يوميات عائلة مجنونه

03/05/2024

إسعاد يونس توجه رسالة لـ أحمد العوضي وياسمين عبد العزيز

02/05/2024

- العمر ملامحه بتتغير فطبيعى يغير ملامحنا .. 😁😅

02/05/2024

تقول الأسطورة ان الكذب والحقيقة تقابلوا في يوم من الأيام . . فقال الكذب للحقيقة "ان اليوم جميل جدا" . . فنظرت الحقيقة حولها في شك . . و رفعت عينيها للسماء فوجدت ان الشمس مشرقة و ان الجو جميل . . فقررت ان تقضي اليوم فى نزهة مع الكذب . . !
عاد الكذب و قال للحقيقة "ان مياه البئر صافية و دافئة فهيا بنا نسبح" . . نظرت الحقيقة للكذب فى شك للمرة الثانية . . ثم لمست المياه . . فوجدتها صافية و دافئة بالفعل . . فخلع الاثنين ملابسهم و نزلوا للإستحمام . . !
و فجأة . . خرج الكذب من البئر سريعا و ارتدى ثوب الحقيقة . . و جرى حتى اختفى . . !
فخرجت الحقيقة من البئر عارية و غاضبة و جرت محاولة ان تلحق بالكذب . . فلما رآها الناس عارية . . تضايقوا منها و أداروا وجوههم عنها . . !
و هنا رجعت الحقيقة المسكينة الى البئر و توارت . . و لم تظهر مرة أخرى من شدة خجلها . . !
و منذ ذلك الحين . . و الكذب يلف العالم مرتديا ثوب الحقيقة . . و الناس تتقبله . . و في نفس الوقت يرفضون رؤية الحقيقة العارية . . !

02/05/2024

مبدئيا انا دائما بحذر مش اي حاجه عالانترنت نسمعها مش اي حد نثق فيه وتوابع المسلسلات النوعيه دى ابتدت تظهر علي أرض الواقع
-جـــ*ريمة مسلسل المداح بتجسد الواقع ☠️-

الدجــ*ال بيتهــيأ خلاص للخروج، والجر*ايم المرعبة بتاعته خلاص بدأت تتنشر في الأرض..!



-في البداية خليني أقولك إن خلال عرض مسلسل المداح -أسطورة العودة- خلال رمضان إللي فات..!

-تم تسليــط الضوء على جــريمة مرعبة، لما أخت المداح -عيشة- ظهر لها شيــTـان مرعب وهو -سميــح الجـ،لاد- أكبر أعوان الدجـ*ال..
وفهمها إنه هو الإله -والعياذ بالله-
وإنها لازم تنفذ أوامره، وتخــلص على بنتها الصغيرة، علشان تريحها من الحياة..!

-خليني دلوقتي إن للأسف الجــريمة المرعبة ديه، حصلت بجد في الواقع
وده لأن منطقة التجمع الأول في القـ،اهرة صحيت من فترة على خبر مـ،رعب جداً،
وهو إن فيه مضـيفة تونـ،سية تٌدعي (أ،ح) خلـصت على بنتها و حاولت تخـللص على نفسها..!

ولو فاكر إن الخبر ده مُرعب، فخليني أحكيلك القصة من أولها علشان تعرف إن الموضوع كله غريب وفي قمة الر،عب..!


-الموضوع بدأ لما السـ،ت ديه كانت في رحلة برا، وهناك قابلت على حسب كلامها
-بنت خبيرة في علوم الطا،قة- قالتلها: انا من جماعة الماSـو نية ولازم تنضمي لينا و بيتفقوا يتقابلوا في مصــ،ر ..!

وفعلا بتروح (أ،ح) مصـ،ر وبتقابل البنت الخبيرة في علـ،وم الطا،قة ديه عند الأهرا،مات، وبتعرفها على راجل بيقول إنه -المهـ،دي المنتظــ،ر-
وبيعملها جلسـ،ة علا،ج روحـ،اني..!

وهنا لازم نعرف مين الشخص دة والمجموعه دى عشان نحد انتشارهم ولو كان انتشارهم خارج مصر بشكل اكبر وتحت مسميات كتير

المهم إن المتهمه بدأت هي كمان تدعي إنها خبيــرة في علـ،وم الطا،قة وبتعالـ،ج الناس..!علي حسب كلامها وبردو كل الناس دى لازم نعرف ونسمع منهم ايه الي حصل بالضبط

-لحد يوم الحادثة إللي بدأ جوزها يسمعها بتقول حاجات غريبه ، ولما سألها بتعملي إيه..؟! بتقوله: ده جزء من العلاج بالطا،قة، وإنها جالها أوامر إلهية بإنها تطلع للسما..!

-حاول جوزها يهديها ويدخـ،لها تنام، لكنها للأسف قامت وخلـصت على بنتها وحاولت تخـلص على نفسها، بس جوزها لحقها علشان تاخد عقابها في الدنيا قبل الاّخــ،رة..!


ولما بدأت تتسأل هي ليه عملت كده..؟!


