فكرة و بزنس

07/06/2023

https://t.me/B4U_ARABICBOT?start=0153240696

10/04/2022

https://www.facebook.com/watch?v=744327283612087

24/01/2022

مرحبا من جديد :

اليوم لحنتابع رحلتنا مع تنوع مصادر الدخل و تنوع محفظة التدفق النقدي و استثمار المتدخرات حيوكون عنا 3 محاور نغطيها و هي :
1- التدفق النقدي عبر الاستفادة من الأسهم .
2- التدفق النقدي عبر البيع بالتجزئه .
3- التدفق النقدي عبر تقديم خدمة .
و اليوم حنحكي عن البند الأول بهالقائمة .

تعتبر البورصة أكتر سوق آمن سريع ممكن للفرد يحقق من خلاله إما مصدر دخل أو مكان حتى يضاعف فيه إيراداته . حنشرح شو يعني كلمة أسهم بلمحة سريعة :
لنفرض أن في عنا معمل منظفات بقدرة أنتاجيه قدرها 1000 عبوة يوميا ً و لاحظ صاحب المعمل في طلب كبير بالسوق ما عم يحسن يغطيه بالسوق فقرر أنه يكبر معمله فبكون هون عنده 3 احتمالات :
إما بيتدين من حدا بيعرفه . أو بياخد قرض من البنك أو بياخد المبلغ يلي لازمه من هيئه الأوراق الماليه .
في حال أخد من صديقه المبلغ يلي لازمه صار صديقه شريك و ممكن ما يتأمن كل المبلغ .
في حال أخد المبلغ من البنك لازم يقدم رهونات عقارية كبيرة تقريباً لازم تغطي 130% من قيمة المبلغ يلي بيلزمه
ولكن في حال لجأ لسوق الأوراق الماليه كل يلي بيلزمه يقدم دراسه جدوى لمرحلة التوسع و إثبات نشاط و ثبات العمل عبر تقديم القوائم الماليه الخاصة بكل سنه . بكون أمكانيه الحصول على المبلغ المطلوب أكبر دون ما يضطر يرهن عقار . و إنما يزيد همته بالشغل . بهالحاله صارت هيئة الأوراق الماليه شريك لصاحب المعمل و مثلاً كان المبلغ المطلوب 100 مليون ليرة سورية . بهالحاله يلي بتعمله هيئه الأوراق الماليه بتطرح قيمة مشاركتها يلي هي 100 مليون بسوق الأسهم على شكل مليون سهم . بحيث قيمة السهم الواحد 100 ليرة سورية . وهون دورك : بتشتري عدد معين من الأسهم مثلاً 100 سهم . فإما بتحتفظ بالسهم و بتزداد قيمته خلال مدة سنه أو بصير توزيع أرباح المعمل فبيجيك ربح على حسبب عدد الاسهم يلي أشتريتها .
تلخيصا ً لما سبق :
استثمار المدخرات بسوق البورصة استثمار ناجح على صعيد الفرد و المجتمع لأن فيك تعرف نشاط المعمل من خلال قيمة السهم في حال النشاط إيجابي بيزداد قيمة السهم . وفي حال في تراجع بالعمل فبتنزل قيمة السهم .
ممكن نحقق أليتين للإيراد يلي هنن : إما عبر أزدياد قيمة السهم , أو عبر الأرباح الموزعة
و فائدتك من سوق البورصة المتدخرات يلي معك ما ضلت متل ما هي و إنما زادت قيمتها . و فيك ترجعهم كاش بالوقت يلي بناسبك ( سهوله تسييل الأسهم : اي تحويل الأسهم إلى سيوله نقدية ) و أفضل من بقاء الكاش بمكانه و انخفاض قيمته بعامل التضخم المالي السنوي

لهون كتير حلو بس مين ممكن يساعدك بأنك تفتح حساب بالبورصة و كيف ممكن تعمل عمليه إيداع و تداول بقلك بيجي هون دور الشركات الوسيطة متل :شركة ضمان الشام و شركة ألفا كابيتال و غيرها . موجودين بهالرابط هاد :
https://scfms.sy/ar/stock
هيك منكون ختمنا الشكل الأول لاستثمار المتدخرات . وحتكون الأشكال التانية فيها أكشن اكتر و حركات أكتر و ألعاب أكتر ... أستنونا و للقصة تتمة .


