09/04/2022
هتصدقني لو قولتلك ان مفيش حجر لونه ابيض في الصوره 🤔
* حط صباعك مابينهم هتلاقي ان الاتنين لونهم رصاصي 👀
عايز اقولك بقي ان صاحب الصوره دي وهو بيبيع الاحجار دي اونلاين نص الناس بتسأل علي سعر الحجر الابيض !
والراجل طبعا شايف ان استهداف الاعلان فاشل وجايبله ناس عايزين حجاره لونها ابيض 🤦
نقوله ياسيدي الفاضل قولنالك قبل ما نبدا وانت فضلت تقول اكيد الناس فاهمه يعني انا ببيع ايه مش محتاجه اوضح !
نقطه ومن اول السطر .
نجاح الحمله في استخدامك ميديا واضحه بنسبه مليار في الميه انت بتبيع ايه ومستواك عامل ازاي
يعني لو شعبي يبقي الميديا لوحدها تجيب ناس شعبي ولو عاليه يبقي برضو مناسبه ليهم
متبقاش عايز توصل لعميل شعبي وتحط ميديا عاليه ! هيخاف منك والعكس صحيح
العامل النفسي مهم والصوره العامه ليك بتخلي العقل اللاواعي للعميل هو اللي يستريحلك وحط تحت العميل دي مليون خط لان مش كل اللي يقدر يشتري منك يبقي عميلك !!!
واخيرا .. متحكمش علي الناس بفهمك وعقليتك ! وفكر بدل المره الف في ازاي الناس هيفهموا الميديا بتاعتك 👌
