04/26/2026
كيكة الجوز والقرفه
6 بيض صغار ازا حجمها كبير منكتفي بخمس حبات
1.5 كوب سكر
1.5 كوب حليب
3/4 كوب زيت
ربع كوب لبن
3 كوب طحين منخول مع الملح البيكنج باودر
1.5ملعقة كبيرة بيكنج باودر ما تعبو المعلقه كتير
1.5 ملعقة صغيرة فانيليا
رشة ملح
خلطة الجوز
كاسه ونص جوز مطحون مع معلقتين قرفه و٣ملاعق سكر بني
الطريقه:
خفق البيض مع الفانيلا لحتى يتغير لونه ويصير لونه فاتح منضيف السكر ومنكمل خفق لتعطينا قوام نوعا ما كريمي منضيف الزيت بس يتختلطو منضيف اللبن بطبق تاني مننخل الطحين مع الملح والبيكنغ باودر ومنصير نضيف على جرعات مجرد ما اختلطت المواد منوقف خلط لازم ما نبالغ بالخلط بعد اضافة الطحين منجهز القالب برشه بزيت وطحين او دهنه بطحينه منكون جهزنا خلطة الجوز منسكب الخليط على تلات مراحل بينها منرش خلطة الجوز ما عدااخر طبقه تاعت الوجه منخليها عجنب ومندخلها فرن محمى مسبقا حرارة ١٧٥ لما ترتفع الكيكه وتكون قربت تستوي منحط اخر طبقه بحذر بس تستوي منطلع الكيكه ومنسكب عليها قليل من maples syrup ومنرجع شوي عالفرن عشان تمسك الطبقه وما تفلت عن الكيكه وبس تخلص منتركها تبرد ومنرش الوجه بسكر ناعم
*ملاحظات مهمه *
المكونات كلها بحرارة الغرفه
مهم جدا نحمي الفرن
ممكن نحط الطبقه الاخيرة من قبل الخبيز لكن الطريقه التانيه بتخلي الكيك يرتفع احسن ويكون كرنشي اكتر وكمان منضمن انه ما تنزل واضل عالوجه عشان الشكل يكون اجمل .
حاولو انه تكونو حذرين لما تحطو الطبقه الاخير وتتوزع بشكل متساوي
طحن الجوز ناعم شوي عشان ما يكون تقيل وينزل داخل الكيكه
في طريقه تانيه انه اخر طبقه بالجوز نسخن السيروب شوي بمقلى بتكثف شوي ونضيف خلطه الجوز عليه ونحركه ونحطه عالوجه بعد ما تستوي الكيكه وتجهز تماما وبس تبرد نرش سكر ناعم .
حجم القالب كبير شوي
الف صحه وعافيه 🌹❤️
