Queen Siza Perfume

01/01/2026

2026 سنة التألق ✨️
مع كل بدايةسنة ، بنحب نجدد اهدافنا وونرسم احلامنا بجمال .
في Queen Siza Perfume حابين نكون جزء من ذكرياتكم السمحة في السنة الجديدة.
السنة دي ما مجرد ارقام هي فرصة عشان نكون النسخة الاجمل من نفسنا و نبدأ الخطوة الكانت مؤجلة
سواء كنت بتبحث عن عطر يميز حضورك ،او ملهم حابي تبدا مشروعك الخاص في عالم العطور ..نحن هنا عشان نكبر معاك..
سنة سعيدة مجيدة عليكم مليانة بالصحة و العافية و الجمال💕

30/12/2025

صباح الصحة والعافية.. ✨
​عارفين إن اختيار عطر الصباح هو اللي بيحدد "مود" اليوم كله؟
لو كانت العطور الغورماند الدافئة مكانها السهرات والوقت الرايق، فالعطور البتعتمد على "الأزهار الهادية، الأخشاب، أو نوتات النظافة" هي السر في الحضور القوي الصباح. 💼☀️
​الـ Signature Scent أو "البصمة العطرية" الصباحية لازم تكون متوازنة.. ريحة بتسيب أثر (Sillage) راقي، بتديك ثقة وتجدد نشاطك، وفي نفس الوقت مريحة للناس حواليك.
​خليك دايماً فاكر.. عطرك هو الانطباع الأول اللي بيوصل قبل ما تتكلم. 🤍
​
شنو أكتر عطر من عندنا بتحس إنه بيمثلك وبتحب تبدأ بيه يومك؟" 👇✨

21/12/2025

Étincelle ما مجرد عطر..دي بصمة بتسيب أثر🔥
لو بتفش علي عطر يخلي كل الناس تسألك " انت متعطر بشنو؟"
يبقي Étincelle
هو اختيارك الاول للشتاء
عطر رجالي خريفي شتوي بجمع بين القوة والهدوء في نفس الوقت.
الافتتاحية: انتعاش المندرين مع رقة اللافندر
القلب : لمسة توابل دافئة من الهيل و إبرة الراعي
القاعدة: ثبات يدوم لساعات بفضل الباتشولي و العنبر المعتق
عطر معتق من سنتين ،يعني تركيز و ثبات ما عنده مثيل .
متوفر حاليآ في مصر و بدأ الحجز للسعودية و الإمارات
للطلب و الاستفسار ح خلي ليكم لنك الواتسب في الكومنتات 🍂✨️

20/12/2025

و بكدا نعلن رسميا انه لابريسا عطر مقابلة النسابة💕

13/12/2025

صباح النشاط و الانتعاش 🍋✨️
اذا بتفتش علي مفتاح سحري تبدأ بيهو يومك بحيوية كاملة ، فالمفتاح في العطور
عارفين انه نوتات الحمضيات غير انها جميلة روائح زي البرغموت والليمون و اليوسفي 🍊 (المندرين) عندها قدرة فريدة علي تحفيز جزء معين من دماغك مسؤول عن اليقظة
شوف بالله
✨️بتشتغل كمنشط طبيعي يرفع المزاج
✨️بتساعد علي تقليل الشعور بالكسل الصباحي
✨️تمنحك شعور بالانتعاش والنظافة يشبه الاستحمام البارد
.
🍁نصيحة عطرية صباحية صغنونة: لما تجي طالع الصباح للشغل اختار عطر فيهو حمضيات عشان ينعش حواسك في الجو البارد البخلينا دايمآ حاسين بالكسل و خصوصا الصباااح .
سؤال سريع : شاركونا العطر الحمضيات المفضل عندكم

