LIGHT the NIGHT

06/03/2016

دي قائمة أقوى أفلام تحفيزية وملهمة في تاريخ السينما العالمية ... اعمل مينشن لصاحبك اللي عايز تشوف الافلام معاه او رشحها له لو مكتئب وقولنا ايه اكتر افلام بتحبها او شوفتها فيهم؟

14/12/2015

صباح الإرادة :)

علي اليسار: تواي لاين تخرجت من الجامعة بعمر٨٥

وعلي اليمين : توايلا بوستون تخرجت بعمر٩٨

وفي الأسفل : نولا أكس تخرجت بعمر٩٥

دي حاجة تعلمنا ان الحلم والإرادة مش مستحيل وطول ما الانسان عايش هيفضل يتعلم ... (y)

01/12/2015

أحيانًا الغباء هينقذك..! =D

من الذكاء أنك متظهرش ذكاءك دايمًا في كل الأوقات!! فقد يكون من الذكاء أنك تتظاهر بالغباء بعض الوقت.. في بعض المواقف! إزاي يعني..؟ o.O

خلونا نحكيلكم ايه اللي حصل لــ 3 أشخاص مظلومين إتحكم عليهم بالإعدام (بالمقصلة) وشوفوا كان إيه رد كل واحد فيهم، وحتفهموا اللي نقصده بالظبط ^_^

الــ 3 أشخاص هم: (عالم دين – ومحامي – وفيزيائي)

عند لحظة الإعدام إتقدّم عالم الدين وحطوا رأسه تحت المقصلة، وسألوه: هل عندك كلمة أخيرة عايز تقولها؟ فقال: الله.. الله.. هو اللي هينقذني! وساعتها نزلوا المقصلة ولما وصلت لرأسه توقفت المقصلة..! فتعجّب النّاس، وقالوا: أطلقوا سراح عالم الدين، فقد قال كلمة (الله).. ونجا عالم الدين من حكم الإعدام! :)

وجه دور المُحامي إلى المقصلة..
فسألوه: عندك كلمة أخيرة عايز تقولها؟ فقال: أنا معرفش ربنا زي عالم الدين، ولكني أعرف أكتر عن العدالة.. والعدالة هي اللي هتنقذني! ونزلت المقصلة على رأس المحامي، ولما وصلت لرأسه توقفت بردوا..!! فتعجّب النّاس، وقالوا: أطلقوا سراح المحامي، فقد قالت العدالة كلمتها.. ونجا المحامي كمان من الإعدام! :)

وأخيرا جه دور الفيزيائي ..
فسألوه بردوا: عندك كلمة أخيرة عايز تقولها؟ فقالهم: أنا معرفش ربنا زي عالم الدين، ولا أعرف العدالة زي المحامي، بس أنا أعرف إن فيه عقدة في حبل المقصلة بتمنع المقصلة من النزول..!! فــ بصوا كلهم للمقصلة ولقوا فعلا العقدة اللي بتمنع المقصلة من النزول.. وفورًا صلحوا العقدة، ونزلوا المقصلة على رأس الفيزيائي وإتقطعت رأسه..!! فكان إظهاره لذكاءه في الموقف ده هو الغباء بعينه..!! :/

وعشان كده من الأفضل أنك تتظاهر بالغباء في بعض المواقف، لأنه أحيانًا هينقذك =D

وكمان بلاش تكون كتاب مفتوح لكل اللي يقرب منك عشان متبقاش فريسة للي عايز يلتهمك ;)

ايه رأيكم في الكلام ده؟ :)

30/11/2015

29/11/2015

مهاتير محمد.. صانع نهضة ماليزيا :)

ماليزيا كانت دولة اعتمادها الكلي على الزراعة، وإنتاج وتصدير المواد الأولية، قبل ما يتولي رئاسة مجلس الوزراء فيها "مهاتير محمد" اللي حولها إلي دولة صناعية مُتقدمة بيساهم قطاع الصناعة وقطاع الخدمات فيها بـ 90% من الناتج المحلي الإجمالي..

بعد حكم مهاتير محمد أصبح حالياً 80% من السيارات في الشوارع صناعة ماليزية، وبلغت نسبة صادرات السلع المُصنّعة 85% من إجمالي الصادرات، بعد ما كان متوسط دخل الفرد أقل من ألف دولار سنوياً.

طيب.. مين هو مهاتير محمد صاحب الانجازات دي كلها..؟!

