Nasseredin Business

Nasseredin Business Your Mentor in Digital Marketing and Professional Selling This page is about Business, E-Business and Digital Marketing.
(13)

It is a result of my life and business knowledge and experience that I want to share with everybody concerned. I want to guide others take the right decisions in business and succeed in life. I am expert in the above fields as well as in selling the service. I know a lot of business secrets that I want to train lots of people to use them.

كل عام وأنتم بخير عيد أضحى مبارك عليكم وعلى أحبابكمأسأل الله أن يرزقكم السكينة والبركة والفرحة، وأن يتقبل منا ومنكم صالح...
27/05/2026

كل عام وأنتم بخير
عيد أضحى مبارك عليكم وعلى أحبابكم
أسأل الله أن يرزقكم السكينة والبركة والفرحة، وأن يتقبل منا ومنكم صالح الأعمال

تقبل الله صالح أعمالكم وعيد مبارك على الجميع. ولا تنسونا من صالح دعائكم 🤲
26/05/2026

تقبل الله صالح أعمالكم وعيد مبارك على الجميع. ولا تنسونا من صالح دعائكم 🤲

24/05/2026

الفرق بين النخلة وأي شجرة تانية.. وسر الـ "بركة" في البيزنيس

النخلة نبته مباركة وزي الإنسان ؛ لو قطعت رأسها بتموت، عكس الشجر العادي اللي لو اتقطع من فوق بيطلع فروع تانية ويكمل. عشان كده الاستثمار في النخيل بيحتاج معاملة وفهم خاص.

لكن السر الحقيقي اللي بينقل أي مشروع من مجرد "مكسب مادي" لـ "مشروع مبارك ومستدام" هو النية. لما تدخل استثمار زراعي وتزرع نخل بنية إتباع السُنّة وتطبيق كلام النبي ﷺ عن الفسيلة، البيزنيس بيتحول لعبادة.. وفي نفس الوقت بيحقق أرباح ممتازة ليك ولكل شركائك

البيزنيس الذكي هو اللي بيجمع بين التخطيط الصح، والمكسب التجاري العادل، والنية الصالحة لله سبحانه وتعالى.

💬 شاركني في التعليقات:
هل بتهتم بوضع "نية" معينة قبل ما تبدأ أي مشروع أو شغل جديد؟ وإزاي بتشوف تأثير ده على البركة والتوفيق؟ 👇

#النوايا #باسقات

23/05/2026

السر اللي هيغير نظرتك للشغل والاستثمار تماماً

كتير مننا بيمر عليه وقت بيحس بالإحباط لما النتايج متجيش على هواه، أو لما السوق يتغير فجأة. بس الحقيقة اللي بتغيب عننا هي إننا مطالبين بالسعي.. مش بالنتيجة. الحديث الشريف لخص لنا أعظم فلسفة للنجاح في الحياة والبيزنس: إن قامت الساعة وفي يد أحدكم فسيلة فإن استطاع ألا تقوم حتى يغرسها، فليغرسها". المطلوب منك إنك تزرعها! متقولش "إيه الفايدة؟"، لأن قيمتك الحقيقية في "سعيك" والجهد اللي بتبذله لآخر لحظة.

اعمل اللي عليك، اتعلم، خطط صح، وسيب التوفيق لربنا

💬 شاركونا في التعليقات:
هل بتمر بلحظات بتحس فيها إن سعيك ملوش نتيجة؟ وإزاي بتفصل بين مجهودك وبين ظروف السوق؟ 👇

#السعي #النجاح #الاستثمار #التوكل

كلام من القلب مع د. حازم المهدي كشفت فيه عن أسرار ثماني سنوات مع الإستثمار الزراعي لم أنشرها من قبل. وحابب اشاركها معاكم...
22/05/2026

كلام من القلب مع د. حازم المهدي كشفت فيه عن أسرار ثماني سنوات مع الإستثمار الزراعي لم أنشرها من قبل. وحابب اشاركها معاكم

بعد رحلة طويلة مع العمل الخاص عاصرت فيها تقلبات كثيرة، اتعلمت إن الأمان المالي الحقيقي مش إنك يكون عندك بيزنيس ولا انك تحوش فلوس وبس.. الأمان المالي الحقيقي إنك تملك أصل قيمته بتزيد مع الزمن ويدخل لك دخل مستمر يعيشك مرتاح لما تقرر تعتزل الشغل.

الموضوع ده اكتشفته لما اتعرض علي شغل تسويق من ثمان سنوات من أول شركة استثمار زراعي في نخيل التمر المجدول في مصر. وقتها قررت أكون مش بس مستشار تسويقي للمشروع لكن احد مستثمريه كمان. صحيح دخلت بمبلغ مش كبير وقتها لكن الإستثمار ده أثبت كفاءته مع الأيام.