12/12/2025

مساء الخير 💕.
يوم الجمعة يوم مليان بالهدوء و السكينة 🤍🕊 عشان كده بحتاج عطر يناسبه صممنا عطر بروح الجمعة
مخلط كوين سيزا ليكون رفيقك الروحي
مكوناته شرقية دافية تحمل داخلها :
✨️النقاء : من المسك و المستكة لخلق هالة من الصفاء
✨️ العمق : من أصالة دهن العود و دفء خشب الصندل
✨️ الإشراق: جمال الورود و شذي الزعفران.
نقطة واحدة من الزيت العطري المركز تكفي لتعطير ملابسك و خلق تجربة عطرية جميلة تتفتح بيها يومك
🍂🪾
متوفر في القاهرة
ما تسنو الليلة في عروض البلاك فرايدي عندنا التوصيل مجاني✨️

09/12/2025

حاليآ دخلنا الشتاء 🔥🥶
شوية ونسة عن عطورنا الشتوية

09/12/2025

🤍✨️

بوست متاخر في حق اللطيفه سيزا
الطف زول ممكن تتعاملو معاه طلبت العطر دا وكنت في بورتسودان اتاخر لاسباب الشحن وانا سافرت وزعلت ولغيت الطلب سيزا بعداك قالت لي لو في دوله فيها توصيل وريني
اتواصلت معاها تاني بعد استقريت رسلت لي العطر هديه
فحقيقي عطر كان جميل وارتبط لي بالمكان الجديد
فشكراً للطفك و كرمك ❤️❤️❤️

08/12/2025

🍩✨
بتكونو في عالم العطور سمعتو بمصطلح غورماند (Gourmand)

المصطلح دا في العطور بشير الي عائلة عطرية جديده نسيبًا و مميزة و بتعني :
العطور الشهية او القابلة للأكل 🍩🍮
العطور البتشبه ريحة الاكل او المشروبات اللذيذة و الحلويات بشكل اساسي ف هي بتخليك تحس انك عايز تاكل العطر دا او
تشربه زي ما في عطورنا نيلاي و لابريسا و عالم العطور توصف العطور الغورماند بأنها (حلويات شمية)
.
المكونات الرئيسية للنوع دا من العطور:
دايمآ بتكون بتحتوي علي مكونات قوية زي
✨️الفانيليا و الكراميل و ديل أشهر مكونات عطور الغورماند
✨️الشوكلاته و الكاكاو و ديل بخلو العطر عميق و دسم
🍭 حلوى غزل البنات او حلاوة قطن عندنا بتخلي السكر واضح
✨️اللوز و البرالين و هنا عشان يكون في لمسة مكسرات واضحة
✨️القهوة والعسل بدو العطر دفء و بكون غني كده
وأخيرا التونكا عشان تدي ريحة قريبة للفانيليا واللوز و الفواكه الحلوة و باالاخص الحمراء و الناضجة .

🌟تاريخ و اسلوب العطور الغورماند
✨️الأصل
ظهر الاتجاه دا في العطور بقوة في عالم العطور الحديثة و يعود الفضل لانتشاره عطر Angel من Thierry mugler
عام 1992

✨️الطابع

بتكون دايمآ دافية كريمية غنية لذلك مناسبة تمامآ للشتاء و المناسبات المسائية

✨️التطور
حاليآ تتجه بعض عطور الغورماند نحو دمج النوتات الحلوة مع عناصر تقليدية في عالم العطور زي التوابل و الباتشولي والعنبر والأعشاب عشان تمنحها تعقيد و أناقة و برضو عشان نتجنب انه العطر مسكررر ب زيادة

ببساطة لمن تسمع عن العطور الغورماند اتأكد انه العطر دا شهى و لذيذ و مغري و بذكرك باشهى المأكولات .
عايزاكم تشاركوني في الكومنتات بأسماء عطور شوقري و سكر سكر او بتذكركم بروائح اكلات او مشروبات محددة
و برضو عرفوني لو اول مرة تتعرفو ع المصطلح دا في عالم العطور ✨️

30/11/2025

اكتب لي روشتة بالعطر العاملو انت 💃💕

08/10/2025

افحصي و طمنينا 🩷