https://dns.pear-education.com/

Comatre' Company, 17 Al Taqa, An Nadi Al Ahli, Nasr City, Cairo Governorate, Cairo (2026)

13/10/2026

الشركات الكبيرة مش بتدور على موظفين وبس… بتدور على الكفاءات اللي تقدر تكبر معاها!

Let's Say Welcome 🤝

يسعدنا في Comatré الإعلان عن انضمام مجموعة شركات مكة لإنتاج الأعلاف وتجارة الغلال والتوريدات العمومية إلى قائمة شركاء النجاح في خدمات Recruitment & Talent Acquisition.

🤝 شراكة جديدة، وثقة نعتز بيها، ومسؤولية بنحبها جدًا!

لأننا مؤمنين إن التوظيف مش مجرد CV ومقابلة شخصية…

التوظيف الصح هو إنك تختار الشخص المناسب، للمكان المناسب، في الوقت المناسب. 🎯

ومن هنا بيبدأ دورنا في فهم احتياجات الشركة، وتقييم الكفاءات، واختيار العناصر اللي تقدر تضيف قيمة حقيقية وتساهم في تحقيق أهدافها.

💚 بنرحب بمجموعة شركات مكة ضمن شركاء نجاح كوماتري، ونتطلع لتعاون مثمر ونجاحات مشتركة.

ولو شركتك بتكبر ومحتاجة فريق يكبر معاها… إحنا نقدر نساعدك تختار صح!

📩 تواصل معانا وخلينا نبدأ رحلة بناء فريق نجاحك.

📞 01500401712

#توظيف #كوماتري

12/10/2026

احنا السنة دي بعنا أكتر من السنة اللي فات ، بس مش عارف الفلوس راحت فين!

جملة اتقالت لنا في شركة أرقام المبيعات عندها شكلها مبشر جدًا.

المبيعات ↑
عدد العملاء ↑
الطلبات ↑
والتيم كل شهر تقريبًا بيحتفل بتحقيق الـTarget.

يعني المفروض الدنيا تمام ، صح؟

استنى!

لما بدأنا نبص على الأرقام بشكل مختلف

السؤال مكنش:

"بعنا بكام؟"

بدأنا نسأل:

بعنا بهامش ربح كام؟

كام من البيع ده Cash وكام Credit؟

كام اتحصل فعلًا؟

كام لسه عند العملاء؟

كام Overdue؟

كام خصومات اتعملت علشان نحقق التارجت؟

كام تكلفة اتدفعت علشان نجيب المبيعات دي؟

وأنهي عملاء بيشتروا كتير ، لكن بياخدوا خصومات وتسهيلات تخلي ربحيتهم أقل مما إحنا متخيلين؟

وهنا الصورة بدأت تتغير.

الشركة كانت بتبيع أكتر فعلاً ،

لكن جزء من الزيادة راح في خصومات.

وجزء اتحول لمديونيات.

والمصاريف زادت مع زيادة النشاط.

وبعض المبيعات اللي شكلها ممتاز في التقرير،

لسه متحولتش لفلوس في البنك أصلًا.

وهنا وصلنا لنقطة مهمة:

مش كل زيادة في المبيعات معناها زيادة في الربح.

والأهم

مش كل ربح على الورق معناه إن عندك Cash.

وده واحد من الأخطاء اللي بنقابلها في إدارة البيزنس:

نحتفل بالـSales

وننسى الـMargin.

نضغط على الـTarget

وننسى الـCollection.

نزود Revenue

من غير ما نسأل تكلفة الزيادة دي كانت كام.

نفرح بالعميل الكبير

من غير ما نحسب هو فعلًا مربح للشركة ولا مستهلك لسيولتها.

وعشان كده لما بدأنا شغلنا مع الشركة، محاولناش نقول لفريق المبيعات:

"بيعوا أكتر."

لأنهم بالفعل كانوا بيبيعوا.

