19/10/2025
هو جرام الذهب في مصر فعلًا هيوصل لـ 10,000 جنيه؟!
سؤال اتبعتلي كتير أوي الفترة دي، والإجابة باختصار:
• الذهب دايمًا وأبدًا في زيادة وصعود مستمر، فطبيعي جدًا يوصل للسعر ده مع الوقت.
لكن امتى بالظبط؟ الله أعلم!
مفيش حد يقدر يجزم، وكلها تحليلات وتوقعات، زي بالظبط اللي كانوا بيتوقعوا وصول الدولار في مصر لـ 100جنيه
⸻
طيب إيه اللي حصل الأيام اللي فاتت وسبب الارتفاعات دي؟
• آه حصل فعلًا ارتفاعات سريعة وغير مسبوقة، وليها أسباب اقتصادية وجيوسياسية عالمية،
بتتلخص في كونه ملاذ آمن بتهرب ليه الدول والمستثمرين للتحوّط وقت أي تقلبات أو مخاطر غير آمنة،
مع شوية تحكمات وسياسات أمريكية خبيثة كالمعتاد.
⸻
طيب ممكن ينزل تاني بعد ما ارتفع بالشكل ده؟
• أيوه ممكن، عادي جدًا، زي ما ارتفع يهبط،
لكن غالبًا بيهبط لحدّ معيّن (قبل القاع الأخير) وبعدين يعاود الصعود تدريجيًا.
⸻
لذلك أكرر دايمًا:
• #الذهب مالُ الله في الأرض، وهو الملاذ الآمن على مرّ الدهور والعصور.
• #الذهب رغم إنه ملاذ آمن، لكنه ليس استثمار آمن.
• #الذهب للادخار، مش للمضاربة أو الاستثمار السريع.
• #الذهب وسيلة تحفظ فيها قيمة مالك، مش وسيلة تحقق منها دخل.
⸻
طيب هل #الفضة دلوقتي فعلًا تعتبر أفضل من #الذهب؟
ده هجاوب عليه إن شاء الله في منشور قادم.
