https://www.youtube.com/channel/UCyPzLkeTNuTBB0U5TDNw9qg

مؤسسة كياني للصحة النفسية, Cairo (2026)

24/05/2026

🤲ان الحمد والنعمة لك والملك ... لا شريك لك .☝️

🙋ان تجد نفسك كل ثانية تشعر بالامتنان لكل نعمة انعم بها الله عليك .🤲

🙋ان تستشعر النعم وتحمد الله حمظاً كثيراً عميقاً من الروح قبل القلب .

🤲تدعو الله ان يحفظ لك تلك النعم ولا يغير عليك الا بما يراه افضل لك.

🤲والحمد الاكبر للنعمة الاجمل على الاطلاق هو وجود الله عز وجل ☝️

🙋تستشعر قوته فى الله اكبر ☝️

🤲الله اكبر من كل شئ واى شئ 🤲

🙋نحن ننتمي لله ونحتمى بالله ونأنس فى وجود الله
🤲نشكو لله ونحمد الله ونسبح بأسم الله ☝️

🙋ونستغفر الله عن كل ما بدر منا والله غفور رحيم 🤲

🤲وندعو الله الا يحملنا ما لا طاقة لنا به 🤲

🤲ويصلح حالنا جميعاً ولا يكلنا لانفسنا طرفة عين 🤲

🙋ويدبر لنا امورنا فنحن لا نحسن التدبير 🤲

🤲الحمد لله ان لنا رب معنا يرانا ويسمعنا ويحبنا ويرحمنا جميعاً ان شاء الله 🤲
🤲 ادعو الله فى تلك الايام المباركة ان يرزقكم السلام والسكينة والطمأنينة والخير عاجله وليس آجله .

🤲 وان يجبركم جميعاً جبراً يتعجب له اهل السموات والارض.

🤲فأنا اعلم جيداً ان هناك قصص لم ولن تحكي الا لله سبحانه وتعالى طيب الله جراكم وبدل حزنكم فرحاً وسعادة آمين 🤲

🤲احبكم جميعاً فى الذى احببتوني فيه 🤲

د.أميرة أحمد عفيفي
استشارى الصحة النفسية والارشاد الاسري.
عضو اتحاد المعالجيين النفسيين العرب .

أميرة Dr.Amira Ahmed Afify - د.أميرة أحمد عفيفى
مؤسسة كياني للصحة النفسية
مؤسسة كياني للدراسات النفسية والتدريب و الاستشارات
المعهد العربى الافريقى للدراسات النفسية

24/05/2026

🙋هنا والان ... اللحظة الحالية ... اليوم الحالى ... وكفى .
🙋كل ما نحتاجه هو ان نعيش هنا والان .

🤔لماذا هنا والان 👇

🟢 لان الماضى انتهى بأمر الله اصبح هناك ... فلماذا نعيش هناك وايامنا هنا .

🟢 والمستقبل بيد الله والله اعلم هل سنكون في الغد ام لا ... فلماذا نقلق بشأن ما هو قادم ... وايامنا هنا والان .

🟢 ركز فى لحظتك الحالية لانها الحقيقية الوحيدة التى انت موجود فيها بالفعل.

🟢 واستقبل لحظتك الحالية كهدية من الله لتستمتع بفرصة الحياة تطيع الله وتنجز اهدافك وتنجح وتتواصل مع من تحبهم وهذا كافى لتستمتع بقدر ليس هين من الصحة النفسية لان .

🌷الصحة النفسية حياة 🌷
د.أميرة أحمد عفيفي.
استشاري الصحة النفسية والارشاد الاسري.
عضو اتحاد المعالجيين النفسيين العرب .
Dr.Amira Ahmed Afify - د.أميرة أحمد عفيفى
مؤسسة كياني للصحة النفسية
مؤسسة كياني للدراسات النفسية والتدريب و الاستشارات
المعهد العربى الافريقى للدراسات النفسية

23/05/2026

🤔هو انا محتاج اتعافى من اساءات الطفولة👇
🤔ينفع اطنش وكأن مفيش حاجة حصلت 🙆

1️⃣السؤال الاول فى التعافى من اساءات الطفولة 👌

🟢 طيب خلونا نتفق على حاجة نفترض ان حد اتربى مثلاً فى بيته على العنف الاسري.

🟢 اى ان اسرته لا بيتكلموا مع بعض ولا بيسمعوا بعض ولا بيتناقشوا مع بعض انما سيد المواقف هو العنف .

