https://www.linkedin.com/in/mohammedal-alsadek/

Mohamed Sadek - محمد صادق, Cairo (2026)

02/08/2025

من أهم التجارب اللي طلعت بيها من 2024 لحد دلوقتي!!
في معظم مراحل حياتنا بنركز علي اللي بنعمله من دراسة، شغل او غيره، وفي حاجه مهمه ومشتركة بتاثر بشكل مباشر جدا علي آدائنا سواء شغل، دراسة، مذاكرة او غيره وهي الناس اللي حواليك، خصوصا الدواير القريبة!!
حاول تختار الناس اللي حواليك بعناية شديدة جدا جدا، اللي بيدوك النصحية، اللي خايفين عليك، اللي بيحترموك وبيحترموا طبيعتك واللي بينصحك ويردك عن الغلط قبل ما يسقفلك علي الحلو.
العلاقات جزء حساس ومهم جدا في حياتك، اين ما كنت مين، واين كنت بتعمل اي او في اي مرحلة.
نقي كويس جدا جدا الناس المريحة السهله اللي عاوزه تريح وتستريح، ابعد عن الاناني، او اللي مش شايف نفسه قابل للمراجعة او شايف كل كلامك ليه نقد او تقليل او هجوم، الاشخاص دي بتستهلك من طاقتك ووقتك ومواردك ومش بس بتائذيك وهي جنبك حتي لما العلاقة تبوظ سواء صديق، زميل عمل او غيره، بتفضل تسئل نفسك انا لي عملت في نفسي كده!!
اي اللي خلاني اعدي او اسكت او مقفش او او او......
الخلاصة:
ركز في الحواليك ونقي الناس اللي تتكلم معاهم، عشان متندمش او تلوم نفسك علي حاجه طلعت من حد بعدين!!
الله المستعان ❤

26/06/2024

السلام عليكم
بدور علي حد هيشتغل معانا في التيم بشكل مباشر, Hybrid, Full-time, من الدقي, عاوز حد بيعرف يفكر, معنهوش حلول لكل حاجه بس يعرف يوصل لطرق الحلول, يعرف يشتغل في تيم او لوحده, عنده المؤهلات اللي جايه:

1. خريج جامعي حبذا من تجارة انجليزي
2. خد كورسات في Business development , Sales , Marketing , Digital marketing , Market research , كلهم او بعض منهم
3. اشترك في نشاطات طلابيه (ويكون طلع منها بحاجه فعلا)
4. مش عاوز حد عنده 5 سنين خبره, من 6 شهور لسنتين

طيب لو عديت علي اللي فوق, وبتعرف تتطبقهم من خلال التاسكات اللي جايه (ممكن تزيد مع الوقت عادي):

1. بيعرف يعمل research بشكل قوي
2. بيعرف يعمل Competitive analysis بشكل واضح
3. جرب يعمل Business model و/او Business Plan و/او market research
4. بيعرف يعمل presentations من اول storyboard لحد design
5. يعرف يتواصل مع زمايله من ادارات مختلفه
6. عنده اساسيات الاقناع ومهارات البيع

وحابب تتعلم وتشتغل في صناعات مختلفه من ضمنها Software و Digital marketing و Startups.

ابعت CV ,فيديو تعريفي (ارفعه علي Google drive وابعت لينك يتفتح واتاكد انه بيتفتح بالله ) و امثله علي شغل presentations اللي عملتها (مش عندك شوف موضعين تلاته عن اللي فوق واعمل عنهم ) وابعتلي التفاصيل دي كلها علي الايميل ده
[email protected]

لو مبتعرفش تعمل اللي فوق متبعتش
لو مش عاوز تتعلم متبعتش
لو شايف ان الفيديو تضيع وقت, متبعتش برده
لو مش معملتش presentations قبل كده ومش عاوز تعملها وتبعتها مع CV ,متبعتش برده

ملحوظات:

