06/02/2026
لو ناوي عرفنا ولو ناوي تخلع من غير ما تعرف حد بردوا مشكله
في البدايه لو انت كده من الناس التايهه الي مش عارف عنده ايه فركز كويس علشان الكلام داه هتحتاجه ، طبعا لو مركز احنا اتكلمنا انك مش عارف عندك ايه ولا ماشي بسيستم ولا عارف عليك كام وماشي بالبركة زي ما انت بتقول ( احب أقولك ديه مش برگه ديه بركه مياه ومياه مش نظيفه علشان الألفاظ ) ، لازم علشان الفتره ديه مش اي فتره يعني الوضع الي بيحصل في الصين وأمريكا وغيرهم وكمان تحرك اسعار المواد الاوليه كلها والميموري كلها هيخلي الناس تتحرك في رفع الأسعار والبحث عن تحصيل الأموال وانت طبعا سايبها عايمه ومفكر نفسك واد فت وجامد ، لازم بقا تقف مع نفسك وقفه وتروح تجرد علشان انت اول السنه استكبرت تعمل كده علشان عاين في الكريدت يا برنس وطبعا علي حساب الموردين الي انت فاكر ان قربك مصبرهم علي تأخيرك ولكن الناس كلها عارفه وانت لوحدك الي مش عارف علشان كله واضح من طريقه التدوير الي الناس كلها بقت فاهمه طبيعتها ونرجع ليها بعدين ولا كنت مفكر نفسك بتفهم بس يعني طلعت جحش صغير ( ما تزعلش لازم تتعلم والتعليم مش سهل المهم من جيبك مش من جيب الناس ) ، تقوم حالًا ترتب ورقك وتعرف وضعك ولو قررت اعمل زي اي جرامي وتخلع يبقي الكلام مش هياثر فيك بس لعلمك ( سلف ودين ) يعني لازم تبقي محترم وتواجه ، طيب تواجه ازاي ، حجم المشكله يا برنس الاول ، وبعدين تعرف مين ليه ايه وانت ليك ايه ، والبيع المحتمل اد ايه ومكسبك يغطي ولا لا وعندك مصادر اد ايه تغطيك وداه محتاج من وقتك العظيم الضائع في المهاترات واللف والدوران والبنوك الوهميه والشيكات تحت الايداع الوهميه ،علي فكره مش اكثر ولو ما اخدتش القرار هتداس علشان فلوس الناس مهمه زي ما فلوسك مهمه . يا جماعه السوق بيتغير وهيتغير ومفيش حد عنده استعداد يخسر مجهوده وفلوسه وفلوس ولاده علشان خاطر حد وعلي فكره ، الي هيقبل يبقي بياكل ولاده سحت . والله المستعان يمكن جه وقت علشان تتغير وتشوف طريق الصواب ، والي يقولك سيبني البس غيرك واديلك فلوسك ، داه كاس وداير وجاي جاي ، وربنا يلطف بينا يا كريم والي هتقبله من حد قريب هيقبل بيه غيرك عليك . وعجبي . #بيت المهمل بيخرب قبل بيت الظالم . #المال الحلال
