Mostafa Hoseiny - مصطفي حسيني

Mostafa Hoseiny - مصطفي حسيني Strategic Marketing & Business Development Consultant ( Delivering strategic marketing and business development services remotely to clients worldwide).
(1)

03/09/2026

كورس إدارة المشتريات من الصفر إلي الإحتراف - الحلقة 12

وعليكم السلام....بصي حضرتك أول حاجة لازم تعرفيها إن إدارة المشتريات مش مجال مقفول على خريجي كلية معينة، يعني مش لازم تكو...
24/08/2026

وعليكم السلام....بصي حضرتك أول حاجة لازم تعرفيها إن إدارة المشتريات مش مجال مقفول على خريجي كلية معينة، يعني مش لازم تكوني خريجة تجارة أو إدارة أعمال علشان تشتغلي في المشتريات.

إدارة المشتريات في جزء كبير منها مهارات بتتعلميها وتكتسبيها مع الوقت، زي الـ Negotiation والتفاوض، والتواصل مع الموردين، وتحليل الأسعار، وفهم السوق، وإدارة العلاقات مع الموردين، والمتابعة واتخاذ القرار. وكل الحاجات دي ممكن تتعلميها، من خلال تدريب في شركات مهما كان تخصصك الجامعي، في بعض الشركات بتفضل الخريج يكون تخصصة في نفس المجال او قريب منه بس ده مش عائق، في إستثناءات مع الشركات دي.

وعشان أوضحلك الفكرة أكتر، شوفي مجال التسويق أو الـ Sales مثلًا؛ هتلاقي واحد خريج تجارة، وواحد حقوق، وواحد هندسة، ويمكن واحد أصلًا خريج كلية مالهاش علاقة بالمجال خالص، ومع ذلك شغال وناجح جدًا. لأن في النهاية الشركات لما بتلاقي شخص فاهم المجال كويس، وعنده خبرة أو مهارات حقيقية وبيعرف ينفذها ويحقق منها نتائج ممتازة، مش كلمتين حافظهم من كورس ولا من علي النت، ويكون اللغة بتاعته كويسة ده بيفرق جداً وبيمزك في المجال وفرصك بتبقي رهيبة، لأنك في الطبيعي هتتعاملي مع موردين أجانب، أوقات كتير بتكون المهارات والكفاءة أهم من اسم الكلية نفسها، وزي ما حضرتك شايفة الشهادة دلوقتي مبتعملش حاجة اللي عنده مهارة ولغة هو اللي بيشتغل، الشهادة دي لفت نظر وهيئة، لكن المضمون هو الأهم زي ما قولت لحضرتك.

ونفس الكلام ده ينطبق على المشتريات. يعني لو أنتي خريجة محاسبة، طبعًا ينفع تشتغلي في المشتريات، وميزة المحاسبة أصلًا إنها بتديك أساس كويس في الأرقام والتكاليف والتحليل، وده ممكن يفيدك جدًا في شغلك.
أما موضوع هل يقدر موظف المشتريات العمل في الصين؟ بصي هو إنك تشتغلي في الصين أو تشتغل في مجال الـ International Purchasing، فده برضه ممكن، لكن هنا الموضوع محتاج منك شغل كتير قوي علي نفسك وخبرة محترمة، خصوصًا في اللغة، والتفاوض، والتعامل مع الموردين، وفهم الشحن والجمارك وفهم بعض القوانين الدولية لموضوع الإستيراد والتصدير، والمصطلحات التجارية، وطريقة التعامل مع الموردين الأجانب الخ...
بس الموضوع مش صعب بس محتاج وقت ومجهود وتطوير بإستمرار، لأن اللي بيخليكي تكملي وتنجحي في أي مجال هو إنك تكوني شاطرة فيه وحباه، وفاهمه، وبتطور نفسك فيه باستمرار. وربنا يوفقك إن شاء الله في أي خطوة بتعمليها

