يخصني كتاب - فرجيوة وضواحيها-

12/09/2024

السلام عليكم ورحمة الله وبركاته
هاقد عدنا معكم مجددا على صفحتكم الخيرية الخاصة بتبادل الكتب المدرسية، نعتذر عن كل من راسلنا عبر البريد ولم نرد على رسالته ، ونبشركم أننا سنستأنف النشر بداية من الآن بحول الله
في سنة 2022 قمنا بتلبية حوالي 80 طلبا للكتب عبر هاته الصفحة المتواضعة، فنأمل هذا العام أن نلبي أكثر إن شاء الله وهذا لن يكون إلا بدعمكم لصفحتنا ومشاركتها مع الأصدقاء وفي المجموعات
ملاحظة: بما أنه لا يتوفر لدينا مقر لجمع الكتب ولا حتى وسيلة للتنقل فإننا سنكون عبارة عن همزة وصل بين الآخذ والمعطي ، وسننشر الطلبات على شكل نداءات مرقمة كما في السابق ، ومن يستطيع تلبية النداء يراسلنا على الخاص مع ذكر رقم النداء ، أو يترك تعليقا مباشرة على المنشور ليتواصل معه صاحب الطلب.

21/09/2023

السلام عليكم ورحمة الله وبركاته
كيف حالكم اعضاء الصفحة، إن شاء الله تكونو بخير ، اليوم جيت راح. نعتذر منكم لانو هذ العام منظنش الا راح نقدرو نديرو حملة كما العامين لي فاتو، علاه؟؟
فالبداية كنا اربع افراد متعاونين على الصفحة اما الان بقا فقط فرد واحد وحيد وممكن 2 ومام خدمت العام لفات تقريبا وحدي وتعبت صراحة هذ العام الله غالب الوقت مكانش،كنا نطمح لتوسيع النشاط ليمس المحافظ المدرسية واعانة أخوتنا المحتاجين وايضا تطبيق بعض الافكار لي كانو من إقتراحاتكم لكن قدر الله ما شاء فعل،والله يعلم انه كانت لنا نية حسنة بصح الله غالب فوق طاقتنا هذ المنشور واني سمانة وانا نقول نكتبو وباقي نسوف حتى لليوم
هي راني حاس بالثقل تع المسؤولية لي راه علينا وحاس بخاوتي بصح سمحولنا حنا راه كل واحد وظروفو.....
المهم راح نخليلكم هذا المنشور ولا نديرو منشور جديد لي عندو كتابات يحطهم ولي يخصوه كتابات ثان يكتب وش خصو وتبادلو فيما بيناتكم ولي يعرف واحد يخصوه كتابات يسلفهملو ويوصيه حتى هو يزيد يمدهم وهي رايحة المهم فوتونا من حكاية البيع خاصة لي استفاد من عندنا على خاطر اصحاب الكتب تبرعو بيهم على اساس صدقة جارية وبارك الله فيكم..... ووقت ما اتيحت الفرصة طبعا راح نحاولو نعالجو طلباتكم
برك خلونا رسائل الجماعة لي عندهم كتابات ولي خصوهم كتابات وربي يوفق الجميع

18/10/2022

الحمد لله الكتب توفرت في ضرف 24 سا

16/10/2022

06/10/2022

الحمدلله الذي بنعمته تتم الصالحات.. ♥️

27/09/2022

رسائل نهار اليوم عندنا اربع طلبات علوم،تسير،
لكن راكم غايبين خلاص شويا دعم بارطاج، دعوة للزملاء
الفترة ذي فترة الدخول المدرسي وخلاص واحتسبو الآجر عند المولى عز وجل (في سبيل الله وفي سبيل العلم)

26/09/2022

رسالة من أخت تبحث على كتب اللغات
لي يقدر يعاونها ما يبخلش عليها واجركم على الله
شاركو المنشور مع زملائكم

26/09/2022

عندنا ثلاث طلبات لم نتمكن من توفيرها ⬇️⬇️
بالنسبة للنداء الماضي فيما يخص كتب 3ثانوي اداب توفرو زوج ومزال واحد

24/09/2022

.. ☑️
.. ♥️

يتواجد لدى الصفحة حاليا :

- كتابَيْ اللغة العربية والرياضيات السنة الأولى إبتدائي
- كتب السنة الرابعة إبتدائي
- كتب السنة الرابعة متوسط

22/09/2022

جاري البحث عن كتب السنة وفلسفة ،،، لمن يملك او يعرف طلبة عندهم الكتب لا تبخلو على إخوانكم
راسلونا على بريد الصفحة، وشكرا

21/09/2022

قائمة الناس لي تعاملنا معاهم وحذفو ولا وقفو حسباتهم،، مناش عارفين الا داو كتابات ولا هوما مدونا كتابات ولا.....
ليعرف واحد يطاڨيه ولا يقولو يراسلنا خاصة لي عندو كتب

20/09/2022

ليوم كنت نتمشى في سطوالي ـ العاصمة
لقيت مجموعة من شباب صغار دايرين حملة تع كتب كما حنا، منشطين الحالة وما شاء الله ربي يعينهم ويثبت أجرهم
حنا ومع الاسف طحنا فوحد المشكل تع حذف الحسابات
ممبعد نشاركوكم القائمة ممكن تعرفوهم تخبروهم يتواصلو معانا،،،، بالنسبة لنشاطنا حاليا رانا نخدمو فالمسانجر نستقبل طلبات ونحاول نوفرها من الكتب التي بحوزتنا من العام الماضي في حال عدم توفر الكتب راح ننشرولكم طلبات البحث هنا على الصفحة