STEP with Omar Saied

STEP with Omar Saied Sales Consultant & Instructor

Watch more
youtube.com/
Know more
Omarsaied.com
(4)

أفشل سيلز هو اللي فاكر البيعة امتحان شفوي لازم يقفله وياخد الدرجة النهائية.قاعد ترص في مميزات:الضمان عندنا أحسن حاجة،الس...
01/09/2026

أفشل سيلز هو اللي فاكر البيعة امتحان شفوي لازم يقفله وياخد الدرجة النهائية.
قاعد ترص في مميزات:
الضمان عندنا أحسن حاجة،
السعر ملوش مثيل،
والعرض ده مش هيتكرر.
والعميل باصص لك بقلق ومش مطمن.

عارف ليه؟
عشان إنت عمال تبيع المنتج،
ونسيت تبيع الملاءمة للعميل نفسه.
الزبون مبيشتريش المنتج الأحسن في المطلق،
الزبون بيشتري المنتج الأنسب لحالته هو.
طول ما إنت بتجاوب على اللي إنت حابب تسمعه،
وبتتجاهل خوف العميل واحتياجه الحقيقي،
هتفضل تخرج كسبان في الجدال، بس خسران البيعة والعميل.

أكبر وهم عايشة فيه شركات كتير اسمه: المهم الناس بتتحرك ومطحونة.تيم المبيعات طالع عينه، بيجري بكل طاقته،عرقانين ومرهقين و...
01/09/2026

أكبر وهم عايشة فيه شركات كتير اسمه: المهم الناس بتتحرك ومطحونة.
تيم المبيعات طالع عينه، بيجري بكل طاقته،
عرقانين ومرهقين ومفرومين ليل نهار على تاسكات شغل بلا أهمية.
والمدير واقف فوق دماغهم يزعق: أسرعوا شوية!
أسرعوا فين؟
هما أصلاً بيجروا في مكانهم ومبيتحركوش خطوة واحدة لقدام.
مكالمات عشوائية،
اجتماعات تافهة بتاكل الوقت،
شيتات إكسيل بتتملي يدوي،
والتارجت هناك بعيد ومحدش بيقرب منه سنتي.
الحركة الكتير مش معناها إنتاج،
الحركة في مكانها اسمها استنزاف وتطفيش للناس.
بطل تزعق للناس تجري أسرع،
وقف المشاية دي ووجّه التيم على الطريق الصح.

01/09/2026

٦ دروس وحِكَم من الحياة هتوفر عليك سنين من الصدمات والخيبات
فن التعامل مع البشر في بيئات العمل السامة !

التارجت اتعمل عشان يوجّه الناس ويكبّر البيزنس، مش عشان يبقى أداة تهديد وضغط .المدير الفاشل أول ما يعجز عن الإدارة والتوج...
01/09/2026

التارجت اتعمل عشان يوجّه الناس ويكبّر البيزنس، مش عشان يبقى أداة تهديد وضغط .
المدير الفاشل أول ما يعجز عن الإدارة والتوجيه، يتحول على طول للضغط والتهديد
يرمي تارجت مية وخمسين في المية، يخنق بيه التيم ويتعامل بالتهديد والضغط العصبي كل دقيقة.
وفي نفس الوقت؟
التدريب تحت الصفر، والدعم ميت، والبيئة كلها توتر واستقالات.
إنت بتخلق تيم مرعوب هيعمل أي مصيبة وفبركة بس عشان يخلص من زنك،
أو هيسيبلك الشركة ويجري في أول فرصة تجيله.
الخوف مبيصنعش أرقام الخوف بيصنع استقالات جماعية وخراب بيوت للشركة.

خايف من لحظة السكوت،وخايف العميل يرفضك،فتقوم دايس على بنزين الرغي وتعمل دوشة ع الفاضي.أشطر سيلز مش هو اللي بيبهر العميل ...
31/08/2026

خايف من لحظة السكوت،
وخايف العميل يرفضك،
فتقوم دايس على بنزين الرغي وتعمل دوشة ع الفاضي.

أشطر سيلز مش هو اللي بيبهر العميل بكلامه،
المحترف هو اللي بيسأل السؤال اللي يخلي العميل يفكر ويعترف باحتياجه.

اقفل حنفية الرغي دي شوية،
واسأل سؤال صح يفتحلك الديل،
بدل ما العميل بسبب بكلامك يزهق ويهرب !
لانه ببساطة ملقاش حد يسمع أو يسال عن مشكلته

النتيجة الضعيفة اللي ظاهرة قدامك دي،هي الفاتورة الطبيعية لإهمالك في تلات حاجات:الليدز، والتدريب، والمتابعة.طول ما إنت مر...
31/08/2026

النتيجة الضعيفة اللي ظاهرة قدامك دي،
هي الفاتورة الطبيعية لإهمالك في تلات حاجات:
الليدز، والتدريب، والمتابعة.

