Was ist die Webseite?

Rrjeti i Bizneseve të Diasporës Shqiptare në Zvicër

Startseite
Schweiz
Zürich
Rrjeti i Bizneseve të Diasporës Shqiptare në Zvicër

Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von Rrjeti i Bizneseve të Diasporës Shqiptare në Zvicër, Business Center, Zürich.

15/09/2025

RRBDSH Zvicër në qendër të vëmendjes nga Albinfo.ch – Një histori suksesi e diasporës shqiptare

Jemi të nderuar të ndajmë me ju një lajm të rëndësishëm: platforma prestigjioze Albinfo.ch ka publikuar një artikull të veçantë për Rrjetin e Bizneseve Shqiptare në Zvicër (RRBDSH Zvicër), duke e cilësuar rrjetin tonë si një shembull frymëzues të diasporës shqiptare në Zvicër dhe një histori të vërtetë suksesi.

Në këtë artikull, kryetarja jonë Dr. Fatime Berisha Imeri ka theksuar vizionin dhe misionin tonë: të jemi një urë lidhëse për të bashkuar bizneset shqiptare, për të ndarë përvoja, për të forcuar bashkëpunimin dhe për të nxitur investime në vendlindje. Ky rrjet është një platformë ku ndërmarrësit shqiptarë në Zvicër gjejnë mbështetje, frymëzim dhe mundësi të reja për zhvillim.

RRBDSH Zvicër u themelua në vitin 2012 nga ndërmarrësi dhe filantropi Fehmi Fetahi, i cili sot shërben si President i Bordit. Që nga ajo kohë, rrjeti ka organizuar një sërë aktivitetesh të rëndësishme si Business Connection në Dietikon dhe Spreitenbach, takime B2B dhe evente me figura të njohura të biznesit dhe politikës. Këto iniciativa kanë forcuar bashkëpunimin mes dhjetëra bizneseve shqiptare dhe kanë rritur dukshmërinë e diasporës sonë në ekonominë zvicerane.

Rrjeti ynë është aktiv në sektorë të ndryshëm si tregtia, teknologjia, gastronomia, ndërtimtaria, shëndetësia dhe shumë fusha të tjera, duke krijuar ura bashkëpunimi me organizata vendore dhe ndërkombëtare, përfshirë Switzerland Global Enterprise dhe Odën Ekonomike të Kosovës.

Megjithëse kemi arritur shumë, sfida jonë mbetet bashkimi i potencialit të madh të bizneseve shqiptare në Zvicër dhe profesionalizimi i mëtejshëm i shërbimeve tona. Ne besojmë fuqishëm se duke bashkuar forcat, mund të arrijmë progres edhe më të madh dhe zhvillim të qëndrueshëm për të gjithë.

Mesazhi ynë për ju, bizneset shqiptare në Zvicër:
“Të gjitha bizneset shqiptare janë të mirëseardhura në RRBDSH Zvicër. Vetëm duke u mbështetur e duke bashkëpunuar, arrijmë zhvillim më të shpejtë dhe të qëndrueshëm.”

19/05/2025

Rrjeti i Bizneseve të Diasporës Shqiptare në Zvicër (RrBSHDZ) ka hyrë në një epokë të re me emërimin e Dr. Fatime Imeri Berisha si Kryetare e Bordit Drejtues.

Me një karrierë të pasur dhe një kombinim unik të ekspertizës akademike dhe aftësive menaxheriale, Dr. Berisha premton të sjellë energji të re dhe strategji novatore në drejtimin e RrBSHDZ.

Profili i Kryetares Dr. Fatime Imeri Berisha ka diplomuar në Mjekësi nga Universiteti i Prishtinës, ka doktoruar në Mikrobiologji Molekulare dhe është e specializuar në Kimi Klinike, Hematologji, Imunologji dhe Diagnostikë Molekulare. Përvoja e saj si drejtore laboratorësh në Cyrih dhe Bazel e ka pozicionuar si një udhëheqëse me vizion të qartë dhe përkushtim të palëkundur.

Objektivat Strategjike të RrBSHDZ:

Mbështetja e Start-up-eve Shqiptare: Ofrimi i mbështetjes për sipërmarrjet e reja nga diaspora, duke nxitur inovacionin dhe zhvillimin ekonomik.