🟢 وليكن العنف ده زواجي بين الاب والام 👌

🟢 الاب مثلاً بيستخدم العنف اللفظى او الجسدي مع الام لانهاء المشكلات بينهم .

🟢 فالصغير اتربي واتعود على ان حل المشكلات الزواجية مع سريك الحياة هيكون بتعنيفه لفظاً او جسداً او كلاهما .

🟢 وعنف اسرى لان هو نفسه وهو طفل كانت حياته التواصل فيها معاه عنيف .

🟢 اى مواقف بتحصله بتنتهى بأنه يعنف من الام او الاب او كلاهما تعنيف لفظى او جسدى .

🟢هنا هو اتربي على حاجتين انه مش بيفكر ازاى يحل المشكلة لانه واقع تحت ضغط السطو الوجداني وحالات غضب شبه مستمرة وغالباً عنيفة.

🟢 و اتعلم من خلال بيئته والنموذج اللى القائم على تربيته متمثل فى الام والاب ان الحل الامثل لوقف الاخر سواء زوجة او ابناء انى اعنفهم امت لفظياً او جسدياً او كلاهما معاً .

🟢وهو ده نموذج وشكل الزواج والاسرة اللى اتربيت فيه واللى هكرره تانى ببساطة لانه مقدرش اكسر الدايره المضطربه دى واخرج منها واتعلم الشكل الصح فى العلاقات الزواجية والاسرية والتربوية .

🟢 والشكل الصح ده وهو انى محتاج اتكلم واعبر واتواصل.

🟢 محتاج احترم شريك حياتى حتى واحنا مختلفين مش محتاج اهينه واعنفه ابداً فيكرهنى وياخد منى موقف حتى لو خايف منى ومش هيظهر ده من خوفه اكيد داخلياً هو مش طايقنى لانى بعنفه واهينه.

🟢 وهو كان داخل العلاقة على امل انه يحب ويتحب بلطف وعقل وهدوء لانه انسان دى حقوقه الطبيعية واللى الطرف الاخر اللى اتربي فى بيئة عنيفة لا هيقرها ولا هيعترف بيها وهيكرر دايرة العنف الاسري ويصنع لنا اسرة شديدة الاضطراب .

🟢وهنا انت محتاج يكون عندك الشجاعة انك تاخد خطوة الخروج عن القطيع وتوقف دايرة الاساءات وتنهيها بأنك اول حد يتعافى من العنف والاضطراب الاسري اللى اتربيت عليه.

🟢 وتبدء تربي نفسك صح من اول وجديد وتطلب المساعدة وتتعلم ازاى تحب وتتحب وتحصل على الاحترام وتقدمه وتعبر وتتكلم وتتسمع كمان ازاى تبقى سند قوى الشكيمة متزن.

🟢وتتعلم ان العنف ده منتهى الضعف انت لا قادر تتناقش ولا تتفاوض ولا تسمع ولا تحل وإذا كان فى عجز فالعنف هو اكبر دليل على ان هذا الانسان لا يستخدم عقله فى ادارة حياته وانما يستخدم قوته البدنية و غبائه العاطفى وفقط .

🟢 يبقى لما نتعافى ونتشافى احنا بننقذ نفسنا وحياتنا وبنكسر دايرة اضطراب القطيع فى اسر وعائلات كاملة لانى اتعلمت الصح واتدربت عليه وقت كافى واصبحت دى نسختى الجديدة الحالية اللى صنعتها بأيدى واللى هتكمل معايا .

🟢 فأقدر انجح فى شغل مع شريك حياة مع اولادى يبقى انا كسبت نفسي وحياتى وحققت اهدافى والانسان مش محتاج اكثر من كده لاستقرار حياته النفسية والاجتماعية .

🟢الجزء التانى الناس اللى اتعرضت للعنف النفسي واساءات الطفولة من المقارنة وتقليل الشأن و التحقير والاذلال والسخرية والنقد واللوم والقواعد الصارمة والسيطرة والابتزاز العاطفى من الام او الاب او كلاهما .

🟢 انت كمان اتربيت فى اسرة شديدة الاضطراب اللى بيربي مضطرب واضطرابه ده اتنقل فى طرق تربية غير سوية لك هتأثر على شخصيتك يبقى محتاج مساعدة تتعلم فيها ان كل ده مؤذى وجداً لو قررت تعيد الدايرة المريضة دى مع شريك او مع اولادك.
🟢 محتاج انك تتعلم مفيش حاجة اسمها مقارنة فى حاجة اسمها فروق فردية تحترم وان كل انسان له نقاط قوة ونقاط ضعف وجميعها مقبولة لانها تمثل انسانيته الكمال لله وحده .

