ارسالية الام تريزا من كالكوتا من الاثنين لغاية الاحد من التاسعة صباحاً حتى الثانية ظهراً ،وأيضاً من الساعة الرابعة والنصف عصراً حتى السابعة مساء
هاتف: 00302108254770

الخدمات المقدمة : طعام , مأوى , ثياب , حمامات , منطقة استرخاء

8- أيادي المساعدة: من يوم الثلاثاء لغاية يوم الجمعة:
من الساعة التاسعة صباحاً حتى الساعة الثانية ظهراً
هاتف : 003021032242161
الخدمات المقدمة : طعام , ثياب , حمامات , غسالات

بالإضافة إلى أرقام هواتف مهمة باليونان:

112 - الطوارئ الطبية
166 - خدمة الإسعاف
100 - الشرطة
1016 –أطباء SOS
171 - الشرطة السياحية
108 - خفر السواحل
1014 - خاص لحالة الجريمة العنيفة

لإعادة الروابط العائلية في حالة الانفصال عن الاسرة اتصل بالصليب الأحمر:
00302105230043
للحصول على معلومات ودعم اتصل بهاتف الصليب الأحمر:
00302105140440

تبقو بخير #دوبرجي
www.dubarah.com

03/19/2016

كل سنة وأنت تاج راسي Sanaa Al Chamaa

#دوبارة #سوريا

بعرف متذكرين ومحضرين كتير لعيد الأم ومابدكم مين يذكركم ..

بس كتير ناس بعيدة عن اهلا وصعب يكونو معها ..
لهيك دوبارة اليوم حبيت تعمل حملة

الفكرة بسيطة وسهلة:
- لاقي طريقة حلوة وبسيطة تعايد فيها والدتك
- صورها بشكل واضح (متل صورة البوست مثلاً)
- وبعتلنا ياها لننشرها ع صفحة دوبارة

وأكيد مالح ننسا الام السورية .. ام الشهيد .. ام المغترب .. ام المعتقل .. ام المعتر ..

تذكر أكيد في ام بتعرفها ماعندها مين يعايدها اليوم لا تنساها بطريقك بتلاقيها قد الدنية ..
واذا ما بتعرف حدا فريق ملهم التطوعي لسا مستمر بحملة يلي بلشناها من سنتين

فيك تزور صفحتهم لتساهم معهم بهدايا أو معايدات للامهات يلي مابقي عندهم مين يعايدهم ..

ناطريكم مع صور لافكار مبدعة متل ما عودتونا ..

مع المحبة #دوبرجي يلي مشتاق لامو ..
www.dubarah.com

03/18/2016

A web developer specialized in Joomla is required for project with the following requirements:

- Minimum 3 years development experience with the following language:HTML5, CSS3, PHP, Jquery, Javascript and AJAX

- Minimum 3 years of Joomla development experience including: template customization, Interface Development

- Strong knowledge of template/ theme design, Module/Plugin/Component development for Joomla 3

- Knowledge of Responsive Web design and Frameworks – Bootstrap

- Knowledge of Cloudfront, CDN for caching and load time related development

- Familiar with web site security (firewall) measure

- Ability to collaborate and communicate effectively across broad range of corporate staff.

Please send you resumes to: [email protected]

And don't forget to send samples of projects you have done.

Important Notes:

* Daily commitment and progress should be reported.
* Creativity is a must.
* Basic knowledge of Adobe suite.
* Payment will be project based not monthly.

Best of luck


www.dubarah.com

02/18/2016

دائرة الفشل ! عنوان يمكن سوداوي .. يمكن بلامس واقع ..
أو يمكن حرك شعور بشع بالبعض ..

اليوم دائرة الفشل هي موضوعنا .. هي الدائرة يلي عاملة بعبع لكتير
دائرة حابسة كتير ناس جواتها وخطيرة .. ومأثرة ع مجتمعات بحالها !!

