18/08/2025
သိုၵ်းKIA ၶိုၼ်းၸတ်းသိုၵ်းလေႃႇတိုၵ်း တပ်ႉသိုၵ်းၸိူဝ်ႉ
ၸၢတ်ႈတႆးလႅင်SNA ၼႂ်းထုင်ႉၼွင်လူင်(ဢိၼ်းတေႃႇၵျီး)
17 August, 2025 ( #ၼေႃႇႁၢၼ်)
လႆႈႁူႉဝႃႈ မိူဝ်ႈဝႃးၼႆႉ တပ်ႉသိုၵ်းတပ်ႉသိုၵ်းလွတ်ႈလႅဝ်း
သဝ်းၶေႃၶၢင် KIA/KPDF ၶဝ်ႈတိုၵ်း တပ်ႉသိုၵ်းၸိူဝ်ႉၸၢတ်ႈ
တႆးလႅင် SNA တီႈႁိမ်းဝၢၼ်ႈမိူင်းၼွင် ၼႂ်းထုင်ႉၼွင်လူင် (ဢိၼ်းတေႃႇၵျီး)ၸႄႈတွၼ်ႈမိူင်းယၢင်း ပိုၼ်ႉတီႈဢၼ်တပ်ႉသိုၵ်းၸိူဝ်ႉၸၢတ်ႈတႆးလႅင် SNA ၵုမ်းၵမ်ၼၼ်ႉလႄႈ ပၢင်
တိုၵ်း လႆႈၶိုၼ်းတႄႇပဵၼ်မႃး ၼႆ ၵူၼ်းၼႂ်းပိုၼ်ႉတီႈၶဝ်လၢတ်ႈၼင်ႇၼႆ။
ၵဵဝ်ႇလူၺ်ႈလွင်ႈၼႆႉ ၵူၼ်းမိူင်းၼႂ်းပိုၼ်ႉတီႈၵေႃႉၼိုင်ႈလၢတ်ႈဝႃႈ “ယၢမ်းၵၢင်ၼႂ် မိူဝ်ႈၼႆႉ တပ်ႉသိုၵ်းၶၢင် KIA ၶိုၼ်းၶဝ်ႈမႃးလူမ်ႇတိုၵ်း တပ်ႉသိုၵ်း SNA ဢၼ်ပၵ်းသဝ်းဝႆႉ တီႈႁိမ်းပႃႇ
ႁဵဝ်ႈ ဝၢၼ်ႈမိူင်းၼွင် ၼၼ်ႉဢေႃႈ ” ဝႃႈၼႆ။
မိူၼ်ၼၼ်ၵူၺ်းၼင်ႇၵဝ်ႇ ဝၢၼ်ႈမမူၼ်းၵၢႆႇ ပိုၼ်ႉဢၼ်မီး
တပ်ႉသိုၵ်းတႆး SNA ၵုမ်းၵမ်ဝႆႉၼၼ်ႉၵေႃႈ လႆႈၺႃးသိုၵ်းၶၢင် KIA လႄႈ ၸုမ်းဢူၺ်းလီၶဝ် ၶဝ်ႈမႃးလေႃႇတိုၵ်းထႅင်ႈၽၢႆႇ
ၼိုင်ႈ လႆႈႁူႉၼင်ႇၼႆ။
လွင်ႈပဵၼ်ပၢင်တိုၵ်း လႄႈ ငဝ်းလၢႆးပၢင်တိုၵ်းၼႆႉ ဢမ်ႇပႆႇလႆႈႁူႉႁူဝ်ယွႆႈမၼ်းသေတႃႉ ၵူၺ်းၵႃႈ လႆႈႁူႉဝႃႈ ယွၼ်ႉပၢင်တိုၵ်းလႄႈ ႁဵတ်းႁႂ်ႈတုမ်ႉတိူဝ်ႉၵူၼ်းမိူင်းၼႂ်းပိုၼ်ႉၵမ်ႈၽွင်ႈ သေ လွင်ႈၵူၼ်းၼႂ်းပိုၼ်ႉတီႈ လႆႈငိူင်ႉပၢႆႈၼၼ်ႉတႄႉ ဢမ်ႇပႆႇမီး ဝႃႈၼႆ။
မိူဝ်ႈဝၼ်းထီႉ 14 July 2025 ၼၼ်ႉၵေႃႈ တပ်ႉသိုၵ်းၸိုင်ႈတႆး SNA လႄႈ တပ်ႉသိုၵ်းၶၢင် KIA လႆႈၶဝ်ပဵၼ်ပၢင်တိုၵ်းၵၼ် ၼႂ်းထုင်ႉၼွင်လူင် (ဢိၼ်းတေႃႉၵျီး)ၼႆႉသေ ၽၢႆႇတပ်ႉသိုၵ်း
ၸိူဝ်ႉၸၢတ်ႈတႆး SNA ယိုတ်းသိမ်းဢဝ်ၵုမ်းၵမ်လႆႈ ဝၢၼ်ႈ
မမူၼ်းၵၢႆႇ လႄႈ ဝၢၼ်ႈမိူင်းၼွင် ပိုၼ်ႉတီႈၵမ်ႈၽွင်ႈသေ ဝၢႆးၼၼ်ႉ တပ်ႉသိုၵ်းၶၢင် KIA လႄႈ ၸုမ်းဢူၺ်းလီၶဝ် ၶိုၼ်းၸုၶွၼ်ႈတုမ်ႁႅင်းၵူၼ်းသိုၵ်းၶဝ်သေ ၸင်ႇတႄႇၶိုၼ်း
ၶဝ်ႈလေႃႇတိုၵ်း တပ်ႉသိုၵ်းတႆး SNA ဝႃႈၼႆ။
#ငဝ်းလႅင်းႁုၼ်ႈမႂ်ႇ