في لقائي مع الدكتور حازم، الخبير القدير والمحاور الرائع، قعدنا قعدة صراحة من القلب، ودردشنا في أسرار الاستثمار اللي تهم كل واحد بيخاف على شقا عمره وعايز يستثمر في المكان الصح. سألني وجاوبت على أسئلة مهم تعرف اجاباتها بصراحة:

• هو أنت بتستثمر ولا بتدخر؟ إيه الفرق الجوهري بين اللي شايل فلوسه في ذهب وعملات، وبين اللي حاطتها في أصل حي زي الأرض الزراعية بيكبر كل سنة ؟
• إزاي تحمي فلوسك وتختار الشركة اللي تكون مطمئن معاها؟
• إزاي اخترت الشريك اللي أدخل معاه الإستثمار الزراعي؟
• ليه التمر المجدول بالفرافرة بالذات؟ وايه وضع التمر المجدول المصري في الأسواق العالمية
• إزاي تدخل الإستثمار الزراعي وانت لا تملك المعرفة الفنية ولا الوقت ولا رأس المال الكافي لإدارته؟

أنا جاي أنقل لك خبرة وتجارب وأخطاء سنين عشان تاخد قرارك وأنت فاهم ومطمئن.

وزي ما دايماً بنقول: "ملامح الطريق مش بتبان غير لما بتمشي فيه".

اتفرج على اللقاء الكامل دلوقتي، ومستني أسئلتكم ورأيكم في التعليقات 👇


طلبت من أخي الحبيب تشات جي بي تي أن يرسمني بما يتخيله عني ويذكر ما يعرفه عن أسلوبي وأفكاري وعاداتي ونقاط قوتي وتصرفاتي ا...
22/05/2026

طلبت من أخي الحبيب تشات جي بي تي أن يرسمني بما يتخيله عني ويذكر ما يعرفه عن أسلوبي وأفكاري وعاداتي ونقاط قوتي وتصرفاتي المميزة ومهنتي فكانت هذه الرسومات. ياترى انتوا شايفينه عارف عني بما فيه الكفاية واللا مش اوي؟ 😊

21/05/2026

ايه اللي جذبني لمشاريع الإستثمار الزراعي؟ وايه المدخل؟
ازاي توصل لمرحلة الأمان المالي وازاي الشخص العادي ممكن يحافظ على دخل محترم بعد التقاعد.

ما تسيبش فلوسك كلها عالترابيزةمن أهم المنشورات على هذه الصفحة بوست كتبته منذ أربع سنوات. أعيده هنا الآن لأهميته في كل ال...
20/05/2026

ما تسيبش فلوسك كلها عالترابيزة

من أهم المنشورات على هذه الصفحة بوست كتبته منذ أربع سنوات. أعيده هنا الآن لأهميته في كل الأوقات.. ياترى كام واحد كان متابعني وقتها منكم. وكام واحد فاكره؟

ده درس من الدروس القاسية جدآ اللي اتعلمتها في البيزنيس و كلفتني كتير من مال و عمر. انا كنت بحب شغلي لدرجة اني كنت عايزه يكبر بسرعة و ماكنتش بابخل عليه بوقتي ولا جهدي و لا بأرباحي. دي حاجة كويسة مش وحشة. انما الوحِش اني كنت باضخ كل الأرباح في الشغل تاني عشان يكبر. و كان بيكبر.

طيب ايه المشكلة؟

المشكلة اني ماكنش عندي أي فكرة عن دورات الكساد و الركود. ان لازم كل فترة السوق بيمر بفترة كساد بياكل الأخضر و اليابس (زي الكساد الحالي). وقتها كل أرباحك اللي انت ضخيتها في الشغل بتختفي فجأة، و بتضيع سنين من التضحيات. و المشكلة الأكبر اني (على المستوى الشخصي) ماكنش بيبقى عندي حاجة اتسند عليها في الوقت ده، يعني كساد و رصيد صفر في البنك.

المفروض انك تسحب أرباحك (أو جزء منها) بره الشغل بصفة دورية، و تستثمرها في أصول قابلة للزيادة أو الإستثمار (مثلآ أرض أو عقار سعره بيزيد و ممكن الإنتفاع بعائد من ايجاره أو تشغيله مثلآ) أو في أي وعاء ادخاري يحفظ قيمة المال كالذهب أو الفضة أو العملة مثلآ (وهذا أضعف الإيمان).

