دُرَرَ - Durar

27/10/2022

الي بعت يسألني ان الفورم مش يتفتح في تسجيل الكورس
ده لينك الفورم
فرصه حلوه اوي عشان نتعلم للتفصيل وتصميم الازياء بطريقه احترافيه
سجلوا وهيتواصلوا معاكم بكل التفاصيل

تخدم أكاديمية ادفايزوري الكيانات المختلفة والافراد من خلال تقديم برامج تدريبية وشهادات مهنية تتميز بالجودة والتطبيق العملي لإثراء الحياة المهنية والشخصية من خلال...

24/10/2022

فرصه جديده وبشكل احترافي اكتر للكورس متضيعوش الفرصه

عاوزة تتعلمي الخياطة والتفصيل
بتدور على مكان يعلمك بشكل عملي

مركز أدفايزوري للتوجيه المهني بيقدملك برنامج الخياطة "البرنامج المهني لتعلم صناعة الملابس" لسد الفجوة بين الخبرة العملية ومتطلبات سوق العمل.

تفاصيل البرنامج:
- مدة البرنامج: 6 أسابيع "شهر ونص".
- مكان التدريب: بالدقي - مدينة نصر.

شروط التقديم:
- طالب / خريج.
- التفرغ لمدة البرنامج.
- الالتزام بتسليم المهام فى المواعيد المحدده.

سيحصل المتدرب على:
- شهادة حضور بفترة التدريب.
- حضور ورشة عمل توجيه مهني فى مجال الخياطة وصناعة الملابس.
- ترشيح المتدربين للعمل فى الشركات والمصانع الشريكة لشركة لأدفايزوري.

الموعد النهائي للتقديم: 15 نوفمبر - الساعة 10م

لحجز مكانك برجاء مليء الاستمارة التالية:
https://forms.gle/6MaNDcEppBsXJEvm8


#الخياطة

14/05/2022

كورس الباترون وتصميم الازياء ✂️💁‍♂️
بناء ع طلب البنات الي حابه تصمم وتنفذ الملابس ليها بكل احترافيه ومش باسعار خياليه زي ما بنشوف ✌🤗
هنتعلم فيه :
_الباترون
_اخد المقاسات
_انواع المكن
_كل انواع الجيبات باترون رسم وقص وتنفيذ عملي للجيبات بنفسها وبادينا✌
_كل انواع البلوزات والشيميزات (الكورساج) باترون وقص وتنفيذ بنفسنا 💁‍♂️
_الفساتين بانواعها كاجول وسواريه باترون وقص وتنفيذ وفينيش نظيف جدا
_كورس تشطيبات هديه مع الكورس لكل انواع تشطيبات الملابس بطريقه نظيفه واحترافيه 👌
_تتفيذ عملي ل ٨ قطع خلال الكورس بمقاسات الطلبه والديزاين الي بيختاره بنفسهم 🙈💯
_هنتعلم عيوب الجسم وازاي نعالجها بالباترون والقماش والديزاين المناسب
_هنتعلم انواع الاقمشه واسمائها وازاي نحدد عدد الأمتار المناسبه لكل ديزاين وجسم الشخص الي هنفصل له✂️
بعد الكورس هتكوني قادره تشتغلي وتبدأي البراند الخاص بيكي وتنفذي بكل ثقة شغل خاص بيكي فيه روحك وشخصيتك وفنك 💁‍♂️✌
_الكورس ٣٠ ساعه وعدد البنات محدود من ٢_٣ بنات فقط
_ السيشن ٤ ساعات
_مشروع تخرج وعرض ازياء بنهايه الكورس
_متابعه دائمه ودعم مستمر للبنات من اول الكورس وبعده من خلال الواتس اب
الكورس مكانه ف الجيزه .

26/03/2021

جمعه مباركة ❤🖤
يمكن تعبت ف الفستان وانا بفرغ الجوبير عليه كده بس حبيته ف النهايه🥰مبحبش الفساتين السودا لكن ده احلي فستان اسود ممكن اقابله ف حياتي 🖤🖤

21/03/2021

اننا نلبس اسود في مناسبه ويطلع فرايحي صعبه بس انا حققت المعادله دي 🤭🧚‍♀️
New dress for rent 🥰✌

ده ثالث فستان سوارية نازل ايجار معانا🙆‍♀️❤💥💃
Model Mennah Mohammed
Photographer Mahmoud Abdel Wahab

