نصائح في البيزنس

27/08/2026

رجاء الدعاء لوالدتي
اللهم اغفر لها وارحمها
اللهم اسكنها الفردوس الأعلى من الجنة

25/08/2026

ملحوظة.
الاستوري بتاع الصفحة هنا بينزل حاجات كوميدية للضحك والهزار وده من باب ادخال السرور علي قلوب الناس والتخفيف عنهم وان نكون سبب في ضحكهم.
لكن بوستات الصفحة فهي للاستفاده بمعلومة او توضيح اخطاء الشركات بتقع فيها او إعطاء نصيحة.
فمن فضلك لا تخلط الأمور ببعضها.

25/08/2026

كل عام وأنتم بخير مناسبة المولد النبوي الشريف
اللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ

23/08/2026

اليوم عايز أقولك عن أحد الأشخاص اللي قابلتها في حياتي وتعلمت منها درس مهم
كنت أسكن في مكان وكان عبارة عن بيوت وليس عمارات وكان هذا الشخص كان يسكن بجواري
الراجل الطيب ده كان فيه يوم كل أسبوع يطلع الخرطوم والجردل والصابون ويغسل العربية بتاعته، وكل يوم بالليل تلاقيه ماسك المقشة وبيكنس قدام البيت ، كان لبسه بسيط جدا

هذا الشخص كان بسيط جدا جدا
ولكن الحقيقة ان هذا الشخص هو صاحب شركة يتم تصنيفها من الشركات الكبيرة في المدينة
هذا الشخص يمتلك سيارة من السيارات الفارهة وسيارة أخرى متوسطة وهي اللي بيستخدمها في أغلب الوقت.

هذا الشخص لما اتكلمت معاه ، ليه بتكنس قدام البيت ، فيه ناس كده كده شغالين معاه في البيت والمفروض انهم بينضفوا
قال ان العمل اللي فيه جهد بيساعده على التفكير
وقال ان تهذيب النفس من أهم الأشياء التي يجب أن أقوم بها بشكل مستمر لأن النفس ممكن مع الوقت والوضع اللي حواليها تبدأ تتغير في تعاملها مع الآخرين وتصبح سيئة

نصيحة اليوم:
لما تحس انك بدأت تتكبر وتعامل الناس بشكل سيئ
ارتدي ملابسك القديمة

23/08/2026

واضح ان الناس كلها في قاع الهامور
بس واضح أيضا انهم سعداء بالموضوع ده

22/08/2026

هل المظاهر مهمة في البيزنس؟
تعالى نتكلم شوية ومن خلال كلامنا هنعرف لو المظاهر مهمة أم لا؟

أثناء زيارتي لأحد المصانع في الصين وجدت ان صاحب المصنع عامل مكتب له يقابل به العملاء. ما شاء الله ولا حولا ولا قوة إلا بالله، ما شوفتوش في أحلامي

المكتب الخشب هو معمول من جزع شجر يعني جزع الشجرة بالكامل يدوب شالوا القشرة الخارجية وواخد حاجة حماية للخشب وفي طاولة المكتب موجود مياه وزرع وسمك زينة صغير ،لما سألته المكتب الخشب بكام فهو تقدر تقول بثمن عربية متوسطة جديدة

غرفة المكتب فيها بحيرة صغيرة وفيها أسماك زينة وجنب البحيرة شجرة

من الآخر، انت قاعد في حديقة مش في مكتب

جايب سيارة بتجيب العملاء من المطار أو محطة القطار للمصنع
ثمن السيارة يتخطى ال ١٥٠ ألف دولار

طيب هل هو وقف لحد كده؟

عامل مطعم للعاملين في المصنع وعامل غرفة خاصة للطعام للزوار اللي بيروحوا المصنع وعامل كل غرفة بتصميم دولة معينة وحاطط اسم الدولة علي باب الغرفة
يعني مثلا إنجلترا، تدخل تلاقي ديكورات الغرفة بالكامل تصميم انجليزي.
مصر، تدخل تلاقي التصميمات الفرعونية في الطاولة والكراسي والرسومات وهكذا

طيب هل هذا تبذير أو هو مزاجه كده؟
الموضوع ببساطة انه عايز العميل اللي يدخل عنده ينبهر .
يعني لو فيه عميل طلب ١٠ حاويات ثمنهم ٥٠٠ ألف دولار مثلا فهو لن يكون قلق علي فلوسه

فهو شاف أكثر من المبلغ ده بكثير مصروف على شوية ديكورات
بالإضافة ان هذه المصانع تحصل علي قروض ، فالبنك بيبعت لجنة تشوف المصنع ، لما بيشوفوا المصاريف اللي هو صاريفها، بيبقوا عارفين ان هذا ليس شخص هيأخذ القرض ويخلع، لأنه صرف كثير في حاجات مش مهمة، فبالتالي ليس هذا أسلوب شخص هيأخذ قرض ويخلع.
اللي بيكون ناوي يعمل كده بيبقي عامل حاجات بسيطة.