بدأنا نشتغل على أسئلة مختلفة:

مين العميل المربح؟

وأنهي Product Mix هامشه أفضل؟

إيه نسبة الخصم المقبولة؟

إزاي نربط البيع بالتحصيل؟

إيه الـOverdue اللي لازم يتراجع؟

إيه المصاريف اللي بتزيد أسرع من الإيرادات؟

وإيه الأرقام اللي لازم الإدارة تشوفها بشكل دوري قبل ما تاخد قرار؟

وبدأنا نغير طريقة قراءة الأداء من:

"بعنا كام؟"

إلى:

"كسبنا كام؟ حصّلنا كام؟ وصرفنا كام علشان نكسب الرقم ده؟"

وده فرق ضخم.

لأن ممكن شركتين يعملوا نفس رقم المبيعات…

واحدة منهم تكبر وتولد Cash.

والتانية كل ما مبيعاتها تزيد…

تحتاج تمويل أكتر!

وده جزء مهم جدًا من دورنا في كوماتري:

مش بس نزود النشاط

لكن نساعد الإدارة تفهم الأرقام اللي ورا النشاط وتربط المبيعات بالتحصيل، المصروفات، الربحية والسيولة.

لأن في النهاية

الشركة مش بتدفع المرتبات بالمبيعات.
الشركة بتدفعها بالفلوس اللي دخلت فعلًا.

ودلوقتي السؤال ليك

لو شركتك حققت مبيعات 10 مليون، لكن 4 مليون منهم لسه عند العملاء
هتقول إنك بعت 10 مليون؟ ولا 6 مليون؟

عايزين نشوف إجابات أصحاب الشركات والمبيعات والحسابات تحديدًا 👀

#كوماتري #المبيعات #الربحية #التحصيل

11/10/2026

"يا جماعة إحنا حظنا وحش في الموظفين!"

الجملة دي اتقالت قدامنا بمنتهى الثقة. تقريبا من جميع الشركات اللي بنشتغل معاها

كل شوية الشركة تعيّن حد…

وبعد كام شهر يبدأ الكلام:

"طلع مش قد المسؤولية."
"معندوش انتماء."
"مش عايز يتعلم."
"الناس مبقتش عايزة تشتغل."

واحد يمشي… نجيب غيره.

التاني يفشل… نجيب التالت. التالت يمشي… فنرجع نقول:

"مفيش ناس كويسة في السوق!"

استنى هنا ✋

لما نفس المشكلة تحصل مع موظف واحد ممكن تكون المشكلة في الموظف.

لما تحصل مع اتنين ممكن برضه يكون اختيار غلط.

لكن لما كل اللي بيقعد على نفس الكرسي يبقى "وحش"… يمكن لازم نبص على الكرسي نفسه!

وده اللي عملناه في كوماتري اما تقابلنا المشكله دي

دخلنا جوه التفاصيل.

الموظف الجديد كان بيبدأ من غير Onboarding واضح. ( من اهم ان لم تكن اهم البرامج اللي بتحافظ علي الموظف )

الـJob Description حاجة… واللي بيتطلب منه على الأرض حاجة تانية.

أكتر من مدير بيديله تعليمات. الأولويات بتتغير باستمرار.

مفيش معايير واضحة تقول هو ناجح ولا مقصر.

Feedback حقيقي؟ قليل.

لكن أول ما تحصل مشكلة الموظف هو المتهم الأول.

وهنا السؤال بقى مختلف تمامًا:

هو إحنا فعلًا بنعيّن ناس وحشة؟ ولا إحنا بندخل ناس كويسة على System بيصعّب عليهم النجاح؟

وعشان كده دورنا في كوماتري مكنش إننا نقول:

"هنجيب لكم ناس أحسن."

بدأنا قبل التعيين نفسه.

راجعنا الأدوار والمسؤوليات. ظبطنا الـJob Descriptions. حددنا Competencies المطلوبة لكل وظيفة.

راجعنا خطوات الاختيار والتقييم.

اشتغلنا على الـOnboarding والـOrientation.

حددنا KPIs أوضح. وضحنا خطوط الإدارة والتبعية.

واشتغلنا مع المديرين على المتابعة والـFeedback وإدارة الأداء.

