A3ref Doman'k -اعرف دومانك_ AD

A3ref Doman'k -اعرف دومانك_ AD Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de A3ref Doman'k -اعرف دومانك_ AD, Centre d’affaires, Algiers.

3. ماكينات رسكلة البلاستيك طابي كونفوايور ( taper convoyeur ) لي حابين يخدمو الكونتيتي بزاف تسمى راح يجيب بروايور كبير و...
17/05/2024

3. ماكينات رسكلة البلاستيك
طابي كونفوايور ( taper convoyeur )
لي حابين يخدمو الكونتيتي بزاف تسمى راح يجيب بروايور كبير و عالي ، يساعدو الكونفوايور باش يطلعلو البلاستيك للفوق بالكميات اللازمة ، ينقص عليه الشقى و تمشي الخدمة كيما لازم ، لي يجيب بروايور صغير و لا راه دوك بدى يقدر يستغني عليه و يوكل للبروايور باليد كل واحد على حساب كيفاش حاب يخدم و علا حساب دراهمو .


3.ماكينات رسكلة البلاستيك الغسالة laveuse تغسل البلاستيك بعد ما ترحيه ، هي كاين نواع على حساب نوعية البلاستيك ، كي نقولو...
17/05/2024

3.ماكينات رسكلة البلاستيك
الغسالة laveuse
تغسل البلاستيك بعد ما ترحيه ، هي كاين نواع على حساب نوعية البلاستيك ، كي نقولو القرعة ( pet ) و البوشون( pehd , pp ) راه معندهمش نفس الكثافة ، القرعة تحبط لتحت و البوشون يبقى فوق الما علابيها فغسالات القرعة تلقى فيس ( vis convoyeur) ، و كاين غسالات بالما البارد و كاين تاع الما سخون مع لاصود .


بروايور تاع النيلو : هادا البروايور على سبيل المثال عندو روطور ڥيد ( vide ) ترحي بيه النيلو الموسخ ، من المستحسن تبرونشي...
02/04/2022

بروايور تاع النيلو :
هادا البروايور على سبيل المثال عندو روطور ڥيد ( vide ) ترحي بيه النيلو الموسخ ، من المستحسن تبرونشيلو الما باش النيلو يحبط و يحكمو الروطور و زيد ما يسخنش ، خاطر فالنيلو شوية سخانة يتبلوكا و تعود فالمشاكل و التأخير .
لي لام لازم يكونو قراب مليح مع الكونطر لام ( كاين شفرات تحطهم على الروطور و كاين زوج يعيطولها كونتر لام " contre lames " ما يتحركوش تحطهم على هيكل البروايور ) .
ما تنسايش بلي لي لام تاعك لازم تمظيهم خطرة على خطرة ( كاين ماشينات يمظو لي لام ) .
فهاد البروايور كاين فيس " viss " لتحت يساعد فغسل الباش و النيلو .

3-ماكينات اعادة تدوير البلاستيك : آلة التكسير "بروايور broyeur " راح نحكي على الروطور : ما يبانش مليح فالتصاور بصح المفي...
02/04/2022

