24/09/2022
نصيحة مهمة جداََ 👀
لو لسه هتشتري شقتك، اشتريها طوب أحمر وابعد عن النص تشطيب، ودا لكذا سبب:
1. شغل المحارة هتلاقيه سيئ جدا، كله مطبات وجبس لأنه شغل تجاري، وخلي بالك لو المحارة مش مظبوطه هتلاقي بند النقاشه والسيراميك فيهم مشاكل.
2. قطاعات الالوميتال اللي هتستلمها من الشركه مش احسن حاجه، وهتفضل على طول تعمل ليها صيانه.. واحتمال كبير متكونش راضي عنها وتغيرها.
3. بالنسبه للحلوق الخشب هتلاقي فيها مشاكل، غير كدا لما نيجي نشطب بنشيل الحلوق دي خالص وبنعمل مكانها محاره، ويجي الباب جاهز بالحلق يركب على المحاره بعد تركيب السيراميك.
4. توزيع علب الكهرباء في الشقه هتلاقيه قليل جدا، غير كدا لما نيجي نشطب بنكسر في المحاره عشان نأسس كهرباء من جديد على أساس الفرش اللي هنعمله.
✅ لو جيت تحسبها هتلاقي نفسك بتدفع فلوس أكتر، ف تستلم الشقه على الطوب الاحمر أفضل 🤚