بس بالنهاية هي دائرة وهمية .. قفص وهمي نحنا مندخلو بارادتنا او منستفيد منو

الفشل شو هو ؟ هل هو شي سيئ ؟ لأ الفشل شي طبيعي وجميل ولازم بحياتنا ..
الفشل هو مجرد محاولة غير ناجحة .. هو خبرة عم نكتسبها لخطوة تانية ناجحة
او يمكن فاشلة كمان .. مافي داعي ذكرك اديسون مخترع الكهربا كم الف مرة فشل
حتى اينشتاين وغيرون يلي ما حسنو يقدمو الامور الناجحة الا بالاستناد ع الفشل يلي سبقها

الفشل هو شي خطير لما منرسم براسنا انو هو خطير .. هو مشكلة لما منكتئب ومنعمل منو مشكلة داخلية .. وتخلينا نخلق ردود فعل خاطئة مبنية ع الوهم يلي رسمناه ..

تذكر الفشل لا يعني أنك لن تستطيع الوصول !
لا اكيد فيك ! الفشل يعني أنو لازم تلاقي طريق آخر للوصول!

الفشل لا يعني أنك أتلفت حياتك!
اكيد لأ ! الفشل يعني أن عندك حجة قوية للبداية من جديد!

مابدي استطرد اكتر بتعريف الفشل ع قد ما بدي نحكي بخطوات كيف نستفيد من الفشل لنعمل شي جميل, شي ناجح ومتل ما بدنا.

بدي منك تجيب ورقة وقلم وتكتب عليها انا فاشل لان:

- حدد الامور يلي فشلت فيها وحابب تكمل فيها.

- فكر بكل شغلة فشلت معك ليش فشلت ؟ عامل ذاتي ولا عامل خارجي ؟

- اذا عامل ذاتي فكر باخطائك .. صنفها وجرب تلاقي حلول بسيطة الها او استعين بصديق

- عامل خارجي .. فيك ترجع تحاول بوجودو؟ اذا فيك رجاع رسوم خطة وخطوات تمشي عليها .. ما بتحسن تتلافاها بعيد عنها حاول تجرب بعيد عنها .. او جرب شي جديد اذا مافيك

- حط ببالك قاعدة اساسية اذا لم يكن ما تحب احبب ما يكون حتى يكون ما تحب .. مالها معقدة ولا مفلسفة .. مو حابب وظيفتك ؟ مو هي المجال يلي بتحبو طيب شو تعمل ؟ حبها ونجاح فيها لتخلق فرصة تحسن فيها تساوي يلي بتحبو ..

- حط لنفسك اهداف شهرية .. اسبوعية .. يومية تنفذها وتنجح فيها ..

- خليك ايجابي .. انت مو حابب شغلك ؟ غيرك مو ملاقي شغل .. حميد ربك

- مو عيب تقع بمطب وتقع .. ارتاح وفكر صح وقوم من جديد ..

- كتوب هدفك ع اكتر من ورقة ملاحظات حطها باكتر من مكان ع البراد بين كتبك .. على كمبيوترك وموبايلك ..

- حفز نفسك, خلي صديقك المقرب يساعدك .. خبرو بهدفك وخليه يذكرك كل ما بعدت عن الطريق بهدفك لترجع عالطريق الصحيح.

والاهم من هاد كلو العزيمة, بس لما بتآمن انو الفشل هو خطوة نحو النجاح وهو شي مؤقت صدقني لح تقدر تعمل اي شي بدك.

الحديث طويل فيكم تضيفو اي شي بتلاقوه ايجابي وفادكم عبر تجربة شخصية
تذكر هي دائرة وهمية .. انت فيك تلغيها وترسم نجاحك بدالها.

مع المحبة #دوبرجي
www.dubarah.com

02/14/2016

٣ سنوات على انطلاقة شبكة دوبارة والمزيد من التفاصيل مع Jessy Elmurr على Sky News Arabia اليوم.

بعد ثلاثة أعوام من إطلاقها، تحولت صفحة "دوبارة" على فيسبوك من ملتقى للاجئين السوريين، إلى شبكة موسعة تربطهم بالعالم الخارجي، وتؤمن الوظائف وورش العمل والنصائ...