🟢 وان الانسان لو محتاج يقارن فهو هيقارن نفسه بنفسه علشان يحفز تفسه بالرجوع لمستوى نجاح كان حققه بنفسه قبل كده .

🟢 ان الاستهزاء والتحقير والاذلال لا يمارسهم الا مريض نفسي الانسان السوى لما بيكون غضبان او زعلان بياخد وقته فى مشاعره ويرجع يتكلم من غير ما يكون محتاج يأذى الطرف الاخر سواء شريك حياته او اولاده .

🟢 فى النهاية لو انت اتربيت فى بيئة غير صحية ومضطربة وحابب انت تعيش افضل متمتع ومن معاك فى دايرتك سواء شريك حياة وابناء تعيشوا حياة فيها صحة نفسه واسرية.

🟢 يبقى محتاج تكون شجاع تكسر الدايرة المرضية وتخرج من القطيع وتعمل حياتك بإيدك زى ما تحب على اسس تضمن بفضل الله نجاحها مش زى ما اكتسبت فى اسرتك لو كانت غير سوية .

🙋وده كانت اجابة السؤال 👌

رابط اساءات الطفولة من هنا 👇 👇

https://www.facebook.com/share/p/1CC65usYEk/
🙈التربية .... وسنينها 🙆

🌷الصحة النفسية حياة 🌷
🌷الصحة النفسية للأسرة حياة 🌷

د.أميرة أحمد عفيفي
استشارى الصحة النفسية والارشاد الاسري .
عضو اتحاد المعالجيين النفسيين العرب .

Dr.Amira Ahmed Afify - د.أميرة أحمد عفيفى
مؤسسة كياني للصحة النفسية
مؤسسة كياني للدراسات النفسية والتدريب و الاستشارات
المعهد العربى الافريقى للدراسات النفسية

23/05/2026

🙆 الطفولة بين الجروح والاساءات 🤔

🟢 مؤخراً تم تداول مصطلح جروح الطفولة على السوشيال ميديا بشكل مبالغ فيه واللى سبب مشكلات مختلفه للناس المتابعة للسوشيال ميديا وداخل الاسر بسبب جرح الام وجرح الاب وجرح عم محمد بتاع السوبر ماركت كمان 😉

🟢 لان السوشيال ميديا عادة عالم افتراضى مبالغ فيه و اقرب للزيف من الحقيقة الا من رحم ربى وقرر يحافظ على قيمة الامانة فى المعلومات .

🟢 فالدنيا زاطت زى ما فى ناس كثير قررت تنفصل ساعة هيصة الزوج النرجسي كده لما الاضطرابات بقت تتشخص من بوست.

🟢 بقينا نشجع الناس على انها تعالج جرح الام والاب بالخناق معاهم وعدم احترامهم وقرار غير واعى من البعض فى الانتقام بإعادة تربيته لامه او ابوه بعد ان نال الوهن منهم .

🟢امال يعمل ايه نسيبهم يؤذونا طول العمر ونسكت على الايذاء ده ؟

🟢 اجابتى اكيد لا مش من حق اى انسان مهما كانت علاقتنا بيه انه يأذينا .

🟢 فى حلول هتلاقوها اخر البوست لمن مازال يتعرض لاساءات .

🟢خلينا بقى ناخد اصل المصطلح بتاع جروح الطفولة جه منين ونفهم الاساسى النفسي العلمى الصحيح اللى جه منه.

1️⃣ من اين جاء مصطلح جروح الطفولة،؟

✅ "جروح الطفولة الخمسة" هو مفهوم نفسي شهير صاغته الكاتبة والمعالجة الكندية "ليز بوربو"، ويشير إلى خمسة صدمات عاطفية أساسية يتعرض لها الإنسان في مراحل مبكرة من حياته.

✅ تؤثر هذه الجروح بشدة على شخصيته وتصرفاته في مرحلة البلوغ، حيث يخفيها خلف "أقنعة" دفاعية لحماية نفسه من الألم.

2️⃣ما هى جروح الطفولة المعلن عنها ؟

✅ تنقسم هذه الجروح إلى خمسة أنواع رئيسية:

1️⃣ جرح الرفض (Rejection)سببه: شعور الطفل بعدم الترحيب بوجوده أو عدم تقبل أهله له، مما يولد لديه إحساساً بعدم الاستحقاق.

