Saad Designs

28/12/2023

# هنخلي_المكان_احلي
Like and share 🥰🥰
https://www.facebook.com/profile.php?id=61553311619231&mibextid=ZbWKwL

21/12/2017

🔸سعد 🔸 للتصميم المعماري
------------------------
Interior Designs
Exterior Designs
Architecture
Landscape
constructions
Furniture
Kitchens
Project Management
-----------------------------
Contact us Now :
00201111377096
Mobile/What's App

05/11/2017

01/10/2017

لو عايز تشطب اوتجدد او ترمم (شقتك - فيلتك -مكتبك -عيادتك -...) ومعندكش الوقت والخبره الكافيه عشان تباشر الصنيعيه ....
إختار الديكورات الي على زوقك و استلمها في اسرع وقت وباجود الخامات وباقل سعر
وفقا لاصول الصناعه واشراف هندسي كامل وفريق من العماله المتخصصه.. باقات تناسب جميع المستويات والميزانيات والاذواق ...
تواصل معنا:
مهندس / سعد ابراهيم 01202521700
المعاينة مجانااااا

01/10/2017

للناس اللي هتشتغل تشطيبات أو بتشطب شقتها .
ركز فى البوست ده 😀😀
---------------------------------------------------------------------
1. لو حتستلم الشقة نص تشطيب من شركة من اياهم اياك تخليهم يعملولك المحارة حتي لو حتسيبلهم فلوسها ، بيجيبو مبيضين درجة تالتة.و المحارة البايظة شبح من الماضي حيطاردك بقية حياتك.
2. نفس البند اللي فات بس علي حلوق الأبواب.اخلعها وركب حلوق جديدة .
3. الشركة اللي تديلك سعر حاجة من غير معاينة اعرف انها شركة هواة و حتجرب فيك. الرخام و تركيب الشبابيك و ال Shutter لازملها معاينة قبل التسعير و الشغل.
4. لو فيه صنايعي بدا يعك من أولها ، اديله حسابه و مشيه فورا، انت بتستثمر في الشقة ولازم تبقي شرس ود في حماية استثماراتك
5. الصنايعي بيسمع كلامك بس مبيبقاش مركزمعاك، و سواء فهم أو مفهمش بيقولك آه فاهم 😂😂، لازم تعيد الكلام مرة و اتنين و تخليه يقولك هو فهم ايه عشان تتأكد ان اللي انت عاوزه وصل له و فهمه.
6. حاول تدي ملاحظاتك في شكل ورقة مكتوبة أو رسمة و يبقي عندك منها نسخة، لو اديت الصنايعي ورقة معندكش منها نسخة حيقول انها ضاعت و يغلطك ، صورها بتليفونك أو علي ماكينة التصوير ،ابسط حاجة نوتة وورقة كربون أو دفتر مكربن من عند اي مكتبة 😎😎
7. اياك تسلف صنايعي حاجة خاصة بيك ، متر قياس ، مفك، شاكوش ، سلم، شنيور-لأنه حيضرب عليه ولو كان أمين و مش حرامي حيرجعهولك بايظ و متعاص جبس و معجون و أسمنت. 🤚🤚
8. لو في خامة معجبتكش أو رخامة مشروخة متكتفيش برفضها، ارميها فورا و بنفسك أو دغدغها 30 حتة والا أول متمشي الصنايعي حيستخدمها من ورا ضهرك.
9. لو انت في الدور الأرضي انأكد ان الصرف بتاعك مستقل عن صرف العمارة والا المجاري حتطفح في شقتك مع أول سدد.
10. ماتبخلش علي عزل الحمام ، نقي أحسن حاجة اختبره كويس و املاه مياه، لو حصل نشع عند جارك اللي تحتك دلوقتي أحسن ما يحصل نشع بعد مالشغل يخلص
11. لو حتعمل وزة باررزة في الحيطة اتأكد انها مش حتعاكس مراية الحمام أو بر الباب (البر هو الشريط الخشب الداير حوالين الباب و راكب علي السيراميك)
12. مش لازم بالضرورة تلزق البانيو في الحيطة ممكن من جنب تسيب 20 سم بينك و بين الحيطة تتشطب سيراميك بنفس مستوي حرف البانيو و تستغلها في رص علب الشامبو اللي بتقع في البانيو كل شوية.
