Hossam Alkelesh يوميات بتاع تصدير

Hossam Alkelesh يوميات بتاع تصدير يوميات بتاع تصدير
هى نصائح وكبسولات هتفيدك فى التصدير وهتنورلك الطريق علشان ماتقعش وانت ماشى

16/04/2024

كله على الشط عوام
مقولة صحيحة مليون فى المائة،
سمعت عن التصدير وخلاص الدولة حطتلك معوقات على الاستيراد ومبقاش اردغانة زى زمان، فالكل جرى على التصدير وبيحلم بالدولارات وباليورو وكانها ستمطر عليه من السماء
ويفتح الشركة ويجيب حد يمسك التصدير ويفضل كل يوم الصبح رساله ايه الاخبار مفيش اوردرات؟
هو فين البيع؟
الناس كلها شغالة وبتصدر واحنا لا ليه؟
انت المفروض تعمل كذا وتعمل كذا وتعمل كذا!!!!!
طيب ما دمت حضرتك خبير كده ما عملتش انت كده ليه من الاول؟ ولا علشان انت المعلم صاحب الفرن فمينفعش انك تقرص العجين؟؟!!!
معلش حضرتك اصل كل اللى على الشط عوام

25/03/2024

بيئات العمل السامة والشركات المهلهلة التى ليس لها هيكل ادارى سليم والتى تعتمد على انزياحي الشكل هو الرئيس لكل شيء وهو الوحيد اللى بيفهم حتى فى المهام المتخصصة جدا ولما يتكلم مع احد المدراء أو الموظفين لازم كلامه هو اللى يمشى واازم يطلع المدير عنده اخطاء وهو اللى بيضربها لأنه هو الأعلم والأفهم
الشركات دى عمرها ما بتنجح فى التصدير مهما عملوا ومهما جابوا مديرين شاطرين بالعكس هما بيهدروا طاقات المديرين دى ويجيبولهم أمراض مزمنة فعليا
نصيحة ابعد عن الشركات اللى فيها بيئة عمل سامة واللى قائمة على ملكية الفرد

30/10/2023


تختلف او تتفق مع المق.ا.طع.ة لبعض الم.نت.جات، اوجه كلامى لكل منتِج مصرى، الفرصة الان ذهبية لحضرتك،
السوق مفتوح وعطشان ومتلهف لكل ما هو مصنوع فى مصر بشكل خالص، وعلى فكرة المستهلك الان مستعد لتقبل منتجك حتى ولو مش زى المنتج المقا.طع، ولو إن ده مش فى صالحك لو حابب تكبر وتستمر، يبقى اتعب دلوقتى شوية واجتهد علشان تعرف تستمر وتكبر وتنافس صح، وتبنى اسم كويس وتكسب ثقة العملاء فيك وتكسب حبهم ورضائهم وولائهم،
الفرصة والله ذهبية جدا الان اعمل منتج متميز بجودة كويسة ويقبل التطوير المستمر، وتغليف شيك، ولن تحتاج الى مجهود كبير فى الدعايا والتسويق فالعميل الان هو اللى بيدور عليك ىهيجرى وراك، وهتبص تلاقى التصدير انفتح قدامك بسهولة جدا, بس انت شغل دماغك صح واكسب الفرصة اللى مش سهل انها تتكرر تانى

29/10/2023


نقول تانى
مش كل التوفير ينفع فى التصدير

01/07/2023


ناس كتير اوى وهى بتفكر تدخل مجال التصدير بيبقى عندها فكرة واحدة مسيطرة عليهم، او نقول سؤال مهم وهو:
* ازاى اتجنب الخسارة
*عاوز اصدر بس مش عايز/او خايف اخسر
واسئله على نفس هذا النهج!!!!
وللاسف الناس دى اغلبها مش بيقدر ياخد اى خطوة فى التصدير بسبب الفكرة اللى مسيطرة عليه وفعليا عملاله رعب
وللاسف طول ما انت بتفكر بالطريقة دى هيحصلك حاجة من اتنين:
يااما عمرك ما هتبدا
يااما فعلا كل صفقة هتشتغلها هتخسر فيها
والنتيجة انك هتتعقد من المجال وعمرك ما هتعرف تشتغل فيه!
سيبك من الافكار السلبية دى وابدا اشتغل انك تزود معرفتك بالمجال وتفهم ازاى تكون خطوة البداية اللى بالمناسبة مش ثابتة لكنها مختلفة من شخص لآخر ومن منتج التانى ومن سوق لآخر
اجتهد انك تشتغل على منتجك وتفهمه كويس علشان لما تبدا ما تلاقيه حاجة توقفك، وساعتها هتحس إن اللى كنت خايف منه طلع مجرد فزاعة انت اللى صنعتها لنفسك وخوفت بيها نفسك