👌القناع الدفاعي: الانسحاب، حيث يميل الشخص للانطواء، وتجنب المواقف الاجتماعية، والشك الدائم في نفسه وقيمته.

2️⃣ جرح الهجر أو التخلي (Abandonment)سببه: غياب أحد الوالدين (أو كلاهما) جسدياً أو عاطفياً، أو شعور الطفل بنقص الأمان والاهتمام.

👌القناع الدفاعي: الاعتماد، فيصبح الشخص بالغاً خائفاً بشدة من الوحدة، ويميل للتعلق المرضي بالآخرين لتجنب تكرار تجربة الفراق.

3️⃣ جرح الإذلال أو التحقير (Humiliation)سببه: تعرض الطفل للانتقاد المستمر، أو السخرية، أو المقارنة السلبية بالآخرين، أو إشعاره بأنه غبي وسيء.

👌القناع الدفاعي: المازوخية (إيذاء الذات)، حيث يلغي الشخص احتياجاته الخاصة، ويتحمل مسؤولية أخطاء الآخرين لإرضائهم خوفاً من اللوم أو العقاب.

4️⃣ جرح الخيانة (Betrayal)سببه: عدم وفاء الوالدين بوعودهم للطفل، أو تعرضه لصدمة بسبب انهيار الثقة داخل الأسرة.
👌القناع الدفاعي: المتحكم، فيميل الشخص للسيطرة المفرطة، والحذر الدائم، وإظهار القوة والصلابة لتجنب التعرض للخداع مرة أخرى.

5️⃣ جرح الظلم (Injustice)سببه: العيش في بيئة تتسم بالتسلط، أو القسوة، أو التفرقة في المعاملة، مما يمنع الطفل من التعبير عن نفسه.

👌القناع الدفاعي: الصلابة، حيث يصبح الشخص بالغاً مثالياً يبحث عن الكمال، ويكبت مشاعره الحقيقية، ويظهر بصورة باردة تخفي مخاوفه .

🟢 نيجى بقى للدراسات النفسية عن الاساءات التى يتعرض لها الانسان فى الطفولة بشكل علمى دقيق .

🟢علمياً تنقسم الاساءات التى يمكن ان يتعرض لها الانسان فى طفولته الى ثلاث انواع وهى 👇
1️⃣اساءات نفسية .
2️⃣اساءات جسدية .
3️⃣اساءات جنسية.

🟢 طيب الجروح الخمسة اللى صاغتهم ليز وهم
( الرفض -الهجر- التحقير -الخيانة- الظلم) .

🟢 هى تقع فقط فى الاساءات النفسية التى يتعرض لها الاطفال والتى بدورها ستسبب ازمات فى النمو النفسي الاجتماعى كما وصفها اريكسون فى نظرية النمو النفسي الاجتماعى .

🟢بس لسه فى اساءات جسدية واخرى جنسية .

🟢يبقى قصة جروح الطفولة المتداولة والمبالغ فيها ناقصها جروح اخرى بمسمى الكاتبة.

🟢 وبالرجوع للعلم فإن الاساءات الجنسية هى اصعب ما يعانى منه الانسان فى طفولته سواء كانت تحرش او اعتداء.

🟢 لانه بيكون صغير ومش عارف ولا اتعلم ولا قادر يدافع عن نفسه وحرمة جسده التى تنتهك وربما مرات متكررة فى صمت منه.

🟢 ثم يشعر بالعجز و الخزى والعار والاستياء من نفسه ثم يقرر ان يرفض نفسه ويشعر بالنقص والدونية .

🟢 وعملية رفض النفس لا شعورياً منطقة صراع عميقة مؤلمة يتعرض فيها الانسان لكثير جداً من الضغوط النفسية الشديدة خلال مراحل حياته.

🟢 ويا اما قرر يقابل معالج ويخلص من الهم ده او يفضل شايله لنهاية الرحلة لوحده ودى تفاصيل كثيرة جداً بقى فى القصة دى لانها بتكون سبب فى اضطرابات شخصية وجنسية واضطرابات فى الهوية كمان .

🟢 والقناع الدفاعى اللى اشارت له الكاتبة هو فى حقيقية العلم الحقيقي فى علم النفس حيل دفاع نفسي غير صحية ومع استمرار استخدام هذه الحيل الغير صحية لفترات طويلة فى محاولة للتكيف مع الالم وامل الخروج من الصراع.