Panairi Ndërkombëtar “Ura Biznesi”: Një platformë për të lidhur bizneset shqiptare në diasporë me ato në vendlindje, duke krijuar mundësi konkrete bashkëpunimi.

Forcimi i Rrjetëzimit: Krijimi i lidhjeve strategjike ndërmjet bizneseve shqiptare dhe partnerëve ndërkombëtarë, për të forcuar bashkëpunimin ekonomik dhe kulturor.

Anëtarët e Kryesisë së RrBSHDZ:

Fehmi Fetahi – President i Bordit Drejtues

Dr.Fatime Imeri Berisha - Krytare

Basri Shkodra – Anëtar i Kryesisë

Dorina Karafili – Specialiste në Kontabilitet dhe Administrim Biznesi

Besnik Halili – Inxhinier Ndërtimi

Sara Fetahi – Kontabiliste

Nazmi Jakurti – Këshilltar Juridik dhe PR

Një Platformë për Zhvillim dhe Bashkëpunim

E themeluar në vitin 2013, RrBSHDZ ka qenë një urë lidhëse mes bizneseve shqiptare në diasporë dhe vendlindjes. Rrjeti synon të çojë përpara misionin e tij për zhvillim ekonomik, inovacion dhe bashkëpunim ndërkombëtar.

Bashkohuni me RrBSHDZ për të fuqizuar komunitetin tonë dhe për të ndërtuar ura të qëndrueshme mes diasporës dhe vendlindjes!

Për më shumë informacion vizitoni: www.rrbdsh.ch

06/05/2025

Switzerland Global Enterprise (S-GE) është organizata zyrtare zvicerane për promovimin e eksportit dhe investimeve. Si një organizatë private konsulence dhe platformë e caktuar nga Konfederata dhe kantonet, me rreth 200 punonjës në më shumë se 20 vende dhe mbi 3,000 partnerë në mbarë botën, S-GE mbështet më shumë se 5,500 klientë në Zvicër dhe rreth 130 vende të tjera në zhvillimin e biznesit të tyre ndërkombëtar.

Në këtë kuadër, Basri Shkodra ishte pjesëmarrës, duke kontribuar me përvojën dhe njohuritë e tij në fushën e zhvillimit ndërkombëtar të biznesit.

www.rrbdsh.ch

17/04/2025

Të nderuar anëtarë të RRBDSHZ

Me rastin e festës së Pashkëve, ju përcjellim urimet tona më të përzemërta.

Urojmë që kjo festë t’ju sjellë gëzim, dashuri dhe mbarësi në familjet tuaja. Le të jetë ky vit i mbushur me suksese të reja dhe frymë bashkëpunimi mes nesh.

Gëzuar Pashkët! 🌟

16/04/2025

Fehmi Fetahu: Bizneset në Zvicër duhet të përgatiten për pasojat e tarifave të Trump-it

Rikthimi i Donald Trump në skenën politike amerikane dhe paralajmërimet për tarifa të reja tregtare ndaj Kinës dhe vendeve të tjera kanë nxitur shqetësime për ndikimin që mund të kenë edhe në Evropë – përfshirë Zvicrën.

“Zvicra është e ndërlidhur ngushtë me tregun global. Edhe pse nuk është në BE, çdo tarifë e re nga SHBA-të do të ndikojë në kostot dhe zinxhirin e furnizimit, veçanërisht për bizneset e vogla dhe të mesme shqiptare,” thekson Fetahu.

Për më shumë vizito: www.rrbdsh.ch

07/02/2025

“House of Kosova” në Forumin Ekonomik Botëror 2025 në Davos

“House of Kosova” u vizitua dhe u përkrah nga kryetari i RRBDSHZ Basri Shkodra, i shoqëruar nga Nazmi Jakurti, këshilltar juridik.

Kosova merr pjesë për herë të parë në Forumin Ekonomik Botëror të Davosit përmes iniciativës “House of Kosova”, me mbështetjen e Qeverisë së Kosovës prej 350 mijë eurosh.