1- محدش يبعت علي الخاص كل التفاصيل في البوست
2- انا اللي هشرف علي عملية التعيين بنفسي
3- Deadline هيبقي يوم 5/07 ان شاء الله
4- اللي هيشتغل انا اللي هشرف علي شغله
5- عشان 4, لو مش بتاع شغل ومش عاوز تتعلم بالله عليك ما تفرهدني من الاول
6- حط في العنوان Business development specialist
7- لو مقرتش البوست كذا مره وسئلت حاجه موجوده في, او كسلت ترفع الفايلات, او نحطتش subject, هجيبك 😂
8- بالله بلاش Dear hiring manager, انت بتتكلم مع بني ادم 😂

بالتوفيق ان شاء الله يا شباب 😍

23/04/2024

السلام عليكم
صباح الخير 🌺
بفكر الفترة اللي جاية انزل محتوي مكتوب ومرئي ومسموع، شايف ممكن اتكلم في انهي موضوع من دول؛
- تطوير الاعمال والمبيعات
- بناء الشركات الناشئة
- تطوير الشركات الصغيرة ومتوسطة

علماً بأن:
- الشركات الناشئة هي اللي داخل فيها التكنولوجيا وبتبقي جزء لا يتجزء من المنتج ذي اوبر و بريد فاست و حالا وغيرهم من هذا القبيل (مش اي شركة لسه فاتحه بميزانيه قليله او صفر ميزانية تبقي شركة ناشئة يا جماعة او ما يُعرف بال startup)

مينفعش اتكلم في اكتر من موضوعين بالكتير، ولو في مواضيع تانيه عرفوني
ابهروني 😂

13/02/2024

انا مع founder في One-to-one mentoring session

انا: طالما أنت عامل model وتعبان فيه لي مجربتش تبيع؟
المؤسس: اصلي لسه مأسستش الشركة
انا: …….. يعني عامل software وصرفت عليه وماسستش
المؤسس: اه
انا: طب ماسستش لي🤨
المؤسس: اصل غالي!!
انا: ………..
طب خلينا شغالين كتابه علي الورق والحيطه وفرحانين ب software 😂
لنا الله

04/01/2024

يا جماعة في تريند عاملي حساسية حقيقي 😂
الرجل اللي صورته نازله مره وهو بيعمل pitching ومره وهو judge في Shark tank

وكلام من متخليش حد يعطلك، انت اقوي من التقد وهكذا!!

سؤال، ده واحد من كام واحد؟!
يعني نسبته قد اي؟!
مشكلتنا اننا بنعمم اخص الخاص، والاستثناء بنحطه قاعده عامه.

الناس اللي قاعده دول او في اي نسخه من البرنامج مش هبيده، ولا بتوع تدريب ولا اي حاجه، في منهم ناس جابتها من تحت وفي منهم اللي حول صناعات فعلا.

فلما تاخد نقد ذي كده، لازم تفكر في بشكل منطقي وبناء حتي لو هو هدمي.

لكن التعميم ده بيعمل كوارث وبيخسر الناس فلوس ووقت ومجهود وطاقة.

العقل يا قوم 😂

28/12/2023

تعصيه، فيرزقك برسائل منه ويوحي لك الاستغفار!
فتستغفر فيغفر لك
تعصيه، فيرزق فتحمد وتستغفر فيغفر لك
تعصيه، فيبعث في قلبك الندم والانابه فيغفر لك
تعصيه، فيهديك لطاعته
تعصيه، فيرسل لك ما يجعلك تخجل من معصيتك وتستغفره فيغفر لك

هو الله
الله الواحد الأحد الفرد الصمد، فالحق كل الحق ان يخجل العاصي ان يرفع راسه الي سماء وهو عاصي.

بل علينا طأطأة الرأس خجلا من الله علي ما فعلنا

فاللهم ردنا الي دينك ردا جميلا، ولا تكلنا الي انفسنا طرفة عين.
واللهم ادم فضلك علينا ولا تعاملنا بعدلك فنكون من المٌهلكين

16/12/2023

When your planning is affecting your potential!