13. خلي السباك يعملك توصيلات لخزان سطح خاص و سخان شمسي بالمحابس، محدش عارف الظروف و ممكن اللي انت شايفه سخيف بكرة يبقي مهم
14. صرف الأرضية في المطبخ فكرة ممتازة بس تتعمل صح.
15. ميول صرف المياه في البلكونات و الحمامات مهمة ، لازم تدلق جردل ميا بنفسك و تتأكد ان في ميول قبل ما تمشي الصنايعي
16. في مراحل معينة في التشطيب لازم تبقي حاضرها بنفسك witness point لأن في بدايات لو كانت غلط حتكلفك كتير زي مثلا :
a. أول رصة سيراميك علي الأرضية تتأكد انه بدأ بشكل عدل أو علي 45 حسب رغبتك ، لو الصنايعي بدأ وانت مش معاه غلط حيخلص أوضة كاملة علي وضع غلط و يجيبلك صدمة عصبية لما تروح تشوف شغله آخر النهاروكل الوقت و الخامات حتتهدر، نفس الكلام علي الرخام و الباركيه.
b. تركيب رخامة الحمام و البانيو تبقي واقف عشان ميركبوش أعلي أو أوطي من المستوي اللي انت عاوزه
c. تركيب مواسير تغذية السخان
d. تركيب مكان دش الحمام
e. اختبار ضغط مواسير الحمام
17. الصالة فرشها بيتغير و بيتنقل كتير ، فكر في سيناريوهات نقل الأنتريه مكان السفرة و العكس ، خلي في مخارج تليفزيون و دش في كل مكان محتمل انك تحط فيه التلفيزيون في المستقبل. البلكونة بيتعملها مخرج دش.
18. لازم تحدد و تختار أماكن كل حاجة بنفسك علب الكهرباء -البواطات- مكان جرس الباب –مكان لمبة الباب الخارجية-لمبة مراية الحمام-محبس الحمام-محبس السخان-محبس الغسالة ،مفاتيح التكييف-و يفضل تبقي في رسمة موضح عليها كل الحاجات دي، بالنسبة للحمام في شركات زي محجوب بتعملك رسمة للحمام ، كل ماتسيب التفاصيل دي عايمة بتدي فرصة للصنايعي انه ياخد اختيارات من نفسه، في ناس خبيرة و ممكن تختار مكان كويس بس مش كلهم كده.او ممكن تتعلم اسكتش اب هيفيدك كتير في شغلك
19. المفتاح الديفاتير نعمة من نعم الله ممكن تعمل 2 مفتاح ديفاتير لانارة الطرقة واحد في الأول وواحد في الآخر عشان تنور نور الطرقة و انت في اولها و تطفيه لما توصل آخرها و في أفكار كتير في أوض النوم و الحمامات.
20. اعمل فيش الكهرباء اللي في الحمام و البلكونة water proof في الحمام عشان المياه و في البلكونة عشان التراب ميملاهاش.
21. قاعدة عامة أي حاجة بتركب بخوابير في الحيطة متسترخصش فيها ، زي مسطرة الدش في الحمام و الفواطة ، ممكن تجيب وشوش كهرباء رخيصة من أبو 3 جنيه دي مش مشكلة لأنها سهل تغييرها.
22. كتر برايز كهرباء علي قد ماتقدر و خصوصا في المطبخ حتي لو مش محتاجها أو شايف ان ملهاش لازمة.
23. المطبخ بيبقي سخن ممكن تعمل فبشة في الحيطة لمروحة جانب تساعد في التهوية.
24. اعمل للشفاط مفتاح متوصل بسلك مخرجه من برة الشباك عشان متشوفش سلك مدلدل وعشان عرف لو حبيت تعمل ضرفة تقفل شباك الحمام تماما من غير ما تفك سلك الشفاط كل شوية.
25. الفرن ال Built –In عايز مخمخة خصوصا لو حتشغله مؤقتا بالبوتاجاز لحد مالغاز يتوصلك ، خلي بتاع المطبخ يعمل حساب ضرفة أنبوبة سهل تتقلب ضرفة عادية مستقبلا.
26. خلي الكهربائي يعملك لمبة اشارة في لوحة كهرباة الشقة تعرف منها لوالنور قطع العيب من الكهرباء العمومي ولا داخلي عندك.
27. خلي الكهربائي يزودلك خراطيم كهرباء و يعمل حساب توصيلات مولد كهرباء احتياطي و مواسير فاضية للدش في كل الأوض و الأحسن تجيب كابل دش و تمشيه في المواسير من الأول .