23/08/2026

كورس إدارة المشتريات من الصفر إلي الإحتراف - الحلقة 11

شكراً من القلب ❤❤❤
19/08/2026

شكراً من القلب ❤❤❤

19/08/2026

كورس إدارة المشتريات من الصفر إلي الإحتراف - الحلقة 10

سؤال من أحد المتابعين؟ الإجابة:آه طبعًا ينفع جدًا جدًا.بص، أنت شغال Sales بقالك 9 سنين، فبالتالي أنت عندك مجموعة Skills ...
19/08/2026

سؤال من أحد المتابعين؟ الإجابة:
آه طبعًا ينفع جدًا جدًا.

بص، أنت شغال Sales بقالك 9 سنين، فبالتالي أنت عندك مجموعة Skills ومهارات كتيرة جدًا، يمكن أنت بس مش واخد بالك منها.

يعني أنت عندك Communication، بتعرف تتواصل مع الناس، وبتعرف تقنع، وبتعرف تتعامل مع الناس.

ودي كلها حاجات مهمة جدًا في مجال المشتريات.

لأن أنت لما تشتغل Procurement، هتتعامل مع Suppliers، وهتحتاج تتواصل معاهم، وتفهمهم، وتتفاوض معاهم، وتوصل لأفضل Deal للشركة.

وأنت أصلًا عندك جزء كبير من المهارات دي.

أنت مثلًا عندك Negotiation Skills، لأنك طول فترة شغلك في Sales يعتبر بتتفاوض مع العميل.

يعني مثلاً لو العميل قالك: “السعر غالي.”

انت هنا بتبدأ تتفاوض معاه، وتشرح له، وتحاول تقنعه، عشان يشتري في الآخر.

فأنت عندك مهارة التفاوض أصلًا، وعندك مهارة البيع، وعندك Communication، فدي كلها Skills هتساعدك بشكل كبير جدًا في المشتريات.

وعشان كده انتقالك من Sales لـ Procurement مش معناه إنك هتبدأ من الصفر.

بالعكس، أنت عندك Skills موجودة بالفعل، وكل اللي محتاجه إنك تضيف عليها Skills المشتريات.

يعني تتعلم Procurement Process، وتفهم الـ Purchasing Cycle، وتتعلم Supplier Management، وتفهم العقود والـ Suppliers وكل التفاصيل الخاصة بالمجال ده، ان شاء الله كل ده هتلاقيه في القناه هنا وهتتعلمه.

وزي ما أنت عندك Skill اسمها Sales، وعندك Skill اسمها Communication، وعندك Skill اسمها Negotiation، فالمشتريات برضه عبارة عن مجموعة Skills أنت بتتعلمها.

فأنت لما تدخل مجال المشتريات، أنت مش داخل زيرو مهارات.

بالعكس، أنت داخل ومعاك خبرة 9 سنين في التعامل مع الناس، والبيع، والتفاوض، والإقناع.

وده يخليك متقدم عن واحد لسه داخل مجال المشتريات ومش عنده الـ Skills خالص.

فأنت محتاج تتعلم المشتريات نفسها، لكن مش محتاج تبدأ من الصفر في المهارات.

وده ممكن يساعدك جدًا إنك تتعلم المجال بسرعة، وتتعمق فيه بسرعة، وتنجح فيه بسرعه.

فـ آه، طبعًا ينفع تشتغل في مجال المشتريات وأنت شغال Sales بقالك 9 سنين.

