Nasseredin Business

Nasseredin Business Your Mentor in Digital Marketing and Professional Selling This page is about Business, E-Business and Digital Marketing.
(6)

It is a result of my life and business knowledge and experience that I want to share with everybody concerned. I want to guide others take the right decisions in business and succeed in life. I am expert in the above fields as well as in selling the service. I know a lot of business secrets that I want to train lots of people to use them.

26/08/2026

امتى العميل بياخد قرار الشراء النهاردة مش بكرة؟

أكبر عقبة بتواجه أي مسؤول مبيعات مش إن العميل يقوله "العرض مش مناسب"، لكن إن العميل يقول "تمام، هفكر وأرجعلك" وتختفي الصفقة في زحمة الأيام.

عشان تخلي العميل ياخد القرار دلوقتي مش بكرة، لازم تحركه بدافع عملي وحقيقي.

الدافع الأول هو الخوف من ضياع الفرصة أو الـ FOMO، سواء إن العرض لفترة محدودة أو الكمية قربت تخلص. وده كارت فعال، لكنه مش كل حاجة.

الدافع التاني والأقوى هو إنك توضح للعميل "تكلفة المشكلة". العميل جالك في الأصل عشان عنده أزمة أو احتياج، لما تقعد معاه وتحسبوا سوا المشكلة دي بتخسره قد إيه فلوس ووقت كل يوم بيمر عليه من غير حل، ساعتها القرار بيدور في دماغه بشكل مختلف تماماً. العميل مابيبقاش شايف إنه بيدفع فلوس للخدمة، بيبقى شايف إنه بيوقف نزيف الخسارة اللي بيحصل كل يوم تأخير.

لو حسبت بالأرقام تكلفة التأجيل مع عميلك، ممكن تشوف استجابة أفضل وصفقات اكتر


ممكن تعمل لوجو ممتاز، وتختار ألوان مميزة، وتصرف مبلغ كبير على الدعاية... وبرضه مايبقاش عندك براند حقيقي.لأن البراند مش ه...
25/08/2026

ممكن تعمل لوجو ممتاز، وتختار ألوان مميزة، وتصرف مبلغ كبير على الدعاية... وبرضه مايبقاش عندك براند حقيقي.

لأن البراند مش هو الشكل اللي انت بتظهر بيه قدام الناس، لكنه الصورة اللي بتتكوّن عنك جوا عقل العميل. هو مجموعة الانطباعات والتوقعات والمشاعر اللي بتخليه، أول ما يسمع اسمك، يعرف انت مين، وايه اللي يجذبه للتعامل معاك، ومستني منك إيه.

خليني أقرب لك الفكرة أكتر. البراند يشبه الإنسان؛ له شكل وشخصية وطريقة كلام وتصرفات وسمعة. ممكن واحد يلبس أحسن لبس ويقول عن نفسه كلام رائع، لكن لو تصرفاته ما بتطابقش الكلام ده، الناس مش هتصدقه. ونفس الحكاية بتحصل مع الشركات.
يعني ما ينفعش تقول إنك براند محترم يهتم بالعميل، وفي نفس الوقت موظفينك بيتعاملوا معاه بطريقة سيئة. وما ينفعش تقدم نفسك باعتبارك براند فاخر، بينما المنتج أو التغليف أو مكان البيع أو خدمة ما بعد البيع يوصلوا له رسالة مختلفة. كل تفصيلة في البيزنيس بتشارك في تكوين البراند، من أول الإعلان وطريقة رد موظف المبيعات، لحد جودة المنتج والتسليم والضمان وطريقة التعامل مع شكوى العميل.

