Amr Eid Mohamed

Amr Eid Mohamed وما توفيقي إلا بالله

Marketing Consultant | Art Director
CEO Brandolla Marketing Agency

الماركتينج بيبدأ قبل البيزنس مش بعده👌
11/05/2026

الماركتينج بيبدأ قبل البيزنس مش بعده👌

05/05/2026

دكتور ضياء الله يرحمه كان عنده نظام غذائي غير حياة ناس كتير
بس كان بيقدمه مجاناً، بشكل مباشر، لكل الناس
وبطريقة عصبية شوية وده منطقي، لأنه شاف وقابل كتير سنين السنين شغل ودراسه وتجارب وابحاث وتدبر، وبيتكلم كدكتور خايف على عيان
وده بالظبط اللي خلى جزء كبير منهم ما يصدقوش.

مش لأن الناس غبية، لأن عقل الإنسان بطبعه مش بيصدق اللي جاية بسهولة ومش بيحس بقيمتها الحقيقه. بيصدق اللي تعب عشانه اكتر.

اختار الطريق الأسرع لتوصيل المعلومة وده حقه، هو دكتور مش marketer
كان عبقري في علمه اللي ربنا اكرمة بية وصبر سنين علشان يوصل ووصل، بس استعجل في تقديمه، قدم نظام يغير العالم وشكل الحياه كلها في فيديوهات تيك توك، اختار الطريق الاسرع لتوصيل المعلومه وبس من غير اي حاجه تانيه
لو كان عنده حد يفكر معاه في طريقة التقديم، كان النظام ده وصل لضعف الناس في نص الوقت، وكانوا هما اللي بيدوروا عليه مش هو اللي بيوصلهم.

التسويق قادر يخلي الدقيق الأبيض يتاكل لسنين وهو بيدمر صحة ناس.
ونفس التسويق لو اتبنى صح.. كان قادر يخلي نظام زي ده يوصل لضعف الناس في نص الوقت.
مش الحقيقة دايماً هي اللي بتنتشر.
اللي فاهم سلوك الناس هو اللي بيوصل.

30/04/2026

أحسن بيع هو اللي العميل فيه ما يحسش إنه اتباع.
فكر في أي براند بتحبه — هو طلب منك ولا إنت اخترته؟

اللي بيدور ع مجال جديد يتعلمه في وقت قليل نسبياً ويجيبله فلوس كتير… اتعلموا ازاي تعملوا فيديوهات بالذكاء الاصطناعي.. مطل...
28/04/2026

اللي بيدور ع مجال جديد يتعلمه في وقت قليل نسبياً ويجيبله فلوس كتير… اتعلموا ازاي تعملوا فيديوهات بالذكاء الاصطناعي.. مطلوب جدا… ادي مثال اهو.. شركة الطيران الامرات emirates منزله فيديو بال ai جايب 42 الف لايك اورجانيك من غير اعلانات و داخل في ال2 مليون مشاهدة… انت عشان تعرف تعمل فيديو زي دا الموضوع مش معقد… شوية ai معمول بشكل مظبوط وشوية قطعات و transitions ممكن تتعلم ازاي تعمل كل دا في وقت قليل جدا… لو مركز ممكن في اقل من ٣ شهور توصل لمستوي كويس جدا وتبقي جاهز للشغل… وتقدر تقدم خدمة مطلوبة عالمياً في كل شركات العالم وتقدر تعمل للشركة اعلانات تجيب مشاهدات وبالتالي تجيبلك انت فلوس 💵💵💵💵💵 ابدأ

28/04/2026

في بداية شغلي كان معايا عميل مصري مقيم في السعودية، عنده براند نظارات جه عن طريق توصية

بعتلي البادجيت كاملة شامل الميزانية الإعلانية من أول يوم
أول أسبوعين: ضبطنا الهوية والـ message، جهزنا المحتوى والداتا والأفكار.

الأسبوع التالت المفروض نطلق أول كامبين كبيرة على الإنستا.

فتحت الـ Ads Manager
رافض يشتغل.

ربطت صفحة الفيس بأكونت الإنستا أكتر من 4 مرات
كل مرة “تم الربط” وأرجع أشغل الكامبين يرفض.

