18/02/2022
أهلًا عزيزي القارئ ..
موضوعنا إنهاردة بيتكلم عن نظرية مهمة جدًا بالنسبة لناس كتير، ومن المعروف إن المجموعة الشمسية في حالة دوران مستمر ( الأرض تدور حول الشمس والشمس والكواكب يسبحون في المجرة).
-طب دا معناه اي؟
معناه إن المكان الثابت بالنسبالنا كلنا هو فالحقيقة مش ثابت تمامًا .. هو مجرد ثبات نسبي بس.
وبالتالي مفيش حاجة ثابته فالكون لأنه في حالة حركة مستمرة.
وفي الحالة دي كمان مستحيل علميًا تحديد سرعة شيء ما بشكل دقيق، وإنما يتم إنتساب السرعة لشيء معين.
مثلًا: عند تحديد سرعة سيارة بشكل دقيق (وهي تسير بسرعة 100 كم/س) وقتها بنقول إن سرعتها 100 كم/س بالنسبة للناظر ليها (شخص موجود على كوكب الأرض)
وبالمجمل، مفيش أي حركة مطلقة أو سكون مطلق كمان .. كلهم نسبيات.
وبالرغم من كدا، سرعة إنتشار الضوء ثابتة في اي وسط وبإختلاف سرعة المصدر.
° ليه سرعة الضوء ثابتة حتى لو كان الجسم المُطلقْ للضوء في حالة حركة؟
_وبنيجي هنا وبيكون السؤال الأهم .. ولكن أينشتاين جاوب عليه أزاي لما أتسأل له؟
رد أينشتاين وقال إن الجسم اللي بيتحرك بسرعة الضوء بيحصل له 3 تغيرات وأولهم تباطئ في الزمن ..
والتباطئ ده بيخفي الزيادة ف السرعة اللي بيتحرك بيها الجسم، ودا بيؤدي لـ أن مصدر الضوء المتحرك مبيأثرش فـ سرعه الضوء الخارج منه.
َمن المعروف كمان إن الزمن من الحاجات الثابته، بس أينشتاين كان له رأي تاني، طب كان اي؟
-أصبح الزمن بُعد رابع وكان الأبعاد الثلاثة الباقيين (الطول والعرض والإرتفاع) وبالمناسبة الأبعاد دي متغيرة ومش ثابته، وأضاف ليهم أينشتاين الزمن، وكان شايف إن الزمن متغير كمان وبيختلف بإختلاف سرعته.
وهنا كانت أول خطوه لفهم النظرية، وكان إستنتاجها إن الزمن نسبي متغير، وإن الوقت بصفة عامة شيء مش ثابت، وإن كل جسم بيتحرك له زمن خاص بيه، واللي بيختلف بإختلاف السرعة، ولأن معظمنا مبيلاحظش إختلاف الزمن في حياتنا اليومية ودا لإن سرعتنا كـ كائنات حية ع الأرض أقل بكتير من سرعة الضوء اللي متعارف عليها إنها أسرع حاجة في الكون، وإن كمان قيمة زمن الجسم المتحرك أقل من زمن الجسم الساكن.
ومن أشهر الأمثلة الحية على ده كان (مقارنة التوأم) واللي بتحكي عن اتنين توأم عندهم 30 سنة مثلًا و واحد منهم قرر إن يكون في رحلة فضائية في صاروخ سرعته بتتقارب مع سرعة الضوء والشخص التاني هيكون على الأرض، وبعد 3 سنين بالظبط رجع من رحلته لكوكب الأرض وهو عنده 33 سنة، وهنا كانت المفاجأة إنه لما قابل أخوه التوأم لقى عنده 60 سنة!!
-طب إزاي ده حصل؟؟
دا لأنه لما اتحرك بسرعة الضوء الزمن عنده تباطئ جدًا وبقى أقل من زمن توأمه على الأرض، وكمان العلماء اثبتوا ده بتجربة حقيقية.
-طب التجربة كانت بتقول اي؟
كانت عن طريق ساعتين الأولى كانت على الصاروخ والتانيه على الأرض وكانت الأولى متأخرك بنفس القيمة اللي حددها أينشتاين في معادلته الشهيرة (E=mc²).
وبالرغم من كدا، الاِنسان مش فمقدرته إنه يحس بالتباطئ ده، لأن كل حاجة حواليه بتتباطئ بنفس النسبة، ومش بس كدا لأ كمان درجة نمو خلايا جسمه كانت بتتباطئ بنفس الكيفيه.
- وهنا كان الزمان والمكان ليهم إرتباط قوي وأصبحوا شيء واحد وكان أسمه الزمكان (Space Time), واللي بنعتبره أول شيء مُستنتج ومعروف في نظرية النسبية العامة.
بس كدا، اتمنى يكون الـ Topic عجبك عزيزي القارئ.