لأن التوظيف مش إنك تجيب CV كويس وتحطه على مكتب فاضي.

التوظيف الحقيقي إنك تجيب الشخص المناسب… وتحطه في مكان يساعده ينجح.

وفيه نقطة أصعب لازم تتقال:

بعض الشركات عندها Turnover عالي جدًا…

وبدل ما تسأل: "ليه الناس بتمشي من عندنا؟" بتفضل تسأل: "هنجيب ناس منين؟"

وده ممكن يخليك تدخل في دايرة ملهاش آخر:

نعيّن → يحصل خلاف → الموظف يمشي → نعيّن → الموظف يمشي → نلوم السوق → ونعيّن تاني.

وتصرف وقت وفلوس ومجهود…

بينما أصل المشكلة لسه موجود جوه الشركة.

عشان كده قبل ما تقول:

"الناس مبقتش عايزة تشتغل…"

جرب تسأل سؤال أصعب شوية: "ليه الناس اللي بنجيبها مش بتنجح عندنا؟"

لأن لو كل الموظفين اللي دخلوا نفس المكان طلعوا مشكلة…

مش منطقي إننا نفضل نغيّر الموظفين…
ونرفض مرة واحدة نراجع المكان.

#كوماتري #التوظيف

10/10/2026

"إحنا دربنا الناس قبل كده… ومفيش حاجة اتغيرت!"

جملة اتقالت لنا في شركة ( لو حد م من المتابعين عارفها يبعت لنا ) كانت شايفة إن عندها مشكلة واضحة جدًا:

الموظفين محتاجين تدريب.

الأداء أقل من المطلوب.
الأخطاء بتتكرر.
المديرين بيشتكوا من فرقهم.
وفيه فجوة واضحة بين المطلوب واللي بيتنفذ.

فالحل الطبيعي؟

نعمل Training. ( ك المعتاد )

بس قبل ما نتكلم عن برنامج تدريبي، سألنا سؤال بسيط:

"هو إحنا متأكدين إن المشكلة أصلًا نقص تدريب؟"

وهنا بدأنا ندخل جوه التفاصيل…

وسألنا الموظفين عن المطلوب منهم.

وسألنا المديرين عن طريقة التقييم.

وبصينا على المهام والمسؤوليات.

وراجعنا طريقة المتابعة.

وشوفنا الأخطاء اللي بتتكرر فعلًا وأسبابها.

والمفاجأة؟

جزء من المشكلة كان محتاج تدريب فعلًا…

لكن الجزء الأكبر مكنش Training Problem أصلًا!

في موظف مش عارف بالضبط إيه المتوقع منه.

وفي موظف اتطلب منه Target من غير ما يبقى عنده الأدوات الكافية لتحقيقه.

وفي مدير بيدي تعليمات النهارده… ويغيرها بكرة.

وفي مهام متداخلة بين أكتر من شخص.

وفي موظفين بيتحاسبوا على نتائج مش كلها تحت سيطرتهم.

وفي ناس اتدربت قبل كده على مهارات كويسة جدًا…

لكن رجعت لنفس بيئة العمل اللي مش بتساعدها تطبق أي حاجة اتعلمتها.

وهنا وقفنا.

لأن أسهل حاجة كان ممكن نعملها إننا نقدم Training Program، ناخد تقييم كويس في آخر اليوم، الناس تتصور، وكل واحد يرجع مكتبه.

وبعد أسبوعين… اول اقل والله

نفس المشكلة.

وده من أكتر الأخطاء اللي بنشوفها في الشركات:

كل ما الأداء يقل → Training.
المبيعات تقل → Training.
الشكاوى تزيد → Training.
المدير مش عارف يدير → Training.
الموظفين مش ملتزمين → Training.

بس مش كل مشكلة تتحل بالتدريب.

أحيانًا المشكلة Knowledge
→ هنا التدريب مهم.

أحيانًا المشكلة Skill
→ هنا محتاج تدريب وممارسة ومتابعة.

