نــآس بــكٌري قـــآلــوُُ

25/12/2021

قالو___ناس_____بكري
🛑كاين ناس صحبتهم ذهب👌
🛑وكاين ناس صحبتهم عجب😠
🛑وكاين ناس صحبتهم تعب🦀
🛑وكاين ناس صحبتهم جرب🌚
🛑وكاين ناس صحبتهم اغلى من الذهب💪

06/08/2021

31/07/2021

ناس زمان قالوا :
الصوف لازمو قرداش .. ومغزل يبرمو بريمة
والحرّ ما يخالط لوباش .. خلطتهم طيّح من القيمة
وعاشق الزين مايتهناش .. الزين مايدومش ديما
حنانة والديك ماتلقاهاش .. أياك توجعهم بكليمة
جرح لقريب مايبراش .. لا تفيد فيه طبة ولا عزيمة
خيار الراجل يبات بلاش .. ولا يطلب من الرخيص لقيمة
العمر يمشي ومايستناش .. توب لله راهي رحمتو عظيمة .

22/05/2021

« ناس بكرى قالوا »

كي تعاشر عاشر الذيب من بعيد تسمع عواه ولا تعاشر بنادم قريب كي الجمل يغدر مولاه
نوصيك يا ماكل الراس في البير ارمي عضامه ونوصيك يا قاعد مع الناس فمك ديرله لجامه
ما تخالط وماتقول انا غالط
وماتعاشر النحل وما تشكي من لسعاتو
احكي سرك للبعيد اذا فشاه يكون بعيد على دوارك ولا تحكيه للقريب يجيبلك العيب لباب دارك
ثلاثه خساره في ثلاثه :
خسارة القمح في دواب
وخساره العسل في الكلاب
وخسارة الواجب في الي مايعرف الجواب
وخساة المسمار في اللوح الراشي
وخسارة المحبه في الي مايستاهلهاش
ويدور الزمان وتكبر الزيتونه ويقعد رماد النار في كانونه والي راح من العمر راح ماعاد ترجع ايامو والي طاح من العين طاح ماعاد يعلا مقاموا. ..

08/03/2021

في الوقت الحالي الوجوه الزينة رجعت حزينة وين ما تروح تلقا لغبينة ..البلاد ظلامت ورجالها مالت ...والطير الحر منو البومة نالت
حتا الذيب عليه النعجة بالت (حشاكم)..شكون كان يقول الذيب خواف .اسمع للهدرة ما تلقى عبرة ..مع الشواش متمني سهرة ..ولخر يمشي بسلاح الحقرة رد بالك تغلط عندو لكتاف ..حتا الهمة قتلتها الغمة طول عمرو راقد وينوم فالأئمة والنميمة دارولها لمة
والي سمع ماهوش كي لي شاف
بعض الرجال رجعت طبالا وبعض النسا رجعت رجالا
مابقات حشمة مابقات عقالة والرجلة داروها نشاف ..عايش فيها غير السفار ..يتفلسف ويجيب في الاخبار
يحبس العقل ويخليه محتار
ملي يبدا وهو حلاف ..مولا الحلال عايش متازم ..ومولا الحرام عايش متزعم...وجوه صحيحة مافيها ماتحشم وين ماتروح تلقاه خطاف
لازم عليك تكون درويش باه تعرف كيفاه تعيش

08/03/2021

بكري كانت الملاية واللحاف وكان الحياء والحشمة بالأصناف
واليوم لابس العريان وكلشي يبان والحياء والحشمة طارو
و دارو جنحان بكري الهدرة بالقدر واللبس ماستر و الماكلة
ما حضر واليوم ماكلتهم نجارة ولبستهم خسارة وهدرتهم دسارة بكري ألبس ورڨع واليوم رجع غير اللباس المڨطع
الكيراتين وسراوليل مڨطعين وين رنا رايحين وين
جيل ڨد الظفر إذا عطاك بالظهر ما تفرقوا بين الأنثى والذكر
لبسته كي النساء وهدرته مأنثة ومشيته مخنثة من نهار لي تبعنا فيه النصارة وحنا في الخسارة ومن قلت الإيمان دار علينا زمان ويارب ألطف بينا من هذا الوقت العيان وخلينا ديما في الطريق لي وصاونا عليها ناس زمان.