🟢للأسف علمياً سيتعرض الانسان لمجموعة من الاضطرابات النفسية منفردة او مجتمعة .

🟢 علينا ان نسمى العلم بأسمائه الحقيقية حتى لا يختلط الامر على الناس ويعلمون هذا العلم على اصوله .

🟢اللى حبه اوصله اى حد شاف معاناة فى طفولته الطفولة انتهت وما تم رغماً عنك وانت صغير انت اليوم سيد قرارك.

🟢 استمتع بلحظاتك هنا والان قبل ان يسرق الماضى حاضرك.

🟢 اذا لم تستطيع ان تتصالح مع الماضى اطلب المساعدة حتى تتصالح معه وينتهى بأحداثه بلا رجعة وتعيش هنا والان حياتك انت كما تريدها وليس ما فرض عليك صغيراً لقد كبرت يا صديقى .

🟢 لا تحاكم احد من الماضى فمن اساء اليك ام او اب او كلاهما اما ورث الاساءة ويكررها دون وعي واما مضطرب وفى كلا الحالتين قضى الامر ساعد نفسك ومترهنش مساعدتك على ان يعتذر الماضى بناسه لك .

🟢 ساعد نفسك لانك تستحق المساعدة تستحق ان تستمتع بصحة نفسية فتعيش الحياة حياتك الان انت لست فى الماضى يا صديقى .

🟢اذا استطعت ان تسامح وتستخدم حدودك لايقاف الايذاء افعلها لاجلك لقلبك السليم .

🟢 اذا ما كان المؤذى مصراً على ايذائه ابتعد عن دائرته وغادر فى هدوء لست مضطراً لايذائه والا تحولت لمسئ مثله تماماً مع اختلاف شكل الاساءة .

🟢 رجاء لا تكن نسخة ممن اذاك مرة اخرى فى شكل اخر وزمن اخر غادر ولا تلتفت دع القطيع واخرج عنه فى طريقك لتصل الى نفسك وهدفك .

🟢لا تتغنى بجروح الطفولة التى يتغنون بها وتغرق فى الماضى ولا تعيش الاساءات وانما اطلب التعافى لينتهى ذلك الامر ولا تصبح اسير الامس ويتسرب حاضرك بين يديك لان👇 .

🌷الصحة النفسية حياة 🌷

التربية .... وسنينها

د.أميرة أحمد عفيفي
استشارى الصحة النفسية والارشاد الاسري.
عضو اتحاد المعالجيين النفسيين العرب.

Dr.Amira Ahmed Afify - د.أميرة أحمد عفيفى
مؤسسة كياني للصحة النفسية
مؤسسة كياني للدراسات النفسية والتدريب و الاستشارات
المعهد العربى الافريقى للدراسات النفسية

22/05/2026

🙋حقيقي 🫂❤️
تصبحوا على خير وسعادة وسلام من الله ومع الله.

22/05/2026

🤲فدعا ربه انى مغلوب فانتصر 🤲
ففروا الى الله ☝️
اليس الله بكاف عبده 🤲
🤲فما ظنكم برب العالمين🤲

22/05/2026

🧑‍🏫د.مى شرف - دكتوراه فى التربية الخاصة .

🟢 أخصائية تربية خاصة وتعديل سلوك الأطفال والمراهقين بإستخدام تحليل السلوك التطبيقى(ABA) .

🟢 متخصصة في العمل مع أطفال اضطراب طيف التوحد واضطراب فرط الحركة وتشتت الانتباه.

🟢مع تقديم برامج تدخل سلوكي وإرشاد أسري وتربوي قائم على أسس علمية ومهنية احترافية .

🟢 تؤمن د.مي بأن الفهم والدعم الصحيح يصنعان فرقًا حقيقيًا في حياة الطفل والأسرة.

🟢 د.مي شرف اسعدتنا بالدراسة معنا فى اكثر من دبلوم مهنى متخصص بالاضافة الى خبرتها العلمية والعملية وكفائتها المشهود بها من عملائها .

🟢 ولان المؤسسة لدينا غير متوفر بها تخصص التربية الخاصة وانتوا من فضل ربنا وثقتكم فينا بتطلبوا مننا ده فى خدمة العملاء واحنا بنوضح ان تخصص التربية الخاصة ليس متوفر لدينا انما قررنا نقدم المساعدة بتقديم اهل العلم والخبرة.

