09/03/2020
البريڤ معادش شئ مخيف!
لو مفكر ان دا كوبليه أغنية.. فـ للأسف لأ 🌚
دا حال كل الـ كونتنت كرييتورز المسحولين ورسالتهم الأبدية للكلاينتس 🥴
يا جماعة البريف والله مش مخيف! .. إنتوا بس اللي بتصعبوها علينا وعليكم!
طب بص يا كلاينت يا حبيبي وانت كمان يا كونتنت رايتر يا محترم... لأخر مرة هقولكم البريڤ بيتعمل إزاي..؟
الـ Brief هو اللي بيريح كل الناس؛ عشان بيكون فيه كل حاجة تخليك كـ كوبي رايتر بتكتب وإنت مبسوط (مش ناقصك حاجة!)، وكـ كلاينت مطمن إن شغلك هيتم زي ما إنت عايز.
طب بذمتك فيه أحلي من كدا..؟ إحنا بس اللي غاويين تعب 😖
المهم
البريڤ هو Short Guide بنلاقي فيه تفاصيل البروجيكت كاملة من Mission, Vision, Goals, Challenges, Tone, Core Message, Audience Demographics.
بنلاقي فيه Client's Objectives، وCreative Policies And Terms.
الـ بريف ليه نوعين: نوع بيعمله الـ كلاينت، ونوع بيعمله الـ Content Creator
هنشرح كل واحد منهم ونقول جواه إيه...
النوع الأول:
بريڤ بسيط ومختصر بيملاه الـ عميل (ودا يا إما شفوي، أو كتابي).. لكن طبعاً كل ما كان شغلك Documented كل ما كان أفضل ليك!
إسأل الكلاينت بتاعك عن:
1. البراند والـ History اللي مرت بيه.. إعرف تاريخها كويس، علشان تتكلم من المنطلق دا.
فورد أما بتتكلم.. بتقولك أنا بنت الـ 116 سنة
بنك مصر.. دايما بيحكي إنه عريق.. وموجود من أيام طلعت حرب! اللي هو إنت إستثنائي وكدا 😅
علشان تحكي عن قد إيه عوامل الزمن مأثرتش عليك، لازم تعرف إنت عمرك في الوجود كام سنة، وخلال كل السنين دي مريت بـ إيه!
- من هنا هتقدر تحدد الـ Tone والـ Style اللي المفروض تتكلم بيهم؟
- من هنا هتفهم الـ Business Goals والـ Client's Mission.
تعالوا نتخيل إن أنا الكلاينت، وبعمل بريڤ للـ كونتنت رايتر بخصوص iMarketer:
"إحنا ماركتنج اجينسي، نشأت بهدف توعية الماركتيرز والبيزنس سيكرز بالأسلوب الصح لتطبيق الماركتنج علي البيزنس بتاعهم، بنخاطب فئة الشباب.. علشان كدا أسلوبنا Friendly.. مقالاتنا بالعامية والسبب إنها بتتفهم بسرعة، هدفنا نصنع كوميونيتي فاهم المعني الحقيقي للمودرن ماركتنج، وازاي نطبقه علي الشركات، التيم بتاعنا متنوع وكبير وخبرته في مجالنا بالسنين، وبعد دا كله مستعدين نقدم خدماتنا للـ Business Owners... "
2. المشاكل اللي البراند جاي يحلها.. دي التفصيلة التانية اللي هتحاول كـ كونتنت كرييتور تفهمها من الكلاينت..
إفهم منه بالضبط كل حاجة تخص المنتج اللي عاوز يبيعه، إفهم رؤيته ووجهة نظره عن المنتج او الخدمة بتاعته.. إعرف منه إزاي بيحاول يحل مشاكل الـ Audience بتوعه، وبالمره إعرف هي إيه المشاكل دي..؟
- إسأله.. يا كلاينت يا عزيزي (نفسك فـ إيه يا عمو.. الـ Objectives بتاعتك يعني..؟)
هيقولك:
عاوزين ناس كتير اوي تعرفنا... دا وعي Awareness
عاوزين نبيع كتير أوي دا Sales
- طب فرضاً هو مش عارف يحدد الـ Customers' Needs..!
حددها إنت بناءاً علي أهدافه هو وإعرضها عليه.. قالك تمام هي دي، إعتمدها علطول 🤝
بالنسبالنا إحنا في "آي ماركتير" .. فـ شغلانتنا إننا نفهم الـ Beginners والـ Intermediaters يعني إيه Modern Marketing، وإزاي نستخدمها في شركاتنا.. إزاي نحولها لـ Holly Coin نكسب من وراها Coins..
ودا هدفنا الأساسي..
جايين نحل مشاكل الـ Business Owners بإننا نساعدهم في تطبيق المودرن كونسبت للماركتنج، بشكل مفهوش تعقيد، جايين نحول المفاهيم الخاطئة عن الماركتنج للشكل الصح ليها.
واللي هيساعدنا فـ دا حاجات كتير منها.. إننا بنعمل eBooks، وArticles، Social Media Content
وكمان هننزل بنفسنا نساعد الشركات دي ونعملها الـ Plans بتاعتها ونـ منتور عليها لغاية ما تحقق كل أهدافها.