مهاتير محمد هو أصغر إخواته التسعة. والدهم كان مدرس ابتدائى مرتبه مكفاش تحقيق حلم ابنه "مهاتير" بشراء عجلة يذهب بها إلى المدرسة الثانوية.. فقرر «مهاتير» يشتغل بائع «موز» في الشارع علشان يحقق حلمه، وتدور الأيام ويدخل بائع الموز ده كلية الطب فى سنغافورة ثم يُنتخب رئيساً لاتحاد الطلاب المسلمين بالجامعة قبل ما يتخرج سنة 1953، ويشتغل بعد كدا طبيب فى الحكومة الإنجليزية المُحتلة لبلاده حتى استقلت ماليزيا في سنة 1957 ويفتح الطبيب عيادته الخاصة كــ جرّاح، ويقرر تخصيص نصف وقته للكشف المجاني على الفقراء، ثم يفوز بعضوية البرلمان سنة 1964 وبعد 5 سنوات يخسر مقعده بسبب مهاجمة رئيس الوزراء تنكو عبدالرحمن، فيتفرغ لتأليف كتاب عن "مستقبل ماليزيا الاقتصادى" فى 1970، ويعاد انتخابه "سيناتور" عام 1974 ويتم اختياره وزيراً للتعليم فى 1975، ثم مساعداً لرئيس الوزراء فى 1978، ثم رئيساً للوزراء عام 1981، لتبدأ النهضة الشاملة التي قال عنها فى كلمته بمكتبة الإسكندرية إنه استوحاها من أفكار النهضة المصرية على يد محمد علي.

ايه هي انجازات مهاتير محمد في 21 عام..؟

أولاً: رسم خريطة لمستقبل ماليزيا حدد فيها الأولويات والأهداف والنتائج، اللي المفروض يكون الوصول ليها خلال 10 سنين.. وبعد 20 سنة.. حتى 2020!

ثانياً: وضع التعليم والبحث العلمي على الأولوية الأولى لأجندته، وبالتالي خصص أكبر قسم فى ميزانية الدولة لتدريب وتأهيل الحرفيين، والتربية والتعليم، ومحو الأمية، وتعليم اللغة الإنجليزية، وفي البحوث العلمية، وأرسل عشرات الآلاف كبعثات للدراسة فى أفضل الجامعات الأجنبية.

ثالثاً: صارح الشعب بخطته واستراتيجيته، وأطلعهم على النظام المحاسبى، اللي حدد فيه مبدأ الثواب والعقاب للوصول إلى "النهضة الشاملة".

الشعب الماليزي صدق زعيمه الجديد وآمن بيه، وبدأ معاه تنفيذ خطته في «قطاع الزراعة» فغرسوا مليون شتلة «نخيل زيت» فى أول سنتين لتتحول ماليزيا الي الدولة الأولي في العالم فى إنتاج وتصدير "زيت النخيل".

أما في قطاع السياحة: قرر أن يكون المستهدف فى عشر سنين هو 20 مليار دولار بدلاً من 900 مليون دولار عام 81، واللي بلغت دلوقتي 33 مليار دولار سنويًا.

في النشاط المالي: فتح مهاتير محمد الباب أمام الاستثمارات المحلية والأجنية بضوابط شفافة لبناء أعلى برجين توأم فى العالم كمركز تجاري فى العاصمة كوالالمبور، وأنشأ البورصة التى وصل حجم تعاملها اليومى لـ 2000 مليون دولار يومياً..

وفي قطاع الصناعة: حققت ماليزيا فى سنة 96 طفرة تجاوزت 46% عن السنة اللي قبلها بفضل المنظومة الشاملة والانتاج الهائل فى الأجهزة الكهربائية، والحاسبات الإلكترونية

أندونيسيا في عهد مهاتير محمد أنشأت أكبر جامعة إسلامية على وجه الأرض، وأصبحت ضمن أهم 500 جامعة فى العالم، وأنشأت عاصمة إدارية جديدة مع العاصمة التجارية «كوالالمبور»
وعلي الرغم من أن العدد الي عايش فيها دلوقتي أقل من 2 مليون نسمة، إلا إنهم خططوا أنها تستوعب 7 ملايين نسمة سنة 2020، وعلشان كدا بنوا مطارين وعشرات الطرق السريعة تسهيلاً علي السائحين، والمقيمين، والمستثمرين، اللي هييجوا من الصين، والهند والخليج ومن كل العالم، يبنوا آلاف الفنادق بدءًا من الخمس نجوم حتى الموتيلات بـ 20 دولار فى الليلة.

باختصار.. قدر مهاتير محمد في الفترة من 1981 إلى 2003 يخلي ماليزيا تتربع على قمة الدول الناهضة، بعد ما زاد دخل الفرد من 1000 دولار سنوياً سنة 81 وقت ما استلم الحكم إلى 16 ألف دولار سنوياً، ويوصل الاحتياطى النقدى من 3 مليارات إلى 98 ملياراً، وحجم الصادرات وصل لـ 200 مليار دولار.

الزعيم مهاتير، متعللش بأنه استلم الحكم فى بلد فيه 18 ديانة، ومعايرش شعبه بأنه لما استلم كرسى الحكم سنة 81 كان عددهم 14 مليون والآن أصبحوا 28 مليوناً، والزعيم الاندونيسي متمسكش بالسلطة ومطمعش في التوريث، وقرر في سنة 2003 وبعد 21 سنة، بكامل إرادته ترك كرسي السلطة رغم كل المطالبات ببقائه.

مهاتير محمد قرر يستريح أخيرا لكن بعد ما ترك للي هيحكم بعده "خريطة" و"خطة عمل" اسمها "عشرين.. عشرين" ودي بتعبر عن شكل دولة ماليزيا سنة 2020 واللى بتقول إنها هتكون رابع قوة اقتصادية في آسيا بعد الصين، واليابان، والهند..