بسم الله
قعت مع عميل قبل كده عشان كان مهتم بوضع Business plan للشركة بتاعته (في صناعة FMCG ) للسنة الجديدة (اللي الوقت ده موسمها)، ووسط الكلام عرفت انه كل سنه قبل بيحط أهدافه بنائا علي اللي هو عاوز يحققه السنة دي، ويكتب ذي مجموعة خطوات عشان ينفذ كل هدف، وآخر السنة بيلاقي ان في أهداف معرفش ينفذها، واهداف مشتغلة عليها، واهداف نفذها بالفعل، واهداف بعد ما بدا فيها مكملتش!

المشكل وترشيحات لحلها في مقالة علي الويبسايت في اول كومنت

27/11/2023

إن الله مقلب القلوب ، فإن ثبتك الله علي الإيمان فأصبحت عابداً ربانيا ، وزادك من العلوم ماشاء ، فأصبحت عالماً عابداً ، وامدك عشر أعمار علي عمرك مثبتاً ما كفيت الله حمداً ، ولا شكراً ، ما بالك بتقلب قلبك ساعة وساعة ، بين شهواتك ومغريات الدنيا ، وبين مجاهدتك نفسك للقيام بالفرائض!
فالنحمد الله علي نعمه التي لا تعد ولا تحصى ، وكفي بالإسلام نعمة ، ونسأل الله الثبات ، ونرجوا رحمة ونخاف عذابه ، فاللهم ارحمنا واغفر لنا فلا راحم ولا غافر لنا إلا أنت.

واذكر نفسي وإياكم بمضاعفات الذِكر التي وردت في سنة الرسول صلى الله عليه وسلم:
عن سعد بن أبي وقاص أنه دخل مع رسول الله صلى الله عليه وسلم علي امرأة وبين يديها نوي أو حصي تُسبح به ، فقال: أُخبرك بما هو أيسر عليك من هذا وأفضل ، فقال: سبحان الله عدد ما خلق في السماء ، سبحان الله عدد ما خلق في الارض ، سبحان الله عدد ما خلق بينهما ، سبحان الله عدد ما هو خالق ، والله أكبر مثل ذلك ، ولا إله إلا الله مثل ذلك، والحمد لله مثل ذلك ، ولا حول ولا قوة إلا بالله مثل ذلك.
رواه أبود داود والترمزي وقال حديث حسن
وفي صحيح مسلم أنه صلي الله عليه وسلم خرج من عند ام المؤمنين جويرية باكراً ، ثم رجع بعد أن أضحي وهي جالسة فقال : ما زِلتِ علي الحال التي فارقتك عليها؟ ، فقالت: نعم فقال: لقد قُلت اربع كلمات ثلاث مرات ، لو وزنت بنا قُلتِ منذُ اليوم لوزنتهن: سبحان الله وبحمده عدد خلقه ، سبحان الله رضي نفسه ، سبحان الله زنة عرشه ، سبحان الله مداد كلماته)

14/09/2023

Strategically Tailoring Your CV for Career Success

Your CV is your professional calling card, a powerful tool in the competitive job market. To ensure it resonates with the opportunity you're pursuing, follow these strategic steps:

1️⃣ Meticulously Analyze the Job Description: Carefully dissect the job description, pinpointing the critical skills and experiences required. These will form the core of your CV.

2️⃣ Keyword Optimization: Infuse pertinent keywords throughout your CV to capture the attention of applicant tracking systems (ATS).

3️⃣ Highlight Achievements: Quantify your accomplishments to vividly illustrate your contributions and impact in previous roles.

4️⃣ Customization is Crucial: Avoid the one-size-fits-all approach. Customize your CV for each application, showcasing your genuine interest in the role and company.