لكن أحيانًا المشكلة:

Process غلط.
صلاحيات مش واضحة.
مدير ضعيف.
KPI غير منطقي.
توزيع مهام غلط.
اختيار الشخص نفسه غير مناسب للوظيفة.
أو مفيش Accountability من الأساس.

وهنا لو عملت أقوى Training في العالم… مش بس معانا او مع اي شركه

أنت بتحاول تصلّح الشخص وتسيبه جوه نفس النظام اللي بيخلق المشكلة.

وعشان كده لما اشتغلنا مع الشركة، البداية مكنتش من قاعة التدريب.

بدأنا بـ Training Needs Analysis حقيقي.

حددنا الفجوات بين المطلوب والأداء الفعلي.

فصلنا المشاكل اللي سببها نقص المعرفة أو المهارة عن المشاكل الإدارية والتنظيمية.

حددنا مين فعلًا محتاج تدريب… وعلى إيه تحديدًا.

اشتغلنا مع المديرين على دورهم في المتابعة بعد التدريب.

وربطنا التطوير بمؤشرات أداء نقدر نشوف من خلالها:

هل السلوك اتغير فعلًا؟
وهل التغيير انعكس على الشغل؟

وبعدها بقى التدريب جزء من الحل…

مش الحل كله.

وده فرق كبير جدًا في طريقة شغلنا في كوماتري.

إحنا مش عايزين أول سؤال يكون:

"نعمل لهم كورس إيه؟"

الأهم الأول:

"ليه الأداء مش بالشكل المطلوب؟"

لأن التدريب الناجح مش اللي الناس تخرج منه مبسوطة بس…

التدريب الناجح هو اللي الشركة تقدر تشوف أثره بعد ما الناس ترجع للشغل.

فلو شركتك بتقول:

"إحنا دربناهم قبل كده ومفيش حاجة اتغيرت…"

ممكن السؤال المرة دي ميكونش:

ندربهم على إيه؟

ممكن يكون:

هل المشكلة كانت محتاجة Training من البداية؟

#كوماتري #التدريب

07/10/2026

صيدلي شاطر وعايز خطوة سفر محترمة ومستقرة في السعودية؟ الفرصة جاتلك لحد عندك

تعلن Comatre عن فتح باب التعيين المباشر لصيادلة للعمل بكبرى مجموعات صيدليات كبري في المملكة العربية السعودية
المرة دي المطلوب صيادلة خبرة في الصيدليات العامه (Community Pharmacies)؛ فاهمين التعامل المباشر مع الجمهور، وعندهم كفاءة عالية في الاستشارة الصيدلانية، البيع الاحترافي، والـ OTC

✔️المتطلبات والشروط الأساسية:

▫️ البرومترك: شرط أساسي اجتياز اختبار البرومترك السعودي (Prometric Exam).
▫️ اللغة الإنجليزية: مستوى جيد جداً علي الأقل
▫️ الخبرة: خبرة عملية مثبتة في الصيدليات العامة (Community Pharmacy).
▫️ المهارات: مهارات تواصل عالية، استشارة طبية ممتازة، وإدارة احتياجات العملاء بحرفية.
▫️ التفرغ: جاهزية للسفر والعمل الفوري بالمملكة العربية السعودية.

✔️المميزات:

▫️ رواتب ومزايا مجزية جداً.
تأمين طبي شامل + سكن + تذاكر طيران.
▫️ بيئة عمل ممتازة مع مجموعة HMC الطبية.

📩 للتقديم المباشر:
ابعت الـ CV برقم موبايلك وشهادة البرومترك علي أن يكون CV حديث و رقم واتساب متاح ، مع كتابة "صيدلي" في رسالة واتساب فوراً أو علي الإيميل :
📧 [email protected]
📞 01500401712

07/10/2026

دخلنا شركة ( خليها شركه واحده مش شركات كتير )عندها مديرين في كل الإدارات تقريبًا…
لكن الغريب إن كل القرارات كانت بتنتهي عند شخص واحد!

على الورق، شكل الشركة منظم جدًا:

مدير مبيعات.
مدير مالي.
مدير موارد بشرية.
مدير تشغيل.
مشرفين ومسؤولين.