#متدخرات

https://www.facebook.com/wall.street.ar/videos/636956420838317

06/01/2022

يسعد اوقاتكم من جديد :

اليوم بدنا نحكي عن شي اسمه التدفق النقدي أو التنوع بمصادر الدخل .

فالسؤال يلي حنبلش في هو . كيف الأغنياء صار معهن مصاري . وكيف فيني أنا يصير معي مصاري اكتر و أكتر ؟ هون لازم نحقق و نشوف شو هنن مصادر الدخل يلي بتكون عند الأغنياء و يلي هنن بلشو من الصفر و كانو عصاميين متل جيف بيزوس صاحب موقع امازون و متل جاك ما صاحب موقع علي بابا . وكتييير ناس .
المهم كيف ؟
الجواب أولاً حسب مؤسسه CFA institution هيئه التحليل المالي لازم بالبدايه نكون عم نشتغل * أول مصدر دخل * يعني ممكن يكون عنا شهادة أو ممكن نكون عم نقدم خدمة أو نشتغل بمكان ما . فبيتحقق عنا إيراد.
بعد هيك هي المصاري يلي صارت معي بيجي وقت أصرفها . في ناس بتصرفها ع أي شي . و في ناس بتصرفها على ضروريات الحياة و في ناس بدل ما تاخد مكرو بتاخد تكسي . يعني كل واحد بيتصرف بالمصاري على حسب مو متعود بمقارنه تفكير الأغنياء مع الناس العاديين منلاحظ :
** الناس العاديين بيصرفو يلي معهن عاي شي بحبو . و بس يخلصو بيتدينو او بيستنو راتب الشهر التاني .
** بينما الأغنياء بيعملو قائمة الأولويات يعني شو لازمني , كيف فيني جيب يلي لازمني باقل كلفة كيف ممكن خفف نفقاتي لأضعف حد .
فنتيجة الفرق بين الإيراد و النفقات القليلة . بيطلع عنا شي أسمه المتدخرات .
بالملخص : عنا 3 شغلات مهمين . كيف حقق إيراد عالي . كيف يكون عندي نفقات قليلة . كيف خلي المتدخرات عندي أكتر ما يمكن .

لهون منكون عرفنا شي حلو . بس شو لازم نعمل بالمتدخرات ؟ كيف ممكن نوع مصادر الدخل ؟ كيف ممكن خفف النفقات ؟ .... الجواب بمنشور جديد وللقصه تتمة . ترقبونا ..

24/12/2021

يسعد أوقاتكم بكل خير متحديين الواقع المر لنعمل واقع أحلى و تتمة لقصتنا اليوم لح نتعرف على أكتر الجهات يلي ممكن تدعم صاحب فكرة أو مشروع و بكل امانه ومردوديه وهنن :
1- بنك الأبداع و التمير :https://www.facebook.com/IbdaaBank/
بنك الابداع و التميز يلي بيدعم المشاريع الصغيرة و المتناهية في الصغر عبر قروض مدروسه و تسهيلات حلوة ففي حال عندك حرفه متل الخياطة أو فوتوشوب ديزاينر وبدك توسع شغلك فبنك الأبداع فرصه كتير حلوة و ما بيتفوت .

2- أما في حال كانت الفكرة ريادية مبتكره جديدة و متميزه :
https://www.facebook.com/SYEA-Syrian-Young-Entrepreneurs-Association-131689323566418/
فهون لازم يكون في جهة أحترافيه بتقدم نصيحة مضمونه و أرشاد قوي حتى تاخد الفكرة الاتجاه الصح بسوق العمل وهون بيجي دور هيئةبترعى أفكار الرياديين و مشاريعهم برؤيه صح و بتوجيه خبراء .

