لا تحزن Ne soyez pas triste

06/09/2024

تمعن جيدًا في الآية و تدبرها توقن حقيقة الدنيا... نسأل الله لنا و لكم الهداية.

18/12/2023

قالو ناس ازمان :
يمشي زمان و يجي زمان ،الجيب عامر والراس فرغان، اللسان معسل والقلب قطران، يولي الداب عود والراي للنسا والحكم لليهود، يولي الخير ياسر و مول المال واصل و مول العلم حاصل، تجي ذرية كي المدفع في الدنيا ما تنفع ،
يعلى البنيان وتكتر لفتان و يقل الايمان، تقل النصايح و تكتر لفضايح، ولي جاي كتر من لي رايح
تكتر النسا و تغلا اللبسة والقلوب على بعضاها تقسى، يولو الرجال كي النخل والنسا كي النحل
على اخر الزمان يقل الحيا و يكتر الريا ، يولي الخير مشتت والراي مفركت والحي يغير من الميت
يولي الراجل هايم والنسا بلا كمايم و ما بقالك في الدنيا ما تلايم

21/08/2021

09/07/2021

رَبَّنَا وَسِعْتَ كُلَّ شَيْءٍ رَّحْمَةً وَعِلْماً فَاغْفِرْ لِلَّذِينَ تَابُوا وَاتَّبَعُوا سَبِيلَكَ وَقِهِمْ عَذَابَ الْجَحِيمِ [غافر :7]

07/05/2021

سقسيتو على ولادكم فهاذو لعواشير كاشما خصهم واسكو شراو قش العيد ولا لا ولا طلقتوهم مع ماتهم؟

30/05/2020

المجد لله ثم المجد للعرب … من أنجبوا لبني الإنسان خير نبي،
ونشروا ملة في الناس عادلة … لا ظلم فيها على دين ولا نسب،
وبذلوا العلم مجاناً لطالبه … فنال رغباه ذو فقر وذو نشب،
وحرروا العقل من جهل ومن وهم … وحرروا الدين من غش ومن كذب،
وحرَّروا الناس من رق الملوك ومن … رق القداسة باسم الدين والكتب،
قومي هم وبنو الإنسان كلهم … عشيرتي، وهدى الإسلام مطلبي،
أدعو إلى الله لا أدعو إلى أحد … وفي رضى الله ما نرجو من الرغب
- الإمام عبد الحميد بن باديس

05/12/2018

اللي يهوم مايقوم$ولي يحرث مايبيعوه & لوكان الرخمة زينة مايعيفوها الصيادة@ يعجبني دور الضحية فيك

19/06/2017

_نحن الجيل إلي نحطو كرسي مكسر في مكتب الأستاذ باش يطيح ونضحكو عليه 😁
_نحن الجيل إلي أحلامنا كانت تتمثل وتتلخص في فيلو vtt
_نحن الجيل كي نلقاو خبز نبوسوه 3 مرات و نحطوه فوق الحيط
_نحن الجيل لي يصوني ويطبطب على باب الجيران ويهرب
_نحن الجيل تضربو أمه يبدا يبكي..يبكي وينوح كي تهبط الدمعة لفمو يذوقها و يرجع يبكي
_نحن الجيل إلي كان كي يضربوا المعلم بالعصى يبرد يدو في الحديدة تاع الطاولة
_نحن الجيل يدير روحو مريض باش والديه يقولو ما تمشيش تقرا غدوة
_نحن الجيل الطلاسة والطباشير والخشيبات والعجين
_نحن جيل فلاش ولطيف وقرعة موناد تع دينار 15
_نحن الجيل الي كي ايجي يضربو صاحبو يقلو راك مزال ماتعرفنيش وبركاك من الدخاصة
_نحن جيل التراب والطين والعامة في البرك و التربولات و الغميضة وفوت الزنقة
_نحن جيل شفيقة والكواسر والجوارح وجميل وهناء وريمي
_هههههه نحن جيل في اخر السنه يحتفل التوبيخ والانذار ولوحة الشرف والتشجيع والامتياز وحفلة أشغال يدوية يزينها بيمو و ماجور وموناد في قرع بلاستيك
_نحن جيل مسابقة المدارس والمدابزات عند الخساره آيوو مبروك علينا هادي البداية ومزال مزال ..
_نحن جيل ادا كنا نلعب في الشارع وعندما نرى المعلم تحبس قلوبنا ونخمم في ما نقول له غدوة ..
_نحن جيل نقراو من السبت حتى الخميس وعدنا استراحة الإثنين
_افتخر افتخر على كل لحظة عشتها في اول يوم من حياتي يوم تقدمت لرفع علم المدرسة نشيد وطني بصوت صاخب
_نحن الاطفال الذين يجرونهم كالخرفان يبكون خوفا من المعلم
_نحن الجيل العفوي الذي ينظر الي زميلاته نظرة احترام وتقدير
_نحن جيل رئيس القسم وهو يحرس ويفترى على اصحابه الكدب
_نحن جيل الاستدراك يوم الثلاتاء والاربعاء
_نحن جيل كنا نموتو على كابتن ماجد و داي الشجاع وفاردي النملة. والنمر المقنع ووو .. نخرجو من المدرسة عشية نجرو لديارنا نتفرجو ضيعة محروس
_نحن جيل أي تجيك الغولة واحد ميبقاش في الزنقة
_نحن جيل كنا نموتو بالفرحة على لمحارق تع المولد والقشقشة تع عاشوراء
_نحن جيل يتغدى طماطم وخبز عصيدة وعدس كسرة وماء
_نحن جيل الرحمة والحشمة والتربية
آآآه الله يرحمك يازمان😢😢😢
علابالي راك تقرا فيها و تتبسم :) :) :)
تحية👏👏👏⏪ للجيل #الذهبي🎓👏😙😙.لي تفكر #ليامات الشابين يبين ورحو في كمنتار
#وزير المجانين المهبول