يوميات محامـــــــــى مصـــــــــــــــــرى مخنوق

حقيقه بنعيشها اليوم ،،،،،
==================

كلنا نعانى من مشكلات لا تعد ولا تحصى ،،،،،،
كلنا اصبحنا مرضى نفسيين ممن نواجهه ،،،،،،،،
كلها امور معقده تمر بنا يوميا ،،،،،،

* فمثلا :-
لازم نبدء نتكلم سياسه صح الان !!!
خلينا نعبر عن نفسنا بصراحه !!!
نتناقش و نتكلم و نواجه بموضوعيه شديده !!!!
خلينا نعلم بعض و نتعلم من بعض !!!!
مش مهم انت اخوانى ولا شيوعى ولا سلفى ولا ليبرالى ولا ناصرى ولا حتى فلول !!!
المهم ان انت مصـــــــــــــــــــــرى !!!
خلينا نتكلم سياسه !!!!

* أو مثلا :-
بالنسبه للدين فلو وجدنا ان المبدء يقول : انا مسلم = انا عاقل ( انا مسلم اذا انا كيّس فطن اذا انا عاقل )
فهذا مبدء يجب ان نتعامل به ، فالغرض من هذا هو تطبيق تعاليم الاسلام و مبادءه على كل شىء دنيوى نعيش فيه و نمر به و نتعامل معه -----
فهذه دعوه للرجوع الى التعاليم الاساسيه لبناء امه حره قويه عظيمه مثلما كانت الدوله الاسلاميه فى اوج عظمتها فلقد تركنا تعاليم ديننا لغيرنا و اخذنا ماليس لنا فخسرنا فلنعد لنأتى بما لنا من قبل و نترك ماليس لنا كى نعيد بناء الانسان على اسس و مبادىء الانسانيه جمعاء فهذا منهج حياه لكل الاديان و لكل البشر و لكل العقلاء ......
فلنتعاون كى نعلم و نتعلم و نعطى و نأخذ و نسمع و نتحدث و نعمل العقل من اجل حياه افضل .

* أو مثلا :-
فكرت فى يوم تفتح قلبك ؟؟؟؟
فكرت ان ممكن حد يسمعك ؟؟؟؟
فكرت انك لوحدك ؟؟؟؟؟؟
فكرت انك محتاج لحد ؟؟؟؟
حسيت فى يوم انك محتاج تسمع صوت غير صوتك ؟؟؟؟؟؟
عبر عن نفسك ، اتكلم ’ احكى ، حب ، خلى حد يحبك ، افتح قلبك ، قول كل اللى جوالك ، عبر عما يدور بذهنك ، خليك صريح ، واضح ، احكى عن الامك و افراحك ، بتخاف من ايه ، عايز ايه ، محتاج لايه ، مش لاقى حد يسمعك ؟؟؟؟؟
هدفنا كمجتمع ناضج و صالح ان نبقى اسره كبيره نلم شمل بعض و نداوى بعض و نعالج جروح بعض و نخاف على بعض و الاهم من كل ده ؟؟؟؟؟
نحب بعض بدون مصالح او روابط ماديه
خلينا نحب بعض .

* أو مثلا :-
ليه مش لاقيين وظائف ؟؟؟
ليه بنتخرج و مش عارفين نشتغل بشهادتنا ؟؟؟
ليه بنتعب و نتعلم و نجرى و فى الاخر نطلع بره ؟؟؟
ليه بنقدم اوراقنا فى اشغال و نجرى و نتابع اعلانات التوظيف و نتذل علشان نعمل انترفيو و فى الاخر نلاقيه ناس تانيه متعينه اصلا و من الاول ؟؟؟؟؟
ليه بنتهان و يتضحك علينا و يتنصب علينا و ان اشتغلنا نشتغل بربع مرتب وفى الاخر بره؟؟؟

