Mohammed Nagy

26/05/2026

كل سنه وانتم جميعا بالف صحه وسعاده

24/05/2026

رَبَّنا لا تُزِغْ قُلُوبَنا بَعْدَ إِذْ هَدَيْتَنا وَهَبْ لَنا مِنْ لَدُنْكَ رَحْمَةً إِنَّكَ أَنْتَ الْوَهَّابُ

أدعي الدعوه دي كتير جدا لان عودتك لمعصيه او ذنب قدرت تتوب عنه
أصعب عليك من ذنب وقعت فيه لاول مره.

لأنك لما هترجع لذنب قدرت تتوب عنه هيبقي أمر محبط ليك تماما وهتحس بعجز وفقدانك لتقدير نفسك وثقتك ولكن الجميل ان باب التوبه دايما مفتوح.

02/05/2026

العزلة التي يملؤها الأُنس بالله ليست وحدة… بل امتلاء.
وليست ضعفًا… بل إعدادًا لمرحلةٍ أقوى.
الاختلاء بالله صفاء روح،
أن تجلس وحدك… لكن قلبك ممتلئ بحضورٍ أعظم من كل حضور.

في خلواتك تتساقط الأقنعة، وتسمع صوتك الحقيقي،
وتدرك أن أقوى علاقة في حياتك هي تلك التي بينك وبين الله.

تامل امر الله لأهل الكهف في قوله تعالي
فَأْوُوا إِلَى الْكَهْفِ يَنشُرْ لَكُمْ رَبُّكُم مِّن رَّحْمَتِهِ وَيُهَيِّئْ لَكُم مِّنْ أَمْرِكُم مِّرْفَقًا

ففي الاختلاء سكينة لا يعرفها من لم يذقها،طمأنينة تُغنيك عن الدنيا ،وقوة تُعيد ترتيب قلبك قبل حياتك.

29/04/2026

﷽ هُوَ الَّذِي أَنزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَانًا مَّعَ إِيمَانِهِمْ – سورة الفتح 4

السكينة ليست مجرد هدوء… وليست غياب مشكلة…
وليست لأن الظروف أصبحت مثالية.

السكينة عطية من الله، تُنزل على القلب في أشد اللحظات اضطرابًا.
قد تتأخر الأمنيات… قد تضيق الأسباب… قد تبدو النتائج غير مطمئنة…
ومع ذلك تشعر بثبات داخلي غير مبرر بمنطق الدنيا.
طمأنينة هادئة تقول لك: "الأمر بيد الله".

هذه هي السكينة... السكينة لا تعني أن الطريق سهل،
بل تعني أن القلب مُطمئن وهو يسير في أصعب الطرق.
السكينة لا تمنع الدموع، لكنها تمنع الانكسار.
السكينة لا تلغي الخوف، لكنها تمنع أن يتحول الخوف إلى يأس.

هي نور يقذفه الله في القلب، فتسكن الجوارح، ويثبت العقل، ويهدأ القرار.

ولذلك قال: "لِيَزْدَادُوا إِيمَانًا مَّعَ إِيمَانِهِمْ"
فالسكينة ليست مكافأة بعد المحنه… بل عونٌ لك في جوف المحنه.

إذا أردت السكينة… فالجأ إلى من يملك القلوب.
أكثر من الذكر ... وأحسن الظن.
وسل الله أن يربط على قلبك.

فالسكينة لا تُكتسب بالسيطرة على الظروف… بل بالثقة في مُدبّر الظروف.

اللهم أنزل علينا سكينة من عندك، تُصلح بها قلوبنا وتُقوّي بها يقيننا.

24/04/2026

كلما وجدت في نفسك حاجه ووجدت ان لديك القدرة علي قضائها فاحمد الله ولو كانت حاجتك شربة ماء ولديك صحة تقضيها بنفسك لنفسك

وان وجدت حاجة في نفسك تشتهيها في الدنيا ليس لك حول وقوة علي قضائها ... تامل نعيم الجنة ستجد كل ما تتمني فيها.

من الأكل للشرب للركوب واللباس والقصور وغيره وغيره ... ففيها ما لا يخطر علي عقل بشر ... ولذلك فالدنيا تحتاج للصبر والفوز عليها بالصبر والجزاء ليس بقليل أبداً ......