3-ماكينات اعادة تدوير البلاستيك :
آلة التكسير "بروايور broyeur "
راح نحكي على الروطور :
ما يبانش مليح فالتصاور بصح المفيد هو الحديد لي راه داخل و يحطو لي لام ( des lames ) بالعربية " شفرات حادة " .
يدور بسرعة كبيرة باش يقطع البلاستيك ،كاين ثلاثة انواع تاع الروطور و لا فيربلوكة ( fer bloc )
عندنا روطور پلان ( retor plein) يخدمو بيه عموما بلاستيك لي يعيطولو البلوك ، البلوك هو ما يطيح فالماشينة قرانولي مثلا و لا الزيادة لي تجي فالمنتوج فالمصنع
مثال : البيدون تاع الما كي يخرج من القالب يجي بلاستيك زيادة معاه ينحوه و يعاودو يرحوه .
روطور دومي پلان ( retor Demi plein ) يخدمو بيه البلوك تاني و زيد يرحي الصندوق الباسينة ..... تسمى يرحي بزاف صوالح .
روطور ڥيد ( retor vide ) هو الاكثر استعمالا خاصة لي راهم يصنعوهم لوكال فالبلاد ، يخدم القرعة و الباسينة و الكرسي و إذا كان كبير كثر من 80 سونتيماتر يقدر مام البلوك يخدمو ( تسمى قادر تقول يرحي كلش ) و مام هو لمليح لي حاب يخدم النيلو ( لاباز la base ) .
كاين انواع اخرى كيما روطور سيزو پلان ( ciseaux plein ) مليح تاني لصحاب القرعة تاع الما .
أمبعد يجي الغربال لي يكون فالتحت على حساب قياس الثقابي لي فيه تبدى عادة من 8 ميليمتر حتى ل 24 ملم ( 2٫4 سونتيماتر ) .


3-ماكينات اعادة تدوير البلاستيك آلة التكسير ( بروايور ) broyeur هي المسؤولة عن المرحلة الاولى التي تتمثل في تقطيع البلاس...
25/03/2022

3-ماكينات اعادة تدوير البلاستيك
آلة التكسير ( بروايور ) broyeur
هي المسؤولة عن المرحلة الاولى التي تتمثل في تقطيع البلاستيك الى أجزاء ذات حجم صغير.
توجد محلية الصنع و توجد اخرى مستوردة ، كاين بزاف منها بصح المبدا واحد ، هو موتور يدور بسرعة و قوة ، أمبعد يدور الروطور ( راح ندير منشورات نفهم فيهم المصطلحات هادو ) لي فيه لي لام لاصقين عليه و يقطع البلاستيك شحال من خطرة حتى تولي صغيرة قيس ما تخرج من الغربال .
البروايور كيما قلنا كاين بزاف ، كاين لي يخدم القرعة ، وكاين لي يخدم النيلو و السيلوفان ولا البلوك و كاين بروايور كبير يرحي قريب قاع البلاستيك .
فالبروايور لازم نركزو على الموتور و القيس تاع الروطور و شحال من لام فيه ، كل ما كان كبير و الموتور قاوي يخدم الكونتيتي كبيرة .
تاع لامبورطاسيو ( المستوردة l'importation ) كاين لي فيهم مام نظام للتبريد ، السرعة الكبيرة و الخدمة بزاف مام الحديد ويسخن .


3- ماكينات اعادة تدوير البلاستيك آلة الضغط presse a b***e : ليست من اساسيات سلسلة ماكينات اعادة التدوير لكن يمكن أن نتحد...
25/03/2022

3- ماكينات اعادة تدوير البلاستيك
آلة الضغط presse a b***e :
ليست من اساسيات سلسلة ماكينات اعادة التدوير لكن يمكن أن نتحدث عنها ، هي ماكينة الضغط البلاستيك و الكرتون و الالومينيوم ( توجد آلات مخصصة فقط للبلاستيك او الكرتون او الالومينيوم ، حسب طلب الزبون )
توجد من صنع محلي او مستوردة ، يمكن أن يستثمر فيها الفرد كمشروع مصغر ، حيث يقوم بضغط القارورات مثلا .
مزاياها انها تجعل المادة المظغوطة لا تحتاج إلى مكان كبير لتخزينها .
تساعد لنقل البلاستيك او الكرتون بكميات كبيرة .
مبدأها يتكون من محرك كهربائي لدفع الزيت بنضام هيدروليكي لتشكل طاقة الدفع ليحبط سقف الماكينة و يضغط بقوة لتصنيع " بوطة" ذات وزن كبير و حجم أقل .
تختلف هذه الالات حسب قوة المحرك و قياسات حجمها ، و كم وزن البوطة المستخرجة في عدة ضغطات .