لكن لما بدأنا ننزل أكتر في تفاصيل الشغل، الصورة كانت مختلفة.

عميل محتاج استثناء؟نرجع لصاحب الشركة.

مشكلة بين إدارتين؟ نرجع لصاحب الشركة.

مصروف خارج المعتاد؟نرجع لصاحب الشركة.

موظف محتاج قرار؟ المدير نفسه مستني موافقة. اه والله ومش بس كده ده كتيييير

حتى بعض القرارات اليومية البسيطة كانت بتلف على أكتر من شخص، وفي الآخر توصل لنفس المكتب!

هنا المشكلة مش إن الشركة معندهاش مديرين… المشكلة إن عندها مديرين من غير منظومة إدارة حقيقية.

وده بدأ يظهر في حاجات كتير:

قرارات بطيئة. وتداخل في المسؤوليات.
مشاكل بتتنقل من إدارة لإدارة.
مديرين خايفين ياخدوا قرار.وموظفين مش عارفين يرجعوا لمين.
وصاحب شركة غرقان في تفاصيل المفروض من زمان متكونش عنده.

وهنا بدأ دورنا في كوماتري.

إحنا مدخلناش نقول لهم: "محتاجين موظفين أكتر." / فيه شركات بتعمل كده

ومقلناش:
"نعمل تدريب يومين للمديرين وخلاص." وبرضه فيه شركات بتعمل كده

لأن المشكلة كانت أعمق من كده.

بدأنا الأول نفهم:

مين بيعمل إيه فعلًا؟
ومين المفروض يعمل إيه؟
ومين بياخد القرار؟
ومين المفروض ياخده؟
وفين بالضبط الشغل بيتعطل؟

ومن هنا بدأ التطوير.

اشتغلنا على توضيح الأدوار والمسؤوليات، علشان كل وظيفة يبقى معروف منها المطلوب.

راجعنا الهيكل التنظيمي وخطوط الإدارة والتبعية.

حددنا الصلاحيات ومستويات اتخاذ القرار، وإيه اللي المدير يقدر يقرره وإيه اللي فعلًا محتاج تصعيد.

اشتغلنا على الوصف الوظيفي ومؤشرات الأداء KPIs علشان التقييم يبقى مبني على مسؤوليات ونتائج واضحة.

طورنا آليات المتابعة والتقارير بدل ما المتابعة تبقى مكالمات وأسئلة طول اليوم.

وحددنا نقاط التداخل بين الإدارات، علشان نقلل: "دي مش عندي… روح للإدارة التانية."

وفي نفس الوقت بدأنا نشتغل على تطوير المديرين نفسهم. لأنك مينفعش تدي شخص صلاحية وتطلب منه قرار، وهو أصلًا متدربش على:

إدارة فريق.
التفويض.
حل المشكلات.
اتخاذ القرار.
إدارة الوقت والأولويات.
المتابعة والمحاسبة.
وقراءة الأرقام والتقارير.

وهنا بيظهر فرق مهم جدًا:

الاستشارات من غير تطوير الناس ممكن تعمل System محدش يعرف يشغله.

والتدريب من غير إصلاح الـSystem ممكن يطور شخص وترجعه لنفس البيئة اللي كانت معطلاه.

وعشان كده في كوماتري بنحب نشتغل على الناحيتين:

نبني النظام… ونطور الناس اللي هتشغله.

لأن الهدف مش إننا ندخل الشركة ونحل مشكلة النهارده ونمشي.

الهدف إن الشركة نفسها تبقى أقدر على حل مشاكل بكرة.

وفي الحالة دي تحديدًا، التشخيص الحقيقي مكنش:

"صاحب الشركة بيتدخل في كل حاجة."

كان أعمق:

الشركة كبرت… لكن نظام إدارتها مكنش كبر معاها.

ودي واحدة من أخطر المراحل اللي ممكن تعدي بيها أي شركة.

لأن زيادة المبيعات، الموظفين، العملاء أو الفروع مش معناها تلقائيًا إنك بنيت مؤسسة.