-قالت: جالي أوامر من ربنا -حاشا لله طبعا- إنها تخـ/لص على نفسها، ولكن قبل ما تعمل كده تخـ*لص على بنتها..!

-فهل ده سيناريو مسلسل -المداح- بيتكرر وفيه كيان مرعب ظهر للسـ،ت ديه وطلب منها تعمل كده..؟! وأوهمها إنها مخـ،تارة وان ديه أوامر إلهية..؟! #الخلاصه ان الدراما المصريه بتسلط الضوء دايما هلي هذة الأفعال مؤخرا وكان الدنيا كلها ماشيه بالسحر مثلا

محدش متأكد إيه إللي حصل بالضبط، ؟؟

-محدش متأكد لسة من أي حاجة-
لان من الجائز تكون مر*يضة، أو بتقول أي كلام


-لكن الأكيد إننا لازم نبعد عن أي شخص بيدعي إنه بيعالج بالطا،قة وبيبدأ يقول كلام غريب فيه طلا،سم او نسمع السبلينمال او اي موسيقي او مايدعي بالمخدرات الرقميه والخلاصه المداح او غيره من المسلسلات التي بتناقش أشياء انا لااعتبرها غريبه ولكن الافضل عدم انتشارها حرصا عالجيل الي طالع
ولا دى اول جريمه غريبه ولا اخر جريمه أغرب من الي قبلها مش بس الست الي اكلت ابنها ولا الي قتلت بنتها ولا الي قتل ولادة ولا الي صور طفل وهو بيدبحه عشان الفلوس كل يوم ليفيل الجريمه بيعلي عن اليوم الي قبله ربنا يحفظنا وينجينا يارب

01/05/2024

يلا وريني الاجابات انا في اول كومنت😂👈🏻👈🏻👈🏻👈🏻✍🏻👇🏻

01/05/2024

_ معلش ممكن اقعد معاك على الترابيزة بتاعتك عشان المحل زحمة أوي

= اتفضل يا حاج اقعد هي كانت ترابيزة امي

_ ميرسي لذوقك، وعموما انا مش هضايقك، هضـ ـرب رغيف الحواوشي بتاعي وهخلع على طول

= حوواوشي إيه، عليا الطـ.ـلاق لانت واكل معايه كباب وكفتة، بسم الله يا راجل

_ يا ابني بس من غير ما تحلف بالطـ ـلاق، بلاش تعود لسانك على الكلمة دي

= عادي يا حاج، انا أصلا مطـ.ـلق، انا بحب احلف بالطـ.ـلاق كدا .. فلكلور

_ متجوزتش بعدها ليه ؟ دا حتى الجواز ستر وعفة

= لا ما هي عايشة معايه عادي

_ ازاي يعني ؟

= ما انا طلـ ـقتها عشان تاخد معاش ابوها، بس عايشين مع بعض كدا بالحب

_ ليه يا ابني تعمل حاجة زي دي

= الحياة بقت صعبة يا عم الحاج، دا انا صرفت ورث اخويا ف 3 شهور

_ هو انت ورثت من اخوك ؟

= مش بالظبط، بس مضّيت ولاده الأيتـ ـام على ورق وقلّبت حقهم

_ الله يخـ ـربيتك يا ابني

= لو جالك الأعـ ـمى كُل عشاه، ما انتاش أحن عليه من اللي عماه، انت مبتاكلش ليه صحيح

_ آكل عشاه ؟

= لأ كل كباب معايه

_ بصراحة يعني خـ ـايف

= خايـ ـف من إيه هو انا هسـ ـمك

_ لا خايف اللحمة دي تكون مضـ ـروبة

= لا متخافش الكباب دا سليم، الحواوشي بتاعك هو اللي من لحـ ـمة حمـ ـير

_ نعم ؟!!!

= مش مصدق، طب خلص الرغيف دا كدا، وانت هتلاقي نفسك رايحة للبرسيم بعدها على طول

_ وانت عرفت منين ان الحواوشي معمول من لحـ ـمة حمـ ـير ؟ عشان ب 3 جنيه يعني ؟

= لا عشان انا اللي بورد الحمـ.ـير للمحل دا

_ يا راااجـ ـل ؟

= اه والله، كل أسبوع بجيبلهم حمـ ـارين

_ وبتكسب كويس بقى من الشغلانة دي ؟

= والله يا حاج اهو مبلغ يسند مع فلوس البودرة

_ بودرة تالك ؟

= لا هـ ـيروين، بس مغشوش

_ انت بتغش الهـ ـيروين، انت حالف تاخد الذنـ ـوب سيك ؟

= أصل زبون المخـ ـدرات مبقاش زي زمان، انا امي في شبابها كانت بتوزع خمسة كيلو في اليوم

_ هي أمك كانت بتتاجر في المخـ ـدرات ؟

= لأ دي البركة بتاعتنا دي، ربنا يديها الصحة، هي مدورة شقة في أول فيصل أصلا، المخـ ـدرات دي تفاريح

