01/03/2019
Alkatiri Sadik Instituisaun Estadu, MP Labele Sai HARIMAU OMPONG!
Ministeriu Publiku Tenke Aplika Lei Hanesan ba Sidadaun Hotu!
Hafoin Prokurador Jeral Republika Dr. Jose Ximenes halo vizita ba RAEOA durante loron balun iha semana ida ne’e, Sekjer F2000 Dr. Mari Alkatiri liuhosi nia konta FB Dezafia Insitituisaun Estadu nian atu halo investigasaun ba nia. Dr. MA konsideira katak laiha osan maka lakon iha RAEOA mezmuke Tribunal de Contas (TdC) Identifika ona katak iha Infrasaun barak ne’ebe fo prejuizu ba Estadu ho osan montante besik Millaun $30!
CNRTMC hatun rezumu husi informasaun sira ne’ebe TdC deskobre kona-ba Infrasaun Finanseira ne’ebe Dr. MA ho nia Kroni sira Komete iha RAEOA! Iha Infrasaun lubuk bot ida maibe CNRTMC sei hatun de’it dadus balun husi Infrasaun sira ne’ebe Dr. MA Komete iha RAEOA hodi responde deit ba Dr. MA nia reklamasaun katak osan la-lakon iha ZEESM! Infrasaun maior sira ne’ebe TdC deskobre maka hanesan:
1. Sekjer F2000 Dr. MA sosa aviaun segunda maun ho folin aviaun foun. Aviaun ZEESM ho Numer CGVTU ne’e produs iha 2014 no fa’an ho folin Millaun $6,500,000, maibe Autoridade RAEOA sosa iha 2016 ho folin Millaun $7,244,769! Sekjer F2000 Dr. MA halo deklarasaun katak Aviaun ne’e FOUN, maibe realidade aviaun ne’e UZADU ka Segunda Maun! Informasaun klaru bele hare iha:
https://m.facebook.com/story.php?story_fbid=1920773614627995&id=100000861241710&sfnsn=mo
2. Sekjer F2000 halo tiha ona pagamentu ba ro-ahi Haksolok ho osan montante Millaun Euro 13,500,000 ka besik Millaun $17,000,000 ba kompania Atlantic Eagle Shipbuilding. Maibe tanba pagamentu liuhosi intermediariu maka Kompnia refere labele Finaliza konstrusaun ro-ahi Haksolok tanba seidauk simu osan mensiona iha leten. Informasaun klaru bele hare iha:
https://m.facebook.com/story.php?story_fbid=1408246259315387&id=100003900798063&sfnsn=mo
3. Sekjer F2000 Dr. MA selebra kontratu ilegal lubuk ida inklui kontratu ba konstrusaun Hotel Ambeno ho valor kontratu Millaun $10,008,593. Hotel ida ne’e halo ho urjente ho intensaun atu akomoda vizitante sira ba serimonia 500 anos chegada do Portugal iha Oecusse, infelizmente serimonia ne’e remata tiha ona mos to’o agora Hotel refere seidauk prontu. Informasaun klaru liu bele hare iha: https://m.facebook.com/story.php?story_fbid=10212771107768359&id=1107619143&sfnsn=mo
4. Sekjer F2000 Dr. MA interven iha servisu Imposto no Aduaneira importasaun hodi fo prejuizu ba Estadu osan hamutuk $626,663.57. Informasaun klaru bele hare iha:
https://m.facebook.com/groups/174946529206295?view=permalink&id=2169342799766648&sfnsn=mo
5. Infrasaun minor ida ne’ebe famozu liu maka USB ho Folin $400 ka unidade. Uniku iha mundu tomak ne’e USB karun liu maka iha RAEOA-ZEESM no bazeia ba Quotation husi kompania tolu ne’ebe fornese USB ne’e, kompania ida maka hatama quotation ho folin $600 ba kada USB. Ida ne’e so akontese iha “Bom Gestor” Sekjer F2000 Dr. MA ho ninia Kroni Estimada Leonia Monteiro nia administrasaun de’it! Informasaun klaru bele hare iha:
https://m.facebook.com/story.php?story_fbid=1892245384412626&id=100008815474573&sfnsn=mo
Faktu sira ne’e hotu hatudu katak “reklamasaun” ka “claim” husi Dr. Mari Alkatiri katak laiha osan ruma maka lakon iha RAEOA-ZEESM ne’e hanesan deklarasaun atu halo kontente an. Aleinde ne’e Dr. MA hasai deklarasaun ne’e tanba nia fiar katak Ministeriu Publiku sei la-foti kazu ruma hasoru nian. Karik tanba PJR Dr. Jose Ximenes TAUK Dr. MA? Ka karik tanba Dr. Jose Ximenes mos Dr. MA maka KONTROLA?
Publiku hein INDEPENDENSIA no INTEGRIDADE husi Ministeriu Publiku nian atu Aplika Lei HANESAN ba Ema hotu, inklui ba Auto-proklamador “Bom Jestor” Dr. Mari Alkatiri! CNRTMC husu ba Ministeriu Publiku atu Labele Sai HARIMAU OMPONG iha Dr. MA nia oin!
Viva Timor-Leste! Viva AMP! Viva CNRT! Hamutuk Hametin Nasaun! Justisa ba Ema Hotu!