النمو الحقيقي محتاج إن الإدارة نفسها تنمو مع البيزنس.

وده جزء أساسي من دورنا في كوماتري للاستشارات والتدريب:
نشوف اللي بيحصل على الأرض، نشخّص أصل المشكلة، نطور النظام، ونجهز الناس إنها تقدر تديره.
لو انت صاحب شركه وعندك المشكله دي ومحتاج تحلها
او شغال في شركه وشركتك زي الشركه دي

تواصل معانا

وفيه جلسات مجانيه كتير

#كوماتري #التدريب

06/10/2026

تاريخ اتكتب بعزيمة، ونصر يفضل دايماً مصدر فخرنا 🇪🇬

في ذكرى السادس من أكتوبر، بنسترجع لحظات عظيمة أثبتت للعالم إن الإرادة والتخطيط العسكري المحكم بيحققوا المستحيل.

كل عام ومصرنا الحبيبة، وشعبها العظيم، وجيشها الباسل بخير وأمان، ورحم الله أبطالنا أصحاب هذا النصر الخالد.

#مصر

06/10/2026

المورد الصح مش مجرد سعر أقل… المورد الصح ممكن يكون جزء من نجاح شركتك. 🎯

وده جزء من دورنا في Comatré مع عملائنا…
إننا مانكتفيش بالنصيحة من بعيد، لكن ننزل السوق، نبحث، نقارن، وندور معاهم على أفضل مورد وأفضل شريك نجاح.

ومن هنا كان تواجدنا في Print 2 Pack 2026، واحد من أهم المعارض المتخصصة في الطباعة والتعبئة والتغليف، واللي أُقيم في Egypt International Exhibition Center بالقاهرة الجديدة، من 15 إلى 17 سبتمبر 2026.

تواجدنا كان بهدف واضح:
مساعدة عملائنا في الوصول لموردين أقوى، حلول أفضل، جودة مناسبة، وفرص جديدة تخدم عمليات الطباعة والتغليف وتدعم نمو البيزنس.

في Comatré إحنا مش بس بنقول للعميل يعمل إيه…
إحنا بننزل معاه السوق، بندور معاه، وبنساعده يوصل للاختيار الأفضل.

لأن الاستشارات بالنسبة لنا مش تقرير بيتسلّم…
الاستشارات شراكة في القرار والتنفيذ والنجاح.

#كوماتري

29/09/2026

كام مرشح يغيب عن المقابلة من غير ما يعتذر ، ويوصلك في الآخر إن "HR شركتك مش بروفيشينال"؟

سوء التنسيق وتأخير الردود مش بس بيضيع وقت الإدارة، ده بيبوظ سمعة شركتك في السوق ويخلي الكفاءات التقيلة تخلع من أول خطوة
في Comatre ، بننهي العشوائية دي تماماً وبندير رحلة المرشح بأعلى درجات الاحترافية والانضباط:

▫️ تنسيق آلي ومتابعة لحظية: إدارة كاملة لمواعيد المقابلات عبر قنوات التواصل المباشرة وتأكيد الحضور مسبقاً.

▫️ متابعة واحترافية عالية: إرسال تفاصيل الموعد، الموقع، والتذكير التلقائي عشان نضمن التزام المرشحين الفعليين.
▫️ انطباع يفتح النفس: بنمثل شركتك بأفضل صورة أمام الكوادر والقيادات من أول مكالمة لحد دخول المقابلة.

انقل منظومة التوظيف في شركتك لمستوى جديد من النظام والدقة اللي يليق بمؤسستك.

📩 عايز تقفل ملف العشوائية وتضمن إدارة توظيف احترافية لشركتك؟

تواصل مع مستشاري التوظيف والـ Headhunting في Comatre الآن:
[email protected]

📞01500401712

Comatre' Company

13/10/2026

12/10/2026

11/10/2026

10/10/2026

07/10/2026

07/10/2026

06/10/2026

06/10/2026

29/09/2026

Address

Telephone

Website

Alerts

Contact The Business

Shortcuts

Share

Category

Listing takedown request