- إسأله وقوله يـ كلاينت هو الـ منتج بتاعنا الـ Features بتاعته ايه؟؟
3. اللقطة المفضلة بالنسبالي في فيلم غدر الـ كلاينت هي لحظة ما أسأله (يا كلاينت هو إنت مـ تارجت مين؟)
فـ يبصلي شذراً.. وكأني كائن مش فاهم حاجة، ويرد بإبتسامه جميلة كدا 🙄 .. يعني حضرتك مشعارف!! أكيد كل الناس 👏🏼😌
مـ تخليش المواقف اللي زي كدا.. ترفع ضغطك انت بردو لسه صغير!
وساعده يحدد الـ Target Audience بتوعه!
افهم منه بالراحة، علشان لسه فيه مدعكة بعدين إسمها Buyer Personas Profiles هتطلع عينينك.
- كل بني أدم في الوجود ليه تفضيلات، وحاجات بيحبها وحاجات تانية مش بيطيقها.. والـ Audience بني أدمين زينا زيهم عادي!
ومهم نعرف بيحبوا مننا كونتنت شكله إزاي...؟
وعلشان الحيرة اللي بنعانيها مع الكلاينتس، إبتكرنا شوية أسئلة تساعدك تطلع منه بكام معلومة..
1. إيه العمر المناسب اللي محتمل يستخدم منتجك؟
• بالنسبالنا احنا فـ آي ماركتير: فـ مش متحددة أوي، يكفي إنه يكون مهتم بالخدمة بتاعتنا.. وبطبيعة الحال ممكن العمر المثالي بالنسبالنا من 20 لـ 65 (ودي مش ثابته، لأن طبيعة المنتج بتاعنا كدا)
2. رجالة ولا ستات..؟
• الاتنين ✌️
3. النطاق الجغرافي..؟
• مصر، ودول الخليج!
4. الـ Pain Points...؟
• إحنا الـ Customers بتوعنا بيعانوا من مشاكل كتير في شغلهم، من أهمها إن مستوي مبيعاتهم في الأرض، ومحدش عارفهم ومهتم بيهم، وملهمش كيان حنين يحتويهم، وإحنا بإذن الله اللي هنقوم بالدور دا 😌🤝😂
5. الـ Motivations ...؟
• عميلنا حد لطيف، لو شاف نتائج ترضيه بيظبطنا، وبما إن النتائج ميعرفش يوصلها إلا الـ Heroes، فـ آي ماركتير في الخدمة يا فندم!
عميلنا هيفرح لو مؤشر مبيعاته إرتفع، وإحنا فاهمين إن المبيعات بتيجي من الإهتمام، وإن الإهتمام بيطلب عااادي، فـ بنطلبه من الـ Customers، وبنعملهم أحلي Call To Action، ملفوفة فـ حتة كونتنت (عجب 😋)
4. إسأل عميلك عن المنافسين.. في الغالب هتلاقيه مش واخد باله منهم، هنا بقا المهمة دي بتاعتك يا بطل 👏🏼
إعرفهم ونخرب وراهم، إعرف أسرارهم.. علشان كل ما تشتغل تعلي عليهم!
طب فرضنا الكلاينت مظبطك، وقالك المنافسين بتوعي فلان وفلان، وشغالين كذا وكذا ومشاكلهم كيت وكيت،
يبقي الراجل دا محترم، ومتسيبوش، اكتب كل كلمة بيقولها..
بص يا استاذ هتعمل ايه..؟
هتحدد 5 منافسين كحد اقصي، وليكن أكتر خمسة مسببين للـ كلاينت صداع.. هتعرف هما بيقدموا بالضبط إيه لعملائهم؟
هتحدد هما أحسن منكم فـ ايه..؟ وانتوا بـ تتفوقوا عليهم بـ إيه..؟
5. علشان منتخزوقش، إتفقوا علي الـ Content Style والـ Payments Policies..
- حجم الـ POC... (عدد كلمات، عدد ثواني، أبعاد الديزاين، ...)
- عدد مرات التعديل المسموح بيها، وسعر أي تعديل إضافي.
- اتفقوا علي سعر الـ Piece Of Content الأساسية!
- اتفقوا علي الـ Tone of Voice
- اتفقوا علي الـ KPIs والـ Metrics اللي هتحددوا بيها نجاح الكامبين بتاعتكم!
- اتفقوا علي معاد الـ Proposal
- إتفقوا علي ميعاد تسليم الشغل النهائي!
- إتفقوا علي بنود التأخير، لو الـ Content Creator إتأخر، دا هيكون نتيجته خصم في سعر الـ POC، ولا هتمشوها بالحب؟
- إتفقوا علي الـ Repurposing Price، لو الكلاينت عايز الـ POC في أشكال كونتنت تانية، هتتحاسبوا علي دا إزاي؟
- إتفقوا علي الـ Content Objective.
الـ بريڤ بتاع الـ Client خلص، رغم إن دي الصورة المختصرة ليه، وإن حسب كل براند، وindustry بيكون للبريڤ شكل وحجم، والتفاصيل بتزيد وبتقل، لكن تبقي دي الصورة المثالية لأي Client's brief.
مش عارف تعمل بريڤ خاص بيك تشتغل منه؟
إستنا الجزء التاني.. اللي هنشرح فيه الـ Content brief اللي حضرتك هتعمله.
✋✋ ورسالة أخيرة مـ تشتغلوش من غير بريف يا جماعة، وتكون ديكومينتيد 🌚
متخلونيش أخد مصادري وامشي برا المجرة كلها 😟.. أنا سايبها دلوقتي في الكومنتس!