02/02/2016

#دوبارة #سوريا
"English Text is below"
فازت مسرحية "The Trip- الرحلة" من تأليف وإخراج المخرج السوري "أنيس حمدون"، بجائزة أهم عرض مسرحي في البلدان الناطقة بالألمانية (ألمانيا-النمسا-سويسرا) لعام 2015، من ضمن 47 عرض مسرحي أنتجت بهالبلدان التلاتة، بعد ماتم ترشيحها للجائزة من قبل جريدة "الناخت كريتيك الالمانية" والمختصة بالنقد المسرحي والفني.
المسرحية الي بتروي قصة شب سوري من حمص بألمانيا اسمه رامي، أثرت بشكل كبير ب الي شاهدوها، من خلال عرضها للصراع الداخلي الي بيعيشه رامي كونه وصل لبر الأمان تارك وراه وطنه وقضيته وذكرى رفاقه الي استشهدو.
"يخرج رامي يومياً من منزله ليزور شركة متذرعاً بأن لديه مقابلة عمل نكتشف أنه لا يدخل الشركة ويقف على بابها كل يوم ويعيد الكرة في اليوم التالي. لحظة خروجه من منزله تستيقظ الشخصيات التي تعيش في خياله وتروي قصتها: كيف عاشت طفولتها وكيف قتلت. رامي يروي صراعه بالتوازي مع الشخصيات الأخرى ليصلوا لنقطة التقاء في نهاية المسرحية حيث يسال نفسه" لماذا علي أن أعيش ومن أنا؟" البقية "أنت أنا" وتنتهي المسرحية بالبدء بأول جملة قالها رامي في بدء العرض. "مدينة الشمس" وهو لقب حمص في المسرحية، أثارت المسرحية دموع الجمهور مرات عديدة وأصبحوا يحلمون بزيارتها وزيارة مكان حياة الشخصيات المسرحية بالإضافة لمخرجها.
يذكر أن شخصيات المسرحية مستقاة من شخصيات حقيقية هم أصدقاء كاتب النص ومخرجه أنيس حمدون في حي الخالدية في مدينة الشمس حمص."
وبعد النجاح الي قدرت تحصده المسرحية، بدا أنيس بمشروع جديد بعنوان " القادمون الجدد"، وهو فيلم سينمائي بيحاول التعريف باللاجئين بألمانيا وعرض قضيتهم عبر إجراء حوارات معهم، بالإضافة لعرض قصص كتاب وفنانين ألمان عاشو تجارب لجوء متل "بيرتولد بريخت" المسرحي الأشهر والفيلسوفة "هانا أرندت".

المصادر:
http://goo.gl/AevG5O
http://www.nachtkritik.de
http://goo.gl/WQH8uO
http://goo.gl/ZKud3y
http://goo.gl/xAFNVP



The Trip: a play written and directed by Syrian director ''Anis Hamdoon" won the 2015 prize for most important theatrical play in Germany, Austria and Switzerland where German is the official language. The play was nominated for the title by ''Nacht Kritik,'' a German paper that specializes in art and theatrical critique, and bested 47 plays written in the three countries.

The play narrates the story of a Syrian called ''Rami" who comes from Homs and is currently in Germany. It touched all audiences for its depiction of the inner struggle Rami goes through after arriving to safety leaving behind his homeland, his cause and the memories of martyred friends.

Rami leaves his home on a daily basis to visit a corporation on the premise of having a job interview. It's uncovered that he never walks through the corporation's door. The moment he sets foot out of his doorstep, characters inhabiting his imagination awaken to narrate their stories: how they lived their childhoods and how they were killed.
Rami, also, narrates his inner conflict in parallel to other characters until, at the end of the play, they intertwine at a point where Rami poses the question ''what's the point of being alive? And who am I, really?'' revealing that ''you are me'' ending the play with the play's opening line.
''Sun City" was the nickname given to Homs in the play. The play moved all those who viewed it, pushing them to tears more than once. They all wished they could visit the place where the characters and the director once lived.
It's worth mentioning that all characters are inspired by the director/script writer's (Anees Hamdoon) friends, all of whom lived in Al Khaldeah, Homs.

After the play's critical acclaim, the director, Anees, started a new project called ''New Arrivals": a movie trying to introduce Syrian refugees in Germany and showcase their cause by interviewing them, in addition to showcasing the stories of German writers and artists who lived through the experience of seeking refuge, such as the famous playwrite ''Petrold Bricht'' and the philosopher ''Hanna Arndt''.

Sources:
http://goo.gl/AevG5O
http://www.nachtkritik.de
http://goo.gl/WQH8uO
http://goo.gl/ZKud3y
http://goo.gl/xAFNVP

تحيات #دوبرجي Dubarah
www.dubarah.com