Station ip

14/10/2013

En fröhliche Wochestart usem Schaufenster am Bahnhof Aarau: happyprint sorgt för vell Farb ond gueti Lune i dem graue Herbst!

22/08/2013

Neues aus der Station ip: Seit gestern haben es sich zwei Kandidaten der FDP im Schaufenster im Bahnhof Aarau gemütlich gemacht!

30/01/2013

En Itrag i eigeter Sach: De hötig Ushang werd vorläufig de letschti sie i dere Form. Aber d`Station ip bliebt wieterhin bestoh ond macht i nächster Ziet Platz för anderi Aktione.

Nomol allne wo metgmacht händ vele Dank ond bis zom nächste mol, wenns heisst „Station ip – zeig dich!“

19/12/2012

Passend zor Wiehnachtsziet macht de neusti Itrag i de Station ip of en Spendeaktion ufmerksam:
Au das Johr heissts weder: Jede Rappe zählt – ond s`Aarauer Improtheater Hirschwahn esch mit debi!

De Samstig wärde sie i de Aarauer Märthalle för d`Spendeaktion en Uftritt verastalte. D`Show startet am 1 am Nomittag ond werd zom Teil live vom Schweizer Fernseh öbertreit.

29/11/2012

D`Station ip goht gli id Winterpause – aber vorher werd no en neue Itrag im Schaufenster ufghänkt:

Belcare esch en Praxis für plastischi und ästhetischi Chirurgie z`Aarau setzt sich förs Wohlbefinde vo ehrne Patiente i.

05/11/2012

Ab höt lüchtets orange usem Schaufenster am Bahnhof! De Monet November stoht z`Aarau immer ganz im Zeiche vom Rüebli ond s`Highlight esch natürlech de traditionell Rüemblimärt am nächschte Mittwoch – de Peter Schib esch of jede Fall debi, ond ehr?

28/10/2012

Höt gets en Öberraschigs-Itrag för de Fabian Koch: Mer wönsched eusem Chef öber d`Station ip alles Gueti zom Gebori!!! Ond Fabian, im Schaufenster wartet no es Gschänk uf dech… dis inter-punkt Team :)

24/10/2012

De Itrag wo siet höt im Schaufenster hanget chont vom Musig-Duo Vivid Curls: Die zwoi
Musikerinne usem Allgäu öberzüge met Gitarresound und chraftvolle Stimme – Hörprobe gets
au of ehrere Websiete: www.vivid-curls.de

16/10/2012

Euse neuschti Itrag met „Jöö-Faktor“ esch vom Naturama Aarau: Im Mueseum i de nöchi vom Bahnhof gets emmer vell zum bestuune ond usprobiere – mer fende das esch genau s`rechtige Programm för en verrägnete Nomittag.

11/10/2012

De hötig Itrag esch weder mol en musikalische: De Michael Deichert esch Sänger ond Songwriter ond präsentiert im Schaufenster vo de Station ip s`Cover vo sinere erste Solosingle „kann das sein“.

05/10/2012

Themawächsel a de Station ip! Siet höt hanget en „lehrriche“ Itrag im Schaufenster: „H+ Bildung“ esch en höcheri Fachschuel z`Aarau, för Wieterbildige im Gsondheitswese met verschedenste Lehrgäng ond Seminar. Und wenn das Ganze no Spass macht wie versproche, esch es doch en super Sach! Me Infos fendet ehr au uf: www.hplus-bildung.ch

04/10/2012

Im Moment hanget no de Itrag vom Improvisationstheater Hirschwahn im Schaufenster vo de Station ip – live z gseh getz die spontan Truppe am Donnstig inere Woche, 11.10.12, im Flösserplatz Aarau.
Lueget doch verbi, es esch secher en Bsuech wert!

SWING - die offene Bühne Zeigen. Entwickeln. Experimentieren. Swing ist Deine Plattform für alles was Du schon immer einmal der Öffentlichkeit präsentieren wolltest....