24/05/2025
السلام عليكم ورحمة الله تعالى وبركاته
أخي الفاضل حط منشوري وخلي صوتي يتسمع يوصل للحميع و برطاجيو بقدر الإمكان لعله ناس بزاف في نفس الورطة ومضرورين من طرف صايغي مجوهراتي نصاب ومحتال لعله تكون فرصة أنهم يتلاحموا ويحطوا اليد في اليد لمحاربة هاذ الحثالات ولميخافوش ربي وتأخذ العدالة و القانون مجراه
كامل نعرفوا أنه بين الصايغي و الزبون وصل( BON POUR) يكون مختوم من طرف صاحب المحل لأنه هو الوثيقة الرسمية لتحمي الزبون وزيد المحل التجاري ليتعامل فيه طبعا وبهذا الشيء قدر يستدرج هذا المحتال النصاب بكل ثقة زبائنه خاصة منهم النساء (الوليات) ويمنحهم الثقة وأنا واحدة منهم لأنه كنت نحب نشري الذهب ونخبيه على حد قول عجايزنا وأمهاتنا الحدايد لشدايد إلى حد الٱن عادي إلى يوم سلمنى البعض من مجوهراتي ومنهم فردة مقياس ميزان 81.3 غ ونتفاجأو عندما تلبس في حفل زفاف أختي رجعت يدها كامل زرقاء وهذا موثوق بالصور و الكاميرا تأكدنا أنه الذهب مغشوش وعندما رجعناه ليه في دهشة كون أنه محل ثقة وهو ناس املاح قدر يقنعنا أنه خدامينه غشاشين وةيخدموا هاذ الشي من وراه و يسرقو فيه تجاوزنا الأمر لأنه مستحيل نشكو فيه ومع مرور الزمن زادت شكوكنا وتوسويس تاعنا من خدمتو قررنا نرجعو ليه كل الذهب لخدمهولنا مع مصاغ ٱخر عدا الدراهم تاعنا لعندو سابقا راهو المبلغ مش هين وهذا بحجة أنه ذهبنا يصلح غير للأعراس وصدقوني يا ناس وقتها أيضا تزامن هذا المشكل بشراء منزل في أقرب الآجال لأختي هكذا ميشكش أنه راح ننساحبوا في التعامل معاه ومن ثم بدات المشاكل كون ظهروا ناس بزاف نصب عليهم ويطالبوا بحقوقهم وبدا التحايل تاعو معانا أستناوني أصبروني نعطيكم بالدفعات وبعدها غلق المحل وأختفى تماما وبدات محاولاتنا باش نلقاوه ونسترجعوا حقوقنا قبل مانبداو الإجراءات القانونية مع العدالة اتجهنا عند أعيان أهله وعرشه ناس في القمة لكن للأسف يجي ليلوث إسم وسمعة العائلة وكشفوا لينا أنهم حاولوا تسوية هذا المشكل مع الضحايا كامل لكن لقاو تلاعب كبير وأكاذيب من طرف الصايغي وكذا عائلته واضطروا للإنسحاب للحفاظ على سمعتهم على غرار عائلته وإخواته وابن أخوه خاصة لتوهونا و قالونا تعرض للسرقة من طرف أفارقة في محله عن طريق تخذيره مع العلم أنه المحل غير مزود بكاميرات المراقبة ومرة يقولونا سافر واتعرض للسرقة من طرف قطاع الطرق ومرة سيزاوه في الطريق وهو قال شريت ذهب بالم