وعشان كده بناء البراند ما بيبدأش عند مصمم اللوجو، لكنه بيبدأ لما تحدد بوضوح: مين العميل اللي انت عايزه؟ وإيه القيمة الحقيقية اللي هتقدمها له؟ وإزاي عايزه يشوفك؟ وإيه الوعد اللي تقدر تلتزم به في كل مرة يتعامل فيها معاك؟

طب وإيه الفايدة من كل ده؟

البراند القوي بيختصر على العميل وقت التفكير والمقارنة، ويبني عنده ثقة وتوقع واضح. ومع الوقت، بدل ما يسأل: "مين بيبيع المنتج ده؟"، يبدأ يسأل عنك انت بالاسم. وساعتها السعر يفضل مهم طبعًا، لكنه ما يبقاش السبب الوحيد اللي بيحدد قراره.

البراند مش اللي انت بتقوله عن نفسك، ولا اللي مكتوب في إعلانك. البراند الحقيقي هو الوعد اللي بيفهمه العميل منك... والتجربة اللي تثبت له، كل مرة، إنك قد الوعد.


24/08/2026

هل البياع مولود بياع واللا بيتعلم؟
طيب ممكن البياع يكون حد مش بيتكلم كتير؟
بياع متعلم بيع بشكل كويس واللا بياع مولود بياع مش متعلم بيع؟ مين أحسن

#مبيعات #بيع

عملاء اعتذرت عن التعامل معهم كاستشاري:- عميل طلب مني تنفيذ اعمال محددة هو اللي محددها: هتصور المنتج الفلاني - هتفتح صفحة...
23/08/2026

عملاء اعتذرت عن التعامل معهم كاستشاري:
- عميل طلب مني تنفيذ اعمال محددة هو اللي محددها: هتصور المنتج الفلاني - هتفتح صفحة فيسبوك - وعندك بادجت إعلانات اد كده (ده محتاج ايجنسي تسمع كلامه مش استشاري)
- عميل طلب استراتيجية وبعد الدراسة المطولة طلب تعديلها بحيث يكون كله على قديمه (طب ماكان من الأول تكمل على قديمه من غيري)
- عميل اتفق معايا على استراتيجية وضعتها له وفي التنفيذ عمل عكسها وبوظ سمعة البراند اللي صنعتها له

عايزك تفهم إن الاستشاري الكويس مش مجرد واحد بتقعد معاه ساعتين وتاخد منه كلمتين وتمشي. الاستشاري بيتاجر في بضاعة نادرة جدًا: وقته وخبرته وسمعته. الوقت محدود، والخبرة اتبنت بسنين طويلة من التجارب والنجاحات والأخطاء، والسمعة دي رأس ماله الحقيقي. عشان كده الاستشاري الشاطر مش بيقبل أي عميل، ومش بيحب يدخل في شغل يحس إنه هيضيع وقته أو يضر اسمه.

لو ربنا رزقك باستشاري فاهم وأمين، حافظ عليه. اسمع له كويس، ناقشه طبعًا، اختلف معاه لو عندك وجهة نظر، لكن ما تطلبش رأيه كل مرة وبعدين تعمل عكسه من غير سبب واضح، وما تضيعش وقته في اجتماعات مالهاش لازمة، وما تحطهوش في موقف يضر سمعته عشان يرضيك أو يجامل قرار أنت واخده من الأول.

عايز تخلي الاستشاري يبعد عنك وقت ما أنت محتاجه؟ ضيع وقته، ما تسمعش كلامه، وما تحترمش سمعته. ساعتها ما تزعلش لما تكتشف إنك كنت محتاجه أكتر بكتير ما هو كان محتاج الشغل معاك.


20/08/2026

قبل ما تتهم فريق المبيعات: 4 أسباب خفية لقلة المبيعات

أول رد فعل لما المبيعات تقع في أي بيزنس هو إلقاء اللوم مباشرة على البياعين: "مش عارفين تبيعوا" لكن الحقيقة العملية بتقول إن البياع هو آخر حلقة في سلسلة أطول بكثير.