طبعا لو عميل داخل المصنع يتعاقد علي حاويتين ب ١٠٠ ألف دولار مثلا فهو بيبقي قاعد حاسس أنه فارش فرشة علي الرصيف وليس مستورد.
فيه فرق كبير جدا. ممكن كمان يتحايل عليهم عشان يعطوه حاويتين.

هذا كان مجرد مثال ولكن الأمثلة كثيرة

لو فيه شخص بيشتري آجل بضاعة بمليون وذهب للمورد بعربية ثمنها ١٠ مليون ، طبيعي المورد هيعطيه وده اللي بيحصل بالفعل
لكن لو رايح راكب عربية ب ٤٠٠ ألف وعايز بضاعة بمليون
المورد مش هيعطيه.
ملحوظة احنا هنا بنثبت بقية العوامل وان المورد لا يعرف الشخصين معرفة شخصية.

الحقيقة هي ان المظاهر مهمة في البيزنس
ولكن وجهة نظري الشخصية ان العلاقات أهم
يعني بالنسبة لي الثقة في الأشخاص تأتي من الأشخاص اللي رشحوهم .

لو شخص ثقة رشح لي شخص أتعامل معاه ، فأنا هتعامل معاه نتيجة ثقتي في الشخص اللي رشحه.

قولنا رأيك في التعليقات وهل المظاهر مهمة في البيزنس؟

22/08/2026

دائما بنسمع ان لو عايز تتعلم حاجة، اتعلم بفلوس الناس،
يعني اشتغل مع حد في المجال اللي عايز تتعلمه.
فيه هنا نقطة مهمة أريد توضيحها
هذه النصيحة تعتمد على انت هتشتغل فين
يعني واحد عايز يتعلم برمجة، راح اشتغل في شركة ولكن تم توظيفه في الاستقبال
السؤال هنا: هل سيتعلم برمجة؟
احيانا يتواصل معايا شخص يقول انه عايز يفتح شركة تسويق ، عندما أسأله عنده خبرته في هذا المجال.
يقولي ده انا اشتغلت في شركة تسويق أكثر من ١٢ عام.
أسأله اشتغلت في أي قسم؟
يقول كنت شغال سائق .
السؤال : هل كده هو عنده خبرة ١٢ عام في التسويق؟

دلوقتي الشركات أصبحت تجزأ الوظائف وتفصل التواصل بين الموظفين.
أصبح كل موظف علي علم بالوظيفة التي يقوم بها فقط.
الشركة ليست في حاجة لتعليم الموظف جميع الأقسام والوظائف والنظام التي تعمل به الشركة.

نصيحة اليوم:
انك تشتغل موظف في مجال أنت بتفكر تعمل مشروع خاص بك في هذا المجال لاحقا فهذا اختيار جيد
ولكن لازم تسأل نفسك هل هتتعلم من خلال هذه الوظيفة أم لا لأن فيه وظائف كثيرة لن تتعلم منها.

21/08/2026

20/08/2026

تعالى احكيلك موقف نتعلم منه حاجه
يوسف ابني طلب مني فلوس الصبح وأنا رايح الشغل
قولتله لما اروح الشغل وأرجع اعطيك الفلوس اللي انت عايزها
فقالى تمام
والدته قالتلي افتكر احجز كيكة عيد الميلاد بتاعت نادية
تجنبا للنسيان فتحت الموبايل وفتحت أبلكيشن التوصيل وطلبت كيكة عيد الميلاد ويوسف جنبي
يوسف قالي بكام الكيكة ؟
قولتله بكذا ، قالي طيب ما أنت معاك فلوس أهو ،
قولتلي ليه انتظر لما تروح الشغل وترجع ؟

موقف يوسف فكرني للأسف بموقف بيحصل مع ناس كثير
ممكن يكون فيه شخص عايز مساعدة منك أو فلوس سلف ولكن تقوله ان مش متوفر معاك حاليا
ولكن يشوفك وأنت بتصرف في حاجه فيقول بينه وبين نفسه ما هو معاه أهو ، طيب قالي مفيش معاه ليه

فيه فرق بين ان شخص معاه لمصاريف بيته وأولاده والأقساط اللي عنده وبين ان يكون معاه مبلغ فائض عن حاجته يقدر يساعدك به.

يعني ممكن في شهر تسألني معاك مثلا ٥ ألاف دولار
أقولك لا ،وفي نفس الشهر ممكن تلاقيني بدفع قسط ٥ ألاف دولار.
النظرية ان القسط انا عارف ميعاده وعامل حسابي
لكن المبلغ اللي انت طلبته فجأة أنا مش عامل حسابي عليه

هل بيحصل معاك الموقف ده؟