Hexa - Smart Solutions

30/11/2016

تحديث جديد لل Status علي فيسبوك، بقى ممكن تكتب اي بوست وفيه خلفية بالوان مختلفة.
ايه رأيكم في التحديث؟ 😃

21/10/2016

ماذا لو قررت تطبيقات الموبايلات تتحول لفرق كورة ؟
شركة تصميم اسمها Graphic UNTD قرروا يعملوا تصميم لملابس فريق تخيلي لمجموعة من اشهر تطبيقات السوشيال ميديا
يا ترى كنت حتشجع مين :D ؟

28/09/2016

** *Product *Price *Place *Promotion …. .. … …. … **
_____________________________

حياة كل انسان لازم يكون عندها اسباب علشان تطور و علشان كدة كان فى سبب لتطور وسائل الاعلام الاجتماعى ....
4Ps
اول حاجة و اللى بنبنى عليها شغلنا كله :
المنتج : توفير اللى محتاجه العميل مش كفاية , لازم المنتج يكون بيستحق اللى يدفع فيه , و دة ممكن يكون عن طريق العلامة التجارية للمنتج و من اهم الحجات كمان انى امرن الشخص اللى قدامى على استخدام المنتج و اعلمه كل حاجة فيه مش اسيبه يتعامل هو و خلاص (و اهم حاجة فكل دة اننا نوفى بالوعد مع العملاء)

تانى حاجة بقى السعر : اى واحد فينا دلوقتى لما بيفكر يشترى حاجة بيشوف سعرها عجبه يبقى قشطة و اشترى يا معلم لو معجبوش يبقى لا لا دى مش مهمة فى حياتنا او اجبها فاول الشهر ,, يا راجل دة فى ناس بتشترى الحاجة اللى عليها خصومات حتى لو عمرها ما هتستخدمها , و علشان كدة لازم الشركة تقدم اسعرها و تحددها بامقارنة مع المنافسين بحيث يكون فى تقارب فى الاسعار ,, و من افضل الانتقالات فى الاسعار ان الشركات كلها بدأت تعلن اسعرها على النت و دة من الحجات اللى بتعمل شفافية مع العملاء و اكبر مثال على موضوع الاسعار دة شركات السياحة و الرحلات و خصوصا الجوية ,, دة انت تقدر تشوف اسعار نفس الرحلة فى كل الشركات و تختار اللى يريحك و اللى يناسبك و تقارن بنفسك مابنهم .....

المكان : المنتج المناسب لزم يكون بالسعر المناسب فى المكان المناسب باستخدام الترويج و الدعاية المناسبة عن طريق وسائل التواصل الاجتماعى ,,, ايه الكعبلة دى احنا ممكن نسهل الموضوع اكتر بكتيييييييير !!!!
المنتجات لازم تكون فى المكان الصح ليها علشان الوقت اللى يحتاج فيه العملاء اىمنتج لازم يكون عندهم
لازم يكون موجود فى حتة واضحة للعملاء علشان الوصول ليه يكون سهل ,,, المكان دة من اهم العوامل اللى بتسهل التوزيع و دة بيزود من قيمتك و قيمة منتجك وسط العملاء ,,, و دة عامل انك هتتعامل مع موزعين كبار يسهلوا عليك اكتر و اكتر توصيل المنتجات لكل مكان ......

اخر نقطة و من اهم النقط ... الترويج : مش اهم حاجة انك تعمل علاقات لتوزيع المنتج لكن الترويج عن طريق مواقع التواصل الاجتماعى بيخليك تقدر تنشر معلوماتك وسط العملاء و دة بيخليهم يتقوا فيك و فمنتجك و يشتروه من غير تفكير و طريقة تؤويجى للمنتج هى اللى بتعمل للمنتج بتاعى وضع و مكانه قدام العملاء و قدام المنافسين و من اهم الطرق اللى تعمل اهمية للمنتج بتاعى اننى اعمله تسويق عن طريق الحوار مش عن طريق دفعه فى السوق و جوده فى كل مكان بس ........
المصدر : http://heidicohen.com/how-social-media-has-changed-marketi…/

