Mohamed Abd Elmoteleb - Future Vision

26/05/2026

كل عام وانتم بخير

#عيدالاضحي

25/05/2026

من الأمور المعتادة اللي بيتعرضلها اي hr بالذات اللي بيشتغل جديد في شركة ان المديرين بيبقو مش متعاونين.

تلاقيهم مش بيردوا مثلا او حتي مش مهتمين بالـ HR من أصله ، الفكرة بس هنا اللي عايز اوصلها ان الموضوع غالبا مش بيبقي رفض ليك انت شخصيا بس ممكن يكون بسبب طريقة تعاملك معاهم .

يعني لازم الاول تفهم هما شايفينك إزاي علشان في مديرين بيشوفوا قسم الموارد البشرية علي انهم ناس بتوع سياسات وحضور وانصراف وجزاءات ورفد بس أو شغل ورقي أو بيعطلوا الشغل وده غالبا بيكون بسبب تجارب سابقة او ضعف تواصل أو إنهم مش شايفين قيمة حقيقية للقسم نفسه.

علشان كده لازم تغير الصورة دي فحضرتك في الاول (وبالذات لو لسة لسة شغال جديد في الشركة)متبدأش بالقوانين ابدأ بالمساعدة

علشان اكبر غلطة يعملها ال HR انه يدخل على المديرين بسياسات وقواعد والزامات من غير ما يفهم الضغط الواقع عليهم أو احتياجاتهم وبننسي ان الناس دي (موظفين ومديرين) هما العملاء بتوعنا واي عميل لازم تعرف احتياجاته علشان تكسبه

ف احتياجات المديرين بقي بتبقي من ناحية تانية انهم بيكونوا مهتمين بتارجت وانتاجية ونتائج

فحضرتك لو عايزه يتعاون لازم تكلمه بلغته يعني تربط شغلك بمشكلته يعني مثلا بدل ما تدخل عليه تقوله هنعمل تقييم اداء Performance Appraisal وخلاص لا قوله ده هيساعدك تعرف مين الTop Performers ومين محتاج تطوير وكدة.

علشان لما المدير يحس إنك بتحل مشكلة عنده هيبدأ يتعاون تلقائيا معاك.

ولازم تبني علاقة مش مجرد تعامل رسمي علشان في فرق بين hr بيطلب طلبات وخلاص و hr تاني بيعمل شراكة مع المدير يعني حاول تسمع أكتر و تفهم التحديات وتساعد حتى في التفاصيل الصغيرة علشان الثقة بتتبني بالتدريج.

وحاجة تانية مهمة لازم تختار معاركك ، يعني مش كل حاجة تستاهل صدام ، المرونة بتبقي أهم والتدرج بيبقي أذكى من المرونة والعلاقة أهم من كسب موقف لصالحك علشان الهدف مش إنك تثبت إنك صح ، الهدف إنك عايز الشغل يمشي بشكل أفضل.

والحاجة بقي المهمة جدا جدا جدا انك تشتغل بالأرقام علشان من واقع التجارب والسنين احب اقولك بكل ثقة انك لما تتكلم بالأرقام الناس بتسمع ، مثلا معدل Turnover او تكلفة التوظيف او ضعف الأداء او معدل الغياب ، الارقام بتخلي كلامك أقوى وأقرب للبزنس

والحاجة الأخيرة والمهمة جدا بردو خليك حلال مشاكل بمعني متروحش تقول ياجماااااعة في مشكلة لا خليك الشخص اللي بيقول في مشكلة وده حلها ، المديرين ياصديقي بيتعاونوا أكتر مع الناس اللي بتسهل الشغل مش تعقده.

فحضرتك ك hr ناجح لازم تعرف تبني تأثير مع المديرين والموظفين مش مجرد واحد بيطبق قوانين وسياسات وخلاص

23/05/2026

محاضرة المزايا والتعويضات الجزء الثالث
Compensations & Benefits Part 3
كورس Human Resources Fundamentals

للاشتراك في الكورسات الخاصة بالموارد البشرية أو لخدمات التدريب والاستشارات اتواصل معانا
012 74998326

لينك المحاضرة
https://youtu.be/6yvEQVgjoLk

Mohamed Abdelmoteleb - I can coach you https://icancoachyou.online/coach/mohamed-1775852997118?type=share

قناة الكورس المجاني
https://t.me/+-IKEYzy-Y6QwM2U0
الكورس علي UDEMY
https://www.udemy.com/course/mohamedabdelmoteleb/...

UDEMYhttps://www.udemy.com/course/draft/6079965/?referralCode=17AE792E78C300349C87I Can Coach YouMohamed Abdelmoteleb - I can coach you https://icancoachyou....