🟢 كان ترشيح د.مى شرف بناء على علمها وخبرتها العملية الطويلة فى المجال واصرارها على الدراسة طوال الوقت لتنمية خبراتها ومهارتها العلمية والمهنية بشكل مستمر .

🟢 من هنا كان لينا الشرف فى ترشيحها لكم فى مجال التربية الخاصة تقدروا تتواصلوا مع د.مي مباشرة للحصول على الجلسات المطلوبة وفق للحالة .

🟢لذا برجاء للحجز التواصل مع د.مي مباشرة وهى مشكورة حضرتها هتوضح كل التفاصيل اللى محتاجين تعرفوها فى الوقت المناسب لها ان شاء الله 👌

🟢 رقم د.مي شرف للحجز والاستفسار
📞01212241616

🟢 انتوا معاها اكيد فى ايد امينة حقيقي قادرة تقدم المساعدة على اعلى مستوى من المهنية والاحترافية .

د.أميرة أحمد عفيفي
استشاري الصحة النفسية والارشاد الاسري .
عضو اتحاد المعالجيين النفسيين العرب.

Dr.Amira Ahmed Afify - د.أميرة أحمد عفيفى
مؤسسة كياني للصحة النفسية
مؤسسة كياني للدراسات النفسية والتدريب و الاستشارات
المعهد العربى الافريقى للدراسات النفسية

21/05/2026

🫂انت اجمل من رأت عينى ... يا عينى😘😘

🤔التربية ... وسنينها.🙈

🟢 ربنا يبارك فى كل الاولاد والبنات يا رب ويرزقهم الخير والنجاح ويكفيهم شر اصدقاء السوء واماكن السوء ويصلح احوالهم ويجعلهم جميعاً من عباد الله الصالحين اينما وطئت اقدامهم الارض كانت بساتين الخير من نصيبهم آمين 🤲

🟢ولادنا والحكاية وما فيها 👇

🟢 الولاد دول نعمة كبيرة من الله عز وجل وهو بحكمته يهب من يشاء الاناث ويهب من يشاء الذكور ويجعل من يشاء عقيماً فقط فى الدنيا وهى ليست مستقر امام فى دار القرار فلهم ما شائوا من بنبن وبنات .

🟢 الانسان مش محروم من حاجة فى الدنيا وانما يختبر فى بعض الحاجات لوقت مؤقت لان الحياة مؤقته وسيعطيه الله من واسع كرمه بعد انتهاء اختبار الدنيا فليس اى شئ على الله بعزيز .

🟢 وحتى اللى ربنا سمح له يكون عنده ذرية ده كمان اختبار عظيم لانه مسئول ومحاسب عليهم هما نعمة يحاسب عليها الانسان ويسئل عنها واما فتحت له باب من ابواب الجنة او لا قدر الله عذب بها ان لم يصون النعمة ويقوم بدوره تجاههم كما اراد الله .

🟢 المشكلة فى التربية مش فى الولاد لا خالص فى نمط المربي او مقدم الرعاية وهو الام والاب .

🟢 لان الطفل اللى انت قررت تأتى به للحياة بفضل الله هو لا يعلم عنها ولا فيها شئ الا منك اولاً لانه من ساعة ما يتولد لحد حوالى اربع سنوات هو معاك غالب الوقت فى البيت وبره البيت لا راح مدرسة ولا حضانة ولا نادى ولا خرج لمجتمع .

🟢 فالذاكرة الفاضية دى فى شكل انسان جميل صغير مقطقط فى نفسه محتاجة اب وام اسوياء يقوموا على تربيته يعلموه عن الله قبل اى شئ بحب وعن حياته وعن الحياة عموماً وعن الاخرين حتى يصبح قادر حين يخرج للحياة ان تختبره ويختبرها .

🟢 يبقى الام والاب الاسوياء غالباً بنسبة كبيرة هيكون المنتج المتمثل فى اولادهم كده كمان لانهم نقلوا لهم كل ما هو سوى من خلالهم لهم فى تربيتهم لان البيئة طبيعية وصالحة فالزرعة قوية والثمرة ناضجة لانه تم الاعتناء بها جيداً وبذل لها كل ما هو غالى ونفيس .

🟢 اما لو الانسان لا يتمتع بالصحة النفسية وقرر يرتبط بشخص هو كمان عنده مشاكل او هو كان سبب فى اصابته بمشاكل اصبح البيئة مشحونة وغير صحية لتربية هذا الجميل المقطقط .