19/03/2021

تاني فستان نازل معانا ف كوليكشن الايجار 🥰✌
بساطه وجمال وشياكةه في فستان واحد 🙆‍♀️🤩
فستان شمبان بيلمع 😍 available for rent ✌
مش هنسي الموديل القمر حجي Mennah Mohammed والمصور الخطير الشاطر Mahmoud Abdel Wahab
قولولي نعمل منه لون اي كمان🥰 وقولوا لي رايكم 🙈

18/03/2021

تاني ديزاين منفذ للايجار🙈🔥 حاجه كده برنسس في نفسها اوي🥰
تفتكروا لونه إيه؟ 🙊
والتوقع الصح هيبقي ليه خصم ع التأجير😋
وماتنسوش تدخلوا وتعملوا لايك للبيدچ وإنڨيت لأصحابكوا🌸👇🏻
https://www.facebook.com/AyaAbdelwahabElkady94/

17/03/2021

الفتره الي فاتت كنت بتفذ فساتين حسب الطلب ولسه مستمره ✌
لاكن الخطوه دي هتفذ فيها فساتين سواريه نكون فيها زي الاميرات🧚‍♀️💃 وهيكون بالتعاون مع هبه النجار المبدعه اكتر مني كمان ❤
ده اول فستان سواريه ينزل ايجار 😍😍
اختارت خامه مش بتتكوي وخفيفه ف اللبس وفيها لمعه حلوه اوي هتنورك في اي مناسبه 😍 هعمل مسابقات وهدايا وتاجير مجاني الفتره دي فركزوا معايا🤩🤩
💥💥💥

Mennah Mohammed احلي موديل الي محلي الفساتين الي هتنزل كلها
Mahmoud Abdel Wahab ومحمود اشطر فوتوجرافر بيطلع اجمل صور 🥰
متنسوش تعملوا لايك للبيدج ✌
https://www.facebook.com/AyaAbdelwahabElkady94/

04/12/2020

اللون المينت جرين ف الفساتين نازل موضه جدا الفتره دي
عشان كده درر عملت فساتين ف كوليشكن الفساتين الايجار من اللون الجميل ده ❤❤
الفستان متاح ايجار ❤

02/12/2020

مفيش ارق من كده ❤ كشميري🥰
الفستان القمر ده من كوليكشن الفساتين الي نازل ايجار ❤

01/12/2020

البنات الي بتحب الفساتين الرقيقه والهاديه❤
نفذنا دريس سيمبل اوي💃
الفستان متاح للايجار 🥰

16/08/2020

جالي رسايل كتير معظمها اسأله فحبيت اوضحها هنا ف البوست ده 🤗

✅ آيه انتي منين؟
الجيزه تحديدا حي العمرانيه

✅ انتي بترسمي ديزاين بس ولا بتفصلي؟
انا بعمل الاتنين بفضل الله
👈برسم ديزاين ع الورق سواء من خيالي او لو حد ف دماغه حاجه ونفسه يلبسها وينفذها او حد عنده حاجه نفسه يلبس زيها
👈وبعديها بنفذها يعني انا الي بقص القماش وافصله بنفسي😁

✅ بنحدد الديزاين ازاي؟ 🤔🤔
⬅️اول حاجه شكل الجسم
كل جسم له شكل وله لبس بيظهر جماله ويداري عيوبه
لبس يتخن ولبس يقصر ولبس يطول ولبس يرفع
⬅️تاني حاجه لون البشره
بيفرق معانا ف اختيار لون القماش والخامه عشان نلبس طرحه تنور وشنا والوان تليق علينا
⬅️ثالث حاجه خامه القماش
الي بيحب القماش الطري الي مش بيتكوي والي بيحب الساده والمشجرات والقماش التقيل ولا السوفت الخفيف

✅ الاسعار اي وبتتحدد ازاي؟
اولا الديزاين تفاصيله اي وبيحتاج كام متر وسعر المتر كام
والوقت الي هيخلص فيه لان انا بخرج لك خبره ف الرسم وخبره ف القماش والتفصيل ووقت معين ومجهود فحسب كل ده بنحدد السعر وعموما كل الي اتعامل معايا عارف اني ف المتوسط لا عالي ولا قليل 😊

باذن الله هحاول الفتره الجايه اساعد البنات بتقدر تحدد شكل جسمها اي و الي بيليق عليه وبشرتنا والالوان والنقط دي كلها ف بوستات او فيديو

✅ اسعار الاقمشه واسماءها؟
ععشان بيتبعت لي صور فساتين ومعاها اسأله زي ودي قماشها اي ويتكلف كام؟
انا مش حافظه كل انواع الاقمشه واسعارها بس سهل نفرج البياع ف محل القماش ع الصوره فيخرج لي القماشه او المشابه بيها ويقولك السعر لان الاسعار بتختلف من مكان للتاني ومن وقت للتاني