أ. عبدالرحمن الدكاوي - M.Abdul Rahman Al-Dkawi

أ. عبدالرحمن الدكاوي - M.Abdul Rahman Al-Dkawi أ/ عبد الرحمن الدكاوي لمادة الدراسات والتاريخ.

ياعم انا ادعم التربية حديثة واحتواء الطالب اهم حاجة والأطفال احباب الله... انا برضه قبل ما اعجن الي قالي معلمتش الواجب :
05/05/2026

ياعم انا ادعم التربية حديثة واحتواء الطالب اهم حاجة والأطفال احباب الله...

انا برضه قبل ما اعجن الي قالي معلمتش الواجب :

وانا بحاول افك الشفرة الي طلابي بيكتبوهالي في الواجب ولازم اكون هادي وصبور عشان معجنش حد فيهم 😂♥️
22/04/2026

وانا بحاول افك الشفرة الي طلابي بيكتبوهالي في الواجب ولازم اكون هادي وصبور عشان معجنش حد فيهم 😂♥️

مومياوات ملوك مصر تحت الأشعة المقطعية حكت قصص غريبة ومفاجئة عن لحظاتهم الأخيرة. أعرف الحكاية الحقيقية لوفاة أشهر ملوك مص...
19/04/2026

مومياوات ملوك مصر تحت الأشعة المقطعية حكت قصص غريبة ومفاجئة عن لحظاتهم الأخيرة.
أعرف الحكاية الحقيقية لوفاة أشهر ملوك مصر:

1️⃣. توت عنخ آمون 🧬
🔹لسنين طويلة كنا بنقول إنه "اتقتل"، لكن توت كان ضحية "زواج الأقارب" (أبوه إخناتون اتجوز أخته).

🔹توت اتولد وعنده عيب خلقي لإن رجله الشمال كانت "لافة" لجوه شوية (اللي بنسميها القدم الحنفاء)، وده كان بيخليه يمشي على جنب رجله مش على بطنها، وعنده ثقب في سقف الحلق.

🔴النهاية: وهو عنده ١٩ سنة، وقع من العجلة الحربية ورجله اتكسرت، الجرح اتلوث (غرغرينا) ومع الملاريا، جسمه الضعيف مستحملش ومات.

2️⃣. رمسيس الثالث 🔪
🔹مات وهو عنده تقريبا 60 سنة في "فيلم أكشن" حقيقي. مراته "تي " اتفقت مع ناس من القصر عشان يقتلوا الملك ويقعدوا ابنها على العرش.

🔴النهاية: المومياء بتاعته كانت ملفوفة بشاش كتير جداً عند الرقبة، لما عملوا أشعة مقطعية سنة ٢٠١٢ اكتشفوا إنه "اتذبح" ذبحة قطعت القصبة الهوائية والمريء، وكمان صباع رجله الكبير اتقطع بفأس! المحنطين حاولوا يداروا الجرح بلفافات الكتان عشان يروح "سليم" للعالم الآخر.

3️⃣. كليوباترا 🐍
🔹حكاية لدغة التعبان دي أسطورة بيرفضها أغلب المؤرخين وعلماء السموم دلوقتي، لأن سم الأفاعي مفعوله مش مضمون، وبيموّت ببطء وبطريقة توجع وتشوّه الجسم.

🔹السجلات الرومانية بتقول إن جسمها مكنش فيه أي ورم أو جروح، وكانت كأنها نايمة في سلام.

🔴النهاية: مافيش مومياء ليها، ولكن التفسير العلمي الأقوى اللي شايفه خبراء زي "Christoph Schaefer" هو إنها استخدمت "كوكتيل" من سموم نباتية مفعولها سريع (زي الشوكران والأفيون)، شربته ونامت بهدوء بملابسها الملكية عشان الرومان مياخدوهاش أسيرة ويذلوها في شوارع روما.

4️⃣. رمسيس الثاني 🦷
🔹أقوى ملك في تاريخ مصر، حكم ٦٦ سنة وخلف أكتر من ١٠٠ طفل! بس في الآخر مات وهو عنده ٩٠ سنة بسبب حاجة بسيطة جداً.

🔹الفحوصات الطبية اللي اتعملت للمومياء أكدت إن الملك، عانى في أواخر أيامه من تصلب في الشرايين والتهاب حاد في المفاصل.

🔴النهاية: كان عنده "خراج" ضخم في فكه، وبما إن مفيش مضادات حيوية وقتها، الخراج ده عمله "تسمم في الدم" ومات بسببه بعد سنين من الألم الرهيب في سنانه.

5️⃣. حتشبسوت 💄
🔹الفحوصات كشفت إنها ماتت وهي في الخمسينات من عمرها، وكانت بتعاني من سرطان العظام والسكر.