قبل ما تتهم فريق البيع، لازم ترجع للورا وتدرس المنظومة ككل. التسويق في أصله هو توصيل قيمة؛ فهل المنتج بتاعك بيحل مشكلة حقيقية ومافيهوش عيوب؟ وهل السعر مناسب للعميل المستهدف؟ والأهم: هل بتبيع في المكان الصح؟ لو بتعرض منتج موجه لفئة شعبية في منطقة راقية جداً - أو العكس - المكان نفسه هيقتل المبيعات مهما كان البياع عبقري.

حتى الترويج.. هل العملاء عارفين إن المنتج موجود ومناسب ليهم وسهل يوصلوا له؟ لو أي عنصر من دول فيه خلل، فالبياع ملوش ذنب، وهيفضل أدائه ضعيف لأسباب خارجة عن إرادته.

لو تأكدت إن أركان التسويق سليمة، وقتها بس بص على منظومة البيع: هل في إدارة بتوجههم صح؟ وهل البياع فاهم طبيعة المنتج وخلفيته تناسب المجال ده؟ لأن البياع الشاطر في مجال معين ممكن يفشل لو اتحط في مجال تاني خالص مبيفهمش فيه.

راجِع منظومتك صح قبل ما تتهم الفريق، وتذكر دايماً: المبيعات هي نتيجة المزيج التسويقي كاملاً.

شاركنا رأيك: لما المبيعات بتقل عندك، إيه أول حاجة بتبدأ تراجعها؟
#المبيعات #التسويق

لو اتعاملت مع عميلك بعد البيع زي ما بتعامله قبل البيع مش هتحتاج تأجر ناس يشكروا في الخدمة ولا المنتج تبعك
19/08/2026

لو اتعاملت مع عميلك بعد البيع زي ما بتعامله قبل البيع مش هتحتاج تأجر ناس يشكروا في الخدمة ولا المنتج تبعك


15/08/2026

الشخص الذكي مش هو الشخص اللي عنده إجابة لكل سؤال. انما الشخص الذكي هو اللي بيعرف يسأل السؤال الصح في الوقت الصح عشان ياخذ الإجابة اللي هتساعده


لو كان رضا ربك عندك أهم من رضا مديرك هيحصل لك حاجة من اتنين:- مديرك هيضايقك: إهرب- مديرك هيبقى راضي عنك: الزمه
13/08/2026

لو كان رضا ربك عندك أهم من رضا مديرك هيحصل لك حاجة من اتنين:
- مديرك هيضايقك: إهرب
- مديرك هيبقى راضي عنك: الزمه


11/08/2026

مش هتخسر حاجة لو شجعت موظف عندك أو مورد لك بكلمة طيبة على عمل عمله بطريقة صحيحة حتى لو كان ده شغله العادي.

موظف سعيد = بيزنيس ناجح

البخل في البيزنيس مش كويس


08/08/2026

لما المبيعات تقع، أول تصرف تلقائي عند أغلب أصحاب الشركات هو توجيه الاتهام لفريق المبيعات أو طلب إعلانات أكتر. بس الخبرة بتعلمنا إن انخفاض المبيعات مجرد "عرض"، والمشكلة الحقيقية مستخبية في مكان تاني جوه رحلة العميل (Customer Journey).

عشان تشخص المشكلة صح، لازم ترجع للبداية: هل عملت بحث حقيقي؟ هل عرفت العميل وسمعت له؟ أوقات كتير المشكلة بتكون إن الصفقة بتتفتح صح بس مابتقفلش، أو ثغرة في مرحلة التعاقد بتخلي العميل يهرب في أخر لحظة. كل بيزنس وله تفاصيله، والحل يبدأ لما تفهم العميل ماشي إزاي من أول ما يعرفك لحد ما يدفع.

لو حاسس إن مبيعاتك واقعة ومش عارف السبب الفعلي فين، اكتبلي في التعليقات إيه أكتر مرحلة بتحس إن العميل بيبعد فيها عنك.


Address

6th Of October
11721

Website

Alerts

Be the first to know and let us send you an email when Nasseredin Business posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nasseredin Business:

Shortcuts

Share

Category