Business Magic - Mohamed Magdy

10/01/2026

من الأفاضل والاكابر في المجال ده وعن ثقة ✨

26/04/2025

-

-
لو حضرتك عندك مصنع - فانتا عندك 4 دواير جوّا بعض
دايرة المنتج - حواليها دايرة المصنع - حواليها دايرة البيزنس - حواليها دايرة الاقتصاد
فخلينا نجيب الدواير دي من جوّا لبرا
-
دايرة المنتج بتسأل فيها عن
الخامات - الماكينات - الخلطات والتركيبات والإضافات - التغليف - الطباعة
-
دايرة المصنع بتسأل فيها
موقع المصنع - التراخيص والقوانين - البيئة - العمالة - الكهرباء - النقل - الحسابات - المبيعات - التوزيع
-
دايرة البيزنس بتسأل فيها عن
التسويق - الشراكة - التمويل - المخاطر - التصدير
-
دايرة الاقتصاد بتسأل فيها عن
التضخّم - سعر العملة - المشاكل السياسيّة المحلّيّة - المشاكل السياسيّة العالميّة
-
حضرتك كصاحب مصنع مطالب بالتركيز على الدائرة الثالثة ( دائرة البيزنس )
وتلمّس مع الدايرتين المماسّتين ليك - دايرة المصنع - ودايرة الاقتصاد
في حين إنّ أسهل دايرة ممكن تغرّقك فيها ( مع إنّها أقلّ الدوائر أهميّة بالنسبة ليك ) هيّا دايرة المنتج
-
أكيد تعرف صاحب المصنع اللي ما بيقعدش في مكتبه
المجتهد دا الكفحتجي اللي ما بيحبّش قعدة المكاتب
اللي بيشمّر هدومه وينزل يشيل ويحط مع العمال بنفسه
لما تقابله قول له محمود مرزوق بيقول لك جاتك خيبة
-
أسهل دايرة ممكن تغرّقك فيها هيّا دايرة المنتج
مع إن الدايرة دي بالذات المفروض تكون واصل للتفويض الكامل فيها
لإنّها ببساطة ( أسهل دايرة )
-
يعني أسهل حاجة ممكن تفوضها هي تفويض التصنيع للعمال - والإشراف للمشرف - والتصميم للمهندس - إلخ
لكن - باعتبارها أسهل دايرة - فصاحب المصنع العويل بيهرب ليها !!
-
يعني إيه ( بيهرب ليها ) ؟!!
يعني عشان يقدر يقف قدّام المراية ويقول لنفسه ( أنا باعمل اللي عليّا ) - فبيهرب لدايرة الكفاح دي - ويشمّر وينزل مع العمال وبتاع
دا من خيبتك
دا شغل مدير الإنتاج - مش شغلك - إنتا صاحب الشركة
-
بالمناسبة
رئيس مجلس المدينة العويل بردو بينزل يمسك المقشّة ويكنس الشارع - والمحافظ العويل بيعمل كدا بردو - من خيبتهم بردو
وعشان لمّا تزنقهم في الكلام يقولوا لك داحنا عاملين أكتر من المطلوب منّنا
ما انتوا فعلا عاملين أكتر من المطلوب منّكم - لكن للأسف مش عاملين المطلوب منّكم نفسه !!
-
أنا مش مركّبك مرسيدس يا سيات المحافظ عشان تنزل تكنس الشارع - أنا مركّبك مرسيدس ومقعّدك في مكتب بالتكييف عشان تعمل نظام لكنس الشارع
لو انا محتاج محافظ يكنس الشارع - يبقى نوفّر بنزين المرسيدس وتكييف المكتب
-
سيبك من خيبة المحافظ - وفكّر في خيبتك انتا !!
ما انتا بتعمل نفس الغلطة بردو لمّا بتنزل تشرف على دايرة المنتج - وتتخانق مع العمّال
بينما انتا سايب دايرتك الأساسيّة
-
وبردو فيه ناس بتغلط وتغرق في دايرة المصنع !!
هتلاقيه صاحب الشركة - لكنّه شاغل باله بمين من العمّال جه النهارده ومين ما جاش - وهنخصم له كام - المخازن فيها مخزون كفاية ولّا لأ - المكن بيتعمل له صيانة في مواعيده ولّا لأ
والمكنة اللي ما اتغيّرلهاش زيت تقلع وتنزل تغيّر لها زيت بنفسك !!
إيه يا عمّ ؟!!!
دا شغل مدير المصنع - مش شغلك - ومش هيعمله بنفسه كمان
-
إنتا صاحب الشركة - مش مدير المصنع
فوّض
فوّض الحسابات للمحاسب
فوّض العمالة للمشرف
وركّز في دايرتك - دايرة ( البيزنس ) !!!
-
ركز في التسويق
التصدير
التمويل
الشراكات والتحالفات
التوسّعات
-
الدايرة الأخيرة بيحصل فيها العكس
بدل ما بتغرق في دايرة المنتج - إنتا ما بتروحش أساسا لدايرة الاقتصاد !!!
-
بتلاقي صاحب مصنع مش متابع سلاسل التوريد لمنتجه جايّه منين - من أيّ دول
وكل دولة دي علاقاتها إيه بأعدائها وحروبها إيه واقتصادها إيه وظروفها إيه
-
من حوالي سنة حصلت مشكلة بيئيّة في البرازيل - فسعر القهوة زاد في إندونيسيا - فسعر البن زاد في مصر !!!
فلو انتا عندك مصنع بنّ - فإنتا مطالب بمتابعة المناخ في البرازيل - اللي تعتبر أكبر مصدر قهوة في العالم
حتى ولو كنا إحنا في مصر بنعتمد على إندونيسيا وفييتنام - إلا إنك مطالب بمتابعة الحرّ والطراوة في البرازيل !!!
لإنّه لمّا صادرات البرازيل تتضرب - العرض عندها هيقل - فالمنافسين ليها ( زي إندونيسيا ) هيزيد عليهم الطلب - فسعر القهوة اللي جاية لنا مصر هيزيد !!!
وانتا قاعد هنا قالع ملط - وواقف لي قدام المحمصة - عشان تعطي لنفسك شعور وهميّ بإنّك ( بتعمل اللي عليك ) !!!
-
#بصّ_ف_دوايرك

08/04/2025

لو بصيت للعالم من فوق هتعرف انك في نقطة ديقة جدا..

هو ممكن نبدأ من جديد ✌️

26/02/2025

25/02/2025

25/02/2025

ال 💵💲ليس أم. ن. كاحتياطي ... عملنا فيديو من سنتين تقريبا بنقول الكلام ده

الأمان في الصناعه والخامات والمنتجات ثم الذهب لمن لا يتقن المجال

لا توجد عملة أمن.. ه. احذروا

03/02/2025

لقيت اعلان توظيف بالشكل ده..

اول حاجة لشركة بترول سعودية.... بيحفزك جامد
جميع المؤهلات.... يعني شركة بترول وسعودية كمان مش عارفه هي عاوزه مين وهيعمل ايه
مرتب ٣٧٥٠ ريال.... أغر.ا.ء ولا افلام التسعينات
وكمان ايه عامل الايميل قريب من شركة سعودية من اكبر الشركات في العالم..... بس gmail الفاجر

وبعدها يبدأ التجارة بأحلام الشباب ونبيع ليهم الوهم

خلي بالكم يا شباب واتاكدوا من كل معلومة ومتدفعش فلوس لحد مهما كان علشان وظيفة