🔴النهاية: حتشبسوت كانت بتعاني من مرض جلدي (إكزيما) وبتحب تهتم بنفسها، والقارورة بتاعتها اللي لقوها في المقبرة لما حللوها في ألمانيا سنة ٢٠١١، اكتشفوا إن فيها مادة "Benzopyrene" (مادة مسرطنة زي اللي في دخان السجاير). اللوشن اللي كانت بتدهنه عشان تعالج جلدها هو اللي جابلها سرطان عظام وقتلها.

6️⃣. سقنن رع 🪓
🔹سقنن رع كان في معركة ضد الهكسوس في بداية حرب التحرير. المعركة دي غالباً حصلت في قنا (صعيد مصر)، واتقبض عليه.

🔴النهاية: الأشعة المقطعية ثبتت إن الإصابات البشعة اللي في جمجمته ماشية بالظبط مع أسلحة الهكسوس المختلفة، لإنهم نزلوا فوق دماغه بـ "فأس وهراوة وخناجر". وعشان مفيش أي إصابات دفاعية على دراعه، وشكل وضعية إيديه، بيؤكد إنه مماتش في معركة وهو بيحارب، لكنه اتأسر وإيديه اتربطت ورا ظهره وبعدين اتعدم بوحشية، مات وهو عنده تقريبا 40 سنة.

7️⃣. بطليموس الثالث عشر ⚓
🔹أخو كليوباترا الصغير. بعد ما خسر معركته ضد يوليوس قيصر، حاول يهرب في النيل.

🔴النهاية: مافيش مومياء لتشريحها، لكن الحقيقة دي موثقة بشكل قاطع في السجلات التاريخية لحملات يوليوس قيصر، بطليموس كان لابس "درع ذهب" تقيل جداً عشان يبان إنه ملك، وهو بينط في المركب من الخوف، المركب اتقلبت وبسبب وزن الذهب اللي لابسه، اتسحب لتحت النيل وغرق وهو عنده ١٥ سنة بس!

8️⃣. رمسيس الخامس 🤒
🔹مات وهو شاب عنده ٣٠ سنة.

🔴النهاية: المومياء بتاعته هي "المرجع الطبي" الأول لمرض الجدري (Smallpox) في التاريخ، وشه وجسمه متغطي ببثور وندبات واضحة جداً لغاية النهاردة، رمسيس الخامس يعتبر اقدم مريض جدري في العالم.

9️⃣. مينا/نارمار 🦛
🔹تخيل الملك اللي وحد مصر كلها، نهايته كانت على إيد "سيد قشطة"، الملك من الأسرة الأولى ومافيش مومياء له لإثبات سبب الوفاة علميا.

🔴النهاية: في القرن الثالث قبل الميلاد الكاهن والمؤرخ "Manetho" قال إن فرس نهر هاجمه وسحبه تحت المية وقتله، واستند في روايته لسجلات المعابد القديمة، ومات وهو عنده 62 سنة.

🔟. الملك "نفر كارع". 🌪️
🔹بعد ما حكم مصر حوالي ٩٠ سنة، الدولة انهارت والناس جاعت، فانفجرت "ثورة شعبية" ضد الملك ونظامه.

🔴النهاية: بردية "إيبوور" (الموجودة في متحف لايدن) وصفت اللحظات دي إن الثوار الفقراء سحبوا الملك من قصره وسحلوه في الشوارع "، وإن القبور الملكية اتفتحت واتنهبت واترمى اللي فيها. والمومياوات بتاعت ملوك الفترة دي "مفقودة" تماماً أو مدمرة.

1️⃣1️⃣أمنمحات الأول 🛌
🔹ده الملك اللي أسس الأسرة الـ 12، بس نهايته كانت "صدمة" لأن الغدر جاله من حراسه الشخصيين اللي كان بيثق فيهم.

🔴النهاية : المتآمرين استغلوا لحظة استرخاء الملك في أوضة نومه بالليل وهجموا عليه بالسيوف وهو نايم. الملك حاول يقاومهم بكل قوته، بس لأنه كان لوحده وتفاجئ بالهجوم، مقدرش يدافع عن نفسه وقتلوه في سريره.

18/04/2026

☝️

طريقة عمل طلاب أسوياء نفسياً ومتفوقين دراسياً وأخلاقياً 💯 = تعالي اقولك عليها في حصتي 😂♥️🤷
15/04/2026

طريقة عمل طلاب أسوياء نفسياً ومتفوقين دراسياً وأخلاقياً 💯 =

تعالي اقولك عليها في حصتي 😂♥️🤷

جزء من امتحان الدكاوي للمراجعة النهائية للصف السادس الابتدائي. مجموعة البنات في سنتر الحمد كلها مقفلة ما شاء الله 💯
11/04/2026

جزء من امتحان الدكاوي للمراجعة النهائية للصف السادس الابتدائي.

مجموعة البنات في سنتر الحمد كلها مقفلة ما شاء الله 💯

Address

Alexandria

Website

Alerts

Be the first to know and let us send you an email when أ. عبدالرحمن الدكاوي - M.Abdul Rahman Al-Dkawi posts news and promotions. Your email address will not be used for any other purpose, and you can unsubscribe at any time.

Shortcuts

Share