09/02/2025
سلام عليكم اخواتي العزيزات ان شاء الله كامل تكونو بخير وفي صحة جيدة ،بما ان شهر رمضان على الأبواب اهله الله علينا بالصحة والعافية حبيت نخبر اخواتي لي باغيين يخدمو عندي الحلويات في العيد ان شاء الله ولا بعض المملحات لاني (منخدمش مملحات بزاف فقط نرفد زوج ولا تلت أشخاص لا كتر ونخدم فقط لي باغكات حلوين ومالحين ) راني فتحتت قائمة الحلويات الخاصة بعيد الفطر ان شاء الله ومتقولوليش مزال الحال 😅لانو راح نرفد لي نقدر عليه واكيد مرايحاش نبدأ فلقاطو درك 😂 لانو كاين اخوات تقولك مزال لحال وحتى نصومو بعدة علابالنا اختي بلي مزال الحال بصح حنا تاني نبغيو نحضرو اشياء أخرى فرمضان ماشي غي تحضير الحلويات راه فيها اختيارات الزبائن وكل وحدة تأكد طلبيتها كاين لي تبغي تبدل فالانواع مهم فيها خدمة مدابيا نحضر كل شيء قبل ميحل الشهر الفضيل باش منضطرش نخرج ونديبلاصي على السلعة مع في بلادنا مشاء الله كلش راه متوفر 🤭 مهم اعتذر لاطالة الكلام هدا الشرح فقط باش نغلق باب كلمة مزال الحال على كل حال مرحبا بالجميع والاخوات لي تبقا عشريام لرمضان وتتفكري بلي كاين حلويات العيد من فضلك متحرجينيش لانو منقدرش نرفدك اكيد نكون رفدت لي نقدر عليه مهم الحلويات داخلة فيها قريوش ومقرووط متقولوش هادوك حتة لتالي لانو كل عام تقصدوني الايام الاخيرة ونحشم نردكم بصح نكون نضغط على نفسي وعلى حساب ولادي وعائلتي وشكرا على تفهمكن الأنواع ملاحظة فقط الأنواع لي يطلبوهم بكترة منهم يكون الميلونج ان شاء الله