وبالعكس، الـ Sales Skills اللي عندك دي ممكن تكون إضافة قوية جدًا ليك في مجال المشتريات.
وربنا يوفقك ان شاء الله

16/08/2026

كورس إدارة المشتريات من الصفر إلي الإحتراف - الحلقة 9

❤
16/08/2026

❤

ليه أكبر وأشهر الشركات بتقفل فجأة؟كل ما شركة كبيرة تعلن إفلاسها أو تعمل تصفية، تلاقي دايماً اللي بيتقال: "إزاي؟! دي كانت...
16/08/2026

ليه أكبر وأشهر الشركات بتقفل فجأة؟
كل ما شركة كبيرة تعلن إفلاسها أو تعمل تصفية، تلاقي دايماً اللي بيتقال: "إزاي؟! دي كانت أشهر شركة في السوق!"
الحقيقة البسيطة اللي غايبة عن بعض الناس: الشهرة مبتدفعش إيجار، والمرتبات مبتتدفعش بالـBrand Awareness اللي بيمشي العجلة هو التدفق النقديCash Flow لو الفلوس اللي داخلة الخزنة أقل من اللي طالعة منها، أتخن شركة هتقع، بس هي بتكون مسألة وقت مش أكثر.

تعالا بقي أقولك علي التفكيك الحقيقي لأسباب الانهيار وبالترتيب من أول جذر المشكلة لحد انفجار الأزمة:
1- عقلية الإدارة النجاحة في الماضي بتعميها
الاعتماد على أمجاد الماضي: الشركة بتقول "إحنا اسمنا كبير وموجودين من 30 سنة". لكن العميل بيشتري منك عشان القيمة اللي بتقدمهاله النهارده، مش عشان تاريخك. السوق مبيجاملش، وما بيكافئش التاريخ.
ضعف الإدارة والقرارات العشوائية: المنتجات ممتازة والسوق شغال، لكن الإدارة بتاخد قرارات متأخرة، بتوظف الناس الغلط، وبتشتري أصول مالهاش داعي ولا ليها لازمة وفي أوقات غلط، ومن غير خطة واضحة.

تجاهل الأرقام والاعتماد على الإحساس: الإدارة اللي شغالة بـالاحساس والعاطفة "حاسس إن المنتج ده هيبيع" أو "حاسس إن الفرع ده هيكسب" النتيجة هتكون قفل المشروع للأسف. لأن البزنس بيدار بالبيانات الصريحة والأرقام، ومحتاج تقرأ المؤشرات دي بشكل يومي يعني تشوف:
هامش الربح Profit Margin
تكلفة اكتساب العميل CAC
معدل الاحتفاظ بالعملاء Retention Rate
متوسط قيمة الطلب AOV
معدل التحويل Conversion Rate
معدل دوران المخزون Inventory Turnover

2- الفخاخ المالية واستنزاف السيولة
المبيعات كويسة جداً بس الأرباح ميتة: دي أكتر حالة خدّاعة. شركة بتبيع بـ 100 مليون جنيه، لكن تكلفة التشغيل والتسويق والإنتاج 105 مليون. النتيجة خسارة 5 مليون. للأسف في الحالة دي، كل ما حجم مبيعاتك يكبر، كل ما خسارتك تزيد وتسرّع نهاية الشركة وقفلها.

أزمة التدفقات النقدية Cash Flow Crunch: الورق بيقول إنك بايع ومحقق أرباح ممتازة، بس الفلوس محبوسة في الآجل عند العملاء لـ 90 أو 120 يوم. في المقابل، الموردين والمرتبات والإيجارات محتاجين كاش النهارده، يعني كل واحد عاوز فلوسه. وطبعاً المبيعات على الورق عمرها ما هتسدد الالتزامات المالية الحالية أو فيما بعد، لو أنت هتشتغل بالطريقة دي يبقي تقفل أحسن، لأنك في الآخر ممكن تداين علي الفاضي.

التوسع السرطاني (أسرع من القدرة المالية): شركة عندها 3 فروع ناجحين، تتقرّر تفتح 20 فرع مرة واحدة من غير خطة سيولة. لأن كل فرع معناه إيجار، تشطيب، موظفين، مخزون، كهرباء، تسويق، وإدارة. التوسع اللي كان المفروض يكبر الشركة ويحقق أرباح ليها هيبدء يتحول لسلاح ضدها وهيستنزف أرباح الفروع القديمة كلها والموضوع ده بيهدد الكيان كله بالكامل وأنت مش واخد بالك.