14/06/2023

Don't wait for the perfect moment, take the moment and make it perfect

17/02/2023

Being on time is late

20/11/2022

الشغلانة اللي ما اشتغلتش فيها صبي ما ينفعش تبقي فيها معلم

. لو انت عاوز تبدأ تشتغل فى التصدير فبتدور على مدير/مسئول تصدير يشغلك فورا ووقتى يبقى دور على مدير تصدير نوعه اندومى 🤣...
25/09/2022

.
لو انت عاوز تبدأ تشتغل فى التصدير فبتدور على مدير/مسئول تصدير يشغلك فورا ووقتى يبقى دور على مدير تصدير نوعه اندومى 🤣🤣🤣
Instant export manager
دا هتحط عليه ميه سخنه هينفش ويبرعش وتصحى تانى يوم تلاقى عندك ١٠٠ عميل

21/08/2022



لما تحب تبقى بياع شاطر لازم تكون بسيط وسهل فى عرضك لمنتجك، واوعى تجبر عميلك على الاختيار او تزنقه فى ركن الاختيار والمفاضلة، لانه ببساطة ممكن يجرك لملعبه وياخدك فى حتته ويبقى هو اللى زنقك وكمان هيختار الافضل ليه واللى ممكن ميبقاش احسن حاجة ليك،
ازاى الكلام دا فهمنا ياعم الناصح!!!!
مثلا وانا بيبع برتقال للعميل بتاعى وببدا اعرض عليه المواصفة والاحجام واختمها بالسعر، ماينفعش ارميله الكروت بتاعتى كلها واسيبه هو اللى ينقى منها،
هتستخدم نظرية بياع قطع الغيار وبياع الموبايلات،
يعنى ما تقولوش على طقم كبالن لعربيته ان فيه
المانى وفيه طقم صينى، هيقولك دا بكام ودا بكام؟
هتقوله الالمانى ب ٢٥٠٠
والصينى ب ٨٠٠
هيقولك على طول هات الصينى
لا انا اعرضله اللى عندى واوجه بشكل مستتر
بنفس نظرية محل قطع غيار السيارات او محل الموبايلات
يقولك ايه باه:
طقم الكبالن دا المانى اصلى يعنى هتركبه وتنساه ٣ سنين على الاقل وهتريح دماغك وسعره ٢٥٠٠ جنيه
والطقم دا صينى شغال بس هتغيره كل ٦ شهور بيعمل ٨٠٠ جنيه وطبعا هو ارخص دلوقتى لكن هيعطلك كل شوية وتروح تشترى ويمكن يغلى كل شوية دا غير مصنعيه الفك والتركيب وضياع وقتك ويومك والاجمالى هتدفع اكتر على مدار ال ٣ سنين

فى لحظة تفكير مبعدية لوزعية وسؤال يجول بخاطرى كثيراهل اتمامك للتعليم وتخرجك ثم عملك واكتسابك للخبرات يجعلك ضمن المثقفين...
21/08/2022