Nga 21 deri më 23 janar 2025, kjo platformë do të shfaqë kulturën, artin, kuzhinën dhe mundësitë e biznesit të Kosovës. Me 500 m² hapësirë ekspozite, do të organizohen diskutime me liderë globalë mbi tema si Inteligjenca Artificiale, Energjia e qëndrueshme, Gjeopolitika dhe Siguria Ushqimore.

Forumi, një ndër ngjarjet më prestigjioze globale, do të jetë një mundësi për Kosovën të prezantojë veten si një vend me potencial ekonomik dhe kulturor.

07/02/2025

Nënshkruhet Marrëveshja e Tregtisë së Lirë mes vendeve anëtare të EFTA-s dhe Kosovës

Në Davos është nënshkruar Marrëveshja e Tregtisë së Lirë mes vendeve anëtare të EFTA-s (Shoqatës Evropiane të Tregtisë së Lirë) dhe Kosovës.

Kosova është i vetmi vend në rajon që përveç negocimit për tregti të mallrave, ka negociuar edhe për tregti të shërbimeve me EFTA-n.

Kjo marrëveshje do të krijojë mundësi të reja për prodhuesit dhe kompanitë vendore dhe do të forcojë partneritetin ekonomik dhe tregtar ndërmjet vendit tonë dhe Norvegjisë, Zvicrës, Lihtenshtajnit dhe Islandës si shtete anëtare të EFTA-s.

20/12/2024

www.rrbdsh.ch

16/12/2024

Vizitë në Fetaxid, kompani 36-vjeçare me pronar shqiptar në Zvicër

Një takim i veçantë u mbajt së fundmi në ambientet e kompanisë Fetaxid, një biznes me histori të pasur 36-vjeçare, në prani të pronarit dhe drejtuesit të saj, Fehmi Fetahi dhe ekipit të tij.

Takimi, i cili shënon një moment të rëndësishëm për komunitetin shqiptar të biznesit, kishte gjithashtu nderin të presë Ambasadorin e Kosovës në Zvicër, Mentor Latifi, së bashku me zëvendësambasadoren Shukrije Ramadani, si dhe përfaqëues të bizneseve të ndryshme anëtare të Rrjetit të Bizneseve të Diasporës Shqiptare.

Për më shumë lexo: https://rrbdsh.ch/vizite-ne-fetaxid-kompani-36-vjecare-me-pronar-shqiptar-ne-zvicer/

10/12/2024

Zyrtarisht hapet Zyra e Bizneseve të Diasporës Shqiptare në Prishtinë

Zyrtarisht hapet Zyra e Bizneseve të Diasporës Shqiptare në kuadër të Odës Ekonomike të Kosovës në Prishtinë. Për hapjen e kësaj zyre Oda Ekonomike e Kosovës kishte nënshkruar një marrëveshje bashkëpunimi në muajin korrik me Rrjetin e Bizneseve të Diasporës Shqiptare në Zvicër. Marrëveshja ishte nënshkruar në kuadër të Forumit me investitorët e Gjilanit nga Diaspora, organizuar nga albinfo.ch dhe albpoint.ch.

Zyra do të shërbejë si urë lidhëse mes bizneseve vendore dhe atyre në diasporë, për të gjithë prodhuesit kosovarë, të rinjtë dhe të rejat e Kosovës që kanë ide inovative, për të kërkuar partnerë e bashkëpunëtorë biznesi në diasporën e Kosovës.

Kryetari i Odës Ekonomike të Kosovës, Lulzim Rafuna, u shpreh i gëzuar që po hapet edhe një derë e bashkëpunimit mes bizneseve brenda në Kosovë dhe atyre jashtë Kosovës.

Ndërsa Kryetari i Bordit të Rrjetit të Bizneseve të Diasporës Shqiptare në Zvicër, Fehmi Fetahi, u shpreh se “beson fuqishëm që ky bashkëpunim do të sjell vlera të vërteta për të gjithë dhe do të kontribuojë për një të ardhme më të ndritur për Republikën e Kosovës”.

Adresse

Zürich

Webseite

https://rrbdsh.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Rrjeti i Bizneseve të Diasporës Shqiptare në Zvicër erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.