3- ماكينات اعادة تدوير البلاستيك : بعد معرفة المراحل الاساسية للرسكلة البلاستيك سنحاول ان نعرف بعض الماكينات الازمة لتلك...
23/03/2022

3- ماكينات اعادة تدوير البلاستيك :
بعد معرفة المراحل الاساسية للرسكلة البلاستيك سنحاول ان نعرف بعض الماكينات الازمة لتلك المراحل .
لا يمكن ذكر سعرها بالتحديد لأنه يختلف من نوع لآخر ، و تختلف حسب نوعية البلاستيك المختار للعمل عليه ، اذ توجد ماكينات مخصصة فقط لنوع واحد و اخرى لمعظم الأنواع .
سيحمل هذا الجزء #هاشتاق 👇👇 :


مراحل اعادة تدوير البلاستيك ( الرسكلة ) :المرحلة الرابعة : تحبيب / تذويب البلاستيك ( granulations ) : بعد تكسير البلاستي...
21/03/2022

مراحل اعادة تدوير البلاستيك ( الرسكلة ) :
المرحلة الرابعة : تحبيب / تذويب البلاستيك ( granulations ) :
بعد تكسير البلاستيك و غسله و تجفيفه تأتي مرحلة تذويبه ، ذلك يحدث بواسطة ماكينة تسمى خرازة و لا قرانيلاتريس " granuleuse " .
تتكون من جزئين ، الاول مخصصة لتذويب و دفع البلاستيك على شكل خيوط موجهة للتبريد و اخرى تستقبل الخيوط و تقطعها الى حبيبات صغيرة ( يوجد انواع كثيرة من هذه الماكينات سنحاول شرحها في العنصر الموالي ) .
هذه العملية تسمح من احياء البلاستيك بمروره على حرارة التحويل و مصفات ( فيلتر filtre ).
بعد هذه المرحلة تذهب المادة المنتوجة الى التصنيع التحويلي للبلاستيك.
ملاحظة : الصورة المرفقة ( هاداك يعيطولها لاباز la base = PELD ، رقم 4 ) للتعرف على شكل البلاستيك بعد احياىه .


مراحل اعادة تدوير البلاستيك ( الرسكلة ) : المرحلة الثالثة : التجفيف هي عملية تأتي بعد الغسل و هي نزع الماء و تجفيف البل...
21/03/2022

مراحل اعادة تدوير البلاستيك ( الرسكلة ) :
المرحلة الثالثة : التجفيف
هي عملية تأتي بعد الغسل و هي نزع الماء و تجفيف البلاستيك المرحي ( المكسور ) ، هذه المرحلة تتطلب نفاظة الماء و بعدها مجفف " سيشور sécheur ou séchoir " , في بعض الأحيان يكتفي المستثمر بنفاظة فقط بدون مجفف ذلك يعود الى طبيعة آلة التذويب و ماهي المادة المراد العمل عليها .
هذه المرحلة تسهل عملية البيع للذين يختارون العمل فقط بالتكسير و الغسل دون تذويب البلاستيك ، لمعرفة كيفية وزن مادتهم المغسولة .
سنتطرق لهذه الماكينات في العنصر الموالي .


2- مراحل اعادة تدوير البلاستيك ( الرسكلة ) : المرحلة الثانية : الغسل اذا كان البلاستيك مسترجع من النفايات و الطبيعة ، او...
20/03/2022