_ شقة ايه اللي مدوراها

= أكيد مش شقة فول يعني يا والدي، دي شقة العيلة

_ ايوه يا أخي دماغي راحت لبعيد، فاتحة البيت يعني ؟

= ولامّة الشمل، مشغلة عمتي وخالتي واخواتي البنـ ـات

_ مشغلاهم إيه ؟

= فتـ ـيات ليل

_ كلهم فتـ ـيات ليل ؟

= لا طبعا مش كلهم، أختي الصغيرة موافقتش تشتغل فتاة ليل

_ عشان مبتحبش الحـ ـرام ؟

= لا عشان مبتحبش السهر، بيعملها هالات سـ ـودا تحت عينيها، شغلناها فتاة نهار

_ انتو مفيش في عيلتكم مهندس معماري يا ابني ؟ مدرس حاسب آلي، أي حد محترم ؟

= خالي ربنا يهديه، دكتور

_ ملاك رحمة

= لأ دا حقـ ـير مش عايزك تتثبت أوي كدا

_ أمال عايز ربنا يهديه ليه

= رافض يتاجر في الأعضـ ـاء مع انها بتكسب جدا، انت مبتاكلش ليه بس

_ يا عم مش عايز اطـ ـفح، قولي صحيح، انت بتحب تيجي المحل دا بالذات ليه ؟

= بحاول اشقـ ـط مرات صاحب المحل

_ حلوة للدرجادي ؟

= صنـ ـدل، بس انا بحب السـ.ـتات المتجوزة

_ انت عندك تارجت ذنـ ـوب بتقفله يا حبيبي ؟

= يا عم ذنـ ـوب ايه بس دي كلها تراويش، جابر الزاد بقى عشان خاطري، يا رب تعـ.ـدمني لو مكلتش

_ اللهم آمين يا أخي

= البت سامية بترن عليا اهي، يا رب بقى تكون نـ ـزلت الواد اللي حملت فيه بالغلط

_ سامية دي عشـ ـيقتك ؟

= لأ بنتي الوسطانية

_ يا لهـ ـوي عليا وعلى سنيني، أمها فين ؟

= راحت عند اللي احسن مني ومنك

_ مـ ـاتت ؟

= لأ أجرتها لواحد صاحبي، بس هو ابن ناس يعني، فأكيد احسن مني ومنك

_ أجرت إيه يا حـ ـيوان، هي شاليه ؟

= متفكرنيش بقى، اصل عقدها قرب يخلص، والله أكلّتنا الشهد الله يديها الصحة

_ عقدها يخلص ليه يعني ؟

= كبرت بقى يا والدي، بقت زي شريف إكرامي كدا

_ خلاص تدرب، على رأي المثل، إن تابت الصاحبة درّبت ..

= لا مش هتنفع، انا قررت اريحها، شقيت كتير برضو

_ هتقعدها في البيت وتصرف عليها يعني ؟

= دا إيه المُثل العليا دي كلها يا حاج، انت رافع سقف توقعاتك معايه كدا على أي أساس، قاعد مع كمال ابو رية ؟

_ أمال هتريحها ازاي ؟

= هخلص عليها، وبعد كدا هحزن عليها

_ وتحزن ليه بقى ؟

= مش مراتي يا جدع، هو انت فاكرني إيه ؟ معنديش قلب

_ ومش خـ ـايف الحكومة تقبض عليك وتروح في ستين داهـ ـية ان شاء الله ؟

= لا متقلقش انا عامل حسابي، اللي هيلبسها بدالي جاهز

_ وكمان هتلبّس القضية لواحد غيرك ؟

= أيوه، ما هو لسه خارج اول امبارح من مـ ـؤبد في قتـ ـل ابويا

_ هو قتـ ـل ابوك ؟

= لأ انا اللي قتـ ـلته من 25 سنة بس لبستهاله برضو

_ انت معندكش حد غير الراجـ.ـل دا تلبسه، دا بقى مانيكان قضايا

= أصله طيب أوي يا عم الحاج، من النوع اللي قلبه مليان خير كدا ومسالم، واللي زي دا لازم ياخد على قفاه

_ انت مبهر في حـ ـقارتك يا ابني، انا حاسس اني قاعد بتغدا مع برميل زبـ ـالة

= تتغدا ايه بقى، دا انت ممدتش إيدك في الأكل، انت بخـ ـيل وللا إيه ؟

_ لا انا كنت هاكل معاك بصراحة بس لما انت قلت بسم الله مقدرتش امد إيدي

= اشمعنى ؟

_ انا معرفتكش بنفسي آسف، انا الشـ ـيطان يا حبيبي

= إيه ؟؟!!! أعوذ باللـ...

_ متكملش لا تولـ ـع وانت قاعد قدامي، يا جدع دا انا كنت جاي أقنعك تاكل وتجري من غير ما تدفع الحساب وفاكر ان دي قمة الشقاوة، لقيتك معدّي، أنا شكلي فايتني كتير مع البشر، منكم لله ..

01/05/2024

31/03/2024

ما تصحي يا چو 😂🎉

31/03/2024

حقيقه

-نزار قباني