01/01/2021

ناس بكري قالوا: عنقود العنب يتكل بالحبة🥀والرخيس في وقت الصح يتخبى🥀والسبع موحال يفرط في اللبة💗والي خاين موحال يتربى👌👌

13/12/2020

أسمع واش قالو ناس زمان على هذ الزمان

يولي الخير مشتت
وراي مفركت
ولحي يغير من ميت

يولي الخير ياسر
ومول العلم حاصل
ومول المال واصل

يمشي زمان ويجي زمان متخالف
يولي الخو من خوه خايف
هذا محلوف هذا حالف
وكل هذا من قلت الإيمان يالعارف

يقل الإيمان وتكثر لفتان وتعلى البنيان

يقل لحيا ويكثر الريا

يولي راجل هايم ونسا بلا كمايم
مابقالك في دنيا ما تلايم

يولي الراجل بلا عمامة ولمرا بلا كمامة
رو حي يادنيا بسلامة

يكثرو تجار ويقل لحيا من صغار ولمرا ماتشد دار

تكثر النسا وتغلا اللبسة ولقلوب على بعضاها تقسى

يمشي زمان ويجي زمان معكوس
يسكت الشحرور وينطق الخنفوس

لوقت المزروب الغالب يرجع مغلوب
ويكثر البهتان ولكذوب
ولحق يولي على وجهه مكبوب

جيل يعيش بسيف
وجيل يعيش بلهيف
وجيل منه يالطيف

13/12/2020

بكري كان الراعي سراح والكلب نباح ولمرا قايمة بلمراح واليوم الراعي رجع سواق ولكلب عواق ولمرا تطلب الطلاق
بكري كان الباب لوح ولقلب مشروح ولخير مفتوح واليوم الباب حديد والقلب صديد وخو علا خوه بعيد
بكري كان الجار هو مول الدار اليوم صباح لخير يا جاري انت في دارك وانا في داري
بكري كنا خاوة ناكلو في طاوة اليوم كل واحد وكاسو كل واحد ونعاسو وكل واحد هز همو فوق راسو
بكري كان التمر والحليب اليوم الطاكسي والطبيب
بكري كان المغزل ولقرداش اليوم البرطابل ولفراش
بكري كانو يحلبو المعيز ونعاج واليوم غير السيشوار والمكيياج
بكري كانت الرجل خصال اليوم رجعت الرجلة مال

13/12/2020

الوالدين غطاهم التراب ولخوت عراهم لحساب

الطمع يفرق لحباب ويرجع لخوت ذياب

شفت أهل لمدينة يتخاصمو قبل الدفينة
الحي مازال يسمع والميت أدى لغبينة

الخاوة تخاصمو قبل مايتقاسمو

لخصام ولملام بعد العشرة يدي لتهدام

لخصام وتذياق يدي للفراق

نار الخاوة ماتداوة

في صغر خوخ ورمان وفي كبر شوك وضربان
وكي يتزوجو جيران وعديان

المحبة في صغر حلاوة وفي كبر عداوة

خيمت لخوت مخيطة بشراويط

لياراح النيف راحت الهمة
ولياراح الراجل راحت الحرمة
وليا راحو الوالدين راحت اللمة

كل واحد يلغا بلغاه وحليل لي يبكي على همو
وأنا رجايا في الله. ذوك لخوت يتلمو

13/12/2020

تحب تشرب الماء صافي شوف مجراه
ولا حبيت تحكم لغزال تبع خطاه
وعمرك لا تقول كلام وما تعرف معناه
لازمك كلام موزون وزيد ثبت معاه
لاعينك تصحب اصحب الراجل الفحل كي البارود ديما يخلي الدم يسيل معاه
خيار لكسيبة للخيل وتكون قادر على عشاهم وخيار لحباب الرجال وتكون تعرف معناهم وخيار الهواية البارود والصيادة حذاهم.
عيب النفس في كثر الخطايا وعيب العين من قلة النوم وعيب العقل في موت الخلايا وعيب الڨلب دسان الهموم وعيب الروح في خبث النوايا
الرجال يبانوا فالشدة وجه البارود اذا خرج مافيه ردة و الرجلة ماشي فالزندة والعظم عمرو ما يكون فالكبدة والجايح يخلع بالهدرة والدنيا فانية كيفها كيف الرقدة
خوذ بنت الأصول لعل الزمان يطول
عز الطفلة مع بوها.. ومن غير بوها تتهان، حتى لو كان شيخ القبيلة خوها.. وراجلها ولد السلطان.​
طفلة تسرح بالغنم حفيانة ولا طفلة تشطح بين الرجال عريانة
تروح ناس و تجي ناس وتبقى رضاية الوالدين تاج فوق الراس​
نمشي نمشي و اذا عييت نرتاح المكتوب عليا يجي و لوكان نطير بلا جناح​
اللي باعك بالفول بيعو بقشورو و اللي نكر الخير ما تقيمو بدورو
اللي نساك نساه لاتخمم فيه خليه للعالي يتكفل بيه​
فمي مغلوق وقلبي صندوق وربي من فوق يخلص لحقوق