5️⃣ Solicit Constructive Feedback: Seek input from trusted sources, whether friends, family, or career advisors, to refine your CV further.

Additionally, consider these essential tips when crafting your CV:

✅ Utilize compelling action verbs and concise language.
✅ Maintain laser-focused relevance.
✅ Proofread meticulously – even minor errors can tarnish your professional image.

By meticulously following these steps and tips, you'll craft a CV that positions you as an ideal candidate, increasing your chances of securing your desired role. It's your pathway to professional success! 🌟

01/05/2023

المهام اليومية كمطور اعمال ما بين التخطيط والتنفيذ!!

بسم الله والحمد لله والصلاه والسلام على رسول الله صلى الله عليه وسلم.

النقطة دي من اكثر النقاط اللي فيها لبس عند الناس خصوصاً اللي لسه داخل المجال أو اللي بيسمع عنه أو بدأ يقرأ أو يتفرج من مصادر مختلفة عن مجال تطوير الأعمال أو حتي خد كورسات!

السؤال الأكثر رواجاً ، انا كده دلوقتي هعمل اي ؟!
- امشي يومي ازاي ؟
- اي اهم من اي ، واي ياخد أولوية عن أي ؟
- ازاي اقول اي مهم واي مش مهم ؟
- اي يتعمل الاول واي الاخر ؟
وهكذا النوع من الاسئلة.

النقطة دي عشان تتغطي محتاجه كلام كتير هحاول اختصاره في مجموعة نقط ممكن تفصلها في بوستات آخره إن شاء الله.

أولا: لو لازم تعرف إن المجال ده ذي غيره ، التخطيط جزء لا يتجزء من مهامه ، ولكن التخطيط مرحلة ، بمعني ليها وقت معين بتعمل خلالها وسبب معين.

ثانياً: أحسن خطة لو لم يتم تجربها بالتنفيذ ليس لها أي قيمة ساعتك 😂

ثالثاً: بناءً علي ثانياً ، حضرتك لازم تعرف آليات التنفيذ وتعمل حسابك انك تقضي وقت محترم بتعملها خصوصاً لو انت لسه متخرج ، خبرتك قليلة ، لسه داخل الشركة ، أو المركز الوظيفي position أو title بتاع ساعتك لسه صغير

رابعاً: مستحيل تبدأ تنين مجنح ، أو وحش كاسر ، عيش معانا علي الأرض ، وحط نفسك مكان صاحب الشركة لو أنت لسه تبدأ و متعرفش حاجه عن الشركة ولا السوق من منافسين لعملاء للشركاء وغيره من العناصر، يخليك تخطط للشركة !

خامساً: ركز في إتقان آليات التنفيذ لأنها أول خطوة مينفعش تتنط ، مفيش مطور اعمال مش بياع شاطر ، يفكر ويحل مشاكل ، بيعرف يتصرف وخلافه ، كل ده هيجيلك من الإحتكاك المباشر.

سادساً: توكل على الله ولا تعجز كما قال رسول الله صلى الله عليه وسلم "المؤمن القوي خيرٌ وأحبُّ إلى الله من المؤمن الضعيف، وفي كلٍّ خير، احرص على ما ينفعك، واستعن بالله ولا تعجز، وإن أصابك شيء فلا تقل لو أنِّي فعلت كان كذا وكذا، ولكن قل قدَّر الله وما شاء فعل، فإنَّ لو تفتح عمل الشيطان"

ولا تنسي نصيبك من الكتاب والسنة ، فما لنا إلا هما ❤️
وصلي اللهم علي سيدنا محمد وعلى آله وصحبه وسلم.

Mohamed Sadek - محمد صادق

02/08/2025

26/06/2024

23/04/2024

13/02/2024

04/01/2024

28/12/2023

16/12/2023

27/11/2023

14/09/2023

01/05/2023

Address

Telephone

Website

Alerts

Contact The Business

Shortcuts

Share