26/09/2016

فيسبوك مازال بينتشر وبيطور من تطبيقاته خلال الأيام الجاية حينزل تحديث جديد لفيسبوك ماسنجر تضيف استفتاء في جروبات الشات الجماعية وكمان أطلقوا مساعد شخصي ليك في عملية دفع الاموال معتمد على الذكاء الاصطناعي.
من رأيكم هل حيفضل فيسبوك مسيطر على تطبيقات الدردشة عن طريق واتساب وماسنجر ولا بعد دخول جوجل بابلكيشن Allo المعادلة حتختلف؟

18/09/2016

حمادة و العصاية السحرية
طبعا زى ما كلنا عارفين ان السوشيال ميديا اتحولت من مجرد فكرة غريبة و جديدة لروتين لابد منه فى حياتنا اليومية و أكيد ده كان عامل مهم جدا ان فى شركات تسويق كثير اتمسحت من على خريطة المنافسة
و بعيدا بقى عن ان السوشيال ميديا وسيلة انك تزود ارباحك هى كمان عامل مهم من خلاله تقدر تقدم خدمات أحسن و بجودة أعلى للعملاء بتوعك
عشان كدا حنتكلم عن ده فى الكام سطر اللى جاين ...
أنتم عارفين فى كام حد بيستخدم السوشيال ميديا ؟- قبل ماتنزلوا تقروا الاجابة فكروا شوية 60 و لا 90 مليون ؟-
فى 1.7 مليار –وفقا لاحصائيات سيبتمبر 2016- حساب شغال على جميع وسائل السوشيال أنت متخيل الرقم؟
ده الفيسبوك لوحده فى حوالى 1.55مليار مستخدم شهريا حاسس أنت بتتكلم عن كام بنى ادم على مستوى العالم
و ده طبعا بيثبت أن مافيش وقت قبل كدا كانت الناس فعالة و نشيطة بالشكل ده على وسائل التواصل زى دلوقتى
بالرغم من كدا ماحدش يقدر ينكر أن كل من التسويق و العلاقات العامة مهمين جدا و ليهم دور ماحدش يقدر يستغنى عه بس لو قدرت أنك تعمل الخلطة السحرية اللى تشمل تسويق و علاقات عامة و كمان تحط وسائل التواصل الاجتماعى فى خطتك حيكون عندك التعويذة السحرية اللى حتخليك فى المقدمة لانك بمنتهى البساطة معك العصاية السحرية اللى حتخليك شايف الصورة الاوسع و الاشمل
"أنت أكثر واحد يعرف العملاء بتوعه و يعرف هم عايزين ايه"
عشان كدا على عكس ما هو متعارف عليه فى السوق أنك بتستخدم وسائل التواصل عشان تعمل ارباح بس لكن انت بتستخدم وسائل التواصل عشان ده "أحسن للعملاء بتوعك"
فأنت بالفعل خلاص عامل دراساتك عن السوق و اهدافك و العملاء بتوعك محتاجين ايه فكل ما عليك دلوقتى انك تترجم ده على السوشيال ميديا
لو عملت ده بالطريقة الصح فأنت حتلاقى أنك بتنجح على السوشيال ميديا بأقل مجهود
هى معادلة بسيطة 1+1=2
و لو مش مصدق ممكن تدور عن حملات سوشيال ميديا أو صفحات كانت سبب فى وقوع و ساعات كمان القضاء على ماركة بحالها...
طبعا ده مايمنعش أنك تزود ارباحك من خلال السوشيال ميديا لانك أكيد من حقك تحقق أرباح و الاكيد أنك لو حطيت العملاء بتوعك فى اعتبارك حتحقق أرباح كنتيجة حتمية لده لانك مش بس حتحافظ على العملاء بتوعك لا ده أنت كمان حتكسب عملاء جداد
كل ما تركز على العملاء بتوعك و أنك تدلعهم
مبسوط فالطبيعى انه حيستعمل ال ده حيجبلك عملاء أكثر و أكثر لان أصلا حمادة –كناية عن العميل -
" أنه يعرف ناس أكثر عنك word of mouth”
و عشان كدا من المتوقع ان على 2017 حوالى 35.98 بيليون دولار حيتصرفوا على اعلانات السوشيال ميديا لوحداها متخيل الرقم اللى بدون شك بيعكس أهميتها
طيب أنا تمام فهمت أهمية السوشيال ميديا أعمل ايه بقى أو أقدم للعملاء بتوعى ايه ؟
دول كام حاجة لازم تحطهم فى اعتبارك
-أول حاجة ازاى تعمل المحتوى اصلا سواء الكلام اللى مكتوب أو الصور او الفديو التوضيحى اللى معاه
-ثانى حاجة ازاى تدير الدنيا يعنى ازاى ترد عليهم و تتفاعل مع كلامهم و تقدر تقنعهم بمنتجك أو خدمتك
وانك تبنى بينك و بينهم علاقة ثقة
-ثالث حاجة خطتك أنت اللى حاطط الخطة و أنت اللى تقول يلا
فبتالى لازم تكون محضر للحملات اللى حتعملها وازاى حتربطها بوسائل التواصل المختلفة
الحاجة قبل الاخيرة هى ازاى تعمل اعلانات و امتى و لايه ؟
الحاجة الاخيرة بقى أنك تحلل و موقفك و حالتك و وضعك أيه من الدنيا أنت فين على الخريطة يعنى نقاط ضعفك و قوتك بتحقق الاهداف اللى انت عاملها و لا لا و ما الى ذلك
يبقى ملخص الموضوع السوشيال ميديا هى العصاية السحرية اللى تقدر تطلعك سابع سماء او تنزلك سابع ارض و متنساش أهم حاجة اننا نخلى حمادة مبسوط عشان تضمن أنك أنت كمان حتبقى مبسوط
المصدر: https://goo.gl/2ifWsW

