EEC - Eagle Eyes Consultancy

12/04/2021

كل عام وأنتم بخير وصحة وسعادة.
رمضان كريم 🌙

31/03/2021

فايزر بعد عشرات السنين بتغير اللوجو بتاعها 😲
بعد ما اللوجو القديم دخل كل بيت فى العالم على علبة مضاد حيوي أو علبة دوا ضغط أو حتى علبة فياجرا 😁 مبقاش خلاص مناسب للمرحلة القادمة من عمر الشركة ✋
اللوجو مش مجرد رسمة أو اسم مكتوب بطريقة لطيفة 🎨
تصميم اللوجو هو عمل عبقري يختزل فكر الشركات وتوجهاتها وتخصصها وخططها المستقبلية فى شكل رمز بصرى صغير 🤏 معبر ومميز ومتفرد وغير مكرر 🤩
EEC wishes you all success

22/03/2021

أى حبل من دول 👇 يفك حيتسبب فى ان العقدة كلها تنفرط 😒
نفس الوضع بالظبط موجود فى شغل شركات المكملات الغذائية والتجميل؛
- تركيبة محسوبة وفعالة
- تصنيع بجودة محترمة
- رسالة بيعية نابعة من خطة مدروسة
- فريق شغال بجدية

نصيحتنا لزملاءنا ان يحذروا من انفراط العقدة من أى طرف 🤹‍♂️
EEC wishes you all success.

22/03/2021

منتجات المالتى فايتامين بقت كتير جدا ومنتشرة بشكل بيخوف الشركات من جدوى الشغل عليها.
السوق المصرى كبير ويتسع لمنتجات كتير والحل دايما فى دراسة التركيبة بشكل متعمق وإيجاد الفروق (حتى لو فروق طفيفة) بشكل يخدم استخدامات المنتج 👌
EEC wished you all success

28/01/2021

مش شرط ابدا انك تدفع مبالغ طائلة عشان تعمل promotional material محترمة🤩

المهم ان يكون عندك message واضحة وتعبر عنها بشكل مناسب 👌 وتنفذ باحترافية.

EEC wished you all success.

22/01/2021

هيئة الدواء المصرية

هيئة مستقلة تتبع رئيس مجلس الوزراء، وتهدف الى تنظيم وتنفيذ ومراقبة جودة وفاعلية ومأمونية المستحضرات والمستلزمات الطبية والمواد الخام.

22/01/2021

A message to business leaders:

Stay relevant and don't fix what is not broken 😉

EEC wishes you all success.

21/01/2021

التركيبة 🤩
المرونة فى تكوين تركيبات المستحضرات هو من أكتر عوامل الجذب لسوق المكملات الغذائية والتجميل 😍 .

من خلال متابعتنا لأكتر منتجات حققت أداء متميز، اكتشفنا العامل المشترك وهو ببساطة تحديد ال
Medical indication/ Target segment/ Positioning
قبل عمل التركيبة وتسجيل المستحضر (وليس بعده)😎🧐

ومع متابعة الشركات اللى عملت العكس بنلاقى حالة من ٣:
- منتج عادى مكرر وزيه ٣٠ منتج copy ومش بيشتغل غير بالدفع.
- منتج كل شوية يغير اتجاهه ويعمل تعديل فى مساره ويخسر وقت ومصاريف.
- منتج حالاته قليلة أو تركيبته مش مناسبة لعلاج الحالات.

النصيحة: فكر فى التركيبة وادرس كل تفاصيلها قبل ما تقدم على تسجيل الملف.
EEC wishes you all success.

20/01/2021

الاهتمام بالتفاصيل هو اللى بيعمل الفرق. 🤩
بنتعب ونتعب فريق العمل عشان نقدم خدمة مميزة ونكون فارقين فى رحلة نجاح عملائنا.✊

20/01/2021

من مميزات سوق المكملات الغذائية فى مصر عدم وجود تسعيرة جبرية وده طبعا غير الدواء المسعر جبريا.👍
تسعير المنتج لازم يكون مبنى على أسس سليمة عشان يقدر يحقق مكسب وفى نفس الوقت ينافس المنتجات التانية الموجودة فى السوق 💪.
فى عوامل كتير لازم صاحب المنتج يدرسها قبل ما يقرر تمن العبوة:
١. تكلفة العبوة من تصنيع وتغليف ... الخ.
٢. أسعار المنافسين وأحجام عبواتهم.
٣. نوعية العميل ومتطلبات الدعاية.
٤. الخطط الحالية والمستقبلية للمنتج والشركة وباقى المنتجات (ودى برغم أنها أهم نقطة إلا ان شركات كتير جدا مبتاخدش بالها منها 🙄).