22/05/2026

من ضمن المشاكل اللي بتتكرر في كل الشركات تقريبا انك تلاقي موظف اوموظفين مش ملتزمين يعني تلاقيه مش متحمل مسؤولية او مش مهتم بالشغل فالمفروض ساعتها قبل ما تفكر تعاقبه أو تهدده بال KPIs أو أي حاجة تانية تفكر وتسأل نفسك وتقول المشكلة الحقيقية فين؟

يعني هل المشكلة في الموظف الغير ملتزم ده ولا في حاجة تانية ؟

مبدئيا كدة ، الالتزام مش بيطلع من فراغ يعني مش كل موظف هتلاقيه ملتزم بطبعه أو العكس غير ملتزم وخلاص ، ساعات بتبقي بيئة العمل ليها تأثيرها في موضوع الالتزام ده وده اللي هتفكر فيه الاول قبل ما تفكر ازاي تعاقب الموظف .

اول حاجة تفكر فيها هل التوقعات واضحة للموظفين؟ يعني هل الموظف فاهم المطلوب منه وعارف أولويات شغله ولا تايه وكل يوم بيسمع تعليمات مختلفة ، علشان مينفعش تطلب التزام من موظف وبيئة العمل غامضة والناس تايهة .

وتاني حاجة تفكر فيها هل في عدالة؟ علشان عدم وجود عدالة هيساويه عدم وجود التزام تلقائيا يعني إزاي تطلب من موظف انه يلتزم وهوة شايف إن كل حاجة ماشية بالتمييز وبالحب وناس بيتطبق عليها سياسات الشركة وناس لا .

وتفكر بردو في المديرين ، هل المدير نفسه ملتزم؟خد في اعتبارك ان الموظفين بيراقبوا المدير أكتر ما بيسمعوا كلامه يعني لو المدير مكبر دماغه وبيتأخر ومش ملتزم أو بيكسر القواعد ، منين تتوقع التزام من باقي التيم.

ورابع حاجة هل في متابعة حقيقية للموظفين؟ خلي بالك ان لو ال micro management بيخنق الناس فال macro management بيضيع الدنيا بردو يعني يابطل لو مفيش متابعة ومفيش فيدباك ولا توجيه متستغربش اوي لو لقيت الأداء بقي في الضياع.

وخامسا تشوف هل الموظف حاسس بقيمته ؟ ولا مش متقدر ولا صوته مسموع ولا في فرصة لتطويره فساعتها هيشتغل بأقل مجهود ممكن

واخر حاجة تسال هل الحمل الوظيفي ال Workload معقول ولا ايه؟ علشان ممكن تكون المشكلة في إن الناس مرهقة بسبب ضغط زيادة او نقص موظفين أو مهام غير واقعية محتاجة روبرت داوني جونيور يلبس بدلة ايرون مان وييجي يعملها بنفسه ، فلازم تخلي بالك الإرهاق المستمر بيضيع الحماس والالتزام

فالمهم يعني قبل ما تروح تعاقب او تهدد موظف بسبب عدم التزامه فكر الاول في الحاجات دي علشان دور ال hr الحقيقي هوة بحث الاسباب وتحليلها وحلها مش يبقي تنفيذي وكرباج علي الناس وخلاص

20/05/2026

النهارده اليوم العالمي للموارد البشرية...

تحية كبيرة لكل واحد بيشتغل في الـ HR،
لكل حد بيصحى كل يوم عشان يدعم الناس، ويساعدهم ينجحوا، ويخلق بيئة شغل صحية ومحترمة.

الموارد البشرية مش مجرد شغل أو ورق وسياسات...
دي رسالة وإنسانية، واهتمام حقيقي بالناس وبمستقبلهم.

لكل أخصائي ومدير وقائد HR...
أنتم دايمًا القلب اللي بيدق جوه كل شركة، واللي بيخلي الشغل مكان نحب نكون فيه.

كل سنة وكل اللي في المجال ده بخير وتأثير وإنجاز أكتر.

وفخور إني جزء من المجال الجميل ده من سنة 2008، ولسه بتعلم وبكبر فيه كل يوم.

19/05/2026

سلسلة صيدليات بالاسكندرية تفتح باب التعيين لصيادلة ومساعدين صيادلة شيفتات مساءية من ٥ م ل ٢ ص بسعر ساعة ممتاز جدا اللي يعرف حد خليه يتواصل معايا علي رقم 012 74998326
#وظائف #توظيـــف #صيدلي #صيدليات

18/05/2026

أنا شغال بقالي مدة بشتغل في الشركة ومفيش ترقية هل ده معناه إن شغلي وحش؟

هوة بس السؤال ده اتسالته أكتر من مرة الفترة الأخيرة ؟
المهم يعني
الإجابة:
مش دايما

ازاي مش دايما ، اقولك

في موظفين بتفتكر ان عدم الترقية معناه ضعف الأداء

الترقية ساعات بتعتمد على عوامل تانية زي وجود بوزيشن فاضي والميزانية واحتياجات البيزنس نفسه وطبعا مدي جاهزيتك للبوزيشن الجديد ده

لكن برضه انت محتاج تسأل نفسك شوية أسئلة مهمة زي مثلا
هل أنت بتضيف قيمة فعلا ولا لا؟ وهل عندك مهارات أعلى من وظيفتك الحالية؟ هل مديرك شايف شغلك وتأثيرك؟ وهل بتطور نفسك؟