طول ما إنت مركز على الرقم وسايب التيم وراك عريان من غير إمكانيات،
هتفضل تاخد نفس النتيجة المخزية دي كل شهر.

بطل تعامل النتيجة على إنها المشكلة.
النتيجة مجرد رد فعل..ترمومتر يقيس الحرارة لا يخفضها !
المرض الحقيقي في اللي إنت مستخسر تطوره وتصرف عليه في أساس الشغل.

كل ما تلاقي الأرقام واقفة،تجري تطلب حرق أكتر، ومكالمات أكتر، وتوتر أكتر.وفر على نفسك وعلى التيم المأساة دي.صلح طريقة الش...
31/08/2026

كل ما تلاقي الأرقام واقفة،
تجري تطلب حرق أكتر، ومكالمات أكتر، وتوتر أكتر.

وفر على نفسك وعلى التيم المأساة دي.
صلح طريقة الشغل والأدوات والبروسيس،
وساعتها هتشوف النتايج بتتحرك من غير ما تحتاج تكسر ضهر حد.

أسهل طريقة تدمر بيها شركتك، إنك تعامل البني آدمين على إنهم عدادات كهرباء.المدير اللي كل همه يقفل شيت الـ KPI،وفرحان إن ا...
30/08/2026

أسهل طريقة تدمر بيها شركتك، إنك تعامل البني آدمين على إنهم عدادات كهرباء.

المدير اللي كل همه يقفل شيت الـ KPI،
وفرحان إن التيم جايب سبعة وتمانين في المية على السيستم،
هو أكتر واحد بيتلعب بيه وهو مش حاسس.

عارف التيم بيعمل إيه عشان يرضي الرقم ده؟
بيعمل مكالمات ملهاش لازمة،
بيفبرك ريبورتات،
وبيقفل تسكات ع الفاضي بس عشان الشيت ينور أخضر في الميتنج.

إنت مش شايف الإحباط،
ولا شايف الاحتراق النفسي،
ولا شايف الناس الشاطرة اللي بتلم حاجتها وماشية عشان حاسين إنهم مجرد تروس في مفرمة.

افرح أوي بالأرقام اللي على الورق،
واستقبل بقى خسارة العملاء وهبوط الجودة في الواقع.

شيت الإكسيل بيستحمل أي رقم تكتبه،بس التيم اللي شغال معاك مش مكن هتدوس عليه بالزرار.رفع التارجت بياخد ثانيتين في الميتنج،...
30/08/2026

شيت الإكسيل بيستحمل أي رقم تكتبه،
بس التيم اللي شغال معاك مش مكن هتدوس عليه بالزرار.

رفع التارجت بياخد ثانيتين في الميتنج،
لكن رفع قدرة الفريق محتاج وقت ومجهود وفلوس تدريب وتطوير.

طول ما إنت بتطلب الضعف بنفس الموارد المخنوقة،
فإنت مش بتعمل نمو للبيزنس أنت بتستعجل دمار فريقك وانهيار شركتك

الشركات المحترمة بتبني ناس قادرة تشيل أرقام،
مش بترمي أرقام تكسر ضهر الناس

أوقات تيم السيلز مش هو المشكلة، تيم السيلز هو اللي بيكشفلك إنك بتغرق.كتير من المديرين أول ما الأرقام تنزل،يتحولوا لجلادي...
30/08/2026

أوقات تيم السيلز مش هو المشكلة، تيم السيلز هو اللي بيكشفلك إنك بتغرق.

كتير من المديرين أول ما الأرقام تنزل،
يتحولوا لجلادين:
اجتماعات توبيخ يومية
ونطردهم ونجيب غيرهم.
ضغط نفسي وعصبي،
وقرارات عشوائية بس عشان يسكتوا صوت الإنذار وخلاص.

بس الواقع إن الموتور من جوه متدمر:
مفيش تسويق حقيقي بيسند،
مفيش أدوات ولا تدريب،
طريقة شغل من العصر الحجري
والسوق رافض العرض اللي بتقدمه من الأساس.

إنت بتكسر السرينة اللي بتصحيك من النوم،
وفاكر إنك لما تسكتها يبقى الدنيا بقت تمام.

الضغط مش هيخلي الموتور المكسور يشتغل،
صلح منظومة شركتك الأول، وبعدين اطلب من العربية إنها تجري مية وخمسين كيلو في الساعة.

Address

Alexandria

Telephone

+201206092054

Website

,

Alerts

Be the first to know and let us send you an email when STEP with Omar Saied posts news and promotions. Your email address will not be used for any other purpose, and you can unsubscribe at any time.

Contact The Business

Send a message to STEP with Omar Saied:

Shortcuts

Share

Category