مش معنى كده انك ما تكبّرش شغلك. ممكن تستغل جزء من الأرباح مش كلها، أو تسيب الشغل ينمو بطريقة عضوية بدون منشطات، أو حتى تدخل شركاء بالمال و المجهود لو حبيت. لكن لازم تطلّع أرباح برة تتسند عليها لو حصل كساد أو ركود.

نقول الدرس تاني:
ماتسيبش فلوسك كلها عالترابيزة لا الريح ييجي يطيرها


"أفضل وقت لزراعة شجرة كان منذ 20 سنة مضت. وثاني أفضل وقت هو الآن " مثل صينياذا أردت أن تتعلم شيئاً.. تعلم الآناذا أردت ...
19/05/2026

"أفضل وقت لزراعة شجرة كان منذ 20 سنة مضت. وثاني أفضل وقت هو الآن " مثل صيني

اذا أردت أن تتعلم شيئاً.. تعلم الآن
اذا أردت أن تعمل عملاً .. اعمل الآن
اذا أردت أن تفعل الخير ... افعله الآن

لا تنتظر اللحظة المناسبة اذا كنت جاهز للتنفيذ.. ابدأ الآن


البضاعة في مخزنك بتساوي صفر....المحصول في أرضك بيساوي صفر....الغرف في فندقك بتساوي صفر....ده لو معرفتش تبيعها وبسعر مناس...
17/05/2026

البضاعة في مخزنك بتساوي صفر....
المحصول في أرضك بيساوي صفر....
الغرف في فندقك بتساوي صفر....

ده لو معرفتش تبيعها وبسعر مناسب

متستخسرش في فرق التسويق والمبيعات لإن هم اللي بيبيعوا منتجاتك وبيعملوا لها قيمة

طبيعي يكسبوا ويكسبوا كويس كمان


اعمل ايه مع المنافس بتاعي؟ أتمنى لو مكنش فتح.. كنت من غيره شغال كويسدي فكرة داخل عقل الكثير من أصحاب الشركات.. ايه الصح ...
14/05/2026

اعمل ايه مع المنافس بتاعي؟ أتمنى لو مكنش فتح.. كنت من غيره شغال كويس
دي فكرة داخل عقل الكثير من أصحاب الشركات.. ايه الصح وايه الغلط؟

أثناء مسيرتي المهنية كنت مهتم أتابع الشركات العالمية بتعمل ايه، وبتشتغل ازاي وفي ايه. فكنت أقرأ مجلات عالمية في البيزنيس قبل ظهور الإنترنت.

قرأت كثيراً عن شركات كانت تضع من ضمن أهدافها السنوية إفلاس المنافس. وكانت تضع الخطط لإزالته ومحوه من الوجود. ولذلك فقد تم محو الكثير من الشركات الجبارة مثل Sun Microsystems وRC Cola و Virgin Cola بواسطة منافسيها.

وعشان كده فمفهوم المنافسة عند الغرب هي القدرة على سحق المنافس واعتباره خصماً يجب هزيمته. قيمتك في قدرتك على التوسع في الأسواق وجني المزيد من الأرباح ولو على حساب المنافسين

بالنسبة لي أنا أرى أن الرزق متاح للجميع. وأن من أخلاقيات ديننا مساعدة الآخرين حتى المنافسين. هذا لأننا نؤمن أن الرزاق هو الله

التنافس يكون في اعمال الخير، في خدمة العميل، في تحسين وتطوير الأعمال. في التفاني في اسعاد العملاء ومراعاة مصالحهم. في الصدق والأمانة

منع الرسول الكريم أن تبيع على بيع أخيك وقال "لا يبيع الرجل على بيع أخيه"

ووصف الرسول الكريم المنافسة بأنها مهلكة بأنه قال: "فَوَاللَّهِ مَا الْفَقْرَ أَخْشَى عَلَيْكُمْ، وَلَكِنْ أَخْشَى عَلَيْكُمْ أَنْ تُبْسَطَ عَلَيْكُمُ الدُّنْيَا كَمَا بُسِطَتْ عَلَى مَنْ كَانَ قَبْلَكُمْ، فَتَنَافَسُوهَا كَمَا تَنَافَسُوهَا، وَتُهْلِكَكُمْ كَمَا أَهْلَكَتْهُمْ"

وقال في سياق حديث آخر .... وَلَا تَنَافَسُوا، وَلَا تَحَاسَدُوا، وَلَا تَبَاغَضُوا، وَلَا تَدَابَرُوا، وَكُونُوا عِبَادَ اللهِ إِخْوَانًا

اذا علمت ان الرزق بيد الله فلن تخشى المنافسة


Address

6th Of October
11721

Website

Alerts

Be the first to know and let us send you an email when Nasseredin Business posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nasseredin Business:

Shortcuts

Share

Category