22/04/2026

21/04/2026

🛑 وَالَّذِينَ يُنْفِقُونَ أَمْوَالَهُمْ رِئَاءَ النَّاسِ
🌳وما لأحد عنده من نعمة تجزى، إلا ابتغاء وجه ربه الأعلى

في ناس بتعمل الخير عشان الناس تشوفها ويحفظ المصالح المتبادله
وفي ناس بتعمله عشان ربنا يرضي عنها.

لما تسمع إن فيه عزاء… أو فرح… أو حد محتاج مساعدة
بتروح على حسب إيه؟

لو الشخص ده مديرك، أو صاحب مصلحة، أو بينك وبينه شغل ومصالح… بتجري وتظهر وتتصور وتعمل الواجب كامل

طب لو حد بسيط؟
مفيش بينك وبينه منفعة؟
هتروح بنفس الحماس؟
هتسأل؟
هتقف جنبه؟

لو الإجابة لأ…
يبقى إحنا محتاجين نراجع نيتنا.
لأن كده إحنا بنجامل الناس… مش بنبتغي وجه ربنا.

إنما اللي قلبه متعلق بربنا،
بيروح ياخد الثواب،
يصون العِشرة،
ويعمل الصح حتى لو محدش شايفه.

الناس درجات…
بس عند ربنا الميزان مختلف.

خلّي حركتك لله…
عشان قيمتك تبقى عنده مش عند البشر 🤍

21/04/2026

كل يوم جميل بتعيشه بيكون ممتع النهارده بالنسبه لك ولكن هيكون الذكري المؤلمه بكره

ولذلك استمتع بكل يوم وكل مرحله بلاش تستعجل انها تعدي علشان عندك شغف باللي بعدها

والله هتتمني الايام ترجع حتي لو شايفها مؤلمه ومرحله صعبه
كتير مننا كشباب بيفتكر ايام الجيش .. وكبنات ايام الحمل والولاده وغيرها ايام صعبه ومرهقه....
رغم ان وقتها كنت بتلعن النفس اللي ماشي على وشك.
حتي في الوقت الصعب خليك عارف ان جاي بعد منه ف*ج عظيم وخلي دهويقين عايش جواك بيتنفس زيك زيه..... ولما تفتكر احمد ربك ....

استمتع بكل يوم وكل مرحله لانك هتتمني رجوعها وده المستحيل

19/04/2026

وَإِن تَعُدُّوا نِعْمَةَ اللَّهِ لَا تُحْصُوهَا

بتحلم تشتري عربيه ؟!! نفسك يكون لونها ايه ؟!! وموديلها ايه؟!!

بعد ما تجاوب انزل اتمشي شويه او اقعد في طريق هتلاقي ان اكتر عربيه موجوده هي العربيه اللي انت مختارها واكتر لون منتشر منها هو اللون اللي انت مختاره

بس ده مش حقيقه !!! هنا اللي حصل هو ان فيه عربيات كتير جدا بس انت اللي تركيزك بقي علي حاجه معينه والاهم هنا انها ارتبطت بمشاعرك وانك حابب تشتريها وبتحلم وبتتمني وهتكون سعيد لما تجيبها فبالتالي انت بقيت مجذوب لهدفك والشئ اللي تركيزك عليه.

نرجع لقول الله تعالي تاني بقي " وَإِن تَعُدُّوا نِعْمَةَ اللَّهِ لَا تُحْصُوهَا "
تخيل انك قاعد تعد نعم ربك اللي هتعجز طبعا عن حصرها هنا تركيزك هيبقي علي ايه " اكيد علي النعم" فبالتالي هيملا صدرك شعور الرضا وهتلاقي نعم ربنا حوليك في كل مكان وهتحسها في كل نفس.

عكس اللي بيركز علي شئ سلبي وعلي اللي ناقص منه وطبعا ده منهج ابليس علشان يبعدك عن انك تحمد ربك.

فخد نفس كده وقول الحمد لله بقلبك مش بلسانك بس.

16/04/2026

علم النفس الإيجابي أثبت أن:
- الامتنان يقلل القلق.
- التأمل والذكر يخفضان هرمونات التوتر.
- الروتين الروحي المنتظم يزيد الاستقرار النفسي.( الاذكار و القيام والصيام والتسبيح والاستغفار .......)

وهنا يلتقي العلم مع قوله تعالى:
"ألا بذكر الله تطمئن القلوب"

النفس المطمئنة ليست نفسًا بلا مشاكل…
بل نفسًا:
- تعرف ربها.
- تفهم الدنيا.
- تقبل الابتلاء.
- وتتحرك في الحياة بثقة وهدوء.

هي مرحلة نضج إيماني + نضج نفسي في نفس الوقت