السعر بيختلف من منتج لمنتج مهما كان تشابه التركيبة لأن كل شركة عندها puzzle مختلف تماما وعوامل مختلفة. 🤔

EEC wishes you all success.

16/01/2021

البوست رقم ٢ بخصوص موضوع الوكالات.
ليه معظم الوكالات مش بتنجح ومش بتستمر؟؟ وليه فى وكالات نجحت وحققت مكاسب 🤩!

من خبرتنا مع كتير من الشركات نقدر نقول ان الوكالات اللى نجحت هى ببساطة اللى تجنبت أسباب الفشل دى 👇:

١. عدم وضوح الهدف من الوكالة يعنى يكون صاحب المنتج معندوش خطة ومش شايف فبيجرب 😒 (وغالبا بيكتشف بعد فترة ان بنود التعاقد مش فى مصلحته وان الاتفاق على بعضه مش مربح له).

٢. عدم اختيار وكيل مناسب يعنى صاحب المنتج يدى وكالة لشركة تانية متقدرش تخدم المنتج ولا تشتغل عليه صح.
*غالبا بيكون شايف ده أو ع الأقل حاسس بيه بس بيسكت ضميره وبيقول لنفسه: والله هو ملزم معايا برقم 🙈🙉🙊 (وطبعا كلنا عارفين ان الرقم ده عمره ما بييجى).

٣. صاحب المنتج بيحاول يجذب الوكيل بخصم عالى وتسهيلات وبعد الاتفاق يلاقي انه عشان يكسب لازم يقلل تكلفة التصنيع 😟 فيقلل جودة المنتج.

٤. الاتفاق بيكون غير شامل لكل البنود أو غير محدد للاختصاصات أو غير ملزم أو احيانا كتير غير مكتوب 🤗.
والنقطة الأخيرة دى مش بس بتسبب عدم استمرار الوكالة، دى بتسبب مشاكل مادية وخسارة بضاعة وسمعة للطرفين 😔

فى أى اتفاق وكالة بيجيلنا عشان نقيمه، بندرس كل العوامل دى وغيرها عشان استفادة الطرفين تتحقق ويقدروا يكملوا فى الوكالة.

EEC wishes you all success.

16/01/2021

أطلع الأصناف وكالة؟ 🤔🤔
سؤال بيجيلنا وبيكون ردنا مختلف من شركة لشركة ومن منتج لمنتج. 💁‍♂️
الوكالة قرار مؤثر ومهم له فوايده وله كمان أضراره.
ف البوست ده باختصار حنوضح الحالات اللى تكون فيها الوكالة مفيدة 😉😊
- لو انت معندكش عدد مندوبين كفاية انك تدخل تخصصات جديدة ومعندكش استعداد تعين أكتر.. طلع المنتجات الجديدة وكالة.
- لو معندكش تواجد فى منطقة جغرافية معينة لانها بعيدة زى الصعيد مثلا او لاى سبب.. طلع منتجاتك كلها وكالة هناك.
- لو عايز تكبر الربح من نفس المنتجات اللى انت شغال عليها بدخول sector جديد او مبتكر ومالكش فيه خبرة.. طلع منتجاتك وكالة محددة.
- لو الخطة المالية لشركتك محتاجة دورة راس مال أسرع..طلع كل اللى انت مش مشغله بنفسك وفى اى منطقة وكالات.

النصيحة اللى بننصح بيها زملاءنا: قرار الوكالة لازم يكون مدروس من جميع الجوانب عشان ميحصلش تعارض بين شغلك و شغل الوكيل فى أى لحظة وعشان يكون فى نجاح للطرفين ويكملوا فى الوكالة.

فى البوست الجاى هنشوف ليه معظم الوكالات فى مجال الأدوية والمكملات الغذائية مش بتكمل.👎
وهنشوف أسباب نجاح الوكالات اللى نجحت 🤝

EEC wishes you all success.