طلبت منه يدخل هو كـ admin أساسي يعمل الربط من عنده لان كده اكيد هيظهر من عنده المشكلة ونعرفها ونحلها
وبعتله الخطوات خطوة بخطوة
3 أيام صور ورسايل وcalls
اتربطت رجعت أشغل الكامبين
رافض.

يومين تانيين بحث وتحليل ومحاولات.
وهو طول الوقت:
"يلا يا هندسة، الوقت بيعدي والمبيعات"

في اليوم السادس جالي منه مسدج:
“على فكرة.. أنا حسابي الإعلاني واقف عليه قيد أو كده، ممكن يكون ده سبب المشكلة؟”
أيوه يا عم ممكن😂

أغلب التأخير في شغلنا
بيكون بسبب معلومة ناقصة من البداية

عشان كده بنحاول يكون في أسئلة كتير، وصورة كاملة مع أي عميل جديد
قبل أي خطوة تانية.

27/04/2026

معظم الشركات بتبدأ غلط من أول يوم
وبتدفع تمن ده سنين

أول سؤال بيسألوه:
“إيه أحسن بلاتفورم للإعلانات؟”
الأول كان المفروض يكون:
“إيه اللي بيخلي حد يشتري مني أصلاً؟”

الإعلان مش بيجيب مبيعات
الإعلان بيضخم اللي موجود
لو الأساس غلط — الإعلان بيضخم الغلط بالظبط.

الأساس اللي بيتبنى الأول
- مين بالظبط بتتكلم معاه؟
- إيه المشكلة اللي بتحلها؟
- ليه هو يختارك إنت بالذات؟
من غير إجابات واضحة، أي إعلان هيبقى حرق فلوس.

الـ branding مش شعار وألوان.
الـ branding هو الإجابة على السؤال ده:
“ليه أنا؟”
لما تعرف تجاوب الإعلان هيشتغل لوحده👌

أنا عمرو عيد — Marketing Consultant & Art Director
بساعد الشركات تبني الأساس الصح قبل ما تصرف على أي حاجة تانية..
لو حاسس إن في حاجة مش ماشية صح في الـ marketing بتاعك

عندك سؤال في التسويق أو البراندينج؟
اسألني في الكومنتس وهرد على كل سؤال علي قد ما أقدر بإذن الله🤝

لو انت تايه شوية في الماركتينجفده طبيعيلأن في كلام كتير… بس مش كله صحأنا مش بحب أظهر كتير هنا..فهبدأ اتكلم شوية من خبرتي...
25/04/2026

لو انت تايه شوية في الماركتينج
فده طبيعي

لأن في كلام كتير… بس مش كله صح

أنا مش بحب أظهر كتير هنا..
فهبدأ اتكلم شوية من خبرتي في الماركتينج

واشارك شوية من اللي اتعلمته فعلاً
من السوق… مش من الكلام النظري

واللي شوفته بيكسب فعلاً… مش اللي بيتقال في الكورسات بس

يمكن حد يستفيد
أو يعيد تفكيره في شغله

بحكم شغلي كـ Marketing Consultant / Art Director
والشغل اللي ببنيه في Brandolla - براندولا

بنساعد البراندات تكبر وتثبت نفسها في السوق

والفترة الجاية هيكون في شغل كويس هنا
للي مهتم

24/04/2026

لو انت شغال في ال Marketing field

الفترة اللي فاتت
ابتدى يبقى في دايرة شغل بتتكون حواليا بشكل طبيعي

مش بدور على ناس كتير
بس بدور على ناس فاهمة بجد

لو حاسس انك مختلف شوية… خليك قريب هاينزل فرص شغل كويسة جدا الفترة الجاية بإذن الله

24/04/2026

السوق بقى مليان Content Creator
بس قليل جدًا اللي فعلاً بيعرف يعمل Content يبيع.

الفرق كبير بين:
واحد بيعمل بوست شكله حلو
وواحد بيعمل بوست يجيب فلوس

أنا حالياً بدور على ناس شاطرة في النقطة دي
مش مجرد تصميم… لكن فهم للسوق المصري والخليجي

لو شايف نفسك فاهم اللعبة دي فعلًا
سيب كومنت او رشحلنا حد في الكومنتات

25/01/2026

🤍🤝

Address

Cairo

Website

Alerts

Be the first to know and let us send you an email when Amr Eid Mohamed posts news and promotions. Your email address will not be used for any other purpose, and you can unsubscribe at any time.

Shortcuts

Share