Sanai3y mabi3at صنايعي مبيعات

28/08/2026

28/08/2026

27/08/2026

25/08/2026

من أجمل الشخصيات اللي ممكن تقابلها في حياتك…
الشخص اللي تقابله وتفتكر إنك عارفه، وإن شغله هو كل اللي بيعرف يعمله.
وبعد فترة تكتشف إنه عنده موهبة تانية، وشاطر فيها بشكل يخليك تقول:
"إنت بتعمل كل ده إمتى؟!"
والأجمل إنه ما كانش عامل فيها جامد، ولا طول الوقت يقولك: أنا بعرف أعمل كذا وكذا… وأنا أجمد واحد.
لأ… ساكت، شغال في صمت، وبيعمل اللي عليه من غير استعراض.
وفجأة تكتشف إنه بيعرف يصلّح عربيات أحسن من ميكانيكيين كتير، أو بيعزف موسيقى أحسن من ناس محترفة، أو عنده موهبة في حاجة تانية أنت أصلًا ما كنتش متخيل إنه يعرف يعملها.
الناس دي غالبًا من أكتر الناس اللي ممكن المجتمع يستفيد منهم… وفي نفس الوقت من أكتر الناس اللي المجتمع بيظلمهم.
لأنهم مش بيجروا ورا الضوء، ومش بيحاولوا يثبتوا طول الوقت إنهم شاطرين.
بيشتغلوا في صمت…
ويتقنوا في صمت…
وأحيانًا يفضلوا سنين محدش عارف أصلًا هما قادرين يعملوا إيه.
والغريب إنك تلاقي الواحد منهم عنده حلول لحاجات كتير، وكل ما مشكلة تظهر يقولك:
"سهله ومافيش حاجه"
والاغرب انه لو شغال في مكان واكتشفو انه يقدر يعمل اكتر من حاجه في الشركه وباتقان... برده بنسبه كبيره مش هيتقدر علي ده وبيبقي حق مكتسب بعد كده....
الخلاصه النوع ده ده اكتر نوع من الناس تحب تشتغل معاهم…
الإنسان اللي كل مرة تكتشف فيه حاجة جديدة، وكل مرة تكتشف إنك كنت فاكره أقل بكتير من حقيقته.

16/08/2026

07/08/2026

25/07/2026

من اهم فيديوهاتي اخر سنتين

15/07/2026

ليه محمد صلاح مع منتخب مصر مش بيأدي بنفس المستوى اللي بيظهر بيه مع ليفربول؟ونفس الكلام مرموش
(من منظور المبيعات)
تخيل إن عندك عرضين شغل:
• شركة بتديك 100 ألف جنيه + عمولة قوية.
• وشركة تانية بتديك 30 ألف جنيه + عمولة أقل.
هل هتدي نفس الأداء في الاتنين؟
غالبًا لا.
مش لأنك "هتشتغل على قد فلوسهم"، لكن لأن الإنسان بطبيعته بيبذل أقصى طاقته في المكان اللي حسسه بقيمته واعلي كمان من قيمته واستثمر فيه وبرده ده مش معناه عدم انتماء .انا بتكلم عن طبيعه بشر بتتغير بتغير المقابل
وده نفس اللي بيحصل في المبيعات. الشركة اللي بتستثمر في فريقها برواتب وعمولات عادلة اواعلي كمان من السوق، غالبًا بتحصل على أداء أعلى من المتوقع. أما لما الاستثمار في الناس يكون أقل والتقدير اقل، فمن الصعب تتوقع نفس مستوى الحماس والنتائج.
وعشان كده، من وجهة نظري، جزء من اختلاف أداء محمد صلاح بين ليفربول ومنتخب مصر ممكن يكون سببه اختلاف البيئة، والحوافز، وطريقه التعامل،والثقافة، والنظام، والضغوط والاجواء... مش الرغبة في الفوز بس
البيئة اللي بتستثمر في نجومها... هي اللي غالبًا بتطلع أفضل نسخة منهم واكبر حافز ليهم هو الخوف انهم يسيبو كل ده.