🟢 اصبحت بيئة مسيئة مضطربة والنتيجة ان الزرعة دى لم تروى بالقدر الكافى ضعيفة وهزيلة نفسياً سهلة الاختراق لا قدر الله والثمرة هتبقى عرضه انها تدبل فى اوقات كثير وغالباً هتدور وتختار شخص غلط ليرعاها فيؤذيها اكثر .

🟢 ولادنا امانة فى ايدينا اللى عنده اى مشاكل محتاج يحلها قبل ان يقرر ان يتزوج لان الزواج مش مصحة نفسية ولا شريك حياتك دوره يعالجك نهائى لا يعرف فى العلاج النفسي ولا يقدر يقدمه ان لم تكن انت سبب فى ضرره لو مضطر يستمر فى حياته معاك لاى سبب .

🟢 ولو الزوج والزوجة بالفعل تم الزواج لابد ان يعرفوا عن تربية الاولاد ازاى المراحل اللى هيمروا بيها واحتياجات كل مرحلة للنمو النفسي السليم والاسس التربوية الصحيحة للتعامل معهم ويقرروا هل انا وزوجتى مستعدين لاستقبال هذا الكائن المقطقط واخذ مسئولية تربيته على عاتقنا ولا نستنى اما نتعلم نتعامل معاه وبعدين اهلاً وسهلاً بيه .

🟢 التربية تحدى كبير فى الحياة محتاج حد عنده طاقة حب ومرح وعطاء وحكمة وصبر وحسم وقوة شخصية وليس مقصود بيها يكون الاب او الام عنيف نهائى انما قوى الشكيمة له هيبته واحترامه قريب جداً وحنين جداً انما محافظ على دوره كأب او ام كمان .

🟢 التربية محتاجة ام واب قناعتهم انى بعلمك مهارات الحياة واللى بتبدء بعلاقة مستقرة مع الله واخلاق وقيم ازرعها فيك وهى عندى بعملها بالفعل قدامك مش بحكيلك عنها وانا ابعد ما اكون عن انى اقوم بيها لا واعاقبك لما متنفذهاش كمان منتهى الخلل النفسي من هنا لبكره .

🟢 التربية محتاجة ثبات فى القواعد اللى اه اه واللى لا لا ونفهم ونوعى ونتناقش من غير انا لازم رأى يمشى فيمشى رأيك فى قاعدتكم مع بعض ويتكسر اول ما يخرج من عتبة البيت .

🟢 التربية محتاجة ام واب مسئولين متزنين نفسياً مش هوائيين ولا خفاف ابداً بيمشى علاقته مع الولاد على حسب حالته المزاجية اللى بتتغير كل ساعة فلو انا رايق خدوا كل اللى انتوا عاوزينه صح وغلط يا اولاد وانا مش رايق فكل حاجة لا ومن غير سبب غير ان حالتى المزاجية مش مكانها والله معلش ده يسبب اضطرابات للولاد فى التربية .

🟢 التربية محتاجة اب وام حنونين يعرفوا يطبطبوا ويحبوا ويقربوا فى اى وقت وكل وقت انت متاح بمشاعرك لاولادك اولاً بشكل متزن وليس مبالغ فيه يصل للدلال المفسد .

🟢 التربية قصة كبيرة وجداً واهم ما فيها التواصل الفعال انت موجود وسند وضهر اكيد فى اى وقت وفى اى سن .

🟢اللى عنده اولاد ينكشهم يبعت لهم بوست او نكتة او اغنيه يقول ويفعل وينطق اهم احتياج عند الانسان ان يتقبل ويتحب من اهم ناس فى حياته امه وابوه لو شبع منهم عمره ما حد هيقدر عليه .

🟢 الشبعان قوى قلبه جامد انما المحتاج سهل احتياجه يكسره لان سنهم صغير فالوعى عندهم صغير والاحتياجات النفسية لديهم ملحة لم تتزن بعد ولم يتعلموا كيفية اداراتها فبيكونوا عرضه للإستغلال فى علاقات مختلفة وللأسف بتنتهى بنهاية ممكن توجع قلوبهم الخضراء .

🟢 السيطرة والعنف فى التربية معناها ان المربي غير متزن وغير واعى وغير قادر على التعامل الصحى مع هذا الكائن الصغنن بل انه خايف منه ومحتاس فيه وبدل ما نواجه نفسنا بالحقيقة دى ونتعلم ازاى نربي نقول اسهل ان الولاد متعبيين ومش متربيين ونكمل دوائر الاساءة لهم بالحجة دى .

