Femmes DZ

05/09/2026

رسائلكم 🥹
امهات بغيت نحكيلكم على علاقتي بولدي عنده عامين مرات في نفسي نقول أنا ماشي ام صالحة الصراحة مسكين يغيضني نخليه يبكي و مرانيش متهلية فيه حتى يقولي ماما ناكل و أنا حاكمة تيليفون و نتفرج مسلسلات و لاكوش نخليهاله كامل النهار و إذا طاح نخليه يبكي مسكين و مرات نشدو و نوعد نفسي إني نتبدل و نقول في نقسي انو ندير كل شي باش ولدي يعيش افضل عيشة ان شاء الله
مرات نقعد وحدي نبكي يغيضني ولدي مسكين نحس روحي ماشي حنينة ممكن انو أنا ما عشتش حب الأم لانو الأم نتاعي كانت تضربنا و جامي عنقتنا للأسف و مفرزتني بيني و بين اخوتي قلت ممكن هذا هو السبب

واش رأيكم امهات أنا ام سيئة ولا لا ؟

11/06/2026

#ميساج
#ميساج
في2022 لي كنت رايحة نتزوجو قذفني في شرفي بالباطل و خلاني قبل العرس بأيام برك كامل صدقوه الا مرت خويا جات معايا و بهدرتها أثرت على خويا و خويا اثر عليهم كامل و سكتهم

2023 مرضت مرض مزمن بسباب كامل وش فات عليا و طحت فراش

2024 مرت خويا كانو خلاص فقدو الأمل طبيا قالولها ما تجيبيش ولاد بعدها بشهور رفدت الحمل بتوأم و سمات بنتها عليا

2025 هذاك لي قذفني دار اكسيدون و توفى الله يرحمه و قبل ما يموت اعترف و قالهم قلها تسمحلي و كنت حاب نلقى سبة باش نخليها باش ما يقولوش كيفاش خلاها قبل العرس خاطر الاكس تاعو رجعتلو

2026 تحسنت صحتي و حسيت ربي في الاخير نصرني و بين الحقيقة و تزوجت الطبيب لي كنت نداوي عنده لي كنت مستحيل نتخيل انه يحبني خاطر رجل احلام اي طفلة في الدنيا اخلاق جمال و مال الله يبارك و لقيتو احن عليا من روحي و من والديا و ما ياكلش حتى ناكل انا و ما يخلينيش نرقد و انا زعفانة و من ايام عرفت روحي بالحمل

الحمدلله ......ربي لا ينسى دموع المظلوم

07/06/2026

مدام مانحاوش الانترنيت مابقاتش بنة الباك

07/06/2026

#رسائلكم
لبنات فيا عفسة مقودة ماهيش عاجبتني ومانيش عارفة كيفاه نحبسها وهي تع جاية نخلف ضربتي لي يديرلي حاجة ولا يغلط فيا سموني نخلفها منه ماشي قاعدة حتى نضر الناس بصح نخلف من قبيل موجودة قشي للدوش وشريت روب دايرتها با نلبسها جات أختي دخلت قبلي ولبستها وولات تمشي قدامي وماما زكارة فيا تقوللها جاتك تهبل وهيا شرات وحدة فالعيد وداستها رحت جبدتها دوشت ولبستها كي شافتني ناضت تاكل في روحها وتقولي ني داستها نعرس فيها ونتي بزة في عقلك هاذي حاجة تافهة المهم انا مابياش الروب بيا العفسة استفزتني واي حاجة نخلفهالهم كي ندير نحبس من لي كنت صغيرة هكا وتاني خطرة ماما ضربتني بمطرق تع فروطوار للراس بلا حتى سبة كانت زعفانة من جداتي حكمت التليفون تاعها وقسته فالتوالات وخليتها تحوس ووو بزاف صوالح درتهم بصح حتى يخربو فيا وكون مانخلفش نولي نرجف ويديا يرجفو ويعرقو بصح ما نظلمش حتى يوصلوني

07/06/2026

07/06/2026

📌كاين واحد الأشكال تشوفهم برا نورمالمون الدولة تهزهم بلا ما يديرو والو، غير من شكلهم ومظهرهم، راك تشوف واحد العباد مڨطعين تڨطاع عرايا تاع الصح سماهم على وجوههم، والله سيريو نورمالمون يديرو قانون يجرّم الإخلال بالذوق العام أبداها من اللبسة والتحفيفة وروح،

كي نقولك اللبسة علابالك واش أول لبسة يحرموها، بالضبط هي بعد اللي في بالك اللي تشوفها فليفيديو تاع ألجيريانو ومكافحة العصابات، تلقاهم في كل حومة وكل كارطي مكرهين حياة الجيران، مبهدلين، قهويين في العقلية قهويين في الشكل نهار كامل يطايشو عند لڨوايل قاعدين قدام ديار الناس بڨوبلي قهوة من 2012 يشربو منه كامل ولا قرعة إيزم، ودايما طالق الشاب العجال ولا كاش واحد يغني غير على الشراب والعديان والزواولة، ضارب حاجبو، كلاكات مع تقشير، بلا ما تنسى الصاكوشة الاسطورية اللي مام تكون برا دزاير غير تشوف واحد بيها تعرفو دزيري، واللي يعجبك يدورو بواحد البنات يدّيو الذنوب باطل حتى عند ربي يحسبهالهم لواط، هدراتهم غير الشايب.. المدير.. الرايس.. ولد عمي.. خو.. راك فاهم، ودايرين واحد التحفيفات تاع شقيف وهادوك تاع العصر الطباشيري، ويتشابهو كامل في وجوههم تقول مراركة.

