01/03/2026
أهمية أقتناء سبائك الفضة 999 (الجزء الخامس)
هل الفضة ادخار و استثمار جيد ؟
أحنا عرفنا من الجزء الرابع انك لو كنت أدخرت فضه من 20 سنه كان مكسبك هيكون تقريبا 65 ضعف …. بمعني آخر محدش يتكلم في سعر المصنعية دي خااالص 🙂 عشان المكسب كده كده رهيب.
و لكن احنا برده هنتكلم النهارده عن سعر المصنعية ….
السعر اللحظي الحالي العالمي لكيلو الفضة هو 2159 دولار … و طبعا لو بتشتري من أوروبا او امريكا لن تشتري بهذا السعر…. سيتم اضافة Premium (المصنعية) …. يعني سعر الشراء هيكون تقريبًا ما بين 2310 دولار و 2650 دولار ، علي حسب الماركة او الشركة.
طيب تعالوا بقي نشوف سعر شراء كيلو الفضه في مصر ….
سعر الكيلو في مصر محسوب علي 2185 دولار (محسوب علي 47.70 جنيه للدولار) يعني 104,250 جنيه …. سيتم ايضا اضافة Premium (المصنعية) و هو 4 جنيه للجرام {مصنعيه شركة نجم الدين للفضه المصري} …. يعني 4000 جنيه للكيلو ، يعني سعر الشراء هيكون 108,250 جنيه …. و ده يساوي 2269 دولار ….
*** بمعني اخر ، احنا في مصر سعرنا اقل من السعر العالمي ، بعد اضافه ال Premium المصنعية ، لسعر شراء كيلو الفضة كسعر اجمالي !!
طيب دلوقتي انا خلاص اشتريت سبيكة فضه ، اكسب منها ازاي بقي؟
لو هتبيع في نفس يوم الشراء للشركة مره اخري هتخسر نصف المصنعية … طيب اي الحل؟ انتظر فتره حتي ترتفع سعرها و تتجاوز سعر السبيكة الفضة سعر نصف المصنعية و الباقي هيكون هو ده المكسب بتاعك. و عشان تكسب اكتر بيع السبيكة لشخص اخر و يتم تقاسم سعر المصنعية بينكم.
@أبرز المعجبين