🟢 القوى بيواجه مخاوفه ونقط ضعفه ويروح يتعلم يحل مشكلته ازاى مش يكبر مشكلته ازاى .

🟢 الولاد نعمة كبير من الله عز وجل وهما ببرائتهم علاج لاوجاع كثير وازمات لم يتم مواجهتها والتعامل معها ولو اتعلمنا صح اؤكد لكم انك هتتعافوا بيهم ومعاهم بمنتهى السلاسة والحب
دمتم خير قدوة ومعين لاولادكم واللى لسه مقررش يتعلم علشانهم الوقت قدامك خد القرار وافتح كتب وادخل دورات مجانية لو انت غير قادر مادياً المعرفه والمصادر انهاردة سهلة قريبة وكثير خد القرار واطلب من الله يعينك وهتلاقى كل طرق الخير بتتفتح لك لان مفيش اجمل من انك تقرر تربى انسان صح .

🟢 دمتم انتم وازواجكم وزوجاتكم واولادكم واسركم بكل الخير يا رب 🤲

🟢 اى حد محتاج اى معلومات عن التربية او بيوجهوا مشكلة ما مع الولاد فى اى مرحلة يقدر يحضر معانا ان شاء الله المبادرة المهداه من المؤسسة مع بعض نقدر ويسألنى زى ما يحب وانا اكيد ده يسعدنى .

🟢 اشوفكم على كل خير قريباً فى الورشة بعد العيد
وكل سنة وانتم كلكم بألف خير .

🌷الصحة النفسية للأسرة حياة 🌷

د.أميرة أحمد عفيفي
استشارى الصحة النفسية والارشاد الاسري .
عضو اتحاد المعالجيين النفسيين العرب.
Dr.Amira Ahmed Afify - د.أميرة أحمد عفيفى
مؤسسة كياني للصحة النفسية
مؤسسة كياني للدراسات النفسية والتدريب و الاستشارات
المعهد العربى الافريقى للدراسات النفسية

21/05/2026

🙋انه رأسي... لا تبحث فيه عن افكارك 😉

🟢 من ضمن اخطاء التفكير هو محاولة قراءة افكار الاخرين وبناء على القراءة دى يصدر منك تصرف او سلوك تجاه الاخر بناء على قراءة افكارك للأخر .

🟢 ولاصلاح خطأ التفكير ده اسأل نفسك انا ليه بحاول اقرأ افكاره وهل من حق انسان ان يقرأ افكار انسان اخر ويحكم عليها كمان.

🟢 ده تفكير لا منطقى ولا عقلانى والبديل انى اسأل الشخص نفسه واسمع منه افكاره واسأله عن اللى بيدور جوايا واستفسر منه فى هدوء واديله مساحته انه يعبر عن ما يجول فى خاطره واسمع واحترم اللى بيتقال وبعدها اوزن المواقف واقرر انا محتاج اتصرف ازاى .

🟢 ببساطة اخرج من منطقة التسرع واصدار الاحكام الى التفكير المنطقى العقلانى مع تواصل فعال وايجابى واسهل بكثير من التنبؤ الذى يحمل الصحة او الخطأ انى اسأل الشخص مباشرة وافهم منه الصح والحقيقية وبس .

🟢 دور فى راسك انت بس عن افكارك اللى تخصك ... واسأل الاخر عن افكاره ودع له الفرصه ليعبر عن نفسه .

🟢اخطاء التفكير ... وسنينها 🙆

🌷الصحة النفسية حياة🌷

د.أميرة أحمد عفيفي
استشارى الصحة النفسية والارشاد الاسري.
عضو اتحاد المعالجيين النفسيين العرب .

Dr.Amira Ahmed Afify - د.أميرة أحمد عفيفى
مؤسسة كياني للصحة النفسية
مؤسسة كياني للدراسات النفسية والتدريب و الاستشارات
المعهد العربى الافريقى للدراسات النفسية

20/05/2026

❤️🫂تصبحوا على كل الخير ... يا اهل الخير 🫂

مؤسسة كياني للصحة النفسية

24/05/2026

24/05/2026

23/05/2026

23/05/2026

22/05/2026

22/05/2026

22/05/2026

21/05/2026

21/05/2026

20/05/2026

Address

Telephone

Website

Alerts

Contact The Business

Shortcuts

Share