علشان المشكلة ساعات مش إنك ضعيف المشكلة بتبقي إنك مش ظاهر

عامة نصيحتي ليك بدل ما تركز بس على إمتى تترقى؟

ركز على تطوير مهاراتك وزيادة تأثيرك وفهم البزنس وتحقيق نتايج واضحة

عشان الترقية غالبا بتكون نتيجة مش هدف

وربنا يوفق الجميع

16/05/2026

محاضرة المزايا والتعويضات الجزء الثاني
Compensations & Benefits Part 2
كورس Human Resources Fundamentals

للاشتراك في الكورسات الخاصة بالموارد البشرية أو لخدمات التدريب والاستشارات اتواصل معانا
012 74998326

لينك المحاضرة
https://youtu.be/mDf8GWqdifs

Mohamed Abdelmoteleb - I can coach you https://icancoachyou.online/coach/mohamed-1775852997118?type=share

قناة الكورس المجاني
https://t.me/+-IKEYzy-Y6QwM2U0
الكورس علي UDEMY
https://www.udemy.com/course/mohamedabdelmoteleb/...

UDEMYhttps://www.udemy.com/course/draft/6079965/?referralCode=17AE792E78C300349C87I Can Coach YouMohamed Abdelmoteleb - I can coach you https://icancoachyou....

15/05/2026

المقابلة الشخصية ال Interview مش بتبقي شوية أسئلة محفوظة أو دردشة وتعريف بالنفس علشان بس بلاقي ساعات ناس منزلة بوست اهم الأسئلة واجاباتها في المقابلات، ده ممكن ينفع تيكنيكال بس الأسئلة الشخصية لا .
في بقي شوية حاجات بتحصل (ورا الكواليس) مختلفة بكتير.
اولا لازم تعرف ان المقابلة بالنسبة للشركة مش مجرد دردشة ، دي بتبقي محاولة علشان الشركة تفهم (او ال hr)هل الشخص ده مناسب؟هل هيعرف يشتغل مع التيم الموجود؟ وهل هيضيف قيمة؟

ولا مجرد CV شكله حلو؟ هوة آه الCV مهم مقلناش حاجة بس مش هو كل شيء.

بيبقي ساعات ال CV بيكون ممتاز لكن التواصل ضعيف
أو ثقافة المتقدم مش مناسبة للشركة (قيم الشركة وجداراتهاالرئيسية) ، وساعات تانية حد الCV بتاعه عادي بس عنده Potential عالي جدا.

علشان كده الInterview مهم جدا و أول دقايق بتفرق أكتر ما الناس متخيلة علشان من أول دقيقة تقريبا بيتكون انطباع مبدئي عن طريقة الكلام والثقة وأسلوب التواصل

وده مش معناه الحكم النهائي لكن بيأثر جدا عموما إحنا ك hr مش بندور على الإجابة المثالية لكن الهدف بيبقي اننا عايزين نفهم طريقة تفكير المتقدم وأسلوبه في حل المشاكل وتعاملاته الحقيقية

وعلشان كده أسئلة كتير بتكون أسئلة سلوكية Behavioural Questions أو أسئلة مواقفSituational Questions

والجدىر بالذكر ان لغة الجسد بردو ال Body Language بتبقي مهمة مهم فعلا زي الEye Contact وطريقة الجلوس والتوتر الزائد والمقاطعة أو عدم الاهتمام

وطبعا بيبقي القرار مشترك بين ال HR وال Hiring Manager وأحيانًا الإدارة كمان ، كل واحد بيبص من زاوية مختلفةالـ hr بيكون للثقافة والسلوك و المدير للمهارات والشغل والإدارة للتأثير على البزنس

واوعي تزعل لو اترفضت علشان أوقات الرفض مش معناه إنك وحش ممكن تكون شاطر لكن مش مناسب للوظيفة أو التوقيت أو ثقافة الشركة

المهم لازم تكون عارف ان أكتر حاجات بتفرق هية الصدق والوضوح والتحضير والثقة الهادية فخليك طبيعي وحضر كويس وافهم نفسك قبل ما تحاول تبهر اللي قدامك

وبالتوفيق للجميع 🙏

14/05/2026

لو ناوي تدخل مجال الـ HR علشان شكله سهل احب اقولك انك هتكتشف إن الموضوع مختلف تماما

المجال ده مش بس توظيف ومقابلات ده ضغط، ومشاكل، وقرارات، وتأثير مباشر على نجاح أي شركة

تابع البوست وهتعرف أكتر

12/05/2026

دور الـ HR مش بينتهي عند التوظيف لان أصعب مرحلة مش إنك تجيب Talent أصعب مرحلة إنك تحافظ عليه وتخليه ينجح!

وده بالظبط الفرق بين
Talent Acquisition و Talent Management

للاشتراك في الكورسات الخاصة بالموارد البشرية أو لخدمات التدريب والاستشارات اتواصل معانا
012 74998326

Mohamed Abdelmoteleb - I can coach you https://icancoachyou.online/coach/mohamed-1775852997118?type=share

قناة الكورس المجاني
https://t.me/+-IKEYzy-Y6QwM2U0
الكورس علي UDEMY
https://www.udemy.com/course/mohamedabdelmoteleb/...