28. نفس البند اللي فات بس علي كاميرات المراقبة و توصيلات الانتركم
29. اتأكد ان فتحة باب المطبخ بعد تركيب الحلوق حتعدي الأجهزة بتاعتك و اعمل حسابك تدي براح لو قررت مستقبلا تشتري تلاجة أكبر
30. اعمل مخرج حنفية خدمة زيادة تحت الحوض .
31. لما النقاش يعملك عينات لون خليه يعملها علي خلفية بيضاء عشان فروق الدرجات تبان كويس.
32. متبلغش كود اللون شفوي ابدا. 🤗
33. لو حتركب أبواب حديد خارجية أو حديد حماية خلي الحداد يفصلك حلوق حديد و يركبها من بدري قبل المحارة بكانات مدفونة في الحيطة عشان ييجي في الآخر يلحم الباب من غير تكسير و لادق أوتاد ، أمتن و أنضف و لو معكش فلوس كفاية ركب حلوق حديد علي داير الشبابيك و سيبها للمستقبل. لو فيه دق خليه قبل وش النضافة عشان لو الحيطة نملت تقدر تعالجها.
34. نقي باب مصفح من الجديدأبو شراعة مدورة تتفتح عشان تشوف مين علي الباب زي أبواب زمان ، لو مش لاقي اعمل شراعة صغيرة في الحيطة جنب الباب 20 سم x 25 سم بضرفة حديد ، وفي أفكار كتير في الديكور تخلي شكلها جميل و في ناس بتثبت عليها تابلوه أو مراية صغيرة ، كده ممكن الطفل أو السيدة تفتح الشراعة بس لو الجرس ضرب و تحاسب محصل الكهرباء من غير ماتفتح الباب . طبعا العين السحرية مهمة لازم تخليها.في كل الأحوال.علشان معدش فيه امان
35. الاستثمار في الأمن مهم و بيرفع تمن الشقة ، لو في امكانية تركب قاذفات لهب علي الباب تحرق المتسللين ركبها.
36. لو خايف علي أرضية متشطبة ، افرد عليها مشمع بنفسك ، محدش حيخاف علي حاجتك أكتر منك.
37. لو حتعمل رخام ياما تكع صح و تجيب رخام مستورد زي السيسيليا و الكرارة ياما بلاش و خليك في السيراميك ، الرخام المصري زي الفلتو و الجلالة مشاكله كتير وفيه عروق بتفتح بعد فترة، بلاش منظرة علي الفاضي.
38. اشترط علي بتاع الرخام يقفل الفواصل بالكلة مش بالأسمنت الأبيض. و اهم حاجة يعملك كانات فى الرخام لان صنايعية كتير بيطنشوا لو انت مطلبتش منهم
39. احتفظ بعينات من السيراميك لزوم اي مرمة مستقبلا و سجل في أجندة أسماء الموديلات و أكواد الألوان اللي استخدمتها و الفواتير
40. احتفظ بنمرتليفونات الصنايعية الشطار خصوصا الكهربائي لأنك حتحتاجه كتير في المستقبل.😉
41. كذلك ممنوع بتاتا إستخدام أي أكر أو كوالين أو مقابض أبواب صيني وإلا ستفاجأ بمواقف بايخة يكون عنك ضيف مثلا ومحبوس في الحمام علشان كالون الإشارة معلق أو لآ قدر الله طفل مش عارف يفتح الباب. 😑
42. أي زجاج ألمنيوم يفضل يكون دبل للعزل الصوتي والحراري ولا يفضل الفيميه لأنه بيغير لون الإضاءة الطبييعة.
شير عشان الكل يستفاد

11/09/2017

لو عايز تشطب اوتجدد او ترمم (شقتك - فيلتك -مكتبك -عيادتك -...) ومعندكش الوقت والخبره الكافيه عشان تباشر الصنيعيه ....
إختار الديكورات الي على زوقك و استلمها في اسرع وقت وباجود الخامات وباقل سعر
وفقا لاصول الصناعه واشراف هندسي كامل وفريق من العماله المتخصصه.. باقات تناسب جميع المستويات والميزانيات والاذواق ...
تواصل معنا:
مهندس / سعد ابراهيم 01202521700
المعاينة مجانااااا

24/08/2017

حمامك صغير ! ايه المشكلة ؟
بنساعدك تعمل انسب تصميم لحمامك مهما كان صغير

14/08/2017

افكار مختلفة للحمامات و ال Shower Room