20/05/2026
انتهى الان مؤتمر google io وهذا المختصر المفيد لواش صرا فيه
الحاجة لي عجبتني بزاف انو Gemini Live يقدر يتحكم في تليفونك: تهدر معاه وهو يدخل للتطبيقات ويدير أوامر بلا ما تمس الشاشة.
ميزة Ask YouTube ايتداء من الصيف الجاي، تولي تقدر تقصر مع يوتيوب وهو يخرجلك الفيديوهات المناسبة بدقة، بل ويفتح لك الفيديو في الدقيقة والثانية اللي راك تحوس عليها.
نموذج Gemini Omni للفيديوهات: نموذج جديد يخدم فيديوهات خرافية سواء من نص أو صورة.
سلسلة Gemini 3.5 الجديدة: أعلنت قوقل على نموذج Gemini 3.5 Flash المتاح من اليوم واللي ولى قوي بزاف في البرمجة وقراءة بزاف ملفات مع بعض، وقالت بلي النسخة الكبيرة Gemini 3.5 Pro جاية الشهر الجاي.
كشف التزوير بـ SynthID: مع كثرة الفيديوهات والصور المزيفة بالـ AI، قوقل دارت ميزة في محرك البحث ومتصفح كروم تكشف لك الحقيقة وتعرف إذا الصورة أو الفيديو مخدومين بالذكاء الاصطناعي ولا حقيقيين.
بحث قوقل رجع أذكى: محرك البحث ولى مدعوم بـ Gemini 3.5 من اليوم عالمياً، وتقدر دكا تشارك معاه صور وفيديوهات وملفات وتناقشها معاه مباشرة في خانة البحث.
وكلاء البحث Information agents: ميزة قادمة في الصيف للمشتركين، تخليك تعطي أمر بحث معقد بزاف للـ AI، وهو يقسم الخدمة على أجزاء، ويقعد يبحث ويحلل ويعطيك التحديثات و النتائج
التسوق الذكي وثورة الدفع: قوقل دارت نظام Universal Shopping Cart يربط الجيمايل واليوتيوب وجيميني، باش يجمع لك واش حاب تشري ويعطيك أفضل العروض،
واهيرا و ليس آخرا أعلنت على معالجات TPU 8t و TPU 8i المخصصة لتسريع البنية التحتية وتدريب نماذج الذكاء الاصطناعي الضخمة بسرعة.