المخزون الراكد (الفلوس المتجمدة): بالذات في تجارة الملابس والتجزئة، المخزون بيبقى أكبر عدو، لأنها بتكون فلوس مركونه في صوره بضاعه. فالموضة بتتغير والمواسم بتخلص، ولما يبقى عندك بضاعة بملايين على الرفوف مش بتتحرك، فأنت جمدت السيولة اللي كان المفروض تدفع منها مصاريفك التشغيلية، وتحولها لبضاعة أخري السوق محتاجها.

3- العجز عن مواكبة تغييرات السوق والمنافسة
نموذج العمل Business Model مبقاش صالح: الشركة نجحت بأسلوب معين أو بطريقة معينة، وقررت تكمل بيه رغم إن طريقة استهلاك العميل اتغيرت. وعدم مرونة النموذج التشغيلي بيخلي الشركات العملاقة تتبخر وبتفقد قيمتها السوقية وبيحصلها تخارج، بسبب عدم مواكبة البحث والتطوير والنظر الي السوق وتغيرات المستهلكين بإستمرار، دي بتكون النتيجة في الآخر والدليل علي كدة شركة نوكيا.

عدم مواكبة تغير سلوك العميل: زمان العميل كان بينزل المول ويشوف إعلان في الشارع ويستنى الطلب أسبوع. النهارده الشراء أونلاين بقي سهل ومنتشر جداً، وده بيتم من خلال الإعلان على منصات الميديا المختلفة، فبالتالي العميل بقي عايز الطلب يوصله في نفس اليوم ده بقي سلوك الناس. فعدم التطور مع سلوك المستهلك يخلي السوق يتجاوزك.

المنافسة الذكية والتنفيذ السريع: المنافس مش شرط يكون أضخم منك عشان ياكلك. ممكن يكون أصغر، بس أسرع، وأرخص، وعنده خدمة عملاء أقوى، وبيعرف يوصل للعميل بتسويق رقمي دقيق. شركة صغيرة بفريق محترف ممكن تسحب السجادة من تحت شركة عمرها 30 سنة فالموضوع بقي مش صعب، بسبب التطور التكنولوجي اللي بيحصل كل يوم وعالم الذكاء الإصطناعي اللي بقي داخل في كل حاجة حرفياً.

أهم درس لأي صاحب مشروع:
لما تشوف شركة كبيرة قفلت، بلاش تحكم عليها من الظاهر وتقول "أكيد كانوا نصابين" أو "البلد نايمة" لأن الكلام اللي من النوعية دي، بيدل إنك فعلاً مش فاهم بزنس كويس ولا فاهم حاجة في علوم الإدارة.

لازم تفهم أني مفيش مستشار محترف بيحكم على شركة من بوست على السوشيال ميديا، ولا من خصم 50%، ولا حتى من إعلان تصفية. الحكم الحقيقي بيتعمل بعد فتح القوائم المالية، وتحليل التدفقات النقدية، وتقييم دورة المخزون، والإطلاع علي استراتيجيات التسعير، وقراءة وتحليل استراتيجية الإدارة كويس جداً.

ده الفرق ما بين "الرأي" السطحي و" الرأي" التحليلي المهني. لأن في البزنس، اللي بيبان للناس هو النتيجة، بس الأسباب الحقيقية دايماً بتكون مستخبية جوه الأرقام.

مصطفي حسيني
مستشار التسويق الإستراتيجي وتطوير الأعمال

13/08/2026

كورس إدارة المشتريات من الصفر إلي الإحترافي - الحلقة 8

Address

Cairo

Opening Hours

Monday 10am - 10pm
Tuesday 10am - 10pm
Wednesday 10am - 10pm
Thursday 10am - 10pm
Saturday 10am - 10pm
Sunday 10am - 10pm

Website

Alerts

Be the first to know and let us send you an email when Mostafa Hoseiny - مصطفي حسيني posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mostafa Hoseiny - مصطفي حسيني:

Shortcuts

Share

Category