واليوم صرنا منعرف أهم جهتين عنا بالبلد حتى تصير فكرتنا واقع و هلق بيجي دورنا نطلع أفكار حلوة و مشاريع أحلى بخطط زمنيه قياسيه و مردودية عاليه حتى نرتقي ببلدنا لواقع أحلى . . . بيكون السؤال هون في حال صار المشروع كبير و ربحي و مردوده عالي . . . أو عنده مردود بس متواضع . . . كيف ممكن نخلي المشروع يكبر ؟ أو نخلي المشروع عالمي ؟ أو نستثمر إيراداتنا بالشكل الصح و المكان الصح ؟ . . . طبعاً الجواب موجود بالبوست القادم ... و للقصة تتمة . . .

14/12/2021

مرحبا من جديد
ردا ً على كل الغلاء و الظروف الصعبة و برغبه قويه لتحدي الوضع الحالي في عنا أكتر من حل ممكن نعمله و من هون بتبلش حكايتنا .
بالبدايه لازم نعرف أنو كل ما عم نتأخر بأي مبادره كانت ( مشروع أو فكره أو دعم ) بأي شكل هالشي بخلي المشكله تكبر و الغلا يزيد لهيك أهم عامل الزمن و البدء المبكر بأي نشاط أيجابي
الحركة التانية لازم يكون المشروع أو الفكرة مردودية ... القصد بكلمة مردوديه يعني بتحقق أسهام مباشر بتحسين الوضع المعيشي ولو كان بأثر طفيف لأن التحسن الكبير هو عبارة عن مجموعة تحسينات صغيرة متواليه يومية . متل لاعبين كمال الأجسام و الرياضيين ما بصيرو أبطال من أول يوم بالنادي و أنما الأستمرارية بأداء الفعل و مهما كان صغير وهالشي أسمه الأثر التراكمي يلي خلا ( ورن بافيت ) أغنى رجل بالعالم يتربع على عرش أثرياء العالم و صاحب شركة كوكاكولا و أسم الظاهره هي ( كره الثلج Snowball effect ) . وبالختام لازم نبلش نحسن الوضع بأبكر وقت ممكن و أقل جهد ممكن بيجي سؤال كتير مهم .. شو ممكن نعمل ؟ مين ممكن يدعم ؟ الجواب حيكون بالبوست القادم ... و للحكايه تتمه

01/12/2021

كتير منا صار مدرك تماماً للوضع يلي صرنا فيه مقارنه بالسنين يلي قبل الأزمه ... حتى صار في فتور بالهمة و عم نلاقي الحل هو السفر .. بس هون في سؤال صغير . ممكن نغير واقعنا للأفضل . هل من الممكن أدخال تحسين و لو شوي على بعض المجريات اليوميه ؟ هل لسا في أمل أنو نرجع بسوريا متل ما كانت و أحلى . ؟ .
الجواب بكل تأكيد فينا , و بوقت قياسي جداً و البرهان على هالشي أنو في كتير دول صار فيها الوضع أسوأ من عنا و تحسنو للأفضل . و تغيرو للأفضل .. وصارو بطليعة الأمم و منههن ( سنغافوره و الصين و ماليزيا و اليابان و ألمانيا و غيرهن كتير .. ) ببساطه اعتمدو على مشاريع ذات مردود قريب المدى و بعيد المدى متل : الزراعة و الصناعة و التعليم و فنون الأدارة و الأستراتيجية .
فالزراعة ساهمت بالحد من الاستيراد ووفرت مادة أوليه بالسوق المحليه كرمال يصير عنا أكتفاء ذاتي .
و الصناعة ساهمت بتقديم منتج يباع في السوق العالمي مما ساهم بدخل القطع الأجنبي .
و التعليم حسن كتير بجودة الشعب متل الشعب الياباني .
لهيك منضل منقول في أمل و كبير و كتير بس لازم نشتغل مع بعض كرمال نحسن واقع بعض و للقصة تتمة . . .

15/07/2021