فى لحظة تفكير مبعدية لوزعية وسؤال يجول بخاطرى كثيرا
هل اتمامك للتعليم وتخرجك ثم عملك واكتسابك للخبرات يجعلك ضمن المثقفين؟
وبالتالى هل لما تتخرج وتشتغل فى التصدير وتمارسه يبقى انت كده مثقف تصديريا؟
الاجابة الصريحة بدون مجاملة (للاسف لأ)
مش معنى انك بتمارس التصدير انك بقيت مثقف تصديريا، قد يبدوا مصطلح عجيب بعض الشئ ولكنه يعبر عن الحالة المرجوة،
قابلت ناس كتير بتشتغل فى التصدير فى قطاعات مختلفة وكان الكثير منهم واخدنها مجرد مهنة وشغلانة وخلاص بياكل منها عيش ومحدش منهم بيفكر يطور من شغله ولا من طريقته والقليل منهم اللى لاقيته مثقف تصديريا والثقافة هنا لاتعنى دراسة معينة او قراءات كثيرة انما هى كل ذلك
فثقافة التصدير من وجهة نظرى تعنى الاطلاع والقراءة والدراسة لكل الاسواق ومعرفة عادات الزبائن والمستهلكين والتجار وكذلك البائعين المنافسين
اللعبة دلوقتى بتتغير كل شوية ومبقاش ليها خط ثابت تمشى عليه بسبب تغيرات سياسية او اقتصادية او صحية او مناخية ،
احنا بننام ونصحى نلاقى الدنيا اتشقلبت فى ثانية وبالتالى الممارس العادى للتصدير هيحط ايده على خده ويفضل يندب على سوء حظه ويفضل مستنى الازمة اللى حصلت انها تتفك لوحدها زى ما حصلت لوحدها على اساس ان المريض ممكن يخف لوحده،

اما صديقنا المثقف تصديريا فهو درس وقرأ واطلع وفهم الاسواق ومن فيها عاوزين ايه ومحتاجين ايه ويعرف ازاى يدخلهم مع كل اختلاف بيظهر فى السوق،
اللعبة مش مجرد واحد قاعد قدام اللابتوب بتاعة وممقق عينه فى الشاشة وعمال يبحث وخلاص ويبعت ايميلات لا والله دا فيه زيارات ولقاءات وقعدات ومعايشة جزئية للسوق لازم يعرفها ويعيشها وتجميع بيانات ومعلومات من ارض الواقع وبالاحتكاك المباشر بالسوق
كان استاذى ومعلمى زمان اللى ادخلنى التصدير كل ما كان يسافر سوق يرجع معاه عينات اكتر من الهدايا اللى بيجيبها لاولاده وطبعا عاملها مكان مخصوص فى غرفة مكتبة وكاتب التفاصيل على كل عينة وتاريخ شرائها وكان يفضل يدرس فيهم طول الوقت علشان يعرف منتجه فين وسطهم ويقدر يختار نوع التطوير المناسب اللى يقدر ينافس بيه فى السوق دا وينال رضاء عملائه

مهم اوى اننا نعرف ثقافة اسواقنا المستهدفة وعملائنا وزباينا كويس ونعرف عاداتهم وتقاليدهم ومناسباتهم واعيادهم وطقوسهم واخلاقهم ومستواهم الاجتماعى والثقافى والمادى والمجتمعى
، ماتفرحش بزياة عميلك وتاخدة توديه عند صبحى كابر ولا البرنس وعاوز تأكله كوارع ولحمة راس وفتة وممبار
لا لازم تساله بيحب ايه وتبقى عارف جزء من ثقافته ولو هو حب يجرب الاكلات المصرية التقليدية يبقى خلاص دا اختياره ولو معجبوش يبقى لازم تحترم ذوقه ،
ما احنا لما بنسافر الصين اكيد مش بناكل الحشرات اللى هما بيموتوا فيها
وكذلك الخنزير ومشتقاته وطبعا هما بيحترموا رغباتنا دون مناقشة لاى معتقد دينى او غيره فقط الا اذا كان العميل تربطك به صداقة قوية فقد يسالك ويستفسر منك لمجرد الفهم وليكون مثقف فى حضارتك ومعتقداتك
وقد قابلت الكثير من العملاء فى دول كثيرة فى اوروبا وروسيا والصين والكثير منهم يعلم ما هو شهر رمضان ويعلم صيامنا وعيدنا الصغير والاضحى والكثير منهم كان يرسل لى التهنئة بالانجليزية وبالعربية وهذا يدل على انهم يثقفون انفسهم ويتعلمون الكثير عن ثقافات وحضارات الدول التى يعملون معها
الخلاصة مش كل اللى بيشتغلها هيبقى مثقف
الثقافة ليس لها علاقة بدراستك فالبائع اللى واقف على سور الازبكية مثقف وقارئ اكتر منى ومنك وقد يكون بدون شهادة جامعية
تثقفوا ، تثقفوا ، تثقفوا

Address

Cairo
11727

Telephone

+201001460292

Website

Alerts

Be the first to know and let us send you an email when Hossam Alkelesh يوميات بتاع تصدير posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Hossam Alkelesh يوميات بتاع تصدير:

Shortcuts

Share

Category