هادو نورمالمون تشوفهم برك الدولة تهزهم، بلا ما يديرو والو، هكدا غير قاعد في أمان الله يلقى روحو قدام الجوج يشارع على المنظر المقرف اللي دايرو في المظهر تاعو، والمشكل تغفل عليهم يومين برك تلقاهم تكاثرو يكونو زوج غدوة تلقاهم ربعة تقول تولد فيهم الكلبة.

07/06/2026

#رسائلكم
سلام لبنات شوفو انا والديا كبار في 70 بصح قاضبين رواحهم يعني مش قاعدين فراش ضيعولي حياتي و باغييني نقعد في بلاصتي ماندقدم لا انا لا ولادي عندي دار حرموني باش نروحلها كون نروح نهار يديرو رواحهم مرضو و يبدو يهظرو فيا حتى كرهت داري و بابا قالي تقعدي هنا حتى للممات و للعلم دارنا كبيرا شعال من إيطاج و غير انا معاهم و نرقد في بيت حدا الكوزينة و زيد مش مقيميني و يبروفيتو فيا من جيهت الشغل بابا باغيني انا نقابل الفيلا حتى صوالح تاع الرجال انا نديرهم باغيني نعس باش دو يلا خسرت و السبابيل و كلش و كي تخسر حاجة يشنف عليا و يلومني و باغيني نرفد ولاد ختي و ولاد خوتي و هوما في ديارهم عايشين حياتهم و كي نقول ماقدرتش يقارن روحه بيا مثلا قلت عييت راني نروح نخدم كل يوم 25كيلو قالي انا كنت خدام شعال منعام و ماكنتش نقول عييت حبيت ندخل ولدي يدير كينغ قالي علاه دخليه قتله باش يتعلم يضرب على روحه قالي على انا دخلوني نتعلم نضرب على روحي دخلت بنتي دير ليكور ماعجبهش الحال قالي علاه انا درت ليكور بكري المهم يعلق على كلش و يقارن خطرت كثرو عليا المشاكل و شقا قتله ماقدرتش قلبي راه ضارني قالي قاع قلوبنا راهم ضارينا و الام تاعي كثر منه دارت فيا منكر كحل بصح دروك بدلت العقلية حاجة ماديرهاش ملي تنوض و هيا تشكي و تمد في الطاقة السلبية و تعس فيا انا و ولادي و قاتلك خصني ماندير والوا في الدار حتى القش تاعها و ماطبقش كلش مربل و مسخ ظل متكسلا و تكوناكتي مادير والو انا نبكر نخدم نطيب القهوا هي تنوض على 10 و لا11تقعد قاضبة التيريفون تكوناكتي كي تجي12 تنوض تقاي بيض و لا تحط اللبن قالت خصني مانحطش صبعي قلتلهم نشرو لافيسال و نجيبو مرا تنقي خطرا في السمانا ماقبلوش باغييني انا ندير كلش ختي ماتجي متعاون ترسل ولادها في العطل و هيا تقعد مع راجلها و كون قاع تجي صبعها ماتحطش زعما انا راني في الدار و هوما ضد نتزوج و لا نعاود حياتي انا ضروك هاد الوالدين نحس بكره من جيهتهم و حقد شديد و نحسهم مايبغونيش و راهم يبروفيتو فيا و نقول نهجر لكاش بلاد و نخليهم ماعندهمش غير انا للعلم نقدر نهجر و ندي ولادي و خطراتش يجيني عذاب الضمير و نقول ماعليش والديا و انا راني متأكدة بلي كون جا عندهم شكون يقعد معاهم و الله مايقبلوني انا و ولادي

07/06/2026

طفل صغير عمره 7 سنوات يلعب مع قطتو حذا نافذة نتع جارتهم حتى كبت عليه ماء يغلي ممكن سبها ممكن رمالها حجرة ممكن تسلق نافذة لكن هذا كااامل لا يبرر انها ترمي عليه ماء مغلي هل هذي انسانة طبيعيةوزيد أستاذة فثانوي

07/06/2026

#رسائلكم
امهات حمبوكم فهموني و نصحوني
انا عايشة في دار العايلة و عندي ولد عام و نص هذا ولدي ملي زاد عجوزتي دارت عليا دورة شينة قاتلي كنت نسايش فيك غير قد لي تولدي ولدي هذا المهم لا علينا بصح كثروا عليا يتدخلون في خصوصياتي حتى وليت ننضر على ولدي كل قنت راقدين تليفون و يصورو وصلوا حتى صوروه فالدوش و الفيديو راه بين عمومو و عمتو و انا كلما نتفكر بلي صوروه و انا كنت حاضرة و مهدرتش في ديك دقيقة و مقلتش مسحوه تجيني البكية و دوكا راني ناوية كي يجتمعو نقولهم أمانة إلى يوم الدين لي عنده فيديو تاع ولدي و لا صورة لي فيها عورة تاعه يمحيها و خايفة يردوها مشكل لانو اصلا نظل نهدر و مكانش لي يديها فيا و ربي شاهد خايفة يكبر ولدي و يقولي علاه خليتيهم صوروني الله يرضا عليكم و الله معندي أشكال يصوروه يلعب و لا بصح الخصوصيات لا نقدر نقولهم و لا كيفاه نتصرف رحمة على والديكم راني منرقدش ليل