15/12/2020
عارف لما تتعامل مع عميل مافيش حاجه هتعجبه إلا اللي هو شايف انه هيعجبه .. هو دا ال Desktop
النوع ده من البرامج عشان تستخدمة محتاج تنزله على الPC وتسطيبه . يعتمد في تشغيله على إمكانيات الجهاز ويحتاج أنظمة تشغيل محددة
مثلا تلاقي برنامج يشتغل على ويندوز 10 او 7 بس أو يكون بيشتغل علي اجهزة محدده.
هل في استفادة من استخدامه اليومي.. من واقع تجربتنا والاحتكاك بالسوق والشركات ومشاكلهم.. هنوضحلك الفكره وانت صاحب قرارك.
- البرنامج لا يستخدم إنترنت وده تأثيره سلبي على النشاط اليومي للشركة وعلى ربط أقسام الشركة ومتابعة النشاط بالكامل. يعني محتاج تقرير من كل قسم منفصل عن نشاطه وبالتالي كل اقسامك غير مترابطة وغير فعالة والتقارير اليومية منفصلة عن بعضها حسب كل قسم وغير موحدة عن الشركة.
- تخزين البيانات على جهاز المستخدم وان تعرض الجهاز لأي عطل او مشكلة في تشغيله أو حصل أي خطأ في الجهاز عموما فا البيانات معرضه للفقد.والبرنامج يستهلك من مساحة الجهاز الداخلية وطبيعي لو حصل عطل في الهارد فال data ضاعت واستخدام هارد خارجي حل مش عملي لأن البرنامج بيحملك مجهود زيادة في التكاليف والتشغيل والاحتفاظ بالبيانات. وضيف علي كده مفيش نسخ احتياطي زي البرامج الـ Online عشان تقدر تستعيد البيانات في أي وقت.
الدفع مره واحدة وتمتلك البرنامج يعني الشركة التي باعت البرنامج لحضرتك مش مضطرة تهتم بدعمة أصلا ضيف على كده ان أي خدمة او صيانات او تحديثات هتدفع تمنها وده عكس اللي بيحصل مع برامج الـ Online اللي بتدفع معاها اشتراك سنوي لكنها تقدم خدمة دعم شامله كل اللي تحتاجه من غير اي تكاليف.
- لو البرنامج هيشتغل علي اكتر من جهاز يبقى هتدفع سعر البرنامج لكل جهاز. ولو البرنامج يحتاج مواصفات خاصة للجهاز فإما تغير الجهاز أو تواجه مشكلة يومية لأن برنامج تقيل على الجهاز ونضيف علي كدة مشاكل وأعطال كانت سبب في ان شركات غيرت برامج اكتر ما زودت مرتبات الموظفين بسبب النوع ده من البرامج.عكس برامج الـ Online اللي تدعم كل الاجهزة والمستخدمين لأنه مش محكوم بالجهاز اصلا. ومعتمد على الإنترنت والمتصفح اللي هتشتغل عليه
ماتقدر تشتغل على البرنامج من أي مكان أو من أي جهاز - حتى لو تقدر تشتغل من أي مكان فا مش هتقدر تشتغل عليه الا من الجهاز المثبت عليه البرنامج.
لازم تكون مثبت البرنامج على الجهاز والا مش هتقدر تستخدمة اصلا. عكس برنامج الـ WEB اللي مش محتاج تحملة على البرنامج اصلا عشان تستخدمه.
التحديث والتطوير
في برامج الWeb انت دايما تستخدم أحدث إصدار من البرنامج. لكن في الDesktop لا معلش هتتعب معنا شويه عشان هتوقف شغلك يوم كامل وتنتظر مندوب الشركة يزور الشركة " هتدفع تمن الزيارة " ويحمل التحديث الجديد وبعد كده يعيد تشغيل البرنامج وبعد كده تقدر تكمل شغل عادي بس متنساش تدفع سعر التحديث عشان مش ببلاش .. كل ده بقي مبيحصلش في الـ Web apps لأنك دافع سعر البرنامج والدعم وكل حاجه والشركة ملتزمة بأعلى مستوى من خدمة ما بعد البيع.