يبقى من النهارده لازم نشتغل صح و نخلق وظائف سليمه و نحط نفسنا فى المكان المناسب و نكبر و نبنى و نساعد بعض و الاهم من كده ؟؟؟
ليه كل وظيفه محتاجه كارت توصيه او واسطه او مكالمه تليفون و الباقى بره ؟؟؟
صاحب اى مؤسسه او شركه او مصنع او مكان لازم يمد ايده و يساعد اللى عايز يشتغل او يتدرب ،
خلينا نتابع و نتكلم بصراحه و مصداقيه و اللى حيتقدم لوظيفه حنساعده و نعلمه و ندربه و نحافظ على حقوقه و نتأكد من كل شىء متعلق بالعمل و مكانه و نوع الوظيفه و نحافظ على بعض و أى واحد او واحده هيتعرض لأى مشكله نلتزم كلنا بالتعامل مع المشكله و التدخل لحلها .
خلينا أيد واحده ، خلينا عائله واحده ، خلينا فريق واحد .
نصبح ناس هتساعد و هتعلم و هتدرب و هتوصل اعلانات وظائف و هتقدم ابحاث و خبرات و مشوره و معاونه لكل واحد من ابناء هذا الشعب العظيم .
هنساعد دور الايتام و الملاجىء و هنساعد الاميين و هنساعد اطفال التوحد و خلافه و هنساعد المنظمات الخيريه و هنساعد كل محتاج للمعاونه .
هدفنا فعل الخير بجد و اعطاء الامل بجد و رسم الابتسامه بجد يعنى حب بجد.
يالا نساعد بعض ، يالا ندعم بعض ، يالا نحب بعض ، يالا ننجح بعض
و نقول اهلا بكم فى عالم الحقيقه .

* أو مثلا : -
ساعات الواحد يستغرب و يسأل نفسه ؟؟؟؟

أليس عجباً لمن يثور لأجل فرد تم استبعاده .. ولا يثور لأجل وطن تم استعباده !!!!!

ليه منبقاش صناع مبدء يبقى رساله حقيقيه ردا منا تجاه ما فعلوه بنا و بشبابنا على مدار ثلاثون عام .
اوعوا تحاولوا تشوفوا نفسكم فى موقف او منظر سىء لانه فى النهايه الصوره حتطلع وحشه فى حقنا .
بجد اصعب حاجه انك تسيب الدنيا و مفيش حد بيقول فيك كلمه حلوه لوجه الله .
اوعى تنسى ان الحياه لحظات .
مش هانعيش كده .
ولا حنقبل نكون كده .
بجد قطر الحياه حيعدى معانا صح .
طول ما احنا صح .
لازم نركب و ننزل صح .
المحطه الاخيره جايه جايه .
بس انا حاعيش فى الزمن ...... عارفين ازاى ؟؟؟
حاعمل الصح علشان اخللى كل واحد يقول فيه كلمه لوجه الله صح .
كده ممكن اموت بس افضل عايش .......
لأنى عملت الصح .
من النهارده حنعمل الصح .
و حنبنى صح و حنشتغل صح و حنساعد صح و حنكبر صح و حنواجه صح و حننجح بالصح .
من النهارده مش حنكدب و مش حنخاف و مش حنافق و مش حنعاكس و مش ........الخ .
حنصلى بجد و نصوم بجد و حنشتغل بجد و حنحب بجد و حنتكلم جد و حنساعد بجد و حنوقف جنب بعض بجد و حنرجع زى زمان فى اخلاقنا و شهامتنا و رجولتنا و حنعلم العالم كله ان احنا حضاره بجد ..................
الرجوله كلمه و موقف ..............
الشهامه شجاعه و التزام .............
الصدق جرأه و قوه .................
المساعده و المعاونه فعل و عمل ..............
النخوه حراسه و امان و صون للعرض..............
من النهارده انا راجل و جدع و ابن بلد و شهم و مفتح و اللى فيكم زييى يورينى نفسه ...... بس باخلاقى و تصرفاتى و مواقفى .
من النهارده انا صح .........
عشان بكره ييجى صح..........
انا المصرى ...............
اللى اتكلمت عليه كتب الدنيا .....................
المصرى دايما صح...............
و عشان ابقى مصرى حابقى صح................
يالا نبنى بكره بتاعنا .................
بكره بجد بتاعنا ....................
عارفين ليه ؟؟؟؟؟؟؟؟؟؟؟؟؟؟؟
عشان احنا من دلوقتى بقينا ..............
صح صح صح الصح ......
يالا بينا ........................


و اخيـــــــــــــــــــــــــرا ،،،،،،،،،،،،،،،

و علشان كل اللى فات ده ،،،،،،،،،،،،،،،
و لأن كل ديه أمثله و مش كل الحقيقه ،،،،،،
لذلك فجأه و من كثره المشاكل و الاحداث و العقبات و التفاهات و الافتراءات و التخوفات و التراهات و التحديات و كل واحد بيعرفك علشان يقولك هات،،،،،،،،،،
لقيت نفسى زهقت من الاحاديث مع الاشخاص فقررت اقعد انا و انا ندردش شويه ،،،،
على الاقل هنفهم بعض ،،،،،،،،
و بدأ الحوار ،،،،،،،،،،،،،،،،،،،

المستشار د / ناجى فاروق الناجى