15/09/2016

يوتيوب اعلن عن اطلاق خاصية جديدة عبارة عن شبكة اجتماعية مصغرة اسمها YouTube Community ودي حتخلي اصحاب القنوات على يوتيوب ينزلوا اخبار وصور تخلي التفاعل يزيد بينهم وبين متابعينهم
ده GIF بيوضح الشكل اللي حيكون عليه YouTube Community
تفتكروا ده حيرجع يزود التفاعل اكتر على يوتيوب بعد ما فيسبوك سحب منه عدد كبير من المشاهدات خلال السنتين اللي فاتوا ولا حيستمر فيسبوك في الصدارة ؟

11/09/2016

Hexa - Smart Solutions بتتمنى ليكم عيد اضحى مبارك
وتكون اجازة سعيدة ^_^

07/09/2016

-يعني ايه هيكسا؟
-ده معناه رقم 6 باللغة اللاتينية
-عبارة عن ايه هيكسا ؟
-هي شركة ناشئة هدفها تقدم حلول متكاملة في 6 مجالات نقدر نقدمها للشركات واصحاب الاعمال.
-ايه الخدمات اللي بتقدموها؟
1-Web Developing and Hosting
2-Digital Marketing
3-Events Planning
4-Graphics Design
5- Mobile Apps
6- Desktop Apps
-طرق التواصل معاكم ازاي ؟
-تقدر تبعتلنا على الميل ده : [email protected]
او تتصل بينا على : 01284529046 - 01006180639 -01114919656

01/09/2016

موقع Social Bakers نزل مقارنة بين معدل الوقت اللي المستخدم بيفتح فيه سناب شات وانستجرام قبل وبعد خاصية ال Stories وواضح جداً ان سناب شات متأثرش كتير.
لكن السؤال هنا هل حيتأثر في المستقبل ولا لا؟
شاركونا آرائكم في الكومنتات

24/08/2016

دي رسالة بعتتها شركة Careem لاحد عملائها على الايميل
ورد فعل العميل على طريقة الكتابة السيئة جداً من مسئولين ال Digital Marketing في الشركة
-من اهم الحاجات اللي لازم اي شركة تاخد بالها منها وهي بتنزل Post او بتبعت Mail "الغلطات الإملائية" خصوصاً لما تكون بالشكل ده 😂

24/08/2016

Founders of AOL, Twitter and More Share the Best and Worst Moments in Internet History
https://www.entrepreneur.com/slideshow/280132

To commemorate the 25th anniversary of the day the World Wide Web became publicly available, we asked internet pioneers to reflect on the web's highs and lows. Here's what we learned.

04/08/2016

النهاردة الفيسبوك اتاح بشكل رسمي الشكل الجديد للصفحات لكل الصفحات.
ايه رأيكم في الشكل الجديد ؟ وهل شايفين انه حيبقى ليه تأثير ايجابي ولا سلبي على الصفحات ؟