06/12/2019
هنا في هذه الصفحة :
🔴 شحال كاين من واحد دا سكنة و هو ما يستهلهاش
🔴 شحال كاين من واحد عندو مسؤولية دخل بنتو ولا وليدو يخدم في الشركة لي هو مدير أو مسؤول GRH تاعها ؟
🔴 شحال كاين من تاجر غش؟
🔴 شحال كاين من واحد رما ساشية تاع زبل حاشاكم في طريق و ليس في مكانها
🔴 شحال من واحد يؤمن بالاولية و يزور مقام سيدي برقوق؟
🔴 شحال من واحد حياتو ما قرا كتاب واحد
🔴 شحال من واحد آخر مرة استعمل قوقل طلع غنية شاب ميدو
🔴 شحال من وحدة خدامة في لاميري تستقبل المواطن بالتشناف؟
🔴 شحال من واحد باع طونوبيل و ما صارحش الشاري بلي فيها لال معاود؟
🔴 شحال من واحد درح كوارط
🔴 شحال من واحد باع البطاطا ب 100 دج
🔴 شحال من واحد جاه CV تاع شاب جامعي و رماه في الدرج إلى يوم الدين
🔴 شحال من واحد دا خدمة واحد آخر
🔴 شحال من واحد شكم بصديقه أو collège تاعو في الخدمة طمعا في منصب
🔴 شحال من واحد مشا مع المير و ضرب الشيتة باش يدي حانوت في سونطر فيل
🔴 شحال من واحد صفق لبوتفليقة
🔴 شحال من واحد عجبو rappelle تاع بوتفليقة في 2010و 2011
🔴 شحال من واحد خدم لربراب و حداد و طحكوت
🔴 شحال من واحد كلا خبزة واحد آخر
🔴 شحال من واحد يخدم على 8 جاء على العشرة و يخرج على الربعة هرب على الزوج
🔴 شحال من واحد ما سينيياش ورقة مواطن و عذبو شهور و هو يقولو روح و ولي
🔴 شحال من شاف سيرفيس حقار؟
🔴 شحال من شاف ديبارطومون حقار
🔴 شحال من اوفيسي و كوميسار حقار
🔴 شحال من كابيتان و كوموندو حقار
🔴 شحال من مواطن حقار
🔴 شحال من مير حقار
🔴 شحال من إمرأة حقارة بمنصبها أو بمعارفها أو بنسبها أو بعمل زوجها
🔴 شحال من سائق طاكسي سرق مواطن في كورسة
🔴 شحال من طبيب قاعد يلعب بوبجي و المرضى يسناو
🔴 شحال من ماصون خدم في aadl و درح لافابو و الكوزينة و ماشارجاش السيمان
🔴 شحال من خدام درح في القودرون
🔴 شحال من خدام في سونلغاز هلا ناس بلا تريسيتي ل 24 ساعة و 48 ساعة
🔴 شحال من خدام في سوناطراك راقدة و تمونجي يخدم ربعة و يريح ربعة و يخلص 15 و ما يخدمش خدمتو
🔴 شحال من واحد رجع بيرمي بمعارفو
🔴 شحال من واحد لم يحترم فو روج و لم يحترم لابين جون و لم يحترم اي قانون للمرور
🔴 شحال من واحد باه الزطلة و الكاشي
🔴 شحال من واحد ما قراش الذراري
🔴 شحال من واحد قال للأطفال لي قرا قرا ولي ما قراش انا عندي الشهرية
🔴 شحال من استاذ جامعي مد نقطة لطالب و حقر طالب
🔴 شحال من طالب طلع بالكوبياج
🔴 شحال من طالبة طلعت بعلاقة مع إداري في الجامعة
🔴 شحال من طالب سرق بحث من google
🔴 شحال من طالب في عوض يدي لابتوب يقرأ دا قيطارة يسنتر
🔴 شحال من بوليس حقر مواطن و قلبلو الطابلة و كان قادر يقولو بلعقل ارفدها و يخوفو
🔴 شحال من باركينقور فورصا مواطن يعطيلو عشرالاف ولا يكريفيلو الرود
🔴 شحال من واحد ضحك على واحد...... الخ
هل ذكرت اسم اي شخص من العصابة لا.. هل هؤلاء هم النظام لا
هذه هي #المنظومة و نحن نريد التغيير بدون نغير
بقية أوقات طيبة
سلام