2- مراحل اعادة تدوير البلاستيك ( الرسكلة ) :
المرحلة الثانية : الغسل
اذا كان البلاستيك مسترجع من النفايات و الطبيعة ، او كان البلاستيك انتهى من مهام كتغليف او استخدم في الحياة اليومية معناها أنه تلامس مع الغبار او أي شيء متواجد فالطبيعة ، يستحسن غسله مرتين :
الاولى بالماء البارد و ذلك في وضعه في غسالة البلاستيك لديها مميزات حسب المادة التي تريد غسلها
المرة الثانية ليست بضرورية لكن توجد مواد يجب ان تغسل بالماء الساخن ، في هذه الحالة من المعروف إضافة مادة مطهرة و تسمى بلاصود " la sode " .
الغسل مرحلة مهمة لانتاج مادة مرسكلة ذات جودة عالية ، للحفاظ على سلامة المجتمع عن طريق التخلص من البكتيريا و الحفاظ على لون البلاستيك المسترجع .
تساعد أيضا في الحفاظ على ماكينة التذويب و عدم تغيير فيلتر الماكينة ( سنتطرق لها فيما بعد ) في مدة زمنية قصيرة .


علاش البيدون ولا البتية ما نخلطوهمش مع البوشونات تاعهم !؟ يعود ذلك بطريقة تصنيع البلاستيك ، البيدون و لا الجيريكة كيما ي...
20/03/2022

علاش البيدون ولا البتية ما نخلطوهمش مع البوشونات تاعهم !؟
يعود ذلك بطريقة تصنيع البلاستيك ، البيدون و لا الجيريكة كيما يعيطولها مصنوعة من نفس مادة التي يتم صنع الغطاء " البوشون " ، لكن يختلف في ماكينة الصنع و طريقة التحويل ، الغطاء يتم صنعه بواسطة ماكينة الحقن " انجيكسيو injection " ، مبدأها يتم تفريغ مادة البلاستيك في الماكينة و تدفعه عن طريق الحقن داخل قالب ( mould ) ليتم تبريد القالب و نتحصل على المنتوج .
اما البيدون يتم تصنيعه بالنفخ " سوفلاج soufflage " ، اي يتم وضع البلاستيك فالماشينة أمبعد تخرج شغل أنبوب لين ( يختلف قطر وسمك النبوب لإختلاف رأس الماشينة " لافيليار la filière " و قدرة دفعها .
بمعرفة كيفية تصنيع البلاستيك سيمكننا من معرفة كيفية التعامل مع المواد لرسكلتها لضمان جودة المواد و سهولة بيعها .
اما الصورتين المرفقتين لإظهار شكل البلاستيك بعد عملية التكسير " برواياج " و يعود حجمها الى مقاس الغربال الموضوع فالبروايور .
ملاحظة : سنفهم جيدا معني النفخ و الحقن و غيرها من التحويلات في دراسة مشاريع الانتاجية و الصناعة التحويلية .


مراحل اعادة تدوير البلاستيك : المرحلة الأولى : تكسير و طحن البلاستيك عبارة عن عملية تحويل البلاستيك من مادة حية الى قطع ...
20/03/2022

مراحل اعادة تدوير البلاستيك :
المرحلة الأولى : تكسير و طحن البلاستيك
عبارة عن عملية تحويل البلاستيك من مادة حية الى قطع صغيرة .
مثال : نقولو راه عندنا بيدون تاع 20 ليتر ، نحيو البوشون وحدو علاخاطر البوشون و البيدون ماراهمش مصنعين بنفس الطريقة ( راح ندير منشور نجاوب على هاد الامر ) ، تحكم البيدون تجوزو على المنشار اليكتريك يولي ساهل باش تدخلو فالبروايور ( البروايور راح نحكيو عليه فالماكينات ) أيا ترميه فالبروايور " broyeur " و هو لي يكسرلك البيدون الى قطع صغيرة قيس ما بين 12 ميليماتر الى 18 مم على العموم .
هادي هي المرحلة الأولى بكل سهولة و بساطة ، تسمى لازملك ماكينة و هي تخدملك واشنو المطلوب .


Adresse

Algiers

Site Web

Notifications

Soyez le premier à savoir et laissez-nous vous envoyer un courriel lorsque A3ref Doman